བཙན་བྱོལ་ནང་གི་རང་དབང་ཞེས་པའི་ཕྱག་དེབ་ཤྲི་ལངྐའི་སིན་ཧ་ལའི་སྐད་ཡིག་ཐོག་ཕབ་བསྒྱུར་ཞུས་པ། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མཛད་པའི་མགོན་པོ་༸གང་ཉིད་ཀྱི་མཛད་རྣམ་བཙན་བྱོལ་ནང་གི་རང་དབང་ཞེས་པའི་ཕྱག་དེབ་དེ་ཤྲི་ལངྐའི་སིན་ཧ་ལའི་སྐད་ཡིག་ཐོག་ཕབ་བསྒྱུར་ཞུས་འདུག་ཅིང་། ཕྱི་ཟླ་ ༨ ཚེས་ ༧ ཉིན་སི་རི་ལངྐའི་ལྷོ་ཕྱོགས་སུ་ཆགས་པའི་ Dharmashoka སློབ་ཆེན་དུ་དཔེ་དེབ་དེ་དབུ་འབྱེད་གནང་འདུག་ལ། སྐབས་དེར་སློབ་ཕྲུག་དང་ཤེས་ཡོན་ཅན། ནང་པའི་དགེ་འདུན་པ་དང་མི་མང་ ༥༠༠ ཙམ་འདུ་འཛོམས་བྱུང་འདུག ཤྲི་ལངྐའི་བོད་ཀྱི་ནང་པ་ཚོགས་པའི་ཚོགས་གཙོ་དྷ་མན་དྷ་ པོ་རཱཇི་ (Dr. Damenda Porage) ལགས་ཀྱིས་ཕབ་སྒྱུར་ཞུས་པའི་ཕྱག་དེབ་འདིས་༧གོང་ས་མཆོག་གི་བཀའ་སློབ་དང་མཛད་རྣམ་སིན་ཧ་ལའི་སྐད་ཡིག་བེད་སྤྱོད་བྱེད་མཁན་གྱི་ནང་པ་ཚོར་ཕན་ཐོཊ་ཐུབ་པ་བྱ་རྒྱུ་ཡིན་ཞེ...

རྒྱ་གར་གྱི་ས་གནས་བཅུ་ལྷག་ཏུ་བཅའ་སྡོད་བོད་མི་ ༥༠༠ ལྔ་བརྒྱ་ལྷག་རྒྱ་གར་གྱི་གྲོང་ཁྱེར་ཅན་དྷི་གྷར་དུ་རྒྱ་ནག་གཞུང་ལ་ངོ་རྒོལ་གྱི་ལས་འགུལ་ཞིག་སྤེལ་འདུག ཕྱི་ལོ་ ༢༠༢༦ ཟླ་ ༨ ཚེས་ ༡༠ ཉིན་རྒྱ་གར་ཅན་དྷི་གྷར་གྲོང་ཁྱེར་ནང་སྤོན་ཊ་ཆོལ་གསུམ་དང་པུར་ལྦ་ལ་གཞིས་ཆགས་ཀྱི་ས་གནས་གཞོན་ནུ་དང་ས་གནས་བུད་མེད། ཅན་དྷི་གྷར་ས་གནས་གཞོན་ནུ་བཅས་ཀྱི་གོ་སྒྲིག་འོག ཧ་པར་པུར། རཇ་པུར། ར་ཡི་པུར། སིམ་ལ། བདེ་སྐྱིད་གླིང་། ས་ཏོན། བྷ་ལུ་ལྦ་ལ་བཅས་ཀྱི་ས་གནས་གཞོན་ལྷན་ཚོགས་མི་དང་། ལྡི་ལི་དང་། མ་ན་ལི། ཅོན་ཏ་ར། སྦིར་བཅས་ཀྱི་ས་གནས་བཅས་ནས་བོད་མི་གྲངས་ལྔ་བརྒྱ་ལྷག་འདུ་འཛོམས་ཀྱིས་(Punjab university) པ་ན་ཇཱབ་གཙུག་ལག་སློབ་གཉེར་ཁང་དུ་རྒྱ་ནག་གཞུང་གི་མི་རིགས་མཐུན་སྒྲིལ་གྱི་ཁྲིམས་ལ་ངོ་རྒོལ་གྱི་ལས་འགུལ་ཞིག་སྤེལ་འདུག པུར་ལྦ་ལ་ས་གནས་གཞོན་ལྷན་ཚོགས་གཙོ་ཚེ་རིང་བསྟན་པ་ལགས་ཀྱིས། ད་ལྟ་ནི་བོད་མི་རྣམས་ཀ...

འབྲས་སྤུངས་བློ་གསལ་གླིང་གྲྭ་ཚང་གིས་ཕྱི་ཚེས་༩ ཉིན་གནས་ཚུལ་སྤེལ་དོན་ལ། ཕྱི་ཚེས་༨ ཉིན་འབྲས་སྤུངས་ཁྲི་ཟུར་རྗེ་བཙུན་དཀོན་མཆོག་དཔག་བསམ་མཆོག་དགུང་ལོ་༩༨ ཐོག་ཏུ་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་འདུག The post འབྲས་སྤུངས་ཁྲི་ཟུར་རྗེ་བཙུན་དཀོན་མཆོག་དཔག་བསམ་དཔལ་བཟང་པོ་མཆོག་དགོངས་པ་རྫོགས་པའི་ཡིད་སྐྱོའི་གནས་ཚུལ། appeared first on བོད་ཀྱི་བང་ཆེན།.

