ཕྱི་ལོ་ ༢༠༢༦ ཟླ་ ༡༡ ཚེས་ ༡༨ ཉིན་ཨ་རིའི་སྲིད་འཛིན་ཌོ་ནལཌ་ཊམཔ་ཨེ་ཤེ་ཡ་དང་ཞི་བདེ་རྒྱ་མཚོའི་དཔལ་འབྱོར་མཉམ་ལས་ཚོགས་འདུར་ཞུགས་ཆེད་རྒྱ་ནག་གི་ཧྲན་ཊེན་དུ་འབྱོར་སྐབས་སྲིད་འཛིན་ཞི་ཅིན་ཕིང་ཆེད་མངགས་གནམ་ཐང་དུ་ཕེབས་བསུར་བཅར་ཡོད་ཅིང་། འདི་ནི་ཞི་ཅིན་ཕིང་སྲིད་འཛིན་ཆགས་པའི་རྗེས་ཕྱི་རྒྱལ་གྱི་དབུ་ཁྲིད་ཅིག་ལ་གནམ་ཐང་དུ་དངོས་སུ་ཕེབས་བསུ་ཞུས་པ་ཐེངས་དང་པོ་ཆགས་ཡོད་པ་རེད།
གནམ་ཐང་དུ་ཞི་ཡིས་ཕན་ཚུན་བརྩི་འཇོག་དང་དྲང་བདེན། འདྲ་མཉམ་བཅས་ལ་གཞི་བཞག་ནས་ཨ་རི་དང་རྒྱ་ནག་གི་འབྲེལ་བ་བརྟན་པོ་བཟོ་རྒྱུའི་རེ་བ་ཡོད་ལུགས་གསུངས་འདུག་ལ། སྲིད་འཛིན་ཊམཔ་ཡིས་ད་རེས་ཀྱི་འཚམས་གཟིགས་འདིས་རྒྱལ་ཁབ་གཉིས་ཀྱི་འབྲེལ་བ་སྔར་ལས་ཡར་རྒྱས་གཏོང་ཐུབ་པར་ཡིད་ཆེས་ཡོད་ལུགས་གསུངས་སྐོར་རྒྱ་ནག་ཕྱི་འབྲེལ་ལས་ཁུངས་ཀྱིས་ལུང་འདྲེན་བྱས་འདུག ཚེས་ ༡༩ ཉིན་སྲིད་འཛིན་ཊམཔ་དང་ཞི་གཉིས་ཟུར་དུ་མཇལ་རྒྱུ་དང་། དེ་རྗེས་པུ་ཊིན་དང...





