བོད་ནང་རྒྱ་ནག་གཞུང་གིས་བོད་ཕྲུག་ཚོ་གཏན་འཇགས་སློབ་གྲྭའི་ནང་བཙན་གྱིས་བཅུག་པའི་གནས་སྟངས་ཐེར་འདོན་དང་། རྒྱལ་སྤྱིའི་སྤྱི་ཚོགས་སུ་དེ་འབྲེལ་དྲིལ་བསྒྲགས་གནང་མཁན་རྒྱལ་ལོ་ལགས་ཀྱིས་ཕྱི་ཟླ་ ༡༡ ཚེས་ ༡༦ ཉིན་ཁེ་ན་ཌའི་གྲོས་ཚོགས་ཀྱི་རྒྱལ་སྤྱིའི་འགྲོ་བ་མའི་ཐོབ་ཐང་ཚན་པའི་ཉན་ཞིབ་ཀྱི་ལས་རིམ་ཞིག་གི་ཐོག རྒྱ་ནག་གིས་བོད་ནང་དུ་བོད་ཕྲུག་ཚོར་རྒྱའི་སྐད་ཡིག་སློབ་གསོ་གཙོ་སྤེལ་དང་། བོད་ཕྲུག་རྣམས་གཞུང་གིས་གཉེར་བའི་བཅའ་སྡོད་སློབ་གྲྭར་གཏོང་བཅུག་པ། དེ་བཞིན་ཆོས་ཕྱོགས་ཀྱི་ལྟེ་གནས་ཁག་ལ་ཆོས་ཞུགས་བྱེད་པར་ཚོད་འཛིན་བཀག་སྡོམ་གྱི་སྲིད་བྱུས་ལག་བསྟར་བྱེད་པ་དེས་བོད་མིའི་སྤྱི་ཚོགས་ཀྱི་ངོ་བོར་བཅོས་སྒྱུར་གསར་བརྗེ་དང་ཉམས་ཉེས་གཏོང་བཞིན་ཡོད་པ་གསལ་སྟོན་གནང་འདུག
བོད་ཕྲུག་ཚོ་རང་གི་ཕ་སྐད་དང་འབྲེལ་བ་བཅད་པ།
བོད་དོན་ལས་འགུལ་བ་དང་སློབ་གསོ་བ་འབུམ་རམས་པ་རྒྱལ་ལོ་ལགས་སུ་ལོ་ངོ་ ༣༠ ཙ...





