བོད་ནས་འབྱོར་བའི་གནས་ཚུལ་ནང་རྫ་སེར་ཤུལ་ཐེག་ཆེན་དར་རྒྱས་གླིང་དགོན་པར་རྒྱ་ནག་གཞུང་གིས་བཅོས་སྒྲིག་ལས་འགུལ་སྤེལ་ཡོད་པ།

ཁ་སང་གཟའ་ཟླ་བ་ཉིན་རྒྱ་ནག་དམར་ཤོག་ཚོགས་པའི་ཚང་འཛོམས་གྲོས་ཚོགས་ཟེར་བ་དེ་ཚོགས་འགོ་བཙུགས་ཤིང་། དུས་རྒྱུན་ཚང་འཛོམས་གྲོས་ཚོགས་སྐབས་སུ་རྒྱ་ནག་གི་དཔལ་འབྱོར་དང་དམག་དོན་སོགས་ཀྱི་སྐོར་གྲོས་བསྡུར་བྱེད་སྲོལ་ཡོད་ཀྱང་། འདི་ལོ་རྒྱ་ནག་དམར་ཤོག་ཚོགས་པ་སྲ་བརྟན་དང་ནན་ཏན་སྐྱོང་རྒྱུ་ཡིན་ཞེས་བརྗོད་ཡོད་པར་བཤད། The post རྒྱ་ནག་གི་ཚང་འཛོམས་གྲོས་ཚོགས་འགོ་བཙུགས་ཀྱང་ཞི་ཅིན་ཕིང་གོང་མི་ཚུལ་དུ་དབང་ཆ་འཛིན་རྒྱུ་ཡིན་པར་བརྗོད། appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༧ ཉིན་བཀའ་ཤག་ཚོགས་ཁང་དུ་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ In His Presence: Reflections on His Holiness the 14th Dalai Lama’s Global Engagements ཞེས་པའི་དཔེ་དེབ་དབུ་འབྱེད་གནང་ཡོད། དེ་ཡང་དཔེ་དེབ་འདི་ནི་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༠ ཕེབས་པའི་༸སྐུའི་གོ་སྟོན་སྲུང་བརྩིའི་ལས་འཆར་གྱི་ཆ་ཤས་ཤིག་ཏུ་པར་སྐྲུན་ཞུས་པ་ཞིག་ཡིན་ཞིང་། ལོ་འཁོར་གཅིག་རིང་གི་གོ་སྟོན་སྲུང་བརྩི་དེ་བཞིན་ལོ་འདིའི་ཕྱི་ཟླ་ ༧ པ་སྟེ་༸གོང་ས་མཆོག་དགུང་གྲངས་ ༩༡ ལ་ཕེབས་པའི་འཁྲུངས་སྐར་ཉིན་མཇུག་སྒྲིལ་ཡོད། དཔེ་དེབ་འདིའི་ནང་བོད་མིའི་སྒྲིག་འཛུགས་ཀྱི་དཔལ་ལྡན་ཕྱི་དྲིལ་བཀའ་བློན་ཟུར་པ་དང་། སྐུ་ཚབ་དོན་གཅོད་ཟུར་པ་བཅས་ཁྱོན་མི་གྲངས་ ༣༩ ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་རྒྱལ་ཡུལ་གྲུ་ཁག་ཏུ་མཛད་འཆར་བསྐྱངས་སྐབས་ཞབས་འདེགས་ཞུས་པའི་མྱོང་ཚོར་དང་དྲན་ཐོ་བཅས་ཕྱོགས་སྒྲིག་གནང་ཡོད། དེ་མཚུངས་དཔལ་ལྡན་ཕྱི་དྲིལ་བཀའ་བློན་ཟུར་པ་དང་། སྐུ་ཚབ་དོན་གཅོད་ཟུར་པ་རྣམ་པས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱལ་ཁབ་ཀྱི་དབུ་ཁྲིད་དང་།  རྒྱལ་རྒྱུད་མི་སྣ། ཆོས་ལུགས་ཀྱི་དབུ་ཁྲིད། སྤྱི་ཚོགས་ཀྱི་གནད་ཡོད་མི་སྣ།...

ཞི་ཅིན་ཕིན་གྱིས་སྐབས་ལྔ་བའི་ཚང་འཛོམས་གྲོས་ཚོགས་ཀྱི་གོ་སྐབས་སྤྱད་ནས་ལོ་རྗེས་མར་རང་ཉིད་ཀྱིས་མུ་མཐུད་རྒྱ་ནག་གི་སྲིད་དབང་འཛིན་པར་གྲ་སྒྲིག་བྱེད་བཞིན་ཡོད་ཟེར། The post ཞི་ཅིན་ཕིན་གྱིས་སྲིད་དབང་སྒེར་གཅོད་མུ་མཐུད་བྱེད་པའི་སྐབས་ལྔ་བའི་ཚང་འཛོམས་གྲོས་ཚོགས། appeared first on བོད་ཀྱི་དུས་བབ།.

ཁ་སང་བཞུགས་སྒར་རྡ་རམ་ས་ལའི་སཱ་ར་བོད་ཀྱི་མཐོ་རིམ་སློབ་གཉེར་ཁང་དུ་ Tibet Film Festival ཞེས་བོད་ཀྱི་གློག་བརྙན་དུས་སྟོན་ཐེངས་ ༡༤ པ་དེ་དབུ་འཛུགས་གནང་སོང་བ་དང་།ཐེངས་འདིའི་དུས་སྟོན་ཐོག་བོད་མིའི་ཁྲོད་ནས་དུས་ཐུང་གློག་བརྙན་གསར་པ་ ༡༦ དང་དེ་བཞིན་བོད་ནས་བཟོས་པའི་གློག་བརྙན་གཉིས་ཀྱི་གཙོས་གློག་བརྙན་ ༡༨ གཟིགས་འབུལ་དང་འགྲན་བསྡུར་གནང་རྒྱུ་ཡིན་པ་རེད་འདུག དེ་ཡང་ཁ་སང་ཕྱི་དྲོ་ཕྱག་ཚོད་ ༥ པའི་ཐོག་ཕྱི་ནང་གི་གློག་བརྙན་བཟོ་བསྐྲུན་པ་དང་འཁྲབ་ཁྲིད་པ་མི་སྣ་སོགས་ལྷན་འཛོམས་གནང་བའི་ཐོག །བོད་ཀྱི་གློག་བརྙན་དུས་སྟོན་ཐེངས་ ༡༤ པ་དེ་དབུ་འཛུགས་གནང་སོང་བ་དང་། དབུ་འབྱེད་མཛད་སྒོའི་ཐོག་བལ་ཡུལ་ནང་གི་གློག་བརྙན་བཟོ་བསྐྲུན་པ་བསྟན་འཛིན་ལྷ་སྒྲོན་ལགས་ཀྱིས་བཟོ་བསྐྲུན་གནང་བའི་གློག་བརྙན་ Normal People ཞེས་པ་དེ་གཟིགས་འབུལ་ཞུས་གནང་སོང་། འདི་ག་རླུང་འཕྲིན་ཁང་གིས་དུས་སྟོན་འདི་ཉིད་གོ་སྒྲིག་ཞུ་མཁན་བསྟན་འཛིན་དོན་གྲུབ་ལགས་སུ། བོད་ཀྱི་གློག་བརྙན་དུས་སྟོན་འདིའི་གལ་གནད་དང་ད་ཐེངས་ཀྱི་དུས་སྟོན་ཐོག་སྔར་དང་མི་འདྲ་བ་ཇི་ཡོད་སོགས་དང་འབྲེལ་ནས་བཅར་འདྲི་ཞུས་ཡོད། དེ་བཞིན་ད་ཐེངས་ཀྱི་དུས་སྟོན་ཐོག་བསྟན་འཛིན་ལྷ་སྒྲོན་ལགས་སུ་གློག་བརྙན་ Normal People དང་འབྲེལ་བའི་རྒྱབ་ལྗོངས་དང་། དེ་རིང་གི་དུས་སྟོན་ཐོག་གློག་བརྙན་གཟིགས་འབུལ་ཞུས་རྒྱུ་བྱུང་བའི་ཚོར་བ་སོགས་དང་འབྲེལ་ནས་བཅར་འདྲི་ཞུས་ཡོད། ཕྱོགས་མཚུངས་གློག་བརྙན་བཟོ་བསྐྲུན་པ་ལྷ་མོ་ཆོས་སྒྲོན་ལགས་སུ་རང་ཉིད་ཀྱི་མྱོང་ཚོར་སོགས་དང་འབྲེལ་བཀའ་འདྲི་ཞུས་ཡོད། གཞི་རྩའི་བོད་ཀྱི་གློག་བརྙན་དུས་སྟོན་དེ་ནི་ Filming for Tibet ཞེས་པའི་ཚོགས་པ་ནས་ཕྱི་ལོ་ ༢༠༠༨ ལོར་འཇིགས་བྲལ་ཞེས་པའི་གློག་བརྙན་བཟོ་བསྐྲུན་གནང་རྐྱེན་རྒྱ་གཞུང་གིས་འཛིན་བཟུང་བཀག་ཉར་བྱས་པའི་བོད་མི་དོན་འགྲུབ་དབང་ཆེན་ལགས་ཀྱི་གནས་སྟངས་གོ་རྟོགས་དང་ལྷག་པར་བོད་མིའི་ཁྲོད་གློག་བརྙན་གྱི་སྒྱུ་རྩལ་གོང་འཕེལ་སླད་ཆེད་བཙུགས་གནང་བ་ཞིག་ཡིན་པ་རེད། The post བཞུགས་སྒར་དུ་བོད་ཀྱི་གློག་བརྙན་དུས་སྟོན་ཐེངས་...