རྒྱ་ནག་གཞུང་གིས་རྒྱ་གར་དབུས་གཞུང་ནས་ཨ་རུ་ན་ཅལ་མངའ་སྡེའི་ས་ཁོངས་ཀྱི་རི་ཆུ་ལུང་གསུམ་ལ་མིང་བཏགས་ནས་ས་ཁྲར་གཏན་འབེབས་བྱས་པར་སྐྱོན་བརྗོད་བྱས་འདུག ཟླ་འདིའི་ཕྱི་ཚེས་ ༧ ཉིན་རྒྱ་གར་དབུས་གཞུང་དང་རྒྱ་གར་བྱང་ཤར་ཨ་རུ་ན་ཅལ་མངའ་སྡེའི་སྲིད་གཞུང་གཉིས་ཀྱིས་མཉམ་འབྲེལ་བྱས་ཏེ། ད་ལྟ་རྒྱ་གར་གཞུང་གི་མངའ་ཁོངས་སུ་ཡོད་པའི་ཨ་རུ་ན་ཅལ་མངའ་སྡེའི་ས་ཁོངས་ ༢༧ ལ་ས་མིང་དང་ས་ཚིགས་གཏན་འབེབས་བྱས་ཏེ། རི་ཆུ་ལུང་གསུམ་གྱི་ས་ཚིགས་དེ་དག་རྒྱ་གར་ས་ཞིབ་སྡེ་ཚན་(SOI) གྱི་གཞུང་འབྲེལ་ས་ཁྲའི་ཐོག་ཏུ་གཏན་འབེབས་བྱས་ཡོད་སྟབས། ཁ་སང་ཕྱི་ཚེས་ ༩ ཉིན་ཆིན་ཧྭ་སློབ་ཆེན་གྱི་རྒྱལ་ཁབ་ཀྱི་ཐབས་ཇུས་ཞིབ་འཇུག་ཁང་གི་ཞིབ་འཇུག་སྡེ་ཚན་གྱི་འགན་འཛིན་ཆན་ཧྥང་(Qian Feng) ཟེར་བ་ཞིག་གིས། རྒྱ་གར་གཞུང་གིས་མཐའ་མཚམས་ཀྱི་གནད་དོན་ཆེ་རུ་གཏོང་མི་ཉན་ཞིང་། དེས་ད་ལྟ་འཕེལ་རྒྱས་ལ་འགྲོ་བཞིན་པའི་རྒྱལ་ཁབ་གཉིས་བར་གྱི་འབྲེལ་ལམ་ལ་འགོག་རྐྱེན་བཟོ་སྲིད་ལུགས་སོགས་བཤད་འདུག

ཉེ་བའི་ལོ་འགའི་རིང་རྒྱ་ནག་གཞུང་གིས་བོད་ནང་དུ་འཛམ་གླིང་གི་ཆུ་མཛོད་ཆེས་ཆེ་ཤོས་གཙོས་ཆུ་མཛོད་མང་དག་ཅིག་གསར་རྒྱག་བྱེད་མུས་ཡིན་པའི་གནས་སྟངས་འོག ཁོར་ཡུག་སྲུང་སྐྱོབ་པ་དང་ཚན་རིག་པ་སོགས་ཀྱིས། ལས་གཞི་དེ་དག་གིས་བོད་ཀྱི་རང་བྱུང་ཁོར་ཡུག་ལ་གཏོར་བརླག་གཏོང་གི་ཡོད་པ་མ་ཟད། བོད་མཐོ་སྒང་གི་ཉ་རིགས་མང་པོ་ཞིག་རྩ་བརླག་ཏུ་གཏོང་ཉེན་ཡོད་པའི་སྐྱོན་བརྗོད་བྱེད་བཞིན་ཡོད། The post རྒྱ་ནག་གཞུང་གིས་རིག་ནུས་ལ་བརྟེན་ནས་བོད་ཀྱི་ཉའི་རིགས་སྲུང་སྐྱོང་ཐུབ་ཀྱི་ཡོད་ཟེར། appeared first on བོད་ཀྱི་དུས་བབ།.

དེ་ཡང་རྗེ་གུང་ཐང་བསྟན་པའི་སྒྲོན་མེའི་ཞལ་ནས། དོན་གྱི་རྒན་པོ་ཚིག་གི་མཁར་བ་ལ། བརྟེན་ཕྱིར་་་་་ཞེས་དང་། རྗེ་ཤེས་རབ་རྒྱ་མཚོས། ཚིག་གི་དག་ཆས་དོན་གྱི་གནད་འབྱིན་ཅིང་།། དོན་གྱི་གོ་བས་ཚིག་གི་དག་ཐོན་པ།། དེ་དག་མཚོན་ཕྱིར་ཡི་གེ་རི་མོ་སྟེ།། ཕྲ་ཞིབ་ཡིག་གཟུགས་ཐོན་པ་ཤིན་ཏུ་གཅེས།། ཞེས་སོགས་གསུངས་པ་ལྟར། The post (ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་མཐུན་སྒྲིལ་ཡར་ཐོན་ལ་སྐུལ་སྤེལ་གཏོང་བའི་བཅའ་ཁྲིམས) ཞེས་པའི་མིང་བརྡ་སྤྱོད་ཕྱོགས་ཐད་ཀྱི་བསམ་ཚུལ། appeared first on བོད་ཀྱི་བང་ཆེན།.

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཕྱི་ཟླ་ ༨ ཚེས་ ༩ ཉིན་ལ་དྭགས་སུ་མ་ཧ་བྷོ་དྷི་རྒྱལ་སྤྱིའི་བསྟི་གནས་ཁང་དུ་སྟོན་པའི་སྐུ་བརྙན་ལ་རབ་གནས་དང་། བོད་མི་དྭང་ཞབས་པ་འདས་པོ་རྣམས་ཀྱི་དྲན་རྟེན་མཆོད་རྟེན་ལ་རབ་གནས། དེ་བཞིན་རྒས་གསོ་ཁང་གི་རྩིག་རྨང་དབུ་འབྱེད་རབ་གནས་གནང་ཡོད་པ་རེད། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཕྱི་ལོ་ ༢༠༢༦ ཟླ་ ༨ ཚེས་ ༩ ཉིན་བོད་མིའི་དྭང་ཞབས་འདས་གྲོངས་སུ་ཕྱིན་པ་རྣམས་ཀྱི་ཆེད་བསོད་ནམས་གླིང་དམག་ཟུར་སྐྱིད་སྡུག་ཚོགས་པའི་འགན་འཁུར་འོག་བྱང་ཆུབ་མཆོད་རྟེན་ཞིག་གསར་བཞེངས་ལེགས་གྲུབ་བྱུང་ཡོད་པ་དེར་རབ་གནས་བསྩལ་གནང་མཛད་སོང་། དམག་ཟུར་སྐྱིད་སྡུག་གི་ཚོགས་གཙོ་ཚུལ་ཁྲིམས་རྒྱ་མཚོ་ལགས་ཀྱིས་ཕྱི་ལོ་ ༡༩༦༢ ནས་ད་བར་དྭང་ཞབས་ནང་བོད་མི་གྲངས་ ༡༠༣ དང་། རྒྱ་གར་ ༡༩ བལ་པོ་གཅིག་བཅས་རྐ...

༄༅། །ཕྱི་ལོ་ ༢༠༢༦ ཟླ་བ་ ༨ ཚེས་ ༩ ཉིན་གྱི་སྔ་དྲོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཞི་བའི་ཚལ་གྱི་ཕོ་བྲང་དགེ་འཕེལ་གླིང་ནས་ལ་དྭགས་ལྕོག་ལམ་སར་གྱི་ཉེ་ཁུལ་དུ་རྟེན་གཞི་བྱས་པའི་མ་ཧཱ་བྷོ་དྷི་རྒྱལ་སྤྱིའི་སྒོམ་སྒྲུབ་ལྟེ་གནས་ཁང་དུ་ཆིབས་བསྒྱུར་གྱིས་སངས་རྒྱས་སྟོང་སྐུར་རབ་གནས་བྱིན་རླབས་དང་། ལྟེ་གནས་ཀྱི་བགྲེས་ཁང་ལུས་སྟོབས་ཉམས་ཆུང་ཀུན་གྱི་ཁྱིམ་ཞེས་པའི་རྨང་རྡོ་འཇོག་གནང་མཛད་ཡོད་པ་རེད།དེ་ཡང་ཐོག་མར་ཕེབས་ལམ་དང་འཁེལ་བའི་ཞི་བའི་ཚལ་གསུང་ཆོས་ར་བའི་སྐོར་ལམ་གྱི་དང་ཟུར་དྲན་རྟེན་ས་ཚིགས་སུ་བཞེངས་པའི་དང་ཞབས་འདས་པོའི་དྲན་རྟེན་བྱང་ཆུབ་མཆོད་རྟེན་ལ་རབ་གནས་མཛད་པ་དང་། དེ་ནས་མ་ཧཱ་བྷོ་དྷི་རྒྱལ་སྤྱིའི་སྒོམ་སྒྲུབ་ལྟེ་གནས་ཁང་དུ་ཆིབས་བསྒྱུར་སྐབས་ཕེབས་ལམ་གཡས་གཡོན་དུ་ལ་དྭགས་ཡུལ་མི་དང་ཕྱོགས་མཐའ་ཁག་ནས་ཕེབས་པའི་དད་ལྡན་སེར་སྐྱ་མི་མང་གིས་གདུག་སྤོས་དང་། མེ་ཏོག ཁ་བཏགས་སོགས་ཐོགས་ནས་ཕེབས་བསུ་དང་ཞལ་མཇལ་ཞུས་ཤིང་། མགོན་པོ་གང་ཉིད་མཆོག་ཕེབས་ཊོར་ལས་ག་ལེར་ཆིབས་བསྒྱུར་གྱིས་ཐུགས་བརྩེའི་ཞལ་གྱི་དཀྱིལ་འཁོར་སྙིང་རྗེའི་མདངས་ཀྱིས་བརྒྱན་ཏེ་འགྲོ་བ་རྣམས་ཀྱི་ཡིད་གདུང་སེལ་བའི་བྱིན་རླབས་དང་བཅས་འཛམ་གླིང་གི་ཞི་བདེའི་ཆེད་དུ་སངས་རྒྱས་སྐྱེད་ཚལ་ཞེས་པའི་སངས་རྒྱས་སྟོང་སྐུ་གསར་བཞེངས་ཀྱི་གནས་སུ་ཞབས་སོར་འཁོད་ཡོད།སྐབས་དེར་༸གོང་ས་མཆོག་སངས་རྒྱས་སྟོང་སྐུའི་གཙོ་སྐུའི་མདུན་བཞུགས་གྲུབ་མཚམས་མ་ཧཱ་བྷོ་དྷི་རྒྱལ་སྤྱིའི་སྒོམ་སྒྲུབ་ལྟེ་གནས་ཁང་གི་དགེ་སློང་སེངྒེ་སེ་ནཱ་ (Ven. Sanghasena) ལགས་ཀྱིས་༸གོང་ས་མཆོག་ལ་ལྷུང་བཟེད་འབུལ་ལམ་ཞུས་པ་དང་འབྲེལ་པཱ་ལིའི་སྐད་ཡིག་ཐོག་ནས་གསོལ་འདེབས་སྨོན་ལམ་གསུངས་འདོན་དང་། དགེ་སློང་སེངྒེ་སེ་ནཱ་ནས་ཕེབས་བསུའི་གསུང་བཤད་གནང་རྗེས་སློབ་ཕྲུག་ཁག་ཅིག་གིས་མགོན་པོ་གང་ཉིད་མཆོག་ལ་བསྟོད་གཞས་གཟིགས་འབུལ་ཞུས་ཡོད།དེ་རྗེས་མ་ཧཱ་བྷོ་དྷི་རྒྱལ་སྤྱིའི་སྒོམ་སྒྲུབ་ལྟེ་གནས་ཁང་གི་སློབ་གྲྭས་ཆོས་ལུགས་དང་མ་འབྲེལ་བའི་སྤྱོད་བཟང་སི་ཤེས་ཡོན་སློབ་གསོ་ལ་སློབ་སྦྱོང་བྱེད་བཞིན་པ་སོགས་སློབ་ཕྲུག་ཅིག་གིས་དབྱིན་སྐད་ཐོག་༸སྙན་སེང་ཞུས་རྗེས་ཐུབ་དབང་སྐུ་བརྙན་མདུན་དུ་མཆོད་འབུལ་སྨོན་ལམ་དབུ་འཛུགས་ཀྱིས་རྒྱུན་ཆགས་གསུམ་པ་དང་། རྟེན་འབྲེལ་བསྟོད་པ། བཟང་སྤྱོད་ཡན་ལག་བདུན་པ། རབ་གནས་མདོར་བསྡུས། མཆོག་གསུམ་ཤིས་བརྗོད་གསུང་འདོན་ཞུས།མཐར་༸གོང་ས་མཆོག་སྟོན་འཁོར་གྱིས་སྟོན་པའི་སྐུ་བརྙན་ལ་བསྐོར་བ་དང་ཐུགས་སྨོན་རྒྱ་ཆེར་མཛད་རྗེས། མ་ཧཱ་བྷོ་དྷི་རྒྱལ་སྤྱིའི་སྒོམ་སྒྲུབ་ལྟེ་གནས་ཁང་གི་རྒས་གསོ་ཁང་གི་རྨང་རྡོར་བྱིན་རླབས་དང་། ལྗོན་ཤིང་གསར་འཛུགས་གནང་རྗེས་ཞི་བའི་ཚལ་ཕོ་བྲང་དུ་ཆིབས་བསྒྱུར་བསྐྱངས་ཡོད།།

ཤར་ཏུར་ཀི་སི་ཐན་ནས་ཡིན་པའི་གསར་འགོད་པ་གྲགས་ཅན་གྷུ་ཆེ་ཧེ་ར་ཧོ་ཇ་ལགས་ཀྱིས་རྒྱ་ནག་གི་མི་རིགས་མཐུན་སྒྲིལ་ཡར་སྐུལ་གྱི་བཅའ་ཁྲིམས་ཀྱིས་གྲངས་ཉུང་མི་རིགས་ཀྱི་སྐད་ཡིག་དང་། རིག་གཞུང་། ཆོས་དད་བཅས་ལ་དོ་དམ་བྱེད་ཀྱིན་ཡོད་སྐོར་སོགས་བརྗོད། ཟླ་འདིའི་ཕྱི་ཚེས་ ༥ ཉིན་ཨི་ཊ་ལི་ཡི་རྒྱལ་ས་རོམ་ཏུ་རྟེན་གཞི་བྱས་པའི་གསར་ཁང་དབར་གྱི་ཞབས་ཞུ་(Inter Press Service) ཡིས། ཤར་ཏུར་ཀི་སི་ཐན་ནས་ཡིན་པའི་ཨེ་ཤ་ཡ་རང་དབང་རླུང་འཕྲིན་ཁང་གི་ཡུ་གུར་སྡེ་ཚན་གྱི་གསར་འགོད་པ་དང་། ཕྱི་ལོ་ ༢༠༡༩ ལོར་མགྷ་ནི་སི་ཀིའི་འགྲོ་བ་མིའི་ཐོབ་ཐང་གི་བྱ་དགའ་ (Magnitsky Human Rights Award) འཐོབ་མཁན་གྷུ་ཆེ་ཧེ་ར་ཧོ་ཇ་(Gulchehra Hoja) ལགས་སུ། འདི་ལོའི་ཕྱི་ཟླ་ ༧ ཚེས་ ༡ ཉིན་ནས་ལག་བསྟར་བྱེད་འགོ་ཚུགས་པའི་མི་རིགས་མཐུན་སྒྲིལ་ཡར་ཐོན་ལ་སྐུལ་སྤེལ་གཏོང་ཕྱོགས་སྐོར་གྱི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་ཟེར་བའི་ཐད་བཅར་འདྲི་བྱེད་སྐབས། ཁོ་མོས་བཅའ་ཁྲིམས་གསར་པ་འདིས་རྒྱ་ནག་གི་མི་སེར་ཞིག་ཏུ་འཚོ་གནས་བྱེད་པར་ངོས་ལེན་ཡོད་པའི་ཐབས་ལམ་གཅིག་ཁོ་ན་མཚོན་གྱི་ཡོད་པ་དང་། རྒྱལ་ཁབ་ཙམ་མ་ཡིན་པར་སྤྱི་ཚོགས་ཀྱི་ཆ་ཤས་ཚང་མ་དེའི་ཕྱོགས་སུ་ཤར་སྐྱོད་བྱེད་དགོས་ཀྱི་ཡོད། རིག་གཞུང་དང་། ཆོས་ལུགས། སྐད་ཡིག་བཅས་ནི་སྲུང་སྐྱོབ་བྱ་རྒྱུའི་ཐོབ་ཐང་ལས་དོ་དམ་བྱ་ཡུལ་ཞིག་ཏུ་གྱུར་ཡོད། ཅེས་བཅའ་ཁྲིམས་གསར་པ་དེར་ངོ་རྒོལ་བྱས་འདུག

སྒང་ཏོག་དང་ར་ཝང་ལར་བོད་མི་ཚོས་རྔམ་སྟོན་ངོ་རྒོལ་གནང་པ།

༄༅། །ཕྱི་ལོ་ ༢༠༢༦ ཟླ་བ་ ༨ ཚེས་ ༤ ཉིན་དཔལ་འབྱོར་ཁྱབ་ཁོངས་ཀམ་པུ་ཊར་སྡེ་ཚན་གྱི་ཚོགས་ཁང་དུ་དཔལ་འབྱོར་བཀའ་བློན་ཚེ་རིང་དོན་གྲུབ་མཆོག་ཀྱིས་གློག་འཕྲུལ་ཡིག་ཚགས་ཐོན་རིམ་གཉིས་པ་དེ་བཞིན་དབུ་འབྱེད་གནང་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༡༠ ཙམ་དུ་དཔལ་འབྱོར་བཀའ་བློན་ཚེ་རིང་དོན་གྲུབ་མཆོག་དབུས་པའི་ལྷན་ཁང་ཁག་གི་དྲུང་ཆེ་ཆུང་རྣམ་པ་དང་། འབྲེལ་ཡོད་ལས་བྱེད་བཅས་ཚང་འཛོམགས་ཐོག་གློང་འཕྲུལ་ཡིག་ཚགས་ཀྱི་ཐོན་རིམ་གཉིས་པའི་དབུ་འབྱེད་མཛད་སྒོ་ཚོགས་གནང་ཡོད། ཐོག་མར་དཔལ་འབྱོར་ཀམ་པུ་ཊར་སྡེ་ཚན་གྱི་ལས་བྱེད་བཀྲ་ཤིས་དཔལ་འབྱོར་ལགས་ཀྱིས་གློག་འཕྲུལ་ཡིག་ཚགས་ཐོན་རིམ་དང་པོ་དང་གཉིས་པའི་བྱུང་རིམ་དང་འབྲེལ་ནས། དཔལ་ལྡན་སྲིད་སྐྱོང་མཆོག་གི་བཀའ་དགོངས་ལམ་སྟོན་འོག་ཀམ་པུ་ཊར་སྡེ་ཚན་གྱི་འབྲེལ་ཡོད་ལས་བྱེད་རྣམས་ནས་ཐུགས་ཁུར་ཆེ་བཞེས་ཀྱིས་བགྲོ་གླེང་ལྷུག་པོ་གནང་བའི་བརྒྱུད་གློག་འཕྲུལ་ཡིག་ཚགས་འདི་ཉིད་བཟོ་བསྐྲུན་གནང་འགོ་འཛུགས་པ་དང་། དེ་ནས་ཕྱི་ལོ་ ༢༠༢༢ ཟླ་བ་ ༤ ཚེས་ ༡ ཉིན་གློག་འཕྲུལ་ཡིག་ཚགས་ཐོན་རིམ་དང་པོ་དེ་བཞིན་དབུ་འབྱེད་གནང་བ་མ་ཟད། བོད་མིའི་སྒྲིག་འཛུགས་ཀྱི་དབུས་ལས་ཁུངས་ཁག་ཏུ་བཀོལ་སྤྱོད་གནང་འགོ་བཙུགས་ཡོད་སྐོར་གསུངས། དེ་བཞིན་ཀམ་པུ་ཊར་སྡེ་ཚན་གྱི་འབྲེལ་ཡོད་ལས་བྱེད་རྣམས་ནས་ཀྱང་བརྙན་ཆས་དེར་དགོས་མཁོ་ལ་གཞིགས་ཏེ་ཡར་རྒྱས་རབ་དང་རིམ་པ་བཏང་དང་གཏོང་མུས་ཡིན་པ་དང་། དབུས་དང་ས་གནས་འགོ་འཛིན་ལས་ཁུངས་ཁག་གི་འབྲེལ་ཡོད་ལས་བྱེད་རྣམས་ལ་གློག་འཕྲུལ་ཡིག་ཚགས་མཉེན་ཆས་ངོ་སྤྲོད་དང་བཀོལ་སྤྱོད་ཀྱི་སྦྱོར་བརྡར་ཕུལ་ཏེ་ལག་བསྟར་གནང་འགོ་བཙུགས་པ་མ་ཟད། ཐེངས་འདིར་གློག་འཕྲུལ་ཡིག་ཚགས་ཐོན་རིམ་གཉིས་པ་དབུ་འབྱེད་གནང་བའི་བརྒྱུད་མཉེན་ཆས་འདི་ཉིད་དངོས་སུ་བཀོལ་སྤྱོད་གནང་རྒྱུ་ཡིན་པ་བཅས་ངོ་སྤྲོད་སྙིང་བསྡུས་ཤིག་གནང་གྲུབ་མཚམས། དཔལ་འབྱོར་བཀའ་བློན་གྱང་གསར་ཚེ་རིང་དོན་གྲུབ་ལགས་ཀྱིས་གློག་འཕྲུལ་ཡིག་ཚགས་འདི་ཉིད་ཕྱི་ལོ་ ༢༠༢༢ ལོར་ལག་བསྟར་གནང་འགོ་བཙུགས་ཡོད་པ་དང་། གློག་འཕྲུལ་ཡིག་ཚགས་འདི་ཉིད་གློག་རྡུལ་འཛིན་སྐྱོང་ (E-Governance) གི་ཆ་ཤས་ཤིག་ཆགས་ཀྱི་ཡོད་སྐོར། དེ་བཞིན་སྐབས་ ༡༦ པའི་བཀའ་ཤག་ནས་སྒྲིག་འཛུགས་ཀྱི་དགོས་མཁོ་བཞིན་གློག་རྡུལ་འཛིན་སྐྱོང་ལ་དམིགས་པའི་ལས་གཞི་ཁག་གཅིག་འགོ་འཛུགས་དང་། ད་ལྟ་སྐབས་ ༡༧ པའི་བཀའ་ཤག་ནས་མཇུག་སྐྱོང་གནང་མུས་ཁྲོད། འབྲེལ་ཡོད་ལས་བྱེད་རྣམས་ནས་གློག་འཕྲུལ་ཡིག་ཚགས་བཀོལ་སྤྱོད་གནང་བའི་རིང་དཀའ་ངལ་འཕྲད་པ་དང་ཉམས་མྱོང་བཅས་ལ་གཞི་འཛིན་པའི་ཐོག་གློག་འཕྲུལ་ཡིག་ཚགས་ལ་འགྱུར་བ་དང་ལེགས་བཅོས་ཇི་དགོས་ཀྱིས། ཐེངས་འདིར་ཐོན་རིམ་གཉིས་པ་དེ་བཞིན་སྔར་དང་མ་འདྲ་བའི་སྤྱོད་སྒོ་བདེ་ཞིང་མྱུར་པོ་དང་ཚགས་ཚུད་ལྡན་པ་ཞིག་བཟོ་བསྐྲུན་གྱིས་ལག་བསྟར་གནང་འགོ་བཙུགས་ཀྱི་ཡོད་པར་སོང་།...

