སྲིད་སྐྱོང་མཆོག་གིས་ཝ་ཤིང་ཊོན་ཌི་སིར་ཨ་རིའི་གཞུང་འབྲེལ་དཔོན་རིགས་དང་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་གི་ཚོགས་གཙོ་བཅས་འཐུས་མི་ཁག་ཅིག་དང་མཇལ་ཕྲད་གནང་པ།
བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་ཨ་རིའི་རྒྱལ་ས་ཝ་ཤིང་ཊོན་ཌི་སིར་གཞུང་འབྲེལ་ཕེབས་ཕེབས་སྐབས་ཕྱི་ཟླ་ ༡༡ ཚེས་ ༡༠ དང་ ༡༡ བཅས་ཉིན་གཉིས་ཀྱི་རིང་ཨ་རིའི་ཕྱི་སྲིད་ལས་ཁུངས་ཀྱི་བོད་དོན་དམིགས་བསལ་འབྲེལ་མཐུད་པ་རཡེ་ལེ་སྦརནསི་མཆོག་དང་འབྲེལ་ཡོད་སྡེ་ཚན་ཁག་གི་ལས་བྱེད། གྲོས་ཚོགས་འཐུས་མི། གསར་ཁང་ཁག་གི་འཐུས་མི་བཅས་དང་མཇལ་འཕྲད་གནང་སྟེ། བོད་ཀྱི་ད་ལྟའི་གནས་བབ་དང་ཨ་རིས་བོད་མི་མང་ལ་རྒྱབ་སྐྱོར་གནང་བཞིན་པར་དགའ་བསུ་ཞུས་གནང་ཡོད་པ་རེད།
དེ་ཡང་ཕྱི་ཚེས་ ༡༠ ཉིན། སྲིད་སྐྱོང་མཆོག་གིས་ཨ་རིའི་གྲོས་ཚོགས་འཐུས་མི་ལུའི་ཕྲེང་ཀེལ་ (Lois Frankel) མཆོག་དང་། ཨ་རིའི་ཕྱི་སྲིད་ལས་ཁུངས་ཀྱི་བོད་དོན་...





