.png)
Tibet Radio
༧གོང་ས་མཆོག་འབྲས་སྤུངས་ཁྲི་པའི་མཚན་གསོལ་གནང་བ།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་འབྲས་སྤུངས་དགེ་འདུན་ཡོངས་ཀྱི་ཇི་ལྟར་གསོལ་འདེབས་ཞུས་པ་བཞིན་དེ་རིང་ཕྱི་ཟླ་ ༡༢ ཚེས་ ༢༤ ཉིན་འབྲས་སྤུངས་བླ་སྤྱི་དུ་མགོན་པོ་མཆོག་ལ་འབྲས་སྤྲུངས་ཁྲི་པའི་མཚན་གནས་གསོལ་བ་དང་ལྷན་དུ་་བརྟན་བཞུགས་བསྟར་འབུལ་ཞུས་གནང་སོང་། སྐབས་དེར་༧གོང་ས་སྐྱབས་མགོན་ཆེན་པོ་མཆོག་གསེར་ཁྲིར་ཞབས་གསོར་འཁོད་མ་ཐག་དབུ་མཛད་མཆོག་ནས་འཇམ་དབྱངས་ཆོས་རྗེའི་བསྟོད་པ་གསུང་བ་དང་ལྷན་དུ་འབྲས་སྤུངས་མཁན་པོ་ཁྲི་པ་མཆོག་ནས་མཎ་རྟེན་གསུམ་འདེབས་འབུལ་ཞུས་གནང་བ་དང་། སྐབས་དེར་མགོན་པོ་མཆོག་ལ་འབྲས་སྤུངས་ཆོས་སྡེ་སྤྱི་ནས་ཐུགས་རྗེ་བཀའ་དྲིན་མཚོན་བྱེད་དུ་གསེར་ཟངས་ལས་གྲུབ་པའི་འཇམ་དབྱངས་ཆོས་རྗེའི་སྐུ་བརྙན་གཅིག་དང་། ར་སྟོད་གྲྭ་ཚང་ནས་༧གོང་ས་མཆོག་ནས་མི་ལོ་དགུ་བཅུའི་རིང་འཇིག་རྟེན་ཁྱོན་ཡོངས་ལ་གཞན་ཕན་འཕྲིན་ལས་ཀྱིས་དབང་བསྒྱུར་བའི་བཀའ་དྲིན་རྗེས་དྲན་མཚོན་བྱེད་དུ་ཆོས་ཀྱི་འཁོར་ལོ་ཞིག་འབུལ་གནང་སོང་།།
Trending