མོ་རོ་ཁོའི་མི་སེར་ཁྲི་བདུན་ལྷག་སི་པན་གྱི་མངའ་ཁོངས་ས་ཁུལ་དུ་ནང་འཛུལ་བྱས་པའི་སྔ་གཞུག The post མོ་རོ་ཁོའི་མི་སེར་ཁྲི་བདུན་ལྷག་སི་པན་གྱི་མངའ་ཁོངས་ས་ཁུལ་དུ་ནང་འཛུལ་བྱས་པའི་སྔ་གཞུག appeared first on བོད་ཀྱི་དུས་བབ།.

རྒྱལ་སྤྱིའི་ཉེས་ཡངས་ཚོགས་པས་རྒྱ་ནག་གཞུང་ལ་དྲུག་བཞིའི་དོན་རྐྱེན་སྐབས་ཀྱི་དམངས་གཙོའི་ལས་འགུལ་བ་ཀྲང་ཡེ་འཕྲལ་དུ་ཀློད་གྲོལ་གཏོང་དགོས་པའི་སྐུལ་མ་བྱས། The post ༧གོང་ས་མཆོག་གི་སྐུ་པར་བསྟན་པ་ལ་བརྟེན་ནས་རྒྱ་རིགས་དམངས་གཙོ་དོན་གཉེར་བ་ཞིག་འཛིན་བཟུང་བྱས། appeared first on བོད་ཀྱི་དུས་བབ།.

འཕགས་བོད་ས་མཚམས་ཀྱི་ཚོང་ལམ་བསྐྱར་དུ་སྒོ་མོ་ཕྱེ་བ་འདིས་རྒྱ་དཀར་ནག་གི་འབྲེལ་བ་བཟང་དུ་ཕྱིན་པ་མངོན་གྱི་ཡོད་པ་རེད་དམ།

ཕྱི་ལོ་༢༠༢༦ཟླ་༨ཚེས་༦ཉིན།མེའོ་ཆོས་འཕེལ་གླིང་བོད་མི་གཞིས་ཆགས་སུ་གནས་སྡོད་བསྟན་འཛིན་དབང་འདུས་དང་ཁོང་གི་བཟའ་ཟླ་ཟླ་བ་ཆོས་སྒྲོན་རྣམ་གཉིས་ཀྱི་སྦག་སྦག་སྐོར་སྐྱོད་ཀྱི་ལས་འགུལ་དེ་བཞུགས་སྒར་དྷ་སར་མཇུག་སྒྲིལ་གནང་སོང་། ཁོང་གཉིས་ཀྱིས་རྒྱལ་གཅེས་དཔའ་བོ་བློ་དགའ་རང་བཙན་ལགས་ལ་རྗེས་དྲན་དང་། བོད་རང་བཙན་འཐབ་རྩོད་ཆེད། ཕྱི་ལོ་༢༠༢༦ཟླ་༧ཚེས་༢༣ཉིན། མེའོ་ཆོས་འཕེལ་གླིང་བོད་མི་གཞིས་ཆགས་ནས་བཞུགས་སྒར་དྷ་སར་བར་གྱི་སྦག་སྦག་སྐོར་སྐྱོད་ཀྱི་བོད་དོན་ལས་འགུལ་འགོ་འཛུགས་གནང་ཡོད་པ་རེད། ཁོང་གཉིས་བཞུགས་སྒར་དྷ་སར་འབྱོར་སྐབས།གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་དང་མི་མང་ཉུང་ཤས་ཤིག་གིས་ཕེབས་བསུ་ཞུས་སོང་། ལྷག་པར་དུ་དབུས་བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲིག་གནང་བའི་རྒྱལ་གཅེས་དཔའ་བོའི་མངོན་འདོད་རྒྱུན་མཐུད་ཟས་བཅད་ངོ་རྒོལ་གྱི་ཉིན་༡༩པར་མཉམ་ཞུགས་གནང་མཁན་སྤྱི་འཐུས་མཁན་པོ་ཀཿབྲག་དངོས་གྲུབ་བསོད་ནམས་དང་དབང་འདུས་རྡོ་རྗེ་དང་། ག་རྒྱ་རྒྱལ་མཚན་ཆོས་སྐྱིད་བཅས་ཀྱིས་ཁ་བཏགས་གཡོགས་ནས་ཕེབས་བསུ་ཞུས་སོང་། ཁོང་གཉིས་ཀྱིས་ལས་འགུལ་ཁྲོད་མི་མང་རྣམས་ལ་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་སྐོར་དང་། The post བཟའ་ཚང་གཉིས་ཀྱིས་རྒྱ་གར་གྱི་མངའ་སྡེ་བརྒྱད་ནང་སྦག་སྦག་སྐོར་སྐྱོད་ཀྱི་ལས་འགུལ་སྤེལ། appeared first on བོད་ཀྱི་བང་ཆེན།.