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༤ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་ནང་སྲིད་བཀའ་བློན་དཔལ་ལྡན་དོན་གྲུབ་མཆོག་དང་།  ཏཱ་ལའི་བླ་མ་དགེ་རྩ་ཚོགས་པའི་དྲུང་ཆེ་འཇམ་དཔལ་ལྷུན་གྲུབ་ལགས། རྒྱ་གར་ཨུཏྟརཱ་ཁནྜ་མངའ་སྡེའི་སྤྱི་ཁྱབ་དྲུང་ཆེ་ཟུར་པ་སྐུ་ཞབས་སུ་བྷཱཥ་ཀུ་མཱར་ལགས།   སིམ་སྤྱི་ལྷག་པ་ཚེ་རིང་ལགས། དྷ་ས་ས་གནས་འགོ་འཛིན་དཀོན་མཆོག་མིག་དམར་ལགས། སློབ་སྟོན་པ་ཨ་མར་དཱིབ་ལགས་བཅས་ཀྱིས་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་སུཁ་ཝིན་དྷར་སིངྒ་སུ་ཀུ་མཆོག་དང་། ཧི་མཱ་ཅལ་མངའ་སྡེའི་ཁྲལ་བསྡུའི་བློན་ཆེན་སྐུ་ཞབས་ཇ་གཏ་སིངྒ་ནེ་གི་མཆོག ཧི་མཱ་ཅལ་མངའ་སྡེའི་སྤྱི་ཁྱབ་དྲུང་ཆེ་སྐུ་ཞབས་ཀམ་ལེཤ་ཀུ་མཱར་པནྚ་མཆོག་ལ་འཚམས་འདྲིའི་མཇལ་འཕྲད་གནང་ཡོད།མཇལ་འཕྲད་སྐབས་དཔལ་ལྡན་ནང་སྲིད་བཀའ་བློན་དཔལ་ལྡན་དོན་གྲུབ་མཆོག་གིས་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་སུཁ་ཝིན་དྷར་སིངྒ་སུ་ཀུ་མཆོག་ལ་འཚམས་འདྲིའི་མཇལ་དར་ཕུལ་བ་དང་ཆབས་ཅིག བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་དམིགས་ཡུལ་དང་ལས་འགན། རྒྱ་བལ་འབྲུག་གསུམ་དུ་གནས་སྡོད་བོད་མིའི་བདེ་དོན་ཐོག་གི་ལས་དོན་བཅས་ཀྱི་སྐོར་འགྲེལ་བརྗོད་གནང་ཡོད། དེ་མཚུངས་བཀའ་བློན་མཆོག་གིས་མེག་གྷན་དང་། ཀུལླུ། མཚོ་པདྨ་བཅས་ཀྱི་ས་ཁུལ་དུ་བོད་མིར་འཕྲད་བཞིན་པའི་ས་ཆ་དང་འབྲེལ་བའི་དཀའ་ངལ་ཁག་གཅིག་སྙན་སེང་ཞུས་པ་དང་། གནད་དོན་དེ་དག་སེལ་ཐབས་སུ་ཧི་མཱ་ཅལ་མངའ་སྡེའི་གཞུང་ནས་མུ་མཐུད་རྒྱབ་སྐྱོར་དང་མཉམ་ལས་གནང་རྒྱུའི་རེ་སྐུལ་ཞུས་གནང་ཡོད། དཔལ་ལྡན་ནང་སྲིད་བཀའ་བློན་མཆོག་གིས་ཧི་མཱ་ཅལ་མངའ་སྡེའི་ནང་གནས་སྡོད་བོད་མི་ཡོངས་ཀྱི་ཚབ་ཞུས་ཏེ་མངའ་སྡེའི་གཞུང་གི་བཙན་བྱོལ་བོད་མིའི་བདེ་དོན་གོང་མཐོར་ཐོག་རྒྱུན་མཐུད་རྒྱབ་སྐྱོར་དང་མཉམ་ལས་ལ་ཐུགས་རྗེ་ཆེ་ཞུས་པ་དང་སྦྲགས། ཧི་མཱ་ཅལ་མངའ་སྡེ་དང་བོད་མིའི་སྤྱི་ཚོགས་དབར་གྱི་མཉམ་ལས་དང་། མཛའ་འབྲེལ། ཕན་ཚུན་བརྩི་བཀུར་གྱི་འབྲེལ་ལམ་སྔར་ལྷག་སྲ་བརྟན་ཡོང་བའི་རེ་སྐུལ་ཞུས་གནང་ཡོད་པ་བཅས།།

-༧སྐྱབས་མཆོག་འཁོན་གདུང་ཨ་བྷི་ཀྲྀ་ཏ་བཛྲ་རིན་པོ་ཆེ་མཆོག་དཔལ་ས་སྐྱའི་ཁྲི་འཛིན་གོང་མ་ཞེ་བཞི་པའི་གསེར་ཁྲི་མངའ་གསོལ་མཛད་སྒོར་ཕུལ་བའི་གཏམ། The post ཕུན་ཚོགས་ཕོ་བྲང་ནས་འཕྲོས་པའི་ཉི་འོད། appeared first on བོད་ཀྱི་དུས་བབ།.

རྒྱ་གཞུང་གིས་བོད་ལྷ་ས་གྲོང་ཁྱེར་གྱི་སྤྱི་ཁྱབ་ཏུ་ལི་ཤུའོ་ཝུ་(李修武)བསྐོ་བཞག་བྱས་འདུག The post རྒྱ་གཞུང་གིས་རྒྱ་རིགས་ལི་ཤུའོ་ཝུ་ལྷ་ས་གྲོང་ཁྱེར་གྱི་སྤྱི་ཁྱབ་ཏུ་བསྐོས་འདུག appeared first on བོད་ཀྱི་དུས་བབ།.

རྒྱ་ནག་གཞུང་གིས་ངོས་འཛིན་བྱས་པའི་པཎ་ཆེན་རྒྱལ་མཚན་ནོར་བུ་ཟེར་བས་མི་རིགས་མཐུན་སྒྲིལ་ཟེར་བར་བློ་གྲོས་དང་སྟོབས་ཤུགས་ཀྱི་ལེགས་སྐྱེས་ཟེར་བ་ཞིག་དབུལ་དགོས་ལུགས་བཤད་འདུག ཟླ་འདིའི་ཕྱི་ཚེས་ ༡༡ ནས་ ༢༡ ཉིན་བར་རྒྱ་ནག་གཞུང་གིས་ངོས་འཛིན་བྱས་པའི་པཎ་ཆེན་རྒྱལ་མཚན་ནོར་བུ་ཟེར་བ་བོད་མངའ་རིས་ས་ཁུལ་ལ་ཆེད་དུ་ཕྱིན་ནས། གྲོང་ཚོ་ཁུལ་དུ་ལྟ་ཞིབ་དང་། མི་མང་ལ་ཐུག་འཕྲད། དེ་བཞིན་དགོན་སྡེ་སོགས་ལ་ཆེད་དུ་ཕྱིན་ཡོད་པའི་ཁར། ཕྱི་ཚེས་ ༡༧ ཉིན་མངའ་རིས་ས་ཁུལ་གྱི་མི་རིགས་མཐུན་སྒྲིལ་ལས་དོན་གྱི་བཞུགས་མོལ་ཚོགས་འདུ་ཟེར་བར་ཞུགས་ཏེ།རྒྱ་ནག་གི་མི་རིགས་མཐུན་སྒྲིལ་ཟེར་བའི་སྲིད་ཇུས་ལག་བསྟར་དོན་འཁྱོངས་དང་མི་རིགས་མཐུན་སྒྲིལ་ཟེར་བ་ནི་བྱ་གཞག་རླབས་ཆེན་ཞིག་ཡིན་ལུགས་སོགས་བཤད་འདུག  རྒྱལ་མཚན་ནོར་བུས་མངའ་རིས་ས་ཁུལ་གྱི་མི་རིགས་མཐུན་སྒྲིལ་ལས་དོན་གྱི་བཞུགས་མོལ་ཚོགས་འདུ་ཟེར་བའི་ཐོག   མི་རིགས་མཐུན་སྒྲིལ་ནི་ཁྱིམ་ཚང་ཁྲི་སྟོང་མང་པོ་དང་འབྲེལ་བ་ཡོད་ལ། མི་རིགས་ཀྱི་བྱ་གཞག་རླབས་པོ་ཆེ་དང་ཡང་འབྲེལ་བ་ཡོད། མི་རིགས་ཁག་དང་ལས་རིགས་ཁག་གི་འཐུས་མི་དང་ལྷག་པར་དུ་ཆོས་ལུགས་ལས་རིགས་ཀྱི་མི་སྣས་བསམ་བློའི་ཁྲིད་སྟོན་རྒྱུན་མཐུད་ཟབ་ཏུ་གཏོང་བ་དང་། རང་ངོས་ཀྱི་ལེགས་ཆ་འདོན་པ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་རྒྱུན་མཐུད་སྲ་བརྟན་དུ་གཏོང་བ། མཐུན་སྒྲིལ་བརྟན་ལྷིང་གི་རྣམ་པ་བཟང་པོ་རྒྱུན་མཐུད་བརྟན་དུ་གཏོང་བ། ས་གནས་ཀྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་ཐུན་མོང་ཐོག་སྐུལ་འདེད་གཏོང་བ་བཅས་བྱས་ཏེ་རྒྱལ་ཁབ་སྟོབས་ཆེན་འཛུགས་སྐྲུན་དང་མི་རིགས་བསྐྱར་དར་གྱི་བྱ་གཞག་རླབས་པོ་ཆེར་བློ་གྲོས་དང་སྟོབས་ཤུགས་ཀྱི་ལེགས་སྐྱེས་འབུལ་དགོས།  ཞེས་བཤད་འདུག དེ་བཞིན་ད་ལན་རྒྱལ་མཚན་ནོར་བུའི་བོད་མངའ་རིས་ཁུལ་གྱི་ཕྱོགས་སྐྱོད་དང་བསྟུན། སྤུ་ཧྲེང་ཐང་དཀར་མཐའ་མཚམས་ཚོང་དོན་ཁྲོམ་རར་ལྟ་ཞིབ་དང་མི་མང་དང་ཐུག་འཕྲད་བྱས་པའི་མུར།བོད་མངའ་རིས་མཚོ་ཆེན་རྫོང་ཁོངས་སུ་ཕྱིན་ནས། ཁུལ་དེའི་མི་མང་གིས་མི་རིགས་ཀྱི་ཁྱད་ཆོས་ལྡན་པའི་ཁུ་ལུ་སྨྱུག་པོའི་ཚོང་དོན་གྱི་ཐད་ལ་ཤུགས་སྣོན་དང་འཕེལ་རྒྱས་ཟེར་བ་ཞིག་གཏང་དགོས་ལུགས་སོགས་བཤད་འདུག་ལ། རྒྱ་ནག་གཞུང་ཕྱོགས་ཀྱི་གསར་འགྱུར་ལྟར་ན། རྒྱལ་མཚན་ནོར་བུ་སྤུ་ཧྲེང་རྫོང་གི་འཁོར་ཆགས་དགོན་དང་ཁྲུས་སྒོ་དགོན་དང་། དགེ་རྒྱས་རྫོང་གི་བཀྲ་ཤིས་ཆོས་གླིང་དང་། འབྲི་ར་དགོན། སྒར་རྫོང་གི་ཀྲེ་ཏ་པུ་རི་དགོན། མཚོ་ཆེན་རྫོང་གི་སྨན་སྟོད་དགོན་བཅས་སུ་ཕྱིན་ནས་གནས་མཇལ་དང་མི་མང་ལ་མཇལ་ཁ་ཟེར་བ་ཞིག་ཀྱང་གནང་ཡོད་ལུགས་བསྒྲགས་འདུག  འདི་ལོའི་ཕྱི་ཟླ་  ༧ ཟླ་མཇུག་ཙམ་ལ་རྒྱལ་མཚན་ནོར་བུ་གོང་དཀར་གནམ་ཐང་བརྒྱུད་བོད་ཀྱི་རྒྱལ་ས་ལྷ་སར་འབྱོར་ཡོད་སྟབས། འདས་པའི་ཟླ་གཉིས་ལྷག་གི་རིང་རྒྱ་ནག་གཞུང་གིས་རྒྱལ་མཚན་ནོར་བུ་བེད་དུ་སྤྱད་ནས་ཕྱོགས་ཡོངས་ནས་བོད་རང་སྐྱོང་ལྗོངས་ཟེར་བའི་ས་གནས་མང་དག་ཅིག་ཏུ་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་སྒྲིག་ཟེར་བ་དྲིལ་བསྒྲགས་དང་། ཞི་ཅིན་ཕིན་གྱི་དགོངས་དོན་ཟེར་བ་དྲིལ་བསྒྲགས་བྱས་ཡོད།  དཔེར་ན། ཟླ་འདིའི་ཕྱི་ཚེས་ ༡༩ ཉིན་ཉིང་ཁྲི་གྲོང་ཁྱེར་ཧྲོང་ཡུང་ལམ་སྡེ་ཁུལ་དུ་མི་རིགས་མཐུན་སྒྲིལ་ཡར་ཐོན་སྐུལ་སྤེལ་བཅའ་ཁྲིམས་ཟེར་བ་དང་འབྲེལ་བའི་མི་རིགས་མཐུན་སྒྲིལ་ཡར་ཐོན་གྱི་ཆེད་ཁྲིམས་ལུགས་སློབ་གསོའི་ཚོགས་འདུ་ཟེར་བ་ཞིག་འཚོགས་ནས། ཁུལ་དེར་སྲ་བརྟན་དང་འཆམ་མཐུན་ཟེར་བ་ཞིག་ཡོང་སླད་ངེས་པར་དུ་བརྩི་སྲུང་བྱ་དགོས་ལུགས་སོགས་བཤད་འདུག དེ་བཞིན་ཟླ་འདིའི་ཕྱི་ཚེས་ ༡༧ ཉིན་ལྷ་ས་གྲོང་ཁྱེར་དམར་ཤོག་དྲིལ་བསྒྲགས་ལྷན་ཁང་དང་འཐབ་ཕྱོགས་གཅིག་གྱུར་ཁང་། དེ་བཞིན་ལྷ་ས་གྲོང་ཁྱེར་རིག་རྩལ་ལས་རིགས་མཉམ་འབྲེལ་ལྷན་ཚོགས་དང་གྲོང་ཁྱེར་གསར་འགྱུར་ལྟེ་གནས་གཉིས་ཀྱི་གོ་སྒྲིག་འོག དགོན་སྡེའི་རྒྱལ་ཁབ་ཀྱི་འདུ་ཤེས་དང་། སྤྱི་དམངས་ཀྱི་འདུ་ཤེས། ཁྲིམས་ལུགས་ཀྱི་འདུ་ཤེས་ཟེར་བའི་ ༢༠༢༦ ལོའི་དྲིལ་བསྒྲགས་སློབ་གསོའི་རིག་གནས་བྱེད་སྒོའི་ཚོགས་འདུ་ཐེངས་གསུམ་པ་འཚོགས་ཡོད་ཅིང་། ཚོགས་ཆེན་ཐོག་མི་མང་ཕལ་བ་སེར་སྐྱ་མང་ཚོགས་ ༣༠༠ ལྷག་ཙམ་ཞུགས་བཅུག་ནས། རྒྱུན་དུ་དམར་ཤོག་གི་ཁ་ལ་ཉན་པ་དང་། དྲིན་དྲན་པ། རྗེས་སུ་འབྲང་བ་བཅས་ཀྱི་བསམ་བློ་བརྟན་པོ་འཛུགས་ཆེད། རབ་བྱུང་དང་བཙུན་མ་ཚོར་རྒྱལ་གཅེས་ཆོས་གཅེས་དང་། མི་རིགས་མཐུན་སྒྲིལ་དང་འབྲེལ་བའི་སྙན་ངག་གྱེར་འདོན་བྱས་བཅུག་འདུག་ལ། ཟླ་འདིའི་ཕྱི་ཚེས་ ༡༩ ཉིན་ལྷ་ས་གྲོང་ཁྱེར་སྟོད་ལུང་བདེ་ཆེན་ཁུལ་བདེ་ཆེན་གྲོང་རྡལ་གྱིས་མི་རིགས་མཐུན་སྒྲིལ་གྱི་བརྗོད་བྱ་གཙོ་བོར་བྱས་པའི་ལུས་རྩལ་བྱེད་སྒོ་ཞིག་སྤེལ་ཡོད་ཅིང་། བྱེད་སྒོ་དེའི་ཐོག་མཉམ་འདྲེས་དང་མཐུན་སྒྲིལ་ལ་སྐུལ་འདེད་གཏོང་བའི་རྩ་དོན་ཟེར་བ་རྒྱུན་འཁྱོངས་བྱ་དགོས་ལུགས་བཤད་ནས། ཞིང་པ་དང་། ཉེན་རྟོག་པ། སྨན་བཅོས་མི་སྣ་སོགས་ལོ་ན་ ༡༢ ནས་ ༦༥ བར་ཞུགས་བཅུག་སྟེ། མི་རིགས་མཐུན་སྒྲིལ་གྱི་ཁྲིམས་ཡིག་ཟེར་བ་གལ་ཆེན་ཡིན་ལུགས་དྲིལ་བསྒྲགས་ཤུགས་ཆེན་བྱས་འདུག  གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། ཆོས་རྒྱལ་སྐྱབས།  The post རྒྱལ་མཚན་ནོར་བུ་བོད་མངའ་རིས་ཁུལ་གྱི་མི་རིགས་མཐུན་སྒྲིལ་ཟེར་བའི་ལས་དོན་ཚོགས་འདུར་ཞུགས།  appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༦ ཉིན་སུད་སི་སྐུ་ཚབ་དོན་ཁང་གི་ངོས་ནས་ཉེ་ཆར་ཕྱི་ཟླ་ ༡༠ ཚེས་ ༡༩ ནས་ ༢༠ བར་ཚོགས་པའི་སུད་སི་དང་རྒྱ་ནག་དབར་གྱི་འགྲོ་བ་མིའི་ཐོབ་ཐང་གྲོས་མོལ་ (Swiss–Chinese Bilateral Human Rights Dialogue) ཐེངས་ ༡༩ ཐོག་སུད་སི་ཕྱི་སྲིད་ལྷན་ཁང་ནས་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐོག་སེམས་འཚབ་བསྟན་པར་དགའ་བསུ་དང་ཐུགས་རྗེ་ཆེ་ཞུས་ཡོད། དེ་ཡང་ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༠ ཉིན་སུད་སི་ཕྱི་སྲིད་ལྷན་ཁང་གི་གཞུང་འབྲེལ་གསལ་བསྒྲགས་སྤེལ་བ་ལྟར་ན། སུད་སིས་བོད་མི་དང་ཡུ་གུར་མི་རིགས་ཀྱི་འགྲོ་བ་མིའི་ཐོབ་ཐང་གི་གནས་སྟངས་དང་། ཧོང་ཀོང་དུ་ཡར་རྒྱས་ཀྱི་ལས་གཞི། དེ་བཞིན་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཟེར་བའི་ཁྲིམས་ཡིག་དེས་གྲངས་ཉུང་མི་རིགས་ཀྱི་སྐད་ཡིག་དང་། རིག་གཞུང་། ཆོས་དད་རང་དབང་བཅས་ལ་བྱུང་སྲིད་པའི་ཤུགས་རྐྱེན་ཐད་སེམས་འཚབ་བསྟན་ཡོད་པ་མ་ཟད། མི་སྒེར་གྱི་འགྲོ་བ་མིའི་ཐོབ་ཐང་གི་གནད་དོན་སྐོར་ལའང་གྲོས་བསྡུར་གནང་ཡོད། སྐབས་དེར་སུད་སི་སྐུ་ཚབ་ཚོགས་ཆུང་དེ་ཉིད་སུད་སི་ཕྱི་སྲིད་ལྷན་ཁང་གི་ཞི་བདེ་དང་འགྲོ་བ་མིའི་ཐོབ་ཐང་སྡེ་ཚན་གྱི་འགན་འཛིན་གཞོན་པ་སྐུ་ཞབས་ཌེག་མར་ཤི་མིཊ་ཊར་ཊག་ལི་ (Dagmar Schmidt Tartagli)...

༄༅། །ཆོས་རིག་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༣ ནས་ཕྱི་ཟླ་ ༡༡ ཚེས་ ༧ བར་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་དཔལ་ས་སྐྱ་ཐེག་ཆེན་ཕུན་ཚོགས་གླིང་གི་དབུ་འབྱེད་མཛད་སྒོ་དང་། ༸སྐྱབས་རྗེ་གོང་མ་ཡབ་སྲས་རྣམ་པར་བརྟན་བཞུགས། ༸སྐྱབས་རྗེ་འཁོན་གདུང་ཨ་བི་ཀྲི་ཏ་བཛྲ་རིན་པོ་ཆེ་མཆོག་དཔལ་ས་སྐྱའི་༸གོང་མ་ཁྲི་རབས་ ༤༤ པའི་ཁྲི་འདོན་མཛད་སྒོ་བཅས་སུ་ཕེབས་ཞུགས་གནང་ཞོར་ཀ་རྡོར་སྒང་གསུམ་དུ་ཁྱབ་ཁོངས་དགོན་སྡེ་ཁག་གིས་གཙོས་སྡེ་ཚན་ཁག་ལ་འཚམས་མཇལ་དང་། མི་མང་ཐུག་འཕྲད་གནང་འགོ་བཙུགས་ཡོད། དེ་ཡང་ཟླ་བ་ ༡༠ ཚེས་ ༢༥ ཉིན་ཇཡ་གཱཾབ་ (Jaigaon) ས་གནས་སུ་དཔལ་ས་སྐྱ་ཐེག་ཆེན་ཕུན་ཚོགས་གླིང་གི་དབུ་འབྱེད་མཛད་སྒོར་ཆེད་ཕེབས་གནང་ཡོད། ༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་དང་། ༸སྐྱབས་མགོན་༸གོང་མ་ཁྲི་འཛིན་རྣམ་པ་དབུས་བསྟན་བདག་བླ་ཆེན་རྣམ་པས་གཙུག་ལག་ཁང་གི་སྒོ་འཕྱོར་ནས་ཤིས་བརྗོད་གསུང་འདོན་གནང་སྟེ་དར་མཚོན་སྣ་ལྔ་གཅོད་འབྲེག་གིས་གཙུག་ལག་ཁང་ཆེན་མོ་དབུ་འབྱེད་གནང་ཞིང་། རྟེན་མཆོག་སྤྱན་སྔར་སྣང་གསལ་མར་མེ་ཞལ་ཕྱེ་གནང་། དེ་ནས་རིན་པོ་ཆེ་རྣམ་པ་བཞུགས་ཁྲིར་འཁོད་མཚམས་༸སྐྱབས་རྗེ་འཁོན་གདུང་ཨ་བི་ཀྲི་ཏ་བཛྲ་རིན་པོ་ཆེ་མཆོག་ནས་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་ལ་རྟེན་གསུམ་འདེགས་འབུལ་གནང་བ་དང་། དེ་རྗེས་རྟེན་འབྲེལ་གསོལ་ཇ་འབྲས་སིལ་འདེགས་འབུལ་ཞུས།དེ་ནས་རིམ་བཞིན་༸སྐྱབས་རྗེ་འཁོན་གདུང་ཨ་བི་ཀྲི་ཏ་བཛྲ་རིན་པོ་ཆེ་མཆོག་དང་། ནུབ་བཾ་གཱལ་མངའ་གཞུང་གི་ནང་སྲིད་དང་རི་ཁུལ་བློན་ཆེན་བི་ཤཱལ་ལཱ་མཱ་མཆོག །༸འཁོན་གདུང་མ་ཏི་བཛྲ་རིན་པོ་ཆེ་མཆོག་བཅས་ནས་གསུང་བཤད་གནང་གྲུབ་མཚམས་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་གི་ཞལ་སྔ་ནས་བཀའ་སློབ་བཀའ་དྲིན་བསྩལ་སོང་།   དེ་ནས་གནས་བརྟན་ཕྱག་མཆོད་ཀྱི་འཕྲོས་མུ་མཐུད་གསུང་འདོན་གནང་སྐབས་ཆོས་རིག་བཀའ་བློན་མཆོག་ནས་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་ལ་མཎྜལ་རྟེན་གསུམ་འདེགས་འབུལ་ཞུས་རྗེས་རིན་པོ་ཆེ་རྣམ་པར་མཇལ་དར་དང་། ༸སྐྱབས་རྗེ་ཨ་བི་ཀྲི་ཏ་བཛྲ་རེིན་པོ་ཆེ་མཆོག་ལ་རྟེན་འབྲེལ་མཚོན་བྱེད་དུ་ཤོག་ཆག་དང་སྙན་དར་བཅས་ཕུལ་ཡོད། མཛད་སྒོ་གྲོལ་རྗེས་སྒང་ཏོག་ས་གནས་སུ་ཕེབས་ཐོན་གྱིས་ཚེས་ ༢༦ ཉིན་སྒང་ཏོག་ཁྱབ་ཁོངས་དགོན་སྡེ་ཁག་ལ་འཚམས་གཟིགས་སུ་ཕེབས། དེ་ཡང་ཐོག་མར་གུ་རུ་སྐུ་འབུམ་གསང་སྔགས་ཆོས་འཁོར་གླིང་དགོན་པར་ཕེབས་རྗེས་རིམ་བཞིན་རུམ་ཏེག་དཔལ་ཀརྨ་བཤད་སྒྲུབ་ཆོས་འཁོར་གླིང་དགོན་དང་།...

དེ་རིང་ཕྱི་ལོ་ ༢༠༢༦ ཟླ་ ༡༠ ཚེས་ ༢༦ ཉིན་སྐབས་ ༡༥ པའི་རྡ་ས་ས་གནས་བོད་ཀྱི་བུད་མེད་ལྷན་ཚོགས་ཀྱི་ངོས་ནས་སྐུ་མགྲོན་གཙོ་བོ་བོད་མི་མང་སྤྱི་འཐུས་སློབ་དཔོན་ཐུབ་བསྟན་རྒྱལ་མཚན་མཆོག་གདན་ཞུས་ཐོག །རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་བོད་བསྟན་སྲིད་མི་རིགས་དོན་དུ་རང་གི་གཅེས་པའི་ལུས་སྲོག་ལོངས་སྤྱོད་དང་བཅས་པ་བློས་བཏང་གནང་བ་ལ་རྗེས་དྲན་མཚོན་སླད། བཞུགས་སྒར་ལྷ་རྒྱལ་རིར་དཔའ་བོ་རང་བཙན་བློ་དགའ་ལགས་ཀྱི་འདྲ་སྐུ་ཞིག་དབུ་འབྱེད་གནང་སོང་།  འདྲ་སྐུ་དབུ་འབྱེད་ཀྱི་མཛད་སྒོའི་ཐོག་སྐུ་མགྲོན་གཙོ་བོ་བོད་མི་མང་སྤྱི་འཐུས་སློབ་དཔོན་ཐུབ་བསྟན་རྒྱལ་མཚན་མཆོག་དང་། གཞན་ཡང་གཞུང་འབྲེལ་མ་ཡིན་པའི་ཚོགས་སྐྱིད་ཁག་གི་སྐུ་ཚབ་གཙོས་པའི་རྡ་ས་ཁུལ་གྱི་མི་མང་མི་ཉུང་བ་ཞིག་ནས་མཉམ་ཞུགས་གནང་སོང་ལ། སྐབས་དེར་སྐུ་མགྲོན་གཙོ་བོ་མཆོག་གིས།  རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་དྲན་རྟེན་འདྲ་སྐུ་བཞེངས་བསྐྲུན་གྱི་ལས་གཞིར་བསྔགས་བརྗོད་དང་འབྲེལ།  ཕྱག་ལས་འདི་ལྟ་བུ་ནི་དུས་ལ་བབས་པ་ཞིག་ཆགས་ཡོད་སྐོར་གསུངས་སོང་བ་མ་ཟད། བོད་འཐབ་རྩོད་དོན་དུ་ལས་ཀ་ག་རེ་ཞིག་བྱེད་པ་ཡིན་ན་དེར་བོད་མི་སྐྱ་སེར་དབྱེ་བ་མེད་པ་ཚང་མས་ཕྱར་གྲུ་མཉམ་འདེགས་གནང་དགོས་གལ་ནི་ཤིན་ཏུ་ནས་གནད་འགག་ཆེན་པོ་ཡིན་པ་དང་། བོད་པ་ཡིན་ཕྱིན་ཆད་ལ་བོད་ཀྱི་འཐབ་རྩོད་ཐོག་བསམ་བློ་ངེས་པར་དུ་ཡོད་དགོས་གལ་སོགས་གསུངས་སོང་། རྩ་བའི་སྐབས་ ༡༥ པའི་རྡ་ས་ས་གནས་བོད་ཀྱི་བུད་མེད་ལྷན་ཚོགས་ལྟ་བུ་ཡིན་ན་ད་ལྟའི་ཆར་ལོ་ངོ་གཉིས་དང་ཕྱེད་ཀ་ཙམ་གྱི་ལས་ཡུན་མཚམས་སུ་རྒྱུན་ལས་ཆ་ཚང་དགོངས་པ་ཞུས་ཟིན་པའི་གནས་སྟངས་ཞིག་ཆགས་ཀྱི་ཡོད་པ་དང་།  དེ་ཡང་ཉེ་ལམ་དབུས་བོད་ཀྱི་བུད་མེད་ལྷན་ཚོགས་ཀྱིས་གཞུང་འབྲེལ་མ་ཡིན་པའི་ཚོགས་པ་གཞན་བཞི་དང་ལྷན་དུ་རྒྱལ་ས་ལྡི་ལིར་རྒྱ་ནག་གི་སྲིད་འཛིན་ཞི་ཅིན་ཕིང་ BRICS ཚོགས་ཆེན་ཐོག་མཉམ་ཞུགས་ཆེད་དུ་འབྱོར་གྱི་ཡོད་པ་དང་བསྟུན་ནས།  སྲིད་འཛིན་ཁོ་པར་རྒྱ་གར་དུ་བཅར་གྱི་ཡོད་པ་དེར་དགའ་བསུ་འཚམས་འདྲི་ཞུས་པའི་གནད་དོན་དང་འབྲེལ་བ་ཡོད་པ་ཞིག་ཡིན་པ་རེད། འདི་གའི་གསར་འགོད་པས་དེ་རིང་གི་དུས་སྐབས་དང་བསྟུན་ནས་སྐབས་ ༡༥ པའི་རྡ་ས་ས་གནས་བོད་ཀྱི་བུད་མེད་ལྷན་ཚོགས་ཀྱི་ཚོགས་ཟུར་བསྟན་འཛིན་ཀུན་གསལ་ལགས་སུ་གནད་དོན་དེའི་སྐོར་བཀའ་འདྲི་ཞུས་པར། རྡ་ས་ས་གནས་བོད་ཀྱི་བུད་མེད་ལྷན་ཚོགས་ངོས་ནས་དབུས་ཀྱིས་རྒྱ་ནག་གི་འགོ་ཁྲིད་ཞི་ཅིན་ཕིང་ལ་འཚམས་འདྲིའི་གསར་འགོད་བསྒྲགས་གཏམ་སྤེལ་བ་དེ་ས་གནས་བོད་ཀྱི་བུད་མེད་ལྷན་ཚོགས་ཀྱི་རྒྱུན་ལས་ཚོ་དང་གྲོས་བསྡུར་གནང་མེད་པ་མ་ཟད།  དགའ་བསུའི་བསྒྲགས་གཏམ་འདི་ལྟ་བུ་ནི་ཉེ་ལམ་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་རང་ལུས་མེར་བསྲེགས་གནང་སྟེ་ཉིན་གྲངས་ཉུང་ཤས་ལས་ཕྱིན་མེད་པའི་དུས་སྐབས་སུ་བཙན་བྱོལ་བོད་མི་ཚང་མས་ཚ་ཚ་འུར་འུར་གྱིས་རྒྱ་ནག་ལ་ངོ་རྒོལ་གྱི་ལས་འགུལ་སྤེལ་བཞིན་པའི་ཁྲོད་དུས་ལ་དཔག་པའི་འཚམ་པོ་མིན་པའི་ཐོག  །དེ་འབྲེལ་དབུས་རྒྱུན་ལས་ལ་གསལ་བཤད་དགོས་པའི་རེ་སྐུལ་ཐེངས་དགའ་ཤས་བྱེད་ཀྱང་དབུས་ཀྱི་ངོས་ནས་ཡ་ལན་གནང་མེད་པ་སོགས་ཀྱིི་རྐྱེན་པས་ལས་མཚམས་བཞག་པ་ཞིག་ཆགས་ཡོད་པ་གསུངས་སོང་། འོན་ཀྱང་དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་ཚེ་རིང་སྒྲོལ་མ་ལགས་ཀྱིས་འདི་གའིགསར་འགོད་པར། དབུས་བུད་མེད་ལྷན་ཚོགས་ཀྱི་རྒྱུན་ལས་རེ་རེའི་ངོས་ནས་ས་གནས་བུད་མེད་ལ་ལས་མཚམས་བཞག་རྒྱུ་མེད་པའི་རེ་སྐུལ་རིམ་པ་གནང་ཡོད་སྐོར་འགྲེལ་བརྗོད་གནང་བ་དེ་ལྟར་ཡང་། དབུས་ཀྱི་ལྡི་ལིར་གསར་འགོད་སྒྲགས་གཏམ་སྤེལ་བ་དེ་ནོར་མེད་སྐོར་གསུངས་སོང་བ་མ་ཟད། གནད་དོན་དེའི་རྐྱེན་པས་མང་ཚོགས་ཁྲོད་སེམས་འཚབ་བྱུང་བར་དགོངས་སེལ་ཞུས་གནང་སོང་། The post བཞུགས་སྒར་དུ་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་རྗེས་དྲན་འདྲ་སྐུ་ཞིག་དབུ་འབྱེད་གནང་སོང་། appeared...

