ཕྱི་ལོ་༢༠༢༦ ཟླ་༨ ཚེས་༣༡ ནས་ཕྱི་ཟླ་༩ ཚེས་༢ བར་ཉིན་གྲངས་གསུམ་རིང་། བྱང་ཨ་རིའི་སྐུ་ཚབ་དོན་ཁང་གི་བོད་མིའི་སྤྱི་ཚོགས་ཡར་རྒྱས་ཐེབས་རྩ་དང་བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག དྷ་རམ་ས་ལར་མང་གཙོའི་རྒྱ་ནག་དང་བོད་ཀྱི་མ་འོངས་པའི་གླེང་སྟེགས་ཞེས་པའི་ཚོགས་འདུ་བསྐོང་ཚོགས་གནང་ཞིང་། ཚོགས་འདུར་རྒྱ་གར་དང་། The post མང་གཙོའི་རྒྱ་ནག་དང་བོད་ཀྱི་འོངས་པའི་གླེང་སྟེགས་ཐོག་བསྒྲགས་གཏམ་ལྔ་གཏན་འབེབས་གནང་བ། appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་བ་ ༠༨ ཚེས་ ༣༡ ནས་ཕྱི་ཟླ་ ༠༩ ཚེས་ ༠༢ བར་ཉིན་གྲངས་གསུམ་རིང་དྷ་རམ་ས་ལར་བྱང་ཨ་རིའི་སྐུ་ཚབ་དོན་ཁང་གི་བོད་མིའི་སྤྱི་ཚོགས་ཡར་རྒྱས་ཐེབས་རྩ་དང་བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག་མང་གཙོའི་རྒྱ་ནག་དང་བོད་ཀྱི་མ་འོངས་པའི་གླེང་སྟེགས་ཞེས་པའི་ཚོགས་འདུ་བསྐོང་ཚོགས་གནང་ཡོད། གླེང་སྟེགས་འདིའི་ཐོག་རྒྱ་གར་དང་། བྱང་ཨ་རི། ཁེ་ན་ཌ། ཨིན་ཡུལ། ཇར་མ་ནི། ནི་དར་ལེནྜ། ཨོསྟྲེ་ལི་ཡ། ཉི་འོང་། ཐའེ་ཝན། ལྷོ་སོག་བཅས་ཀྱི་རྒྱ་ནག་ཉམས་ཞིབ་པ་དང་། མཁས་དབང་། འགྲོ་བ་མིའི་ཐོབ་ཐང་ལས་འགུལ་བ་ཁྱོན་ ༢༩ ཕེབས་ཡོད། དེ་ཡང་གླེང་སྟེགས་ཐོག་མང་གཙོ་དང་། འགྲོ་བ་མིའི་ཐོབ་ཐང་། བོད་ཀྱི་མ་འོངས་བཅས་ཀྱི་གནད་དོན་ཐོག་གྲོས་མོལ་གནང་རྒྱུ་དང་། བོད་མི་དང་རྒྱ་ནག་མི་རིགས་གཉིས་ཀྱི་བར་གཉིས་མོས་བསམ་ཤེས་དང་ཡིད་ཆེས་གོང་མཐོར་གཏོང་རྒྱུར་དམིགས་ཡོད། དེ་བཞིན་ཡུན་གནས་འབྲེལ་ལམ་དང་། དངོས་ཡོད་མཉམ་ལས་བརྒྱུད་ནས་གཏན་འཇགས་མཉམ་ལས་འཛུགས་རྒྱུ་དང་ཆབས་ཅིག འཚེ་མེད་ཞི་བའི་ཞུ་གཏུག་ཐབས་བྱུས་མདུན་བསྐྱོད་བྱ་རྒྱུ་བཅས་ཡིན་པ་རེད། མང་གཙོ་རྒྱ་ནག་དང་བོད་ཀྱི་མ་འོངས་པའི་གླེང་སྟེགས་ཀྱི་དབུ་འབྱེད་མཛད་སྒོར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ཕེབས་ཞུགས་ཀྱིས་གསུང་བཤད་གནང་ཡོད་ཅིང་། སྐབས་དེར་ཁོང་གིས་བོད་རྒྱའི་དཀའ་རྙོག་དང་། དབུ་མའི་ལམ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཡང་སྲིད། བོད་རིགས་དང་རྒྱ་རིགས་བར་མཉམ་ལས་ཀྱི་གལ་གནད་བཅས་ཀྱི་གནད་དོན་ཐོག་གསུང་བཤད་གནང་ཡོད། ཐེངས་འདིའི་གླེང་སྟེགས་ཐོག་བསྒྲགས་གཏམ་ལྔ་གཏན་འབེབས་གནང་ཡོད་པ་དང་།...

ཨོ་གླིང་གནས་མཁར་གསར་བོད་རིགས་མཐུན་ཚོགས་ཀྱི་གོ་སྒྲིག་འོག་བོད་མིའི་དམངས་གཙོའི་དུས་དྲན་ཐེངས་ ༦༦ པ་དེ་སྲུང་གཙི་བྱས་འདུག  The post ཨོ་གླིང་གནས་མཁར་གསར་བོད་རིགས་མཐུན་ཚོགས་ཀྱིས་དམངས་གཙོའི་དུས་དྲན་སྲུང་གཙི་བྱས།  appeared first on བོད་ཀྱི་དུས་བབ།.

༄༅། །བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་དང་། ཤེས་རིག་དྲུང་ཆེ་ཀརྨ་ཆོས་དབྱིངས་ལགས་རྣམ་གཉིས་དྷ་ས་ཉེ་འདབས་ཀྱི་བོད་པའི་སློབ་གྲྭ་ཁག་ཏུ་གཟིགས་སྐོར་ཕེབས་འགོ་བཙུགས་ཡོད་པ་ལྟར། ཕྱི་ལོ་ ༢༠༢༦ ཟླ་བ་ ༠༨ ཚེས་ ༣༡ ཉིན་དྷ་སྟེང་བོད་ཕྲུག་ཁྱིམ་སྡེ་དང་། ཕྱི་ཟླ་ ