དེ་རིང་སྤྲུལ་སྐུ་བསྟན་འཛིན་བདེ་ལེགས་མཆོག་རྒྱ་ནག་གཞུང་གིས་སྐུ་བཀྲོངས་ནས་ལོ་ ༡༡ འཁོར་བའི་ཉིན་མོ་དང་བསྟུན། བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་ No Tongue in Their Mouths: Allegations of Assault in Tenzin Delek Rinpoche’s Death ཞེས་སྤྲུལ་སྐུ་བསྟན་འཛིན་བདེ་ལེགས་དམ་པ་ཁོང་གི་ཚ་མོ་གྲོང་རྟ་ཚང་ཉི་མ་ལྷ་མོ་ལགས་ཀྱིས་བརྩམས་གནང་བའི་བདེ་དོན་གླེང་བའི་གཏམ་ཞེས་པའི་ཕྱག་དེབ་དབྱིན་སྒྱུར་ཞུས་པ་དེ་དབུ་འབྱེད་གནང་སོང་། དེ་ཡང་དེ་རིང་སྔ་དྲོ་ཕྱག་ཚོད་ ༡༡།༣༠ ཐོག་བཞུགས་སྒར་དུ་རྟེན་གཞི་བྱས་པའི་ནོར་བུ་གསོལ་མགྲོན་ཁང་གི་ཚོགས་ཁང་ནང་དུ། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གོ་སྒྲིག་དང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་ཞབས་ཞུ་ཚོགས་པའི་མཐུན་འགྱུར་འོག བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་གདན་ཞུས་ཐོག་ནས་དབྱིན་སྒྱུར་ ཕྱག་དེབ་དེ་དབུ་འབྱེད་ཀྱི་མཛད་སྒོ་ཞིག་འཚོགས་སོང་། ཚོགས་གཙོ་སྒྲོལ་མ་ཚེ་རིང་མཆོག་གིས་དེ་རིང་ཉི་མ་ལྷ་མོ་ལགས་ཀྱིས་དབྱིན་སྒྱུར་ཕྱག་དེབ་དེ་དབུ་འབྱེད་དང་འབྲེལ་ནས་གསུང་བཤད་གནང་བའི་ཁྲོད། སྤྲུལ་སྐུ་བསྟན་འཛིན་བདེ་ལེགས་མཆོག་གི་སྐུ་ཚའི་ལོ་རྒྱུས་ཀྱི་གནད་འགག་ཅན་གྱི་གནད་དོན་རྣམས་གསལ་སྟོན་དང་སྦྲགས། ཁོང་ནི་བོད་ནང་གི་བོད་མི་ཚོའི་མནར་གཅོད་ཇི་ཙམ་མྱངས་ཡོད་མིིན་དང་བོད་ཀྱི་ཆོས་དང་རིག་གཞུང་། སྐད་ཡིག་གི་ཆེད་དུ་བློས་གཏོང་ཇི་ཙམ་གནང་ཡོད་མིན་གྱི་བདེན་དཔང་ར་སྤྲོད་གནང་མཁན་ཞིག་ཡིན་པ་ལྟར་ཁོང་ནི་སྙིང་སྟོབས་ཀྱི་དཔའ་བོ་ཞིག་ཡིན་པ་དང་། ང་ཚོས་ཁོང་གི་སྙིང་སྟོབས་དཔེར་བླངས་ཏེ་དོན་མེད་ཀྱི་ཆོལ་ཁ་ཆོས་ལུགས་དབྱེ་འབྱེད་ཀྱི་གནད་དོན་ལ་མགོ་འཁོར་ནས་བསྡད་རྒྱུ་མེད་པར་བོད་མི་རིགས་དང་བོད་ཀྱི་རྩ་དོན་ཆེད་དུ་ཞབས་འདེགས་སྒྲུབ་ཕྱོགས་ཐད་བསམ་བློ་གཏོང་དགོས་གལ་ཡིན་པ་གསུངས་སོང་།   ཁོང་གིས་ད་དུང་དེང་སྐབས་འཛམ་གླིང་གང་སར་རྒྱ་ནག་གི་འཁྱོག་བཤད་དྲིལ་བསྒྲགས་ཤུགས་ཆེ་འགྲོ་བཞིན་པའི་དུས་སྐབས་འདིར། ང་ཚོས་འདི་ལྟ་བུའི་བདེན་དཔང་ར་སྤྲོད་ཀྱི་ཕྱག་དེབ་དེ་དག་གང་མང་འགྲེམས་སྤེལ་གནང་དགོས་པའི་སྐུལ་མ་གནང་སོང་། སྐབས་དེར་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་བསྟན་འཛིན་ཟླ་བ་ལགས་ཀྱིས། ཕྱག་དེབ་འདི་པར་བསྐྲུན་ཞུས་པའི་དགོས་པ་དང་གནད་འགག་སྐོར་ལ་གཏམ་བཤད་སྤེལ་བའི་ཁྲོད། ཉི་མ་ལྷ་མོ་ལགས་ནི་བོད་ནང་རྒྱ་ནག་གཞུང་གིས་བོད་མིའི་འགྲོ་བ་མིའི་ཐོབ་ཐང་རྩིས་མེད་རྡོག་རོལ་གྱི་སྡུག་རྩུབ་ཇི་ཙམ་གཏོང་གི་ཡོད་མིན་གྱི་དཔང་པོ་གལ་ཆེ་ཞིག་ཡིན་པ་དང་འབྲེལ་ནས་ཁོང་གི་བརྩམས་གནང་བའི་ཕྱག་དེབ་དེ་བདན་དཔང་ར་སྤྲོད་ཀྱི་ཐད་ནས་ཧ་ཅང་གལ་ཆེན་པོ་ཆགས་ཀྱི་ཡོད་པ་དང་། ལྟེ་གནས་ཁང་གི་ངོས་ནས་བོད་པའི་མི་རབས་གཞོན་པ་ཚོར་བོད་ནང་གི་དངོས་ཡོད་གནས་སྟངས་དང་བོད་མིའི་དཀའ་སྡུག་དང་བློས་གཏོང་གི་སྐོར་ལ་གོ་རྟོགས་མང་ཙམ་འཕེལ་རྒྱུར་དམིགས་ཏེ་ད་རེས་ཕྱག་དེབ་དེ་པར་བསྐྲུན་ཞུས་ཡོད་པ་གསུངས་སོང་། སྐབས་དེར་མཛད་སྒོའི་ཐོག་ཕེབས་པའི་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་ཞབས་ཞུ་ཚོགས་པའི་ཚོགས་གཙོ་དང་ཆབ་སྲིད་བཙོན་ཟུར་དགེ་བཤེས་ཚེ་རིང་རྡོ་རྗེ་ལགས་ཀྱིས། ཁོང་ཐོག་མར་བོད་ནས་རྒྱ་གར་ལ་ཕེབས་པའི་སྐབས་སུ་རང་གི་བླ་མ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གིས་བཙན་བྱོལ་ནང་དུ་བོད་ཀྱི་རྩ་དོན་ཆེད་དུ་ཕྱག་ལས་གནང་དགོས་པ་དང་། ཆོལ་ཁ་ཆོས་ལུགས་འཐེན་འཁྱེར་གྱི་ལས་དོན་རིགས་སྤེལ་རྒྱུ་མེད་པའི་ཞལ་ཆེམས་སློབ་གསོ་བསྐྱོན་ཡོད་པ་དང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་འབྲེལ་བཀའ་སློབ་རིམ་པ་ཕེབས་ཡོད་པ་ལུང་འདྲེན་དང་སྦྲགས།...