བཞུགས་སྒར་རྡ་རམ་ས་ལར་བོད་ཁྱིམ་སློབ་ཟུར་སྒྱུ་རྩལ་བ་དམ་པ་གཅུང་པོ་ཚེ་རིང་ལགས་ཀྱི་བྲིས་པའི་རི་མོའི་སྒྱུ་རྩལ་དང་ཁོང་གི་མི་ཚེའི་ལོ་རྒྱུས་དེ་བཞིན་བོད་མིའི་སྤྱི་ཚོགས་དང་དམིགས་བསལ་གཞོན་སྐྱེས་རྣམས་ལ་དམིགས་ནས་པར་རིས་འགྲེམས་སྟོན་གནང་འདུག དེ་ཡང་ཟླ་བ་འདིའི་ཚེས་ ༢༣ ཉིན་རྡ་སྟེང་བོད་ཕྲུག་ཁྱིམ་སྡེ་དབུ་བརྙེས་ནས་ལོ་ངོ་ ༦༦ འཁོར་བའི་དུས་དྲན་སྲུང་བརྩི་དང་བསྟུན། སློབ་གླིང་ནང་དང་དེ་ནས་རིམ་པས་རྡ་ས་ས་གནས་འགོ་འཛིན་ཚོགས་ཁང་བཅས་སུ་བོད་ཁྱིམ་སློབ་ཟུར་སྒྱུ་རྩལ་བ་དམ་པ་གཅུང་པོ་ཚེ་རིང་ལགས་ཀྱི་སྙན་གྲགས་ཆེ་བའི་རི་མོའི་སྒྱུ་རྩལ་དང་། ཁོང་གི་མི་ཚེའི་ལོ་རྒྱུས་སྐོར་མང་ཚོགས་ལ་གོ་རྟོགས་ཡོང་ཆེད་ཧྥ་རན་སི་གནད་སྡོད་གནང་མཁན་བོད་མི་ཚེ་རིང་བཟང་པོ་ལགས་ཀྱིས་འགྲེམས་སྟོན་ཞིག་གོ་སྒྲིག་ཞུས་འདུག་པ་དང་། འདི་ག་རླུང་འཕྲིན་ཁང་ནས་ཚེ་རིང་བཟང་པོ་ལགས་སུ་འགྲེམས་སྟོན་དེའི་སྐོར་བཀའ་འདྲི་ཞུས་སྐབས་ཁོང་གིས། ཐེངས་འདིའི་སྒྱུ་རྩལ་བ་དམ་པ་གཅུང་པོ་ཚེ་རིང་ལགས་ཀྱི་སྒྱུ་རྩལ་དང་པར་རིས་འགྲེམས་སྟོན་དེ་ནི་ཁོང་རང་ཉིད་སྒེར་གྱི་མ་སྐུལ་དྭང་བླངས་ཐོག་གནང་བ་ཞིག་ཡིན་ཞིང་། ཕྱི་རྒྱལ་ཁག་ལ་སྒྱུ་རྩལ་བ་དམ་པ་ཁོང་སྙན་གྲགས་ཆེན་པོ་ཡིན་པ་དེ་ལྟར་ཡང་། བོད་པའི་སྤྱི་ཚོགས་ཁྲོད་ཁོང་གི་སྐོར་ལ་རྒྱུས་མངའ་དེ་ཙམ་མེད་སྟབས། གཅུང་པོ་ཚི་རིང་ལགས་ཁོང་འདས་གྲོངས་སུ་གྱུར་ཟིན་ཡོད་ནའང་ཁོང་གི་བསམ་བློ་དེ་བཞིན་བོད་མི་གཞོན་སྐྱེས་རྣམས་ལ་གོ་རྟོགས་སྤེལ་རྒྱུ་གལ་ཆེན་པོར་མཐོང་ནས་དེ་ལྟར་གནང་བ་ཞིག་ཡིན་པ་མ་ཟད། དེ་སྔོན་ཧྥ་རན་སི་ནང་འགྲེམས་སྟོན་ཐེངས་གཉིས་ཙམ་གོ་སྒྲིག་ཞུས་ཟིན་སྐོར་སོགས་འགྲེལ་བརྗོད་གནང་སོང་། རྩ་བའི་གཅུང་པོ་ཚེ་རིང་ལགས་ནི།  ཕྱི་ལོ་ ༡༩༧༩ ལོར་བོད་དིང་རི་ཁུལ་དུ་སྐྱེས་པ་ཞིག་དང་རང་ལོ་ ༤ ལ་སོན་སྐབས་སྤུན་མཆེད་དང་ལྷན་རྒྱ་གར་དུ་བཙན་བྱོལ་ལ་ཕེབས་ནས་རྡ་སྟེང་བོད་ཁྱིམ་སློབ་གྲྭར་འཛུལ་ཞུགས་གནང་། འཛིན་རིམ་བརྒྱད་པ་བར་སློབ་གྲྭར་འགྲིམས་རྗེས་ཐང་འབྲི་སློབ་སྦྱོང་གནང་། དེ་རྗེས་བལ་ཡུལ་དུ་ཕྱིན་ནས་མུ་མཐུད་རི་མོའི་ཐོག་ལ་ཕྱག་ལས་གནང་། དུས་རྒྱུན་ནས་རི་མོ་འབྲི་སྐབས་ཆབ་སྲིད་དང་འབྲེལ་བའི་རི་མོ་འབྲི་རྒྱུར་དགའ་ཞེན་ཆེ་བའི་སྒྱུ་རྩལ་བ་ཞིག་ཡིན་སྟབས་མཐར་བལ་ཡུལ་སུ་སྡོད་མི་ཐུབ་པར་ཕྱིར་ཐོན་དགོས་པ་བྱུང་ཞིང་། ལྷོ་ཀོ་རིའི་ནང་སྒྱུ་རྩལ་གཙུག་ལག་སློབ་གཉེར་ཁང་ཞིག་གི་ནང་ལོ་གཅིག་ཙམ་སློབ་སྦྱོང་གནང་རྗེས། ཨ་རི་ནིའུ་ཡོག་དང་ཀེ་ལི་ཕོར་ནི་ཡར་གནས་སྡོད་གནང་། དེ་ནས་ཁོང་ཅེག་སྤྱི་མཐུན་རྒྱལ་ཁབ་ནང་དུ་གནས་སྤོ་གནང་སྟེ་ཕྱི་ལོ་ ༢༠༢༤ ལོར་སྐུ་ཚེ་མ་ཟིན་པའི་ཡིད་སྐྱོའི་གནས་ཚུལ་བྱུང་ཡོད། དམ་པ་ཁོང་གི་སྒྱུ་རྩལ་ཁྲོད་གྲགས་ཆེ་བ་གཅིག་བོད་ཀྱི་ Jan Palchas ༡༥༩ ལ་རྗེས་དྲན་ཞེས་བོད་མིའི་རང་ལུས་མེར་བསྲེགས་གནང་མཁན་དཔའ་བོ་དཔའ་མོ་རྣམས་ལ་རྗེས་དྲན་དང་གོ་རྟོགས་སྤེལ་གཞིའི་སྒྱུ་རྩལ་དེ་ཡིན་ཞིང་། ཕྱི་ལོ་ ༢༠༡༤ ལོར་ཨ་རི་ནེའུ་ཡོག་ཏུ་རྟེན་གཞི་བྱས་པའི་ Queens འགྲེམས་སྟོན་ཁང་དུ་འགྲེམས་སྟོན་གནང་ཡོད་པ་མ་ཟད། སྒྱུ་རྩལ་དེ་རིན་གོང་ཇི་བྱུང་བོད་རང་བཙན་སློབ་ཕྲུག་ཚོགས་པར་ཞལ་འདེབས་གནང་བ་སོགས་བོད་མིའི་སྤྱི་ཚོགས་ཁྲོད་འཐབ་རྩོད་དང་འབྲེལ་བའི་ལས་དོན་གནང་ཡོད།...

དགའ་ལྡན་ཕོ་བྲང་ལ་གཞི་མེད་སྒྲོ་སྐུར་མཚན་དམས་ཞུ་མཁན་ར་འཕྲོད་བྱུང་ཚེ་དགོན་སྡེ་གྲྭ་ཚང་གི་སྒྲིག་ཁོངས་ནས་ཕྱིར་འབུད་གཏོང་རྒྱུ་དང་། ད་ནས་བཟུང་རྒྱལ་སྤྱིའི་དགེ་ལྡན་ལྷན་ཚོགས་ཀྱི་ཁྱབ་ཁོངས་དགོན་སྡེ་གྲྭ་ཚང་གི་དགེ་འདུན་པ་སུའང་སྲིད་སྐྱོང་དང་སྤྱི་འཐུས་ཀྱི་འོས་གཞིར་བཞེངས་མི་ཆོག་པའི་གྲོས་ཆོད་དོན་ཚན་གཉིས་སྤྱི་མོས་གཏན་འབེབས་གནང་འདུག དེ་ཡང་རྒྱལ་སྤྱིའི་དགེ་ལྡན་ལྷན་ཚོགས་ཀྱིས་ཡོངས་ཁྱབ་གསལ་བསྒྲ་གས་སྤེལ་བའི་ནང་། འདི་ལོའི་ཕྱི་ཟླ་ ༨ ཚེས་ ༢༠ ནས་ཉིན་གྲངས་གཉིས་རིང་རྒྱལ་སྤྱིའི་དགེ་ལྡན་ལྷན་ཚོགས་ཀྱི་ལོ་འཁོར་ཚོགས་ཆེན་དང་། དགེ་ལྡན་ཆོས་ཁྲིམས་འཛིན་སྐྱོང་ལྷན་ཚོགས་ཐོག་སྤྱི་མོས་གྲོས་ཆོད་དོན་ཚན་གཉིས་གཏན་འབེབས་གནང་ཡོད་པ་དང་། གྲོས་ཆོད་དོན་ཚན་དང་པོའི་ནང་དོན་དུ་༸རྒྱལ་བའི་མཚན་གནས་སྲུང་སྐྱོབ་དང་འབྲེལ་དགའ་ལྡན་ཕོ་བྲང་ལ་གཞི་མེད་སྒྲོ་སྐུར་མཚན་དམས་ཞུ་མཁན་རེ་ཟུང་འབྱུང་བཞིན་པར། དགའ་ལྡན་ཕོ་བྲང་གི་ལས་དོན་བྱེད་ཕྱོགས་སོགས་ལ་དངོས་གནས་ནོར་འཁྲུལ་རིགས་འདུག་སྙམ་པ་བྱུང་ཚེ། དེ་མ་ཐག་དགའ་ལྡན་ཕོ་བྲང་ལ་ཐད་ཀར་འབྲེལ་བ་བྱེད་པའམ། ༸གོང་ས་མཆོག་ལ་མཚན་འཁོད་སྙན་ཞུ་འབུལ་བའམ། དགེ་རྩའི་ཚོགས་གཙོ་ལས་ཚབ་ཀྱི་མཚན་ཐོག་དང་། དྲུང་ཆེ་ལྷན་ཚོགས་བཅས་ཀྱི་མཚན་ཐོག་ཏུ་སྐྱོན་གནས་ཇི་ཡོད་རང་དབང་ཐོག་ནས་ཞུ་ཆོག་པའི་བརྒྱུད་ལམ་ཡོད་པ་དེ་ལྟར་ཡང་། བརྒྱུད་ལམ་དེ་དག་མ་བརྒྱུད་པར་༸གོང་ས་མཆོག་གི་རླབས་ཆེན་མཛད་འཕྲིན་དང་། དགའ་ལྡན་ཕོ་བྲང་ལ་གཞི་མེད་སྒྲོ་སྐུར་མཚན་དམས་ཞུས་པའི་དཔང་རྟགས་དངོས་སུ་ར་འཕྲོད་བྱུང་ཚེ་དགོན་སྡེ་གྲྭ་ཚང་གི་སྒྲིག་ཁོངས་ནས་ཕྱིར་འབུད་གཏོང་རྒྱུ་ཡིན་ཞེས་འཁོད་འདུག དེ་བཞིན་གྲོས་ཆོད་གཉིས་པའི་ནང་དོན་དུ་ད་ལྟའི་སྤྱི་ཚོགས་ཀྱི་གནས་བབ་དང་བོད་བསྟན་སྲིད་སྤྱིའི་བདེ་ཐབས། སྒོས་སུ་ཆོས་བྱེད་དགེ་འདུན་རྣམས་ཀྱི་མཚན་གནས་སྲུང་སྐྱོབ་སླད། ད་ནས་བཟུང་རྒྱལ་སྤྱིའི་དགེ་ལྡན་ལྷན་ཚོགས་ཀྱི་ཁྱབ་ཁོངས་དགོན་སྡེ་གྲྭ་ཚང་གི་དགེ་འདུན་པ་སུའང་སྲིད་སྐྱོང་དང་སྤྱི་འཐུས་ཀྱི་འོས་གཞིར་བཞེངས་མི་ཆོག་པར། ཅི་སྟེ་རང་མོས་ཀྱིས་བཞེངས་མཁན་བྱུང་ཚེ་སོ་སོའི་དགོན་སྡེ་གྲྭ་ཚང་གི་སྒྲིག་ཁོངས་ནས་རྩ་དགོངས་ཞུ་དགོས་པ་དང་། གལ་ཏེ་ཁོངས་སོ་སོའི་གྲྭ་ཚང་ནས་རྩ་དགོངས་མ་ཞུས་པར་ལས་དོན་དེའི་རིགས་ལ་ཞུགས་པ་བྱུང་ཚེ་གྲྭ་ཚང་དེ་ཉིད་ཀྱི་སྒྲིག་ཁོངས་ནས་རང་ཕུད་དུ་སོང་བར་ངོས་འཛིན་བྱ་རྒྱུ་ཞེས་འཁོད་འདུག གསལ་བསྒྲགས་དེའི་ནང་གསལ་ལྟར་གྲོས་ཆོད་ཡིག་ཆ་དང་དེ་འབྲེལ་སྙན་ཞུ་བཅས་བོད་མི་མང་སྤྱི་འཐུས་ལྷན་ཚོགས་སུ་འབུལ་རྒྱུ་དང་། དེའི་འདྲ་བཤུས་དགའ་ལྡན་ཕོ་བྲང་དང་། ཆེས་མཐོའི་ཁྲིམས་ཞིབ་ཁང་། འཛིན་སྐྱོང་བཀའ་ཤག །ལས་བྱེད་འདེམས་བསྐོ་ལྷན་ཁང་བཅས་ལ་འབུལ་རྒྱུ་ཡིན་པ་གསལ་འདུག འདི་ག་རླུང་འཕྲིན་ཁང་ནས་དགེ་སྤྱིའི་དགེ་ལྡན་ལྷན་ཚོགས་ཀྱི་གྲོས་ཆོད་དོན་ཚན་གཉིས་ཀྱི་ནང་དོན་ཐད་འབྲེལ་ཡོད་ལ་བཀའ་འདྲི་ཞུ་ཐབས་བྱས་ཀྱང་། ཡོངས་ཁྱབ་གསལ་བསྒྲགས་དེའི་ནང་དོན་རྒྱབ་ལྗོངས་ཇི་འཁོད་དེར་གཞིགས་པ་ལས་གཞན་གང་ཡང་ཞུ་རྒྱུ་མ་མཆིས་པའི་ལན་འདེབས་དང་འབྲེལ་བཅའ་འདྲིར་དང་ལེན་གནང་མ་སོང་། རྩ་བའི་གྲོས་ཆོད་དོན་ཚན་གཉིས་དང་འབྲེལ་བའི་རྒྱབ་ལྗོངས་གསལ་གནས་ཚུལ་ཤོག་ངོས་ ༡༡ ཅན་ཞིག་འདོན་སྤེལ་གནང་འདུག་པ་དང་། གྲོས་ཆོད་དོན་ཚན་དང་པོ་དང་འབྲེལ་བའི་ནང་༸གོང་ས་༸སྐྱབས་མགོན་ཆེན་པོ་མཆོག་དང་མགོན་པོ་༸གང་ཉིད་ཀྱི་བླ་བྲང་ལ་གཞི་མེད་སྒྲོ་སྐུར་མཚན་དམས་ཞུ་མཁན་རྣམས་ལ་གདོང་ལེན་དང་འབྲེལ། ༸རྒྱལ་བའི་མཚན་གནས་སྲུང་སྐྱོབ་བྱ་རྒྱུ་ནི་འདོར་དུ་མེད་པའི་འོས་འགན་ཞིག་ཆགས་ཡོད་པའི་སྐོར་གསལ་འདུག མ་ཟད་གྲོས་ཆོད་དོན་ཚན་གཉིས་པ་དང་འབྲེལ་བའི་ནང་། བོད་ཀྱི་ལོ་རྒྱུས་ཁྲོད་སེར་མོ་བས་ཆོས་སྲིད་གཉིས་ཀའི་ཐུགས་འགན་བཞེས་པའི་ལོ་རྒྱུས་ཁག་མངོན་གསལ་དང་འབྲེལ། དུས་སྐབས་དམིགས་བསལ་བའི་ཁྲོད་དུ་ཕན་ཐོགས་ཀྱང་རྒྱ་ཆེན་བྱུང་ཡོད་ཀྱང་། ད་ལྟའི་སྤྱི་ཚོགས་འཁྲུག་ཆ་དོད་པོ་འདི་ལྟ་བུའི་གནས་སྟངས་འོག །དགེ་འདུན་པ་ཆབ་སྲིད་ནང་ཞུགས་པ་ལས་མ་ཞུགས་ན་བསྟན་སྲིད་སྤྱི་ཡོངས་ལ་ཕན་ཐོགས་ཆེ་བ་སོགས་དགོས་དམིགས་དུ་མ་ལ་བརྟེན་ནས་གྲོས་ཆོད་འཇོག་དགོས་བྱུང་ཡོད་པ་བཀོད་འདུག...