བལ་ཡུལ་གཞུང་གིས་ཀཐ་མཎ་ཌུར་འཚོགས་རྒྱུའི་རྒྱལ་སྤྱིའི་བོད་རིག་པའི་ཚོགས་འདུ་ཐེངས་ ༡༧ པ་ཕྱིར་འཐེན་དགོས་པ་གོ་སྒྲིག་ཚོགས་ཆུང་ལ་བཀོད་ཁྱབ་བཏང་འདུག ཨེ་ཤེ་ཡ་རང་དབང་རླུང་འཕྲིན་ཁང་གིས་བོད་རིག་པའི་ཚོགས་འདུ་གོ་སྒྲིག་གནང་མཁན་ཚོགས་ཆུང་ལ་གནས་དོན་དེའི་ཐད་འབྲེལ་བ་ཞུས་པར། གོ་སྒྲིག་ཚོགས་ཆུང་གིས། ཡིག་ཐོག་ནས་ལན་འདེབས་གནང་བའི་ནང་། བལ་ཡུལ་གཞུང་ཕྱོགས་ནས་ཕྱི་ཟླ་ ༨ ཚེས་ ༢༣ ནས་ ༢༩ བར་བལ་ཡུལ་གྱི་རྒྱལ་ས་ཀཐ་མན་ཌུར་ཚོགས་རྒྱུའི་རྒྱལ་སྤྱིའི་བོད་རིག་པའི་བགྲོ་གླེང་ཚོགས་འདུ་ཐེངས་ ༡༧ པ་འདི་བཞིན་ཕྱིར་འཐེན་བྱ་དགོས་པའི་བཀོད་མངགས་བྱུང་པ་ལྟར། གོ་སྒྲིག་ཚོགས་ཆུང་གི་ངོས་ནས་ད་རེས་ཀྱི་ཚོགས་འདུ་དེ་ཚོགས་རྒྱུ་མིན་པ་དང་། ང་ཚོས་བལ་ཡུལ་གཞུང་ཕྱོགས་ནས་གནས་དོན་དེ་འབྲེལ་ཐད་གཞུང་འབྲེལ་གྱི་ཡིག་ཐོག་ནས་བཀོད་ཁྱབ་ཞིག་ཕེབས་པར་ངང་སྒུག་བྱེད་བཞིན་ཡོད་ཅེས་ཡིག་ཐོག་ནས་ལན་འདེབས་གནང་བྱུང་། འདི་ནི་ཕ...

མཉམ་འབྲེལ་རྒྱལ་ཚོགས་ཀྱིས་བོད་དོན་སྣང་མེད་དུ་བཏང་པར་ངོ་རྒོལ་གྱི་ཆེད་རྡ་རམ་ས་ལར་ངག་བཅད་ཀྱི་ལས་འགུལ་ཞིག་སྤེལ་སོང་། རྒྱ་ནག་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ལག་བསྟར་དང་། བློ་དགའ་རང་བཙན་ལགས་ཀྱིས་མཉམ་འབྲེལ་རྒྱལ་ཚོགས་ཀྱི་མདུན་དུ་རང་ལུས་མེར་བསྲེགས་གནང་ནས་ཟླ་བ་གཅིག་ཡན་འགྲོ་བཞིན་ཡོད་ཀྱང་། འཛམ་གླིང་མཉམ་འབྲེལ་རྒྱལ་ཚོགས་ཀྱིས་གནས་ཚུལ་དེ་ལ་ཡ་ལན་ཡག་པོ་མེད་པར་སྣང་མེད་བཏང་བར་ངོ་རྒོལ་བྱེད་ཆེད། བཞུགས་སྒར་རྡ་སར་བོད་ཀྱི་བུད་མེད་ལྷན་ཚོགས་ཀྱི་གོ་སྒྲིག་འོག (Silent Protest) ཞེས་ངག་བཅད་ཀྱི་ལས་འགུལ་ཞིག་སྤེལ་སོང་། ལས་འགུལ་དེའི་དགོས་འདུན་གཙོ་བོ་གསུམ་ཡོད་པ་ནི། རྒྱ་ནག་གཞུང་གི་མི་རིགས་མཐུན་སྒྲིལ་གྱི་ཁྲིམས་ལ་ངོས་ལེན་མེད་ཅིང་རྒྱལ་སྤྱིའི་སྤྱི་ཚོགས་ནས་ཁྲིམས་དེ་བཞིན་ལག་བསྟར་མཚམས་འཇོག་ཐད་རྒྱ་ནག་གཞུང་ལ་ཤུགས་གནོན་སྤྲོད་དགོས་པ་དང་། བློ་དགའ་རང་བཙ...

ལོ་ངོ་བཞི་ཙམ་གྱི་རིང་གྲ་སྒྲིག་བྱས་པའི་རྒྱལ་སྤྱིའི་བོད་རིག་པའི་ཚོགས་འདུ་དེ་འདི་ལོ་བལ་ཡུལ་དུ་འཚོགས་འཆར་ཡོད་ཀྱང་། རྒྱ་ནག་གཞུང་གི་གནོན་ཤུགས་ལ་བརྟེན་ནས་བལ་ཡུལ་གཞུང་གིས་བོད་རིག་པའི་ཚོགས་འདུ་དེ་ཕྱིར་འཐེན་བྱེད་དུ་བཅུག་འདུག The post རྒྱ་ནག་གི་གནོན་ཤུགས་འོག་བལ་ཡུལ་གྱིས་རྒྱལ་སྤྱིའི་བོད་རིག་པའི་བགྲོ་གླེང་ཚོགས་འདུ་ཕྱིར་འཐེན་བྱས་འདུག appeared first on བོད་ཀྱི་བང་ཆེན།.

རྒྱལ་སྤྱིའི་བོད་རིག་པའི་ཞིབ་འཇུག་ཚོགས་པའི་ཚོགས་འདུ་ཐེངས་བཅུ་བདུན་པ་དེས་བལ་ཡུལ་གྱི་ཕྱི་སྲིད་སྲིད་ཇུས་ལ་དོ་ཕོག་འགྲོ་ཉེན་ཡོད་ལུགས་བཤད་དེ་བལ་ཡུལ་དུ་འཚོག་མི་ཆོག་པའི་བཀའ་རྒྱ་བཏང་འདུག The post བལ་ཡུལ་དུ་རྒྱལ་སྤྱིའི་བོད་རིག་པའི་ཞིབ་འཇུག་ཚོགས་འདུ་བཀག་སྡོམ་བྱས་འདུག appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༨ ཚེས་ ༢ ནས་ ༤ བར་བོད་མིའི་སྒྲིག་འཛུགས་ཀྱི་ནང་སྲིད་བཀའ་བློན་དཔལ་ལྡན་དོན་གྲུབ་མཆོག་གིས་ཀུལླུ་མ་ནཱ་ལི་དང་། མན་ཌི། སུན་རྡར་ན་གྷར། མཚོ་པདྨ་བཅས་སུ་གཞུང་འབྲེལ་འཚམས་གཟིགས་གནང་ཡོད་པ་དང་། སྐབས་དེར་མངའ་རིས་སྤྱི་མཐུན་ཚོགས་པའི་འགན་འཛིན་ལྷན་ཚོགས་ཐེངས་ ༢༠ པའི་དབུ་འབྱེད་མཛད་སྒོའི་སྐུ་མགྲོན་གཙོ་བོར་ཕེབས་ཞུགས་གནང་ཡོད་པ་མ་ཟད། ས་གནས་བོད་མིའི་གཞིས་ཆགས་ཁག་ལ་འཚམས་གཟིགས་ཀྱིས་ས་གནས་ཀྱི་ལས་བྱེད་ཁག་དང་ཐུག་འཕྲད་གནང་སྟེ་བོད་མིའི་གཞིས་ཆགས་ཁག་ནང་འཕྲད་བཞིན་པའི་གནད་དོན་ཐོག་བགྲོ་གླེང་གནང་ཡོད།དེ་ཡང་བཀའ་བློན་མཆོག་ཀུ་ལླུ་མ་ནཱ་ལིར་ཕེབས་འབྱོར་སྐབས་ས་གནས་འགོ་འཛིན་བསྟན་འཛིན་རྣམ་རྒྱལ་ལགས་དང་ས་གནས་འཐུས་ཚོགས་ཀྱི་ཚོགས་གཙོ་བསྟན་འཛིན་མི་ཕམ་ལགས་ཀྱིས་ཕེབས་བསུའི་སྣེ་ལེན་ཞུས་ཡོད། བཀའ་བློན་དཔལ་ལྡན་དོན་གྲུབ་མཆོག་མངའ་རིས་སྤྱི་མཐུན་ཚོགས་པའི་འགན་འཛིན་ལྷན་ཚོགས་ནས་མགྲོན་འབོད་གནང་བ་བཞིན་མངའ་རིས་སྤྱི་མཐུན་ཚོགས་པའི་འགན་འཛིན་ལྷན་ཚོགས་ཐེངས་ ༢༠ པའི་དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོར་ཕེབས་ཞུགས་གནང་ཡོད་པ་དང་། སྐབས་དེར་བོད་མི་མང་སྤྱི་འཐུས་མགོན་པོ་དོན་གྲུབ་ལགས་དམིགས་བསལ་སྐུ་མགྲོན་དུ་ཆེད་ཕེབས་གནང་ཡོད། གཞན་སྐུ་མགྲོན་དུ་ཧི་མ་ཅཱལ་མངའ་སྡེའི་གྲོས་ཚོགས་འཐུས་མི་ཟུར་པ་སྐུ་ཞབས་ར་ཝི་ ཐཱ་ཀུར་ (Shri Ravi Thakur) ལགས་དང་། མངའ་རིས་སྤྱི་མཐུན་ཚོགས་པའི་ཚོགས་གཙོ་ཀུན་དགའ་འཕྲིན་ལས་ལགས། ས་གནས་འཐུས་ཚོགས་ཀྱི་ཚོགས་གཙོ་བསྟན་འཛིན་མི་ཕམ་ལགས། ས་གནས་འགོ་འཛིན་བསྟན་འཛིན་རྣམ་རྒྱལ་ལགས། ས་གནས་ཚོགས་པ་ཁག་གི་སྐུ་ཚབ་དང་ཚོགས་བཅར་བ། ས་གནས་བོད་མི་བཅས་མཉམ་ཞུགས་གནང་ཡོད།དབུ་འབྱེད་མཛད་སྒོའི་ཐོག་ནང་སྲིད་བཀའ་བློན་དཔལ་ལྡན་དོན་གྲུབ་མཆོག་གིས་གསུང་བཤད་གནང་དོན། བོད་ཀྱི་ཆོས་དང་རིག་གཞུང་། སྐད་ཡིག ངོ་བོ་བཅས་པ་སྲུང་སྐྱོབ་བྱེད་པར་མཉམ་རུབ་ཀྱི་འགན་ཁུར་ནི་གལ་གནད་ཆེན་པོ་ཡིན་པ་ནན་བརྗོད་གནང་བ་དང་སྦྲགས། བོད་པ་ནང་ཁུལ་རྡོག་རྩ་གཅིག་སྒྲིལ་གནང་དགོས་པ་མ་ཟད། བོད་མིའི་བདེ་དོན་དང་བོད་རྩ་དོན་ཐོག་ལ་དམིགས་ནས་རྒྱུན་མཐུད་ལེགས་སྐྱེས་ཕུལ་དགོས་པའི་འབོད་སྐུལ་གནང་ཡོད།འཚམས་གཟིགས་རིང་ནང་སྲིད་བཀའ་བློན་མཆོག་གིས་མ་ནཱ་ལིའི་ས་གནས་( 15 Mile)...

