“བོད་དུ་ཕྱིར་ལོག་བྱེད་རྒྱུའི་འདུན་པ་བཅངས་ཏེ་དྭང་སློབ་ཏུ་ཞུགས་ཡིན།”

1 hour ago

རྒྱ་གར་གྱི་དམག་སྡེའི་ཁོངས་དྭང་སློབ་དམག་སྡེ་ཨང་ ༢༢ ནང་དེ་སྔ་ཞུགས་པའི་དམག་ཟུར་རྣམས་ཀྱིས། ཐོག་མ་དམག་སྡེ་དེའི་ནང་འཛུལ་ཞུགས་སྐབས། བོད་དུ་ཕྱིར་ལོག་སྟེ་རྒྱ་ནག་ལ་འཐབ་འཛིང་བྱ་རྒྱུ་ལས་རྒྱ་གར་ནང་གཞིས་ཆགས་ནས་བསྡད་རྒྱུའི་སྣང་བ་ཙམ་ཡང་མེད་པ་གསུང་གི་འདུག

དེ་ཡང་ལྡེ་ར་ལྡུན་ལ་ཁན་ལྦ་ལ་ (Lakhanwala) བོད་མིའི་གཞིས་ཆགས་ནས་བོད་པའི་དམག་ཟུར་ ༡༡ ཙམ་ཞིག་གིས་༧གོང་ས་༧སྐྱབས་མགོན་ཆེན་པོ་མཆོག་གི་མཇལ་ཁར་བཅར་འདུག

རང་ལོ་ ༧༢ ཡིན་པ་བུ་ཆུང་ལགས་ཀྱིས་ལོ་ངོ་ ༣༤ རིང་དྭང་སློབ་ནང་ཕྱག་ལས་གནང་འདུག་ལ། ཁོང་ཐོག་མར་ཕྱི་ལོ་ ༡༩༧༣ ལོར་དམག་མིར་ཞུགས་པ་དེ་ཡང་། བོད་རང་བཙན་འཐབ་རྩོད་དང་རྒྱ་ནག་ལ་དམག་བརྒྱབ་ཀྱི་ཡིན་ཞེས་བསམ་བློར་འཁྱེར་ཏེ་དྭང་བླངས་ཀྱིས་འཛུལ་ཞུགས་བྱས་པ་ཞིག་ཡིན་ཞེས་གསུང་གི་འདུག་ལ། རྒྱ་གར་གྱི་དམག་ཁོངས་སུ་ཞུགས་ནས་དམག་ཆེ་ཆུང་མང་དག་ནང་མཉམ་ཞུགས་བྱས་པའི་རྐྱེན་གྱིས། བོད་མི་མང་པོ་ཞི...

Original Article