ཞི་ཅིན་ཕིང་ལ་གཞུང་འབྲེལ་གྱི་སྣེ་ལེན་དང་དམངས་ཁྲོད་ཀྱི་ངོ་རྒོལ།

3 hours ago

རྒྱ་ནག་གི་སྲིད་འཛིན་ཞི་ཅིན་ཕིང་ཨ་རིར་ཟླ་ ༩ ཚེས་ ༢༣ ཉིན་གྱི་ཞོགས་པ་ནས་ཚེས་ ༢༥ བར་རྒྱལ་དོན་གྱི་འཚམས་འདྲི་གནང་གི་ཡོད་པ་བཞིན། ཨ་རིའི་རྒྱལ་ས་ཝ་ཤིང་ཌོན་དུ་ཟླ་ ༩ ཚེས་ ༢༤ ཉིན་ངོ་རྒོལ་གྱི་ལས་འགུལ་གཞི་རྒྱ་ཆེན་པོ་ཞིག་སྤེལ་འཆར་ཡོད་པ་དང་། རྒྱལ་སའི་མངའ་ཁུལ་གྱི་བོད་པའི་སྤྱི་མཐུན་ཚོགས་པས་ལས་དོན་ཁག་ཅིག་གྲ་སྒྲིག་གནང་བཞིན་ཡོད་པ་དང་། མཛད་རིམ་ལྟར་ན་རྒྱ་ནག་གི་སྲིད་འཛིན་ཞི་ཅིན་ཕིང་ཕྱི་ཚེས་ ༢༣ ཉིན་གྱི་དགོང་མོ་ཆུ་ཚོད་ ༦ ཙམ་ལ་ཨ་རིའི་རྒྱལ་སར་ཕྱོགས་སྐྱོད་ལ་འབྱོར་གྱི་འདུག

ཨ་རིའི་རྒྱལ་སའི་མངའ་ཁུལ་གྱི་བོད་རིགས་སྤྱི་མཐུན་ཚོགས་པའི་ཚོགས་གཙོ་བསྟན་འཛིན་ནོར་བུ་ལགས་ཀྱིས་གསུངས་པར། ང་ཚོས་ད་ལྟ་རགས་རྩིས་བྱ་དུས་ཕལ་ཆེར་བོད་པ་རང་གི་ཚོགས་པ་ ༡༢ ལས་མང་བ་སླེབས་རྒྱུ་དང་། ཚོད་དཔག་བྱས་ན་བོད་མི་ ༡༢༠༠ ཙམ་སླེབས་རྒྱུ་རེད་འདུག དེ་མིན་ཡུ་གུར་གྱི་ཚོགས་པ་དང་རྒྱ་མིའི་ཚོགས་པ་སོགས་མང་པོ་སླེབས...

Original Article