ཡེ་ན་དགོན་པའི་ཕྱག་མཛོད་མགོན་པོ་ཚེ་རིང་ལགས་ཀྱི་གནས་སྟངས་མུ་མཐུད་ཛ་དྲག་འོག་ལུས་ཡོད་པ་རེད་འདུག རྒྱ་ནག་གཞུང་གིས་བོད་ཁམས་སྡེ་དགེ་ཁུལ་དུ་རྒྱ་ནག་གཞུང་གིས་ཆུ་མཛོད་གློག་ཁང་འཛུགས་སྐྲུན་གྱི་ལས་གཞིར་ངོ་རྒོལ་གནང་རྐྱེན། རྒྱ་ནག་གཞུང་གིས་བཙོན་འཇུག་ཁྲིམས་ཐག་བཅད་དེ་བཙོན་དུ་སྡུག་སྦྱོང་མནར་སྤྱོད་མྱངས་པའི་ཡེ་ན་དགོན་པའི་ཕྱག་མཛོད་མགོན་པོ་ཚེ་རིང་ལགས་ལོ་གཉིས་ཀྱི་རྗེས་སུ་ཡང་ཁྲིན་ཏུའུ་ཡི་སྨན་ཁང་ཞིག་ཏུ་ད་དུང་གནས་སྟངས་ཧ་ཅང་ཛ་དྲག་འོག་ལུས་ཡོད་པ་བོད་ནང་ནས་བོད་མི་ཁག་ཅིག་གིས་འབྲེལ་ཡོད་མི་སྣ་ཞིག་གི་བརྒྱུད་ཨེ་ཤེ་ཡ་རང་དབང་རླུང་འཕྲིན་ཁང་ལ་བརྗོད་བྱུང་། ད་ཆ་རང་ལོ་ ༤༦ ཡིན་པའི་མགོན་པོ་ཚེ་རིང་ལགས་ཀྱིས། ཕྱི་ལོ་ ༢༠༢༤ ལོའི་འགོ་སྟོད་དུ། བོད་ཁམས་སྡེ་དགེ་ཁུལ་དུ་རྒྱ་ནག་གཞུང་གིས་ཆུ་མཛོད་གློག་ཁང་འཛུགས་སྐྲུན་གྱི་ལས་གཞིས་རྐྱེན་པས་ས་གནས་བོད་མིའི་འཚོ་གནས་ལ་དཀའ་ངལ་ཆེན་པོ་བྱུང་བར། ...

དབུས་འོས་བསྡུ་ལས་ཁང་གིས་རྒྱ་གར་དུ་གནས་སྡོད་ཕྱི་རྒྱལ་གྱི་མི་སེར་ཡིན་པའི་བོད་མི་ཞིག་ལ་ཕྱི་ལོ་ ༢༠༢༦ ལོའི་སྤྱི་འཐུས་ཀྱི་འོས་མིར་བཞེངས་རྒྱུའི་གོ་སྐབས་གནང་མེད་པའི་གནད་དོན་དང་འབྲེལ། བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་དུ་ཁ་མཆུ་ཨང་ ༢༣ པའི་ཐོག་ཕྱོགས་གཉིས་ཀྱི་དབར་ཐོག་མའི་ཉན་ཞིབ་ལས་རིམ་འཚོགས་སོང་། ཁ་མཆུ་འདིའི་བརྒྱུད་གྱོད་ཡ་ཞུ་སྦྱོར་བ་དང་རྩོད་ལེན་པ་ཕྱོགས་གཉིས་ཀས་ད་ལྟའི་སྤྱི་ཚོགས་ཀྱི་དགོས་མཁོ་དང་མཐུན་པའི་ཐོག་ནས་བཅའ་ཁྲིམས་དང་འོས་བསྡུའི་སྒྲིག་གཞིར་འགྱུར་བ་དགོས་གལ་ཆེ་བ་གསུང་གི་འདུག དེ་ཡང་ཟླ་ ༨ ཚེས་ ༥ ཉིན་དབུས་འོས་བསྡུའི་འགན་འཛིན་བློ་བཟང་ཡེ་ཤེས་ལགས་ཀྱིས་ཁ་མཆུ་ཨང་ ༢༣ པའི་ཐོག་མའི་ཉན་ཞིབ་གྲུབ་མཚམས་གསར་འགོད་པའི་བཅར་འདྲིར་དྭང་ལན་གནང་སྐབས། དབུས་འོས་བསྡུ་ལས་ཁང་གིས་བཅའ་ཁྲིམས་གཞིར་བཟུང་ཕྱག་ལས་གནང་དགོས་པས། ཐེངས་འདིར་བཙན་བྱོལ་བོད་མིའི་བཅའ་ཁྲིམས་གཞི...

ལ་དྭཊ་སླེ་ནས་མཁར་གདོང་ལའི་བར་འཕྲུལ་རྟ་སྐོར་སྐྱོད་གནང་སྟེ་བློ་དགའ་རང་བཙན་ལགས་ཀྱི་འབོད་སྐུལ་ལ་རྗེས་དྲན་ཞུས།

འབྲས་ལྗོངས་ཀྱི་ཚོང་པ་ཚོས་ཁྲོམ་རྭའི་ནང་བོད་ནས་འབྱོར་བའི་ཅ་དངོས་དེ་དག་རིན་གོང་ཆུང་བས་ཕན་ཐོཊ་ཡོད་པ་བརྗོད་མཁན་འདུག

ལོ་གཉིས་སྔོན་རྒྱ་གཞུང་གིས་བོད་ཁམས་སྡེ་དགེ་ཁུལ་དུ་ཆུ་མཛོད་གསར་རྒྱག་གི་ལས་གཞི་ལ་བོད་མི་དགེ་འདུན་པ་མགོན་པོ་ཚེ་རིང་གིས་སྣེ་ཁྲིད་འོག་བོད་མི་མང་པོས་རྒྱ་གཞུང་ལ་ངོ་རྒོལ་གྱི་ལས་འགུལ་སྤེལ་པར་བརྟེན། རྒྱ་ནག་གཞུང་གིས་བོད་མི་ལས་འགུལ་བ་རྣམས་ལ་རྡུང་རྡེག་དང་། འཛིན་བཟུང་བྱས་རྗེས་བཙོན་ཁང་ནང་མནར་གཅོད་ཚད་མེད་བཏང་པའི་རྐྱེན་གྱིས་ད་ཆར་དགེ་འདུན་པ་མགོན་པོ་ཚེ་རིང་གི་གཟུགས་གཞིའི་གནས་སྟངས་ཧ་ཅང་ཛ་དྲག་ཏུ་གྱུར་འདུག The post རྒྱ་གཞུང་གིས་ཡེ་ན་དགོན་པའི་ཕྱག་མཛོད་མགོན་པོ་ཚེ་རིང་ལ་མནར་གཅོད་ཚད་མེད་བཏང་ནས་གཟུགས་གཞིའི་གནས་སྟངས་ཛ་དྲག་ཏུ་གྱུར་འདུག appeared first on བོད་ཀྱི་བང་ཆེན།.