དེ་ཡང་ཟླ་འདིའི་ཕྱི་ཚེས་ ༢ ཉིན་ཨ་རི་གྲོང་ཁྱེར་ནིའུ་ཡོག་ཏུ་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་མདུན་དུ་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་བོད་བསྟན་སྲིད་མི་རིགས་ཀྱི་ཆེད་དུ་སྐུ་ལུས་མེར་བསྲེགས་ཕུལ་བ་དང་བསྟུན། ནིའུ་ཡོག་གཙོས་པའི་ཁེ་ན་ཌ་དང་རྒྱ་གར། ཡོ་རོབ་སོགས་ཀྱི་ནང་ལས་འགུལ་རྣམ་པ་འདྲ་མིན་གྱི་ཐོག་ནས་སྤེལ་དང་སྤེལ་མུས་ཁྲོད། ཨ་རིའི་ནིའུ་ཡོག་དང་ནིའུ་ཇར་སིའི་བོད་རིགས་སྤྱི་མཐུན་ཚོགས་པའི་འགན་འཁུར་འོག་ནིའུ་ཡོག་གི་མཉམ་འབྲེལ་རྒྱལ་ཚོགས་ཀྱི་མདུན་དུ་དཔའ་བོ་དམ་པ་བློ་དགའ་རང་བཙན་ལགས་དང་འབྲེལ་བའི་དྲན་རྟེན་གྱི་འདྲ་སྐུ་ཞིག་བཞེངས་རྒྱུའི་ལས་འགུལ་སྤེལ་མུས་ཡིན་པ་རེད་འདུག དྲན་རྟེན་གྱི་འདྲ་སྐུ་དང་འབྲེལ་བའི་ལས་འགུལ་ནང་ actionnetwork.org ཞེས་པའི་དྲྭ་གནས་ཐོག་མཚན་རྟགས་བསྡུ་རུབ་གནང་བཞིན་འདུག་པས་ད་བར་མི་གྲངས་ ༡༠༥༧༩ ཡི་མཚན་རྟགས་བཀོད་འདུག་པ་དང་། འཆར་གཞི་ལ་གཞིགས་ན་ནིའུ་ཡོག་མཉམ་འབྲེལ་རྒྱལ་ཚོགས་ཀྱི་མདུན་དུ་དཔའ་བོ་བློ་དགའ་རང་བཙན་ལགས་ཀྱི་འདྲ་སྐུ་ཞིག་བཞེངས་རྒྱུ་དང་བོད་ཀྱི་རྒྱལ་དར་ཞིག་སྒྲེང་འཛུགས་གནང་རྒྱུ་ཡིན་པ་མ་ཟད། དཔའ་བོ་དམ་པ་ཁོང་གི་མཐའ་མའི་ཞལ་ཆེམས་དེ་བཞིན་ཚིག་ཐོ་ཐོག་བཀོད་རྒྱུ་ཡིན་པ་རེད་འདུག གནས་ཚུལ་དེ་འབྲེལ་འདི་ག་རླུང་འཕྲིན་ཁང་ལ་ཨ་རིའི་ནིའུ་ཡོག་དང་ནིའུ་ཇར་སིའི་ས་གནས་གཞོན་ནུ་ལྷན་ཚོགས་ཀྱི་ཚོགས་ཟུར་བློ་བཟང་ཚེ་རིང་ལགས་ཀྱིས་བརྗོད་དོན་ལྟར་ན། རེས་གཟའ་ཕུར་བུའམ་བདུན་ཚིགས་རེ་ལ་ས་གནས་གཞོན་ནུ་ལྷན་ཚོགས་ཀྱི་གོ་སྒྲིག་འོག་མཉམ་འབྲེལ་རྒྱལ་ཚོགས་ཀྱི་མདུན་དུ་ལས་འགུལ་འདྲ་མིན་སྤེལ་རྒྱུ་ཡིན་པ་འགྲེལ་བརྗོད་དང་སྦྲགས། བོད་ཀྱི་བུད་མེད་ལྷན་ཚོགས་ནས་ཀྱང་ཟས་བཅད་ངོ་རྒོལ་གྱི་ལས་འགུལ་སྤེལ་རྒྱུ་ཡིན་པ་དང་སྒེར་སོ་སོ་ནས་ཆོས་ཕྱོགས་ཀྱི་ལས་འགུལ་སོགས་སྤེལ་དང་སྤེལ་མུས་ཡིན་པ་མ་ཟད། དཔའ་བོ་དམ་པ་བློ་དགའ་རང་བཙན་ལགས་དང་འབྲེལ་བའི་དྲན་རྟེན་གྱི་འདྲ་སྐུ་ཞིག་བཞེངས་རྒྱུའི་འཆར་གཞི་ཡོད་པ་དང་དེའི་ལས་འགུལ་སྤེལ་མུས་ཡིན་པ་འགྲེལ་བརྗོད་གནང་སོང་། ཕྱོགས་མཚུངས་དཔའ་བོ་བློ་དགའ་རང་བཙན་ལགས་དང་འབྲེལ་བའི་འཛམ་གླིང་ས་ཕྱོགས་གང་སར་ངོ་རྒོལ་གྱི་ལས་འགུལ་སྤེལ་མུས་ཁྲོད། དེ་རིང་རྒྱ་གར་ཀོལ་ཀ་ཊ་རྒྱ་ནག་གཞུང་ཚབ་ཁང་གི་མདུན་དུ་གཞུང་ཁོངས་མ་ཡིན་པའི་ཚོགས་པ་ཁག་གཅིག་མཉམ་སྦྲེལ་ཐོག་ངོ་རྒོལ་གྱི་ལས་འགུལ་སྤེལ་འདུག་པ་དང་། ཡོ་རོབ་དང་ཁེ་ན་ཌ་གཙོས་པའི་ས་ཕྱོགས་གང་སར་དཔའ་བོ་དམ་པ་ཁོང་དང་འབྲེལ་བའི་མཆོས་འབུལ་སྨོན་ལམ་དང་མར་མེ་ཁྲོམ་སྐོར་སོགས་ཀྱི་བརྒྱུད་ནས་ཁོང་ཉིད་རྗེས་དྲན་གནང་བཞིན་པ་རེད་འདུག སྤྱིར་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་རྒྱལ་ཚོགས་མདུན་དུ་རང་ལུས་མེར་བསྲེགས་བརྒྱུད་རང་ཉིད་ཀྱི་གཅེས་པའི་ལུས་སྲོག་བློས་བཏང་གི་ལས་འགུལ་དེ་བཞིན་རྒྱ་ནག་གིས་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་ཟེར་བ་དངོས་སུ་ལག་བསྟར་བྱེད་འགོ་ཚུགས་ནས་ཉིན་གཅིག་གི་རྗེས་སུ་སྤེལ་བ་ཞིག་ཆགས་ཡོད། ཨ་རིར་རྟེན་གཞི་བྱས་པའི་རྒྱལ་སྤྱི་བོད་དོན་ལས་འགུལ་ཁང་གིས་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་བློས་བཏང་ལ་མྱ་ངན་གུས་འདུད་དང་འབྲེལ། མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཟེར་བ་དེའི་བརྒྱུད་ནས་བོད་ཀྱི་ཆོས་དང་རིག་གཞུང་སོགས་རྩ་མེད་དུ་གཏོང་རྒྱུའི་ཉེན་ཁ་ཡོད་པ་འགྲེལ་བརྗོད་ཀྱིས། མཚན་རྟགས་བསྡུ་རུབ་ཀྱི་ལས་འགུལ་བརྒྱུད་ནས་ཨ་རིའི་གྲོས་ཚོགས་འཐུས་མི་རྣམས་ལ་ཞུ་གཏུགས་ཀྱི་ལས་འགུལ་དབུ་འཛུགས་གནང་འདུག དེིའི་ཁྲོད་བོད་དོན་ལས་འགུལ་ལྟེ་གནས་ཁང་གི་ངེས་སྟོན་པ་བཀྲས་མཐོང་ལྷ་སྒྲོན་ལགས་ཀྱིས་ངོ་དེབ་བརྒྱུད་བསྒྲགས་གཏམ་ཞིག་སྤེལ་བའི་ནང་། རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གཙོ་འཛིན་ Volker Turk ལགས་ཀྱིས་ད་བར་བོད་ནང་གི་འགྲོ་བ་མིའི་ཐོབ་ཐང་དང་ལྷག་པར་དུ་རྒྱ་ནག་གིས་བཙན་དབང་ཐོག་ལག་བསྟར་བྱེད་བཞིན་པའི་བཅའ་སྡོད་སློབ་གྲྭའི་སྐོར་ཚིག་གཅིག་ཀྱང་བཤད་མེད་པ་ནན་བརྗོད་དང་སྦྲགས། བོད་རིགས་གཙོ་བོར་འགྱུར་བའི་འགྲོ་བ་མིའི་ཐོབ་ཐང་རྩོད་ལེན་པ་རྣམས་ཀྱི་མཚན་རྟགས་བསྡུ་རུབ་ཀྱི་ལས་འགུལ་ཞིག་སྤེལ་འདུག་པ་དང་། ད་བར་མི་གྲངས་ ༡༦༦༠ ཡི་མཚན་རྟགས་བཀོད་ཟིན་པ་རེད་འདུག The post རྒྱལ་ཚོགས་ཀྱི་མདུན་དུ་དཔའ་བོ་བློ་དགའ་རང་བཙན་ལགས་ཀྱི་དྲན་རྟེན་འདྲ་སྐུ་བཞེངས་རྒྱུའི་ལས་འགུལ་སྤེལ་བཞིན་པ། appeared first on...

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་ལ་དྭགས་བྱང་ཐང་ཁུལ་དུ་འཚམས་གཟིགས་ཀྱིས་མང་ཚོགས་ལ་གསུང་བཤད་གནང་བའི་ཁྲོད།   ཁུལ་དེར་འཛུགས་སྐྲུན་གྱི་ལས་གཞི་གང་དང་གང་ཡིན་རུང་མ་འོངས་ཕུགས་རྒྱང་རིང་པོར་དམིགས་ཏེ་འཆར་གཞི་ལྡན་པའི་འོག་ནས་སྤེལ་དགོས་པ་དང་།  ལ་དྭགས་གླེ་བྱང་ཚུད་པའི་བོད་མིའི་རུབ་སྡོད་ས་ཁུལ་ཆ་ཚང་ཚགས་ཚུད་དགོས་གལ་ཡིན་པ་མ་ཟད།  སྤྱི་ནོར་༸གོང་༸སྐྱབས་མགོན་ཆེན་པོ་མཆོག་གི་མཛད་འཕྲིན་ལ་ངེས་པར་དུ་བཀའ་དྲིན་རྗེས་དྲན་ཞུ་དགོས་པའི་སྐུལ་མ་གནང་འདུག  རྩ་བའི་ཉེ་ལམ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༡ བདག་གིར་བཞེས་པའི་༸སྐུའི་འཁྲུངས་སྐར་ལ་དྭགས་སུ་སྲུང་བརྩི་གཟབ་རྒྱས་དང་བསྟུན།  བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ནས་གསར་དུ་འདེམས་ཐོན་བྱུང་བའི་བཀའ་ཤག་སྐབས་བཅུ་བདུན་པའི་ཚབ་བྱས་ཏེ་ཁུལ་དེར་ཆེད་ཕེབས་ཀྱིས། ལ་དྭགས་བསོད་ནམས་གླིང་བོད་མིའི་གཞིས་ཆགས་དང་། བོད་ཕྲུག་ཁྱིམ་སྡེ། རྒས་གསོ་ཁང་བཅས་སུ་འཚམས་གཟིགས་གནང་ཡོད་པ་དང་།  ཕྱི་ཚེས་ ༩ ཉིན་སྲིད་སྐྱོང་མཆོག་ནས་ལ་དྭགས་བྱང་ཐང་ཉོ་མར་འཚམས་གཟིགས་ཀྱིས་མི་མང་ལ་གསུང་བཤད་གནང་ཡོད་པ་མ་ཟད།  ཕྱི་ཚེས་ ༡༠ ཉིན་ལ་བྱང་བཀག་གཞུང་དང་། རྒོད་ཡུལ། ཧན་ལེ་བཅས་སུ་འཚམས་གཟིགས་དང་འབྲེལ་མང་ཚོགས་ལ་གསུང་བཤད་གནང་ཡོད་པ།  ལྷག་པར་དུ་ཐེངས་འདིའི་ལ་བྱང་ཁུལ་དུ་འཚམས་གཟིགས་དེ་བཞིན་སླར་ཡང་སྲིད་སྐྱོང་དུ་འདེམས་ཐོན་བྱུང་བའི་སྤེན་པ་ཚེ་རིང་མཆོག་གིས་འཚམས་གཟིགས་གནང་བ་ཐེངས་གསུམ་པ་དེ་ཆགས་ཀྱི་ཡོད་པ་རེད།  