བོད་ནང་འབྱུང་བའི་འཇིགས་པ་སྔ་ཕྱི་འདི་དག་ཡོང་རྐྱེན་གཙོ་བོ་ནི་རྒྱ་གཞུང་གིས་བོད་མཐོ་སྒང་གི་ཁོར་ཡུག་ལ་གཅེས་སྤྲས་མེད་པར་གང་བྱུང་གཏོར་བཤིག་ཚབས་ཆེན་བཏང་དང་གཏོང་བཞིན་པའི་རྗེས་འབྲས་སུ་གྱུར་ཡོད་ཅེས་གསུངས། The post བོད་ནང་ས་ཡོམ་བྱུང་བར་སྤྱི་འཐུས་ལྷན་ཚོགས་ནས་ཐུགས་གསོའི་གསུང་འཕྲིན། appeared first on བོད་ཀྱི་བང་ཆེན།.

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༢ ཉིན་གྱི་དགོང་མོ་བོད་ནང་གི་ཆུ་ཚོད་ ༡༠།༣༣ སྟེང་། བོད་ནག་ཆུ་སྦྲ་ཆེན་ཕྱོགས་སུ་ཚད་རིམ་ ༧ ཅན་གྱི་ས་ཡོམ་བརྒྱབ་སྟེ། མི་གྲངས་མང་པོ་རྐྱེན་འདས་དང་རྨས་སྐྱོན་བྱུང་བ། དེ་བཞིན་ཁང་ཁྱིམ་རྡིབ་ལྷུང་གིས་གོད་ཆག་ཚབས་ཆེ་བྱུང་བ་དང་། བྲག་རྡོ་བསྙིལ་ནས་འགྲུལ་ལམ་འགག་པ། དགུན་དུས་ཀྱི་གྲང་ངར་འགོ་བཙུགས་པ་སོགས་ཀྱིས་ཟས་གོས་གནས་མལ་གང་ཅིར་དཀའ་ངལ་འཕྲད་བཞིན་ཡོད་པའི་ཡིད་སྐྱོའི་གནས་ཚུལ་གསར་འགྱུར་བརྒྱུད་ལམ་ཁག་ཏུ་ཐོན་པར་བོད་མི་མང་སྤྱི་འཐུས་ལྷན་ཚོགས་ནས་གདུང་སེམས་མཉམ་སྐྱེད་ཞུ་རྒྱུ་དང་།  རྐྱེན་འདས་སུ་གྱུར་པ་རྣམས་ལ་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་རིས་མེད་བསྟན་བདག་བླ་ཆེན་རྣམ་པ་དང་། དགོན་སྡེ་ཁག་བཅས་ནས་བསྔོ་སྨོན་མཛད་བཞིན་ཡོད་ལ། རྗེས་ཤུལ་ནང་མི་རྣམས་ལའང་ཐུགས་གསོ་ཞུ་བ་དང་སྦྲགས། རྨས་སྐྱོན་ཕོག་པའི་ནད་པ་རྣམས་མགྱོགས་མྱུར་དྲག་སྐྱེད་ཡོང་བའི་སྨོན་འདུན་ཞུ་རྒྱུ་མ་ཟད། ཁང་ཁྱིམ་གཏོར་བཤིག་སོང་བའི་ཁྱིམ་ཚང་རྣམས་དཀའ་ངལ་ལས་གྲོལ་བའི་མཐུན་འགྱུར་ཡོང་བ་སྤྱི་སྒེར་ཡོངས་ལ་འབོད་སྐུལ་ཞུ་རྒྱུ་ཡིན། བོད་ནང་འབྱུང་བའི་འཇིགས་པ་སྔ་ཕྱི་འདི་དག་ཡོང་རྐྱེན་གཙོ་བོ་ནི་རྒྱ་གཞུང་གིས་བོད་མཐོ་སྒང་གི་ཁོར་ཡུག་ལ་གཅེས་སྤྲས་མེད་པར་ཤིང་ནགས་གཅོད་འབྲེག་དང་། ཆུ་རགས་གསར་རྒྱག གཙང་ཆུ་བཀག་བསྐྱིལ་དང་ཁ་ཕྱོགས་བསྒྱུར་བ། གཏེར་ཁ་སྔོགས་འདོན། མེ་འཁོར་ལྕགས་ལམ་དང་ཕུག་ལམ་གསར་བསྐྲུན་སོགས་ཁོར་ཡུག་ལ་གང་བྱུང་གཏོར་བཤིག་ཚབས་ཆེན་བཏང་དང་གཏོང་བཞིན་པའི་རྗེས་འབྲས་སུ་གྱུར་ཡོད་ན། རྒྱ་གཞུང་ནས་རྒྱལ་སྤྱིའི་ཁོར་ཡུག་ཉམས་ཞིབ་པ་ཆེད་འབོད་ཀྱིས་བོད་ཀྱི་ཁོར་ཡུག་བདག་གཅེས་དང་འགན་སྲུང་དགོས་པའི་སྐུལ་མ་བྱ་རྒྱུ་བཅས། བོད་མི་མང་སྤྱི་འཐུས་ལྷན་ཚོགས་ནས་རབ་གནས་མེ་རྟ་ཕྱི་ལོ་ ༢༠༢༦ ཟླ་ ༡༠ ཚེས་ ༢༦ ལ།།

ཉེ་ཆར་རྒྱ་གར་བྱང་ཤར་ཨ་རུ་ན་ཅལ་མངའ་སྡེའི་ཧིན་བོད་ས་མཚམས་སུ་རྒྱ་དཀར་ནག་གཉིས་ཀྱི་དམག་མི་བར་གདོང་ཐུག་ཤོར་འདུག་ཅིང་། གདོང་ཐུག་དེ་ཡང་ས་མཚམས་སུ་ཡོད་པའི་ས་གནས་ཁག་མང་པོ་ཞིག་ལ་བྱུང་ཡོད་པར་བརྗོད་འདུག The post ཧིན་བོད་ས་མཚམས་སུ་རྒྱ་དཀར་ནག་གཉིས་ཀྱི་དམག་མི་བར་གདོང་ཐུག་ཤོར་བ།  appeared first on བོད་ཀྱི་བང་ཆེན།.

བོད་ནག་ཆུ་སྦྲ་ཆེན་རྫོང་དུ་ས་ཡོམ་བྱུང་རྗེས་དེ་འབྲེལ་གྱི་གནས་ཚུལ་དྲ་ཐོག་ཏུ་སྤེལ་མཁན་ཚོར་ཉེས་ཆད་གཅོད་ཀྱིན་འདུག The post རྒྱ་གཞུང་གིས་དྲ་ལམ་དུ་ས་ཡོམ་དང་འབྲེལ་བའི་གནས་ཚུལ་སྤེལ་མི་ཆོག་ཟེར། appeared first on བོད་ཀྱི་དུས་བབ།.

༡ སེམས་ཉིད་ངལ་གསོའི་ཀུན་བཏུས། སྤྱི་འཐུས་མཁན་པོ་ཀཿ བྲག་དངོས་གྲུབ་བསོད་ནམས་ལགས་ཀྱིས་བརྩམས་པའི་(སེམས་ཉིད་ངལ་གསོའི་ཀུན་བཏུས་) ཞེས་པའི་དཔེ་དེབ་འདི་ནི། གྲུབ་པ་ཐོབ་པའི་སྐྱེས་ཆེན་ཀུན་གྱི་སྤྱི་མེས་ཏེ། གྲུབ་ཆེན་ས་ར་ཧ་པས། སེམས་ཉིད་གཅིག་པུ་ཀུན་གྱི་ས་བོན་ཏེ།། གང་ལ་སྲིད་དང་མྱང་ངན་འདས་འཕྲོ་བ།། The post བོད་ཀྱི་དཔེ་མཛོད་ཁང་གིས་པར་སྐྲུན་བྱས་པའི་དཔེ་དེབ་ངོ་སྤྲོད། appeared first on བོད་ཀྱི་བང་ཆེན།.

རྒྱལ་སྤྱིའི་དགེ་ལྡན་ལྷན་ཚོགས་ཁྱབ་ཁོངས་ཀྱི་དགེ་འདུན་པ་རྣམས་སྲིད་སྐྱོང་དང་སྤྱི་འཐུས་ཀྱི་འོས་མིར་བཞེངས་མི་ཆོག་པའི་ཁར། རང་མོས་ཀྱིས་བཞེང་མཁན་བྱུང་ན་དགོན་སྡེ་གྲྭ་ཚང་སྒྲིག་ཁོངས་ནས་དགོངས་པ་ཞུ་དགོས་འདུག དེ་རིང་ཕྱི་ཚེས་ ༢༦ ཉིན་རྒྱལ་སྤྱིའི་དགེ་ལྡན་ལྷན་ཚོགས་ཀྱིས་སྤྱི་མོས་གཏན་འབེབས་གནང་བའི་༧གོང་ས་རྒྱལ་བ་རིན་པོ་ཆེ་མཆོག་གི་མཚན་གནས་སྲུང་སྐྱོབ་སྐོར་དང་། དགེ་འདུན་པའི་མཚན་གནས་སྲུང་སྐྱོབ་སྐོར་གྱི་གྲོས་ཆོད་གཉིས་ཡོངས་ཁྱབ་གསལ་བསྒྲགས་གནང་བའི་ཁྲོད། རྒྱལ་སྤྱིའི་དགེ་ལྡན་ལྷན་ཚོགས་ཁྱབ་ཁོངས་ཀྱི་དགེ་འདུན་པ་རྣམས་ཀྱིས་༧གོང་ས་རྒྱལ་བ་རིན་པོ་ཆེ་མཆོག་དང་དགའ་ལྡན་ཕོ་བྲང་ལ་གཞི་མེད་མཚན་དམས་ཞུས་ཏེ་དགོན་སྡེའི་སྒྲིག་ཁོངས་ནས་ཕྱིར་ཕུད་དང་། ཁྱབ་ཁོངས་དགོན་སྡེ་གྲྭ་ཚང་གི་དགེ་འདུན་པ་རྣམས་སྲིད་སྐྱོང་དང་སྤྱི་འཐུས་ཀྱི་འོས་མིར་བཞེངས་མི་ཆོག་པའི་ཁར། རང་མོས་ཀྱིས་བཞེང་མཁན་བྱུང་ན་དགོན་སྡེ་གྲྭ་ཚང་སྒྲིག་ཁོངས་ནས་དགོངས་པ་ཞུ་དགོས་འདུག  རྒྱལ་སྤྱིའི་དགེ་ལྡན་ལྷན་ཚོགས་ཀྱིས་སྤྱི་མོས་གཏན་འབེབས་གནང་བའི་༧གོང་ས་རྒྱལ་བ་རིན་པོ་ཆེ་མཆོག་གི་མཚན་གནས་སྲུང་སྐྱོབ་སྐོར་གྱི་གྲོས་ཆོད་ནང་།  ས་སྟེང་རྒྱལ་བསྟན་སྤྱི་དང་། ལྷག་པར་རང་ཅག་བོད་ཁ་བ་གངས་ཅན་པའི་བསྟན་སྲིད་མི་རིགས་སྤྱི་ཡོངས་དང༌། བྱེ་བྲག་དཔལ་མཉམ་མེད་རི་བོ་དགེ་ལྡན་པར་སྤྱི་ནོར་༧གོང་ས་༧སྐྱབས་མགོན་ཆེན་པོ་༸རྒྱལ་དབང་ཡིད་བཞིན་ནོར་བུ་མཆོག་དང་། ཁོང་གི་བླ་བྲང་དཔལ་ལྡན་དགའ་ལྡན་ཕོ་བྲང་ལས་ལྷག་པའི་བཀའ་དྲིན་ཆེ་བ་གང་ཡང་མེད་ཀྱང༌། དེང་སྐབས་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་ཀུན་ཕན་རླབས་ཆེན་མཛད་འཕྲིན་ལ་དྲིན་ལན་ལོག་འཇལ་ཞུ་མཁན་དང༌། དགའ་ལྡན་ཕོ་བྲང་ལ་གཞི་མེད་སྒྲོ་སྐུར་མཚན་དམས་ཞུ་མཁན་རེ་ཟུང་འབྱུང་བཞིན་འདུག་པས། སྤྱིར་ན་གལ་ཏེ་དགའ་ལྡན་ཕོ་བྲང་གི་ལས་དོན་བྱེད་ཕྱོགས་སོགས་ལ་དངོས་གནས་ནོར་འཁྲུལ་རིགས་འདུག་སྙམ་པ་བྱུང་ཚེ། དེ་མ་ཐག་དགའ་ལྡན་ཕོ་བྲང་ལ་ཐད་ཀར་འབྲེལ་བ་བྱེད་པའམ། ༧གོང་ས་མཆོག་ལ་མཚན་འཁོད་སྙན་ཞུ་འབུལ་བའམ། དགེ་རྩའི་ཚོགས་གཙོ་ལས་ཚབ་ཀྱི་མཚན་ཐོག་དང༌། དྲུང་ཆེ་ལྷན་ཚོགས་བཅས་ཀྱི་མཚན་ཐོག་ཏུ་དགའ་ལྡན་ཕོ་བྲང་གི་ལས་དོན་དང་འབྲེལ་བའི་སྐྱོན་གནས་ཇི་ཡོད་འདི་དང་འདི། ཞེས་རང་དབང་གིས་ཞུ་ཆོག་ཆོག་གི་བརྒྱུད་ལམ་དེ་སྔོན་ནས་ད་བར་ཡོད་བཞིན་པ་ཡོངས་གྲགས་བཞིན། བརྒྱུད་ལམ་དེ་དག་གཅིག་ཀྱང་མ་བརྒྱུད་པར་༧གོང་ས་མཆོག་གི་རླབས་ཆེན་མཛད་འཕྲིན་དང༌། དགའ་ལྡན་ཕོ་བྲང་ལ་གཞི་མེད་སྒྲོ་སྐུར་མཚན་དམས་ཞུས་པའི་དཔང་རྟགས་དངོས་སུ་ར་འཕྲོད་བྱུང་ཚེ་ཆེས་མ་རུང་བའི་ལོག་པའི་བསམ་སྦྱོར་ངན་པ་ཅན་དེའི་རིགས་སོ་སོའི་དགོན་སྡེ་གྲྭ་ཚང་གི་སྒྲིག་ཁོངས་ནས་ཕྱིར་འབུད་གཏང་རྒྱུར་སྤྱི་མོས་ཀྱིས་ཐག་གཅོད་གཏན་འབེབས་བྱུང་ཡོད། ཅེས་གསལ་འདུག  དེ་བཞིན་དགེ་འདུན་པའི་མཚན་གནས་སྲུང་སྐྱོབ་སྐོར་གྱི་གྲོས་ཆོད་ནང་། ད་ལྟའི་སྤྱི་ཚོགས་ཀྱི་གནས་བབ་དང་བོད་བསྟན་སྲིད་སྤྱིའི་བདེ་ཐབས། སྒོས་སུ་རང་ཅག་ཆོས་བྱེད་དགེ་འདུན་རྣམས་ཀྱི་མཚན་གནས་སྲུང་སྐྱོབ་སླད། ད་ནས་བཟུང་རྒྱལ་སྤྱིའི་དགེ་ལྡན་ལྷན་ཚོགས་ཀྱི་ཁྱབ་ཁོངས་དགོན་སྡེ་གྲྭ་ཚང་གི་དགེ་འདུན་པ་སུའང་སྲིད་སྐྱོང་དང་སྤྱི་འཐུས་ཀྱི་འོས་གཞིར་བཞེངས་མི་ཆོག  ཅི་སྟེ་རང་མོས་ཀྱིས་བཞེངས་མཁན་བྱུང་ཚེ་སོ་སོའི་དགོན་སྡེ་གྲྭ་ཚང་གི་སྒྲིག་ཁོངས་ནས་རྩ་དགོངས་ཞུ་དགོས། གལ་སྲིད་ཁོངས་སོ་སོའི་གྲྭ་ཚང་ནས་རྩ་དགོངས་མ་ཞུས་པར་ལས་དོན་དེ་རིགས་ལ་ཞུགས་པ་བྱུང་ཚེ་གྲྭ་ཚང་དེ་ཉིད་ཀྱི་སྒྲིག་ཁོངས་ནས་རང་ཕུད་དུ་སོང་བར་ངོས་འཛིན་བྱ་རྒྱུར་སྤྱི་མོས་ཀྱིས་ཐག་གཅོད་གཏན་འབེབས་བྱུང་ཡོད། ཅེས་གསལ་འདུག  སྤྱིར་གྲོས་ཆོད་དེ་གཉིས་ནི། འདི་ལོའི་ཕྱི་ཟླ་ ༨ ཚེས་ ༢༠ ཉིན་ནས་ཉིན་གྲངས་གཉིས་རིང་དགའ་ལྡན་ཁྲི་ཐོག་ཁང་དུ། འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་མཆོག་དང་། མཚུངས་མེད་ཤར་བྱང་གི་ཆོས་རྗེ་རྣམ་གཉིས་དབུ་བཞུགས་ཀྱིས། དགའ་ལྡན་ཕོ་བྲང་གི་སྐུ་ཚབ། གདན་ས་གྲྭ་ཚང་ཁག་གི་མཁན་རིན་པོ་ཆེ་རྣམ་པ་བཅུ་གཅིག རྒྱལ་སྤྱིའི་དགེ་ལྡན་ལྷན་ཚོགས་ཀྱི་ངེས་སྟོན་པ་བཅས་ཀྱིས་གྲོས་མོལ་བཀའ་བསྡུར་གནང་སྟེ། རྒྱལ་སྤྱིའི་དགེ་ལྡན་ལྷན་ཚོགས་ཀྱི་ལོ་འཁོར་ཚོགས་ཆེན་དང༌། དགེ་ལྡན་ཆོས་ཁྲིམས་འཛིན་སྐྱོང་ལྷན་ཚོགས་ཐོག་གཏན་འབེབས་གནང་བ་ཞིག་ཡིན་འདུག  གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། ཆོས་རྒྱལ་སྐྱབས། The post རྒྱལ་སྤྱིའི་དགེ་ལྷན་ཁྱབ་ཁོངས་ཀྱི་དགེ་འདུན་པ་རྣམས་སྤྱི་འཐུས་ཀྱི་འོས་མིར་བཞེངས་མི་ཆོག་པའི་ཐག་གཅོད་གནང་།  appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༢ ཉིན་གྱི་སྔ་དྲོ་ཆུ་ཚོད་ ༩ ཐོག་བོད་མིའི་སྒྲིག་འཛུགས་ཀྱི་དཔལ་ལྡན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་དང་དྲུང་ཆེ་ཀརྨ་ཆོས་དབྱིངས་ལགས་རྣམ་གཉིས་བོད་ཁྱིམ་སེ་ལ་ཀུའི་སློབ་གྲྭར་ཕེབས་འབྱོར་སྐབས་ཧར་པ་སྤུར་ས་གནས་འགོ་འཛིན་སྒྲོལ་མ་ཚེ་རིང་ལགས་དང་། སློབ་གྲྭའི་སློབ་སྤྱི། དགེ་ཆེ། དགེ་ལས་སློབ་ཕྲུག་བཅས་ནས་ཕེབས་བསུའི་སྣེ་ལེན་གཟབ་རྒྱས་ཞུས་ཡོད། སློབ་གྲྭའི་སློབ་སྤྱི་ནས་སློབ་གྲྭའི་ལོ་འཁོར་ལས་བསྡོམས་སྙིང་བསྡུས་སྙན་སྒྲོན་ཞུས་གྲུབ་མཚམས་དཔལ་ལྡན་ཤེས་རིག་བཀའ་བློན་མཆོག་གིས་གསུང་བཤད་གནང་ཡོད་ཅིང་། སྐབས་དེར་སློབ་མ་རྣམས་ཀྱི་དོགས་འདྲི་ཁག་ལ་ལན་འདེབས་གསལ་བཤད་གནང་སྟེ། དཔལ་ལྡན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་གིས་སློབ་གྲྭའི་འཛིན་ཁང་དང་ལས་ཁུངས་ཁག་ཏུ་གཟིགས་ཞིབ་གནང་ཡོད། ཉིན་གུང་ཆུ་ཚོད་ ༡༢ ཙམ་ལ་སེ་ལ་ཀུའི་བོད་ཁྱིམ་བཟོ་རིག་སྒྱུ་རྩལ་སློབ་གཉེར་བསྟི་གནས་ཁང་དུ་ཕེབས་འབྱོར་སྐབས་བཟོ་རིག་སྒྱུ་རྩལ་བསྟི་གནས་ཁང་གི་ངེས་སྟོན་པ་དང་ལས་རོགས་རྣམས་ནས་ཕེབས་བསུ་ཞུས་པ་དང་སྦྲགས། དཔལ་ལྡན་བཀའ་བློན་མཆོག་ནས་སློབ་གཉེར་བསྟི་གནས་ཁང་གི་ཁོར་ཡུག་ལ་གཟིགས་ཞིབ་གནང་ཞིང་། འཛིན་སྐྱོང་ལས་བྱེད་དང་སློབ་ཕྲུག་རྣམས་དང་གྲོས་བསྡུར་གནང་ཡོད། སྐབས་དེར་སློབ་གཉེར་ཁང་གི་ཟས་རིགས་སྡེ་ཚན་ནས་ཉིན་གུང་གསོལ་ཚིགས་གྲ་སྒྲིག་གིས་སྐུ་མགྲོན་རྣམས་ལ་འདེགས་འབུལ་ཞུས་ཡོད།དེ་རྗེས་དཔལ་ལྡན་བཀའ་བློན་མཆོག་ཧར་པ་སྤུར་སཾ་བྷོ་ཊའི་སློབ་གྲྭར་ཆེད་ཕེབས་སྐབས་སློབ་གྲྭའི་འགན་འཛིན་དང་སློབ་ཕྲུག་རྣམས་ནས་བཀྲ་ཤིས་ཞོལ་པ་གཟིགས་འབུལ་དང་བཅས་ཕེབས་བསུའི་སྣེ་ལེན་གཟབ་རྒྱས་ཞུས་གྲུབ་མཚམས། དཔལ་ལྡན་བཀའ་བློན་མཆོག་གིས་སློབ་གྲྭའི་འཛིན་ཁང་དང་ལས་ཁུངས་ཁག་ལ་རྟོག་ཞིབ་གནང་ཡོད། དེ་ནས་དགེ་ལས་དང་ལྷན་ཐུག་འཕྲད་ཀྱིས་དགེ་ལས་རྣམས་ནས་ལྷག་བསམ་རྣམ་དག་གིས་ཕྱག་ལས་གནང་བར་བསྔགས་བརྗོད་གནང་སྟེ་མུ་མཐུད་དེ་ལྟར་གནང་དགོས་པའི་སྐུལ་འདེད་གནང་ཡོད། གོང་ཚེས་ཉིན་གྱི་ཕྱི་དྲོར་དཔལ་ལྡན་ཤེས་རིག་བཀའ་བློན་མཆོག་པུ་རུ་ཝ་ལ་སཾ་བྷོ་ཊའི་སློབ་གྲྭར་ཕེབས་འབྱོར་སྐབས་སྤུར་ཝ་ལའི་ས་གནས་འགོ་འཛིན་དང་སློབ་གྲྭའི་དགེ་ལས། དེ་བཞིན་ས་གནས་ཀྱི་ཚོགས་སྡེ་ཁག་གི་སྐུ་ཚབ་བཅས་ནས་ཕེབས་བསུའི་སྣེ་ལེན་ཞུས་གྲུབ་བསྟུན། དཔལ་ལྡན་བཀའ་བློན་མཆོག་གིས་སློབ་གྲྭའི་འཛིན་ཁང་ལ་རྟོག་ཞིབ་དང་སློབ་གྲྭའི་འགན་འཛིན་རྣམས་དང་ཐུག་འཕྲད་གནང་ཡོད། དེ་ནས་དཔལ་ལྡན་བཀའ་བློན་མཆོག་སྤོན་ཊ་ཆོས་གསུམ་བོད་མིའི་གཞིས་ཆགས་སུ་ཕེབས་འབྱོར་སྐབས་སྤོན་ཊ་ས་གནས་འགོ་འཛིན་གཙོས་པས་ས་གནས་འཐུས་ཚོགས་དང་ས་གནས་ཀྱི་ཚོགས་སྡེ་ཁག་གི་སྐུ་ཚབ་བཅས་ནས་ཕེབས་བསུའི་སྣེ་ལེན་ཞུས་ཡོད།ཕྱི་ཚེས་ ༢༣ ཉིན་གྱི་སྔ་དྲོ་ཆུ་ཚོད་ ༨ ཐོག་དཔལ་ལྡན་བཀའ་བློན་མཆོག་གིས་ཡན་ལག་སྨན་རྩིས་ཁང་དང་ས་གནས་ཀྱི་དགོན་སྡེ་ཁག དེ་བཞིན་ས་གནས་ཀྱི་ལས་ཁུངས་བཅས་སུ་གཟིགས་སྐོར་གནང་ཞིང་། སྐབས་དེར་ས་གནས་འགོ་འཛིན་ལྷན་བཅར་ཞུས་ཡོད། དེ་ནས་སཾ་བྷོ་ཊ་སྔོན་འགྲོ་སློབ་གྲྭ་དང་གཞི་རིམ་འོག་མའི་སློབ་གྲྭར་ཆེད་ཕེབས་ཀྱིས་དགེ་སློབ་རྣམས་དང་ཐུག་འཕྲད་གནང་ཞིང་། སློབ་གྲྭའི་འཛུགས་སྐྲུན་གྱི་དངོས་པོ་དང་མཐུན་རྐྱེན་ཁག་ལ་ཡར་རྒྱས་ཇི་ཞིག་གཏོང་དགོས་མིན་ཐོག་གཟིགས་ཞིབ་གནང་ཡོད། ཆུ་ཚོད་ ༡༠།༣༠ ཙམ་ལ་དཔལ་ལྡན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་གིས་ས་གནས་ཀྱི་མི་མང་རྣམས་དང་ཐུག་འཕྲད་གནང་སྟེ་བཀའ་ཤག་གི་ཕུགས་དམིགས་ཡིག་ཆ་དང་།...

མགོ་ལོག་ཏུ་རྒྱ་ནག་གཞུང་གིས་སློབ་གྲྭ་གསུམ་སྒོ་བརྒྱབ་ནས་སློབ་མ་དང་དགེ་ལས་ཀྱི་གནས་སྟངས་ཁ་གསལ་མེད་པ།

“མི་གྲངས་ ༢༠ ཉུང་མཐར་རྐྱེན་འདས་ཕྱིན་འདུག”

ཐེ་ཝན་དུ་བོད་ཀྱི་ཟློས་གར་ཚོགས་པ་གདན་ཞུ་བྱས་པ་ནི་བོད་ཀྱི་རིག་གཞུང་རྒྱུན་འཛིན་དང་མི་རབས་གསར་པར་བློ་སྐྱེད་སྤེལ་ཆེད་ཡིན

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༢ ཉིན་གྱི་དགོང་མོ་བོད་ནང་གི་ཆུ་ཚོད་ ༡༠ ཡས་མས་ལ་བོད་མདོ་ཁམས་ནག་ཆུ་སྦྲ་ཆེན་རྫོང་དུ་ཚད་རིམ་ ༧ ཅན་གྱི་ས་ཡོམ་བརྒྱབ་སྟེ། ད་ལྟའི་ཆར་མི་གྲངས་ ༡༦ འདས་གྲོངས་དང་། མི་གྲངས་ ༥༤ ལྷག་ལ་རྨས་སྐྱོན་ཕོག་ཡོད་པར་བརྟེན། གོད་ཆག་ཕོག་མཁན་དང་དེའི་ནང་མི་ལྟོས་བཅས་ལ་གདུང་སེམས་མཉམ་སྐྱེད་དང་། མྱ་ངན་མཚོན་ཆེད། བོད་མིའི་སྒྲིག་འཛུགས་བཀའ་ཤག་གི་བཀའ་འབྲེལ་འོག་ཕྱི་ཚེས་ ༢༣ ཉིན་རྒྱབ་ཆུ་ཚོད་ ༢ ཐོག་ཆོས་རིག་ལས་ཁུངས་ནས་གོ་སྒྲིག་ཞུས་ཐོག་དྷ་ས་ཐེག་ཆེན་ཆོས་གླིང་གཙུག་ལག་ཁང་གི་རྟེན་མཆོག་སྤྱན་སྔའི་དྲུང་དུ་མཆོད་སྤྲིན་སྣ་ལྔ་འབུལ་གཤོམ་དང་འབྲེལ། མཆོད་འབུལ་སྨོན་ལམ་གྱི་ཚོགས་མགོན་དུ་རྣམ་གྲྭ་མཁན་པོ་བློ་བཟང་བསམ་གཏན་མཆོག་དབུ་བཞུགས་ཐོག་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་།  ལྷན་ཁང་ཁག་གི་དྲུང་ཆེ་ཆུང་རྣམ་པ། སྲི་ཞུའི་ལས་བྱེད་རྣམ་པ། བཞུགས་སྒར་ཁུལ་གནས་སྡོད་རིས་མེད་ཆོས་སྡེ་ཁག་གི་དགེ་བཙུན་སྔགས་གསུམ།  གཞན་ཡང་གཉུག་མར་གནས་པ་དང་གློ་བུར་དུ་ལྷགས་པའི་དགེ་བཙུན་སྔགས་གསུམ། དེ་བཞིན་དྷ་ས་ཁུལ་གྱི་མི་མང་སོགས་ཁྱོན་མི་གྲངས་བརྒྱ་ཕྲག་བརྒལ་བ་འདུ་འཛོམས་ཀྱིས་སྨོན་ལམ་གསུང་འདོན་གནང་མུར་རྣམ་རྒྱལ་གྲྭ་ཚང་གི་སློབ་དཔོན་བློ་བཟང་དར་རྒྱས་ལགས་ནས་ཆོས་རིག་ལས་ཁུངས་ཀྱི་སྐྱབས་ཐོ་སྒྲོགས་སྦྱང་གནང་།དེ་ནས་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་གསུང་བཤད་གནང་དོན། ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༢ ཉིན་གྱི་དགོང་མོ་བོད་ནང་གི་ཆུ་ཚོད་ ༡༠།༣༣ སྟེང༌། བོད་མདོ་ཁམས་ནག་ཆུ་སྦྲ་ཆེན་རྫོང་ཁོངས་སུ་ཚད་རིམ་ ༧ ཅན་གྱི་ས་ཡོམ་བྱུང་སྟེ།...