སྲིད་སྐྱོང་སྤེན་པ་ཚེ་རིང་མཆོག་གིས་ལ་དྭགས་བྱང་ཐང་གི་མང་ཚོགས་ལ་གནད་དོན་མང་དག་ཅིག་གི་ཐོག་གསུང་བཤད་གནང་བའི་ཁོངས་སུ་གཙོ་བོ།  སྲིད་སྐྱོང་མཆོག་གིས་ཐེངས་འདིར་གླེ་བྱང་ཁུལ་དུ་རྟོག་ཞིབ་ཁྲོད་ས་གནས་དེར་ཡར་རྒྱས་གང་ལ་གང་ཙམ་ཕྱིན་ཡོད་པ་མངོན་རྒྱུ་འདུག་སྐོར་དང་འབྲེལ།  བོད་མིའི་སྒྲིག་འཛུགས་ཀྱི་ཕྱག་ལས་ནང་ནས་གལ་ཆེ་བ་གཅིག་ནི་གཞུང་དང་མི་མང་བར་འབྲེལ་བ་ཡག་པོ་ཉར་ཚགས་བྱ་རྒྱུ་དེ་ཡིན་པས།  བཀའ་ཤག་སྐབས་བཅུ་བདུན་པའི་ངོས་ནས་བོད་མིའི་འདུ་སྡོད་ས་གནས་ཁག་ཏུ་དེ་སྔོན་ལྟར་ཐེངས་གཉིས་རེ་འཚམས་གཟིགས་གནང་རྒྱུ་གལ་ཆེན་དོན་ཆེན་དུ་བརྩི་ཡི་ཡོད་པ་དང་།  བཙན་བྱོལ་སྤྱི་ཚོགས་ཀྱི་རྨང་གཞི་དེ་བཞིན་བོད་མིའི་གཞིས་ཆགས་དང་རུབ་སྡོད་ས་ཁུལ་རེ་རེ་ཡན་ཆད་ཀྱིས་མཚོན་གྱི་ཡོད་པ་མ་ཟད།  དེས་སྤྱི་ཡོངས་ཀྱི་བོད་མིའི་སྒྲིག་འཛུགས་ཀྱང་རང་བཞིན་གྱི་ཡག་པོ་ཞིག་ཆགས་རྒྱུ་ཡིན་དུས།  གླེ་བྱང་ཚུད་པའི་བོད་མིའི་རུབ་སྡོད་ས་ཁུལ་ཁག་ཚགས་ཚུད་དགོས་གལ་དང་།  གང་ལྟར་ཁུལ་འདིར་འཛུགས་སྐྲུན་གྱི་ལས་གཞི་གང་ཞིག་སྤེལ་གྱི་ཡོད་པ་དེ་དག་མ་འོངས་ལོ་མང་པོར་དམིགས་ཏེ་འཆར་གཞི་ལྡན་པའི་ཐོག་ནས་གནང་དགོས་པ་གསུངས་འདུག  ལྷག་པར་དུ་རྒྱལ་སྤྱིའི་སྤྱི་ཚོགས་ནས་ད་བར་བོད་མིའི་སྒྲིག་འཛུགས་ལ་དཔལ་འབྱོར་གྱི་རོགས་རམ་མཚོན་པའི་སྲིད་སྐྱོང་ལ་གུས་ཞབས་སྣེ་ལེན་གང་ཐོབ་ཀྱི་ཡོད་པ་དེ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེ་བཀའ་དྲིན་ཉག་ཅིག་ལ་བརྟེན་ནས་ཡོང་གི་ཡོད་པ་དང་།  ༸མགོན་པོ་མཆོག་གིས་བཀའ་དགོངས་དབུ་མའི་ལམ་གྱི་གནད་འགག་སྐོར་ངོ་སྤྲོད་གནང་བ་མ་ཟད།  ༸གང་ཉིད་མཆོག་གི་ཐུགས་སྐྱེད་དམ་བཅའ་བཞི་སྟེ་དུས་ཀྱི་དགོས་མཁོ་དང་མཐུན་པའི་བཀའ་སློབ་ལམ་སྟོན་ཤ་སྟག་ཡིན་པ་དང་།  ༸གོང་ས་མཆོག་གིས་བོད་བརྒྱུད་ནང་བསྟན་ཏེ་བྱམས་སྙིང་རྗེ་དང་འཚེ་བ་མེད་པའི་རྩ་བ་ཚུགས་པའི་བསམ་བློའི་འཁྱེར་སོ་ཞིག་ཡིན་དུས་དེས་འཛམ་གླིང་ཡོངས་ལ་ཕན་ཐོགས་སྒྲུབ་ཐུབ་ཀྱི་ཡོད་པ་སོགས་བཀའ་སྩལ་མཛད་ཀྱི་ཡོད་པ་དག་ལ་དོ་སྣང་གནང་དགོས་པའི་དྲན་སྐུལ་གྱིས།  ༸གོང་ས་མཆོག་དགུང་གྲངས་ ༡༣༠ ལྷག་སྐུ་འཚོ་བཞུགས་མཛད་རྒྱུའི་ཞལ་བཞེས་ཡོད་ཀྱང་དེར་བླ་སློབ་ཀྱི་དམ་ཚིག་ཡག་པོ་དགོས་གལ་ཡིན་པ་དང་།  ༸མགོན་པོ་མཆོག་གིས་མུ་མཐུད་མཛད་པ་འཕྲིན་ལས་སྐྱོང་བཞིན་པ་ཁག་ལ་མི་མང་ཚོས་བཀའ་དྲིན་རྗེས་དྲན་ཞུ་དགོས་གལ། དེ་བཞིན་ང་རང་ཚོའི་བཙན་བྱོལ་སྤྱི་ཚོགས་ནང་གི་གནས་ཚུལ་ཆུང་ཆུང་རིགས་ཀྱིས་༸སྐུ་མདུན་ཐུགས་སུན་པོ་བཟོ་མི་དགོས་པ་ཞིག་ངེས་པར་དུ་གནང་དགོས་པ་གསུངས་འདུག་ལ།  ༸གང་ཉིད་སྐུ་འཚོ་བཞུགས་མེད་པའི་དུས་སུ་བོད་མིའི་སྒྲིག་འཛུགས་ལ་ད་ལྟ་བཞིན་ཆེ་མཐོང་མུ་མཐུད་ཐོབ་པའི་རེ་བ་དང་ང་ཚོའི་ངོས་ནས་ཀྱང་༸གོང་ས་མཆོག་གིས་སོན་བཏབ་གནང་མཛད་པའི་མང་གཙོའི་ལམ་ལུགས་མུ་མཐུད་རྒྱུན་སྐྱོང་ཐུབ་པ་གནང་དགོས་གལ་ཡིན་པ་གསུངས་འདུག  ལྷག་པར་དུ་སྲིད་སྐྱོང་མཆོག་གིས་མང་ཚོགས་ལ་བོད་ཀྱི་སྣོད་ཀྱི་བྱུང་རབས་ལོ་རྒྱུས་དང་དེང་དུས་རྒྱལ་སྤྱིའི་ས་ཁམས་ཆབ་སྲིད་སྐོར་ངོ་སྤྲོད་དང་འབྲེལ། ...

བོད་དོན་ལ་ཡུན་རིང་རྒྱབ་སྐྱོར་གནང་མཁན་ཨ་རིའི་གྲོས་ཚོགས་འཐུས་མི་ Lindsey Graham ལིནྜ་སི་གྷ་ར་ཧམ་ལགས་འདི་ཚེས་ ༡༡ ཉིན་སྙུང་གཞི་རྐྱེན་པས་དགུང་ལོ་ ༧༡ ཐོག་འདས་གྲོངས་སུ་གྱུར་བའི་ཡིད་སྐྱོའི་གནས་ཚུལ་ཐོན་འདུག དེ་ཡང་དམ་པ་ཁོང་གིས། དེ་སྔོན་ཕྱི་ལོ་ ༢༠༢༠ ལོར་བོད་དོན་རྒྱབ་སྐྱོར་གྱི་ཁྲིམས་ཡིག་ Tibet Policy and Support Act 2020 དང་། ༢༠༢༤ ལོར་བོད་རྒྱའི་རྩོད་རྙོག་སེལ་ཐབས་ཀྱི་ཁྲིམས་ཡིག Resolve Tibet Act བཅས་ལ་རྒྱབ་སྐྱོར་གནང་ཡོད་པ་དང་། ཉེ་ལམ་ཕྱི་ཟླ་ ༦ ཚེས་ ༢༥ ཉིན་ཨ་རིར་རྟེན་གཞིས་བྱས་པའི་རྒྱ་ནག་གཞུང་ཚབ་ལ་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་ཟེར་བ་དེས་བོད་མི་སོགས་ཀྱི་སྐད་ཡིག་དང་རིག་གཞུང་ཐད་ཉེན་འཚབ་ཆེ་བས་ཕྱིར་བསྡུ་དགོས་པའི་དགོས་འདུན་བཏོན་མཁན་ཁོངས་སུ་ཡོད་པ་རེད། མ་ཟད་ཕྱི་ལོ་ ༢༠༡༨ ལོའི་སྲིད་འཛིན་ Trump ཊོམཔ་ཀྱིས་འཆར་འབུལ་ཞུས་པའི་ཨ་རིའི་སྔོན་རྩིས་ཁྲོད་བོད་མི་ཚོར་རོགས་དངུལ་སྤྲོད་རྒྱུ་མཚམས་འཇོག་གནང་འཆར་ལ་གྲོས་ཚོགས་ནས་རྒྱབ་སྐྱོར་གནང་རྒྱུ་མེད་པའི་ཞུ་སྙན་བསྡུ་རུབ་ཀྱི་ལས་འགུལ་ཞིག་སྤེལ་བའི་སྐབས། དམ་པ་ཁོང་ཨ་རིའི་གྲོས་ཚོགས་འཐུས་མི་དང་གྲོས་ཚོགས་ཀྱི་སྔོན་རྩིས་བསྐྱར་ཞིབ་ཚོགས་ཆུང་གི་ཚོགས་མི་ཡིན་པ་སོགས་བོད་དོན་ལ་ཡུན་རིང་ནས་རྒྱབ་སྐྱོར་གནང་མཁན་ཞིག་ཡིན་པ་རེད་འདུག རྩ་བའི་དམ་པ་ཁོང་ནི་ཕྱི་ལོ་ ༡༩༥༥ ལོར་སྐྱེས་ཤིང་།...

ཕྱི་ལོ་ ༢༠༢༦ ཟླ་བ་ ༧ ཚེས་ ༦ ནས་ ༨ བར་ཉིན་གྲངས་གསུམ་རིང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་རྗེས་དྲན་དང་། འཛམ་གླིང་ཞི་བདེ་ལ་དམིགས་པའི་ཡུ་རོབ་ཆོ་འཕྲུལ་སྨོན་ལམ་ཆེན་མོ་ཐེངས་དང་པོ་དེ་ཧྥ་རན་སིའི་རྒྱལ་ས་པེ་རི་སིར་འཚོགས་འདུག ལོ་རྒྱུས་རང་བཞིན་ལྡན་པའི་ཆོ་འཕྲུལ་སྨོན་ལམ་ཆེན་མོ་དེར་༸སྐྱབས་རྗེ་དགའ་ལྡན་ཁྲི་རིན་པོ་ཆེ་མཆོག་དང་། མཚུངས་མེད་ཤར་བྱང་ཆོས་རྗེ་རྣམ་པ་གཉིས་གཙོས་པའི་རིས་མེད་ཀྱི་སྐྱེས་ཆེན་དམ་པ་ཁག་གཅིག་དབུ་བཞུགས་གནང་འདུག་ལ། ཡུ་རོབ་ཁུལ་དུ་ཆོ་འཕྲུལ་སྨོན་ལམ་ཆེན་མོ་གོ་སྒྲིག་ཞུ་དགོས་པའི་དམིགས་ཡུལ་གཙོ་བོ་དེ། ནང་པ་སངས་རྒྱས་པའི་བསྟན་པ་དར་ཞིང་རྒྱས་པ་དང་། ལྷག་པར་ཡུ་རོབ་ཁུལ་དུ་འཛམ་གླིང་དམག་ཆེན་གཉིས་ཀྱི་སྐབས་སུ་རྐྱེན་འདས་སུ་ཕྱིན་པ་དང་། ནད་ཡམས་དབང་གིས་ཚེ་ལས་འདས་པ་ཡོངས་ལ་བསྔོ་སྨོན་དང་། འཛམ་གླིང་ཞི་བདེ་ཡོང་བའི་ཆེད་དུ་ཡིན་པ་གོ་སྒྲིག་ཚོགས་ཆུང་ནས་འགྲེལ་བརྗོད་གནང་གི་འདུག The post ཧྥ་རན་སིའི་རྒྱལ་ས་པེ་རི་སིར་ཡུ་རོབ་ཆོ་འཕྲུལ་སྨོན་ལམ་ཆེན་མོ་ཐེངས་དང་པོ་སྐོང་འཚོགས། appeared first on vot.

ཁ་སང་ཨ་རིའི་ནང་གི་ཕྱི་ཚེས་ ༩ ཉིན་རྒྱབ་ནིའུ་ཡོག་ཏུ་ཡོད་པའི་རྒྱལ་ཚོགས་ལས་ཁུངས་ཀྱི་རྒྱལ་སྒོའི་མདུན་དུ་བོད་མི་ལས་འགུལ་བ་གསུམ་ནས་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་བློས་བཏང་ལ་དྲང་བདེན་དགོས་པའི་དགོས་འདུན་ཐོག་ངོ་རྒོལ་ལས་འགུལ་སྤེལ་འདུག དེ་ཡང་ཁ་སང་རྒྱལ་གཅེས་དཔའ་བོ་བློ་དགའ་རང་བཙན་ལགས་དམ་པའི་བདུན་ཚིགས་དང་པོར་རྗེས་དྲན་ཞུ་ཕྱིར་ཉིན་རྒྱབ་ཕྱག་ཚོད་ ༣.༢༥ ཙམ་ལ་ཨ་རི་བོད་རང་བཙན་སློབ་ཕྲུག་ཚོགས་པ་ནས་ཚེ་ལྷ་ རྫོགས་སངས་ལགས་དང་། བསྟན་འཛིན་དཀོན་མཆོག་ལགས། བསྟན་འཛིན་ཚེ་བརྟན་ལགས་བཅས་གསུམ་གྱིས་ཕྱག་ཏུ་རྒྱལ་གཅེས་པ་བློ་དགའ་ལགས་ཀྱིས་བོད་རང་བཅན་ཆེད་སྐུ་ལུས་མེར་བསྲེགས་གནང་བ་དང་མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་དྲུང་ཆེ་ནས་བོད་ཐོག་ཁ་ཁུ་སིམ་པོར་སྡོད་རྒྱུ་མཚམས་འཇོག་དགོས་པ་སོགས་ཀྱི་དགོས་འདུན་སྦྱར་ཡིག་རྣམས་འཕྱར་བཞིན་རྒྱལ་ཚོགས་ཀྱི་ལས་ཁུངས་ལྕགས་ཁྲའི་རྒྱལ་སྒོར་རང་ཉིད་ལྕགས་ཐག་གིས་བཅིངས་ནས་རྒྱལ་སྒོའི་འགྲོ་ལམ་བཀག་འགོག་གིས་ངོ་རྒོལ་སྐད་འབོད་གནང་སྐབས་ཉེན་རྟོག་པས་ལས་འགུལ་བ་གསུམ་པོ་འཛིན་བཟུང་གིས་ཆུ་ཚོད་ ༤ བཀར་ཉར་རྗེས་གློད་བཀྲོལ་བཏང་འདུག  དེའི་སྐོར་ཨ་རི་བོད་རང་བཙན་སློབ་ཕྲུག་ཚོགས་པའི་འགན་འཛིན་བསྟན་འཛིན་སྨིན་ལེགས་ལགས་སུ་དེ་རིང་སྔ་དྲོ་ཞལ་པར་བརྒྱུད་བཀའ་འདྲི་ཞུས་ཡོད། ཐེངས་འདིའི་ངོ་རྒོལ་ལས་འགུལ་དང་འབྲེལ་ཨ་རི་བོད་རང་བཙན་སློབ་ཕྲུག་ཚོགས་པས་གསར་འགོད་བསྒྲགས་གསལ་བསྒྲགས་ཤིག་འདོན་སྤེལ་གནང་བའི་བརྒྱུད། བོད་མི་གཞོན་སྐྱེས་ཚོས་འཛམ་གླིང་མཉམ་འབྲེལ་རྒྱལ་ཚོགས་དང་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གཙོ་འཛིན་སྐུ་ཞབས་ Volker Türk ལགས་སུ་བོད་ཀྱི་གནད་དོན་ཐོག་ཁ་ཁུ་སིམ་པོར་སྡོད་རྒྱུ་མེད་པ་དང་རྒྱལ་ཚོགས་ཀྱིས་གནད་འགག་ཆེ་བའི་དུས་སྐབས་འདིར་རྒྱལ་གཅེས་དཔའ་བོ་བློ་དགའ་རང་བཙན་ལ་དྲང་བདེན་གྱི་རྒྱབ་སྐྱོར་མཚོན་པའི་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐད་ཡ་ལན་གང་ཡང་མ་བྱས་སྟབས། གོ་ལ་ཡོངས་ལ་བོད་དོན་ཐོག་ལས་འགུལ་སྤེལ་དགོས་པའི་སྐུལ་མ་གནང་བཞིན་ཡོད་ལ། ལྷག་པར་དུ་རྒྱལ་གཅེས་པ་བློ་དགའ་རང་བཙན་ལགས་དམ་པའི་སྙིང་སྟོབས་ཀྱིས་འཛམ་གླིང་ཡོངས་ཀྱི་བོད་མི་ཚོར་སེམས་ཤུགས་སྤོར་བཞིན་ཡོད་པས་ཁོང་ཚོས་ཀྱང་བོད་ཀྱི་གནད་དོན་ཐད་རང་ཉིད་ཀྱི་ལས་དོན་སྒྲུབ་རྒྱུ་ཡིན་ཞེས་ནན་བཤད་གནང་འདུག ཁ་སང་རྒྱལ་ཚོགས་ཀྱི་རྒྱལ་སྒོའི་མདུན་དུ་ལྕགས་ཐག་གིས་བཅིངས་ནས་ངོ་རྒོལ་གནང་མཁན་ཁོངས་སུ་ཡོད་པ་ཨ་རི་བོད་རང་བཙན་སློབ་ཕྲུག་ཚོགས་པའི་ལས་འགུལ་བ་ཚེ་ལྷ་རྫོགས་སངས་ལགས་ཀྱིས་གསར་འགོད་པའི་དྲི་བར་ལན་འདེབས་ཁྲོད། རྒྱ་ནག་གིས་ལོ་ངོ་བཅུ་ཕྲག་མང་པོའི་རིང་བོད་ལ་དམ་དྲག་ཤུགས་ཆེ་བྱས་ཡོད་ལ། བོད་མི་ ༡༧༠ ལྷག་གིས་རྒྱ་གཞུང་ལ་ངོ་རྒོལ་གྱིས་སྐུ་ལུས་མེར་བསྲེགས་གནང་སྟེ་ཉིན་ཞིག་རང་དབང་ལྡན་པའི་བོད་ཅིག་མཐོང་ཐུབ་པའི་རེ་འདུན་བཅངས་ཡོད་སྐོར་གསུངས་པ་མ་ཟད། ཟླ་བ་འདིའི་ཕྱི་ཚེས་ ༡ ནས་གཞུང་འབྲེལ་གྱིས་ལག་བསྟར་བྱེད་འགོ་བཙུགས་པའི་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཟེར་བ་དེ་མི་རིགས་བཙན་སྒྱུར་གྱི་སྲིད་བྱུས་ཤིག་ཡིན་པས་བོད་མིའི་ངོ་བོར་ཉེན་ཁ་ཆེན་པོ་བཟོ་བཞིན་ཡོད་པར་སྐྱོན་བརྗོད་གནང་འདུག སྐབས་དེར་ལས་འགུལ་ནང་མཉམ་ཞུགས་གནང་མཁན་ཁེ་ན་ཌར་གནས་བཞུགས་བོད་མི་ལས་འགུལ་བ་འཆི་མེད་ལྷ་མོ་ལགས་ཀྱིས་མཉམ་འབྲེལ་རྒྱལ་ཚོགས་ཀྱིས་ཡང་ནས་ཡང་དུ་བོད་དང་བོད་ནང་གི་གནས་སྟངས་ཇི་བྱུང་ཐད་བརྗེད་པ་དང་སྣང་མེད་གཏོང་བཞིན་པར་འགྱུར་བ་འདོད་ཀྱི་ཡོད་པ་ནན་བརྗོད་དང་སྦྲགས། རྒྱལ་ཚོགས་ལ་བོད་ནང་བཀམ་སྡོམ་མེད་པའི་འགྲོ་འོང་དང་ཞིབ་འཇུག་བྱེད་ཆོག་པའི་རང་དབང་སྤྲོད་དགོས་པའི་རེ་སྐུལ་ཞུས་པ་མ་ཟད། རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གཙོ་འཛིན་ལ་བོད་ནི་རྒྱལ་ཁབ་ཅིག་ཡིན་པས་གྲངས་ཉུང་མི་རིགས་ཤིག་མིན་པས་ངེས་པར་དུ་བོད་སྐོར་གླེང་དགོས་པ་བརྗོད་འདུག རྩ་བའི་ཁ་སང་ནིའུ་ཡོག་བོད་མི་ལས་འགུལ་བ་གསུམ་གྱིས་རྒྱལ་ཚོགས་ཀྱི་ལས་ཁུངས་མདུན་དུ་ངོ་རྒོལ་གནང་བཞིན་པའི་དུས་ཡུན་སྐར་མ་འགའ་ཤས་རྗེས་ནིའུ་ཡོག་དང་ནིའུ་ཇར་སི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲོག་འོག་ས་གནས་བོད་མི་མང་ཚོགས་ནས་ས་ཚིགས་དེ་རང་དུ་དགོང་དྲོ་ཆུ་ཚོད་ ༤ ནས་ ༧ པའི་བར་ངོ་རྒོལ་སྐད་འབོད་ཀྱི་ལས་འགུལ་ཤུགས་ཆེ་སྤེལ་བའི་བརྒྱུད་རྒྱལ་གཅེས་པ་བློ་དགའ་རང་བཙན་ལགས་དམ་པའི་བདུན་ཚིགས་དང་པོར་རྗེས་དྲན་ཞུས་འདུག  The post ནིའུ་ཡོག་བོད་མི་ལས་འགུལ་བ་གསུམ་གྱིས་རྒྱལ་ཚོགས་ཀྱི་ལས་ཁུངས་མདུན་དུ་ལྕགས་ཐག་བཅིངས་ནས་ངོ་རྒོལ་གནང་བ། appeared first...

TIME དུས་དེབ་ཀྱི་དཔྱད་གཏམ་ཞིག་གི་ནང་རྒྱ་ནག་གིས་ད་ལྟ་ནས་༸རྒྱལ་བའི་ཡང་སྲིད་ཀྱི་འཐབ་འཛིང་འགོ་ཚུགས་ཟིན་ཡོད་པའི་ཉེན་བརྡ་བཏང་བ་དང་འབྲེལ། ༸གོང་ས་མཆོག་གིས་དུས་ཡུན་རིང་པོར་བོད་མི་རྣམས་༸གང་ཉིད་སྐུ་འཚོ་བཞུགས་མེད་པའི་སྐབས་ཀྱི་མ་འོངས་པའི་ཆེད་དུ་གྲ་སྒྲིག་མཛད་ཡོད་ཀྱང་། བོད་དོན་འཐབ་རྩོད་མུ་མཐུད་གསོན་གནས་ཐུབ་མིན་ནི་གཙོ་བོ་རྒྱལ་སྤྱིའི་སྤྱི་ཚོགས་ཀྱིས་རྒྱ་ནག་གི་ཤུགས་རྐྱེན་ལ་འགོག་རྒོལ་བྱེད་ཐུབ་མིན་ལ་རག་ལས་ཡོད་པ་གསུངས་འདུག དེའང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཉེ་ལམ་རྒྱ་གར་གྱི་རྒྱལ་ས་ལྡི་ལིར་ཞབས་པུས་སྨན་བཅོས་ལེགས་གྲུབ་ཀྱིས་ཕྱི་ཟླ་ ༧ ཚེས་ ༦ ཉིན་ལ་དྭགས་སུ་ཕྱི་ལུགས་ལྟར་དགུང་གྲངས་ ༩༡ བདག་གིར་བཞེས་པའི་༸སྐུའི་འཁྲུངས་སྐར་སྲུང་བརྩིའི་མཛད་སྒོར་དབུ་བཞུགས་བསྐྱངས་ཡོད་པའི་ཁྲོད།  འཛམ་གླིང་ནང་གི་གནས་ཚུལ་གལ་ཆེ་ཤོས་རིགས་བདུན་གཉིས་རེའི་ནང་འདོན་སྤེལ་གནང་མཁན་སྙན་གྲགས་ཆེ་བའི་ TIME དུས་དེབ་ཀྱིས་ཁ་སང་ཕྱི་ཚེས་ ༩ ཉིན།  ༸རྒྱལ་བའི་ཡང་སྲིད་ཐད་རྒྱ་ནག་གིས་གྲ་སྒྲིག་དང་བཙན་བྱོལ་བོད་མིའི་གདོང་ལེན་སྐོར་ལ་དཔྱད་གཏམ་ཞིག་འདོན་སྤེལ་གནང་བའི་ནང་།  རྒྱ་ནག་གིས་༸རྒྱལ་བའི་ཡང་སྲིད་དབང་སྒྱུར་ཐད་ད་ལྟ་ནས་འབད་བརྩོན་བྱེད་བཞིན་ཡོད་པ་མངོན་གསལ་དང་འབྲེལ། ༸གོང་ས་མཆོག་དགུང་ལོ་བགྲེས་བཞིན་པ་དེ་བོད་མི་རྣམས་ལ་ཉེན་བརྡ་ཞིག་ཡིན་པ་མ་ཟད། ༸གང་ཉིད་མཆོག་སྐུ་འཚོ་བཞུགས་མེད་པའི་རྗེས་སུ་གང་འབྱུང་མིན་གྱི་དམག་འཁྲུག་ལྟ་བུའི་གནས་སྟངས་ཏེ་ད་ལྟ་ནས་འགོ་བཙུགས་ཚར་བ་རེད་ཅེས་གསུངས་འདུག རྩ་བའི་ TIME དུས་དེབ་ཀྱི་དཔྱད་གཏམ་དེ་ཉིད་དུས་དེབ་དེའི་ཨེ་ཤི་ཡའི་ཁུལ་གྱི་ས་ཁམས་ཆབ་སྲིད་སྐོར་གྱི་རྩོམ་སྒྲིག་པ་ Charlie Campbell ལགས་ཀྱིས་འདོན་སྤེལ་གནང་བ་ཞིག་རེད་འདུག་ལ།  དུས་དེབ་དེའི་མདུན་ཤོག་ཏུ་དུས་རྒྱུན་ནས་དུས་དེབ་ནང་གི་གནས་ཚུལ་གལ་ཆེ་ཤོས་དང་འབྲེལ་བའི་མི་སྣའི་པར་རིས་བཀོད་སྲོལ་ཡོད་པ་ལྟར། ཐེངས་འདིའི་དྲྭ་ཐོག་དུས་དེབ་པར་བསྐྲུན་ཐོག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་ཞིག་བཀོད་ཡོད་འདུག དཔྱད་གཏམ་དེའི་ནང་། ༸གོང་ས་ཏཱ་ལའི་བླ་མའི་ཡང་སྲིད་ཀྱི་གནད་དོན་དེ་བོད་ལས་བརྒལ་བའི་ས་ཁམས་ཆབ་སྲིད་ཀྱི་འཐབ་རྩོད་ཅིག་ཏུ་གྱུར་ཡོད་པ་དང་། སྤྱིར་རྒྱ་ནག་གིས་༸རྒྱལ་བའི་ཡང་སྲིད་ཀྱི་གནད་དོན་གྱི་བདག་དབང་རྒྱ་ནག་ལ་ཡོད་ལུགས་བཤད་ཀྱི་ཡོད་པ་དེ་ལྟར་ཡང་།  བཙན་བྱོལ་བོད་མིའི་སྒྲིག་འཛུགས་ཀྱིས་༸སྐུའི་ཡང་སྲིད་ཀྱི་གནད་དོན་ནི་ཆོས་ཕྱོགས་ཀྱི་གནད་དོན་ཞིག་ཡིན་པར་རྒྱ་ནག་གིས་ཐེ་བྱུས་ཆོག་གི་མེད་པ་བརྗོད་ཀྱི་ཡོད་པ་མ་ཟད།  སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཀྱང་ཡང་སྲིད་ཀྱི་བདག་དབང་ཆ་ཚང་དགའ་ལྡན་ཕོ་བྲང་ཡིད་ཆེས་དགེ་རྕར་ཡོད་པ་བཀའ་སྩལ་ཡོད་སྐོར་དང་འབྲེལ།  TIME དུས་དེབ་ཀྱིས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ལ་བཀའ་འདྲི་ཞུས་པར་ལན་འདེབས་སུ། སྲིད་སྐྱོང་མཆོག་ནས་རྒྱ་ནག་གིས་༸རྒྱལ་བའི་ཡང་སྲིད་ཐོག་ཐེ་བྱུས་བྱེད་བཞིན་པ་དེས་འབྱུང་འགྱུར་ལོ་མང་རིང་ཕྱོགས་གཉིས་དབར་རྩོད་གཞི་ཆེན་པོ་ཞིག་ཏུ་འགྱུར་ངེས་ཡིན་པ་དང་གལ་ཏེ་མ་འོངས་པར་༸སྐུའི་ཡང་སྲིད་གཉིས་འབྱུང་ཚེ་དེ་ནི་རྒྱ་ནག་ལ་མགོ་ནད་ཅིག་ཆགས་རྒྱུ་ཡིན་སྐོར་གསུངས་འདུག་པ་ལུང་འདྲེན་གནང་འདུག ལྷག་པར་དུ་༸རྒྱལ་བའི་ཡང་སྲིད་ཀྱི་གནད་དོན་དེ་སྔར་བས་ཕྱི་འབྲེལ་གྱི་གནད་དོན་ཞིག་ཏུ་གྱུར་ཡོད་སྟབས།  འཛམ་གླིང་ཁྲོད་ཀྱི་རྒྱལ་ཁབ་མང་དག་ཅིག་གིས་༸སྐུའི་ཡང་སྲིད་འདེམས་སྒྲུག་གི་གནད་དོན་དེ་ཆོས་ཕྱོགས་ཀྱི་ཐག་གཅོད་ཅིག་ཡིན་པ་ལས་དེར་ཆབ་སྲིད་ཀྱི་ཐེ་གཏོགས་མེད་པ་ཞིག་དགོས་པར་བརྗོད་ཡོད་པ་མ་ཟད།  ཨ་རི་ལྟ་བུའི་སྲིད་གཞུང་གི་གྲོས་ཚོགས་འཐུས་མི་རྣམས་ནས་༸རྒྱལ་བའི་ཡང་སྲིད་ལ་ཆབ་སྲིད་ཀྱི་ཐེ་བྱུས་མི་ཆོག་ཅེས་ཁྲིམས་འཆར་ཆེད་འདོན་གྱིས་གཏན་འབེབས་གནང་ཡོད་པ་དེ་ལྟར་ཡང་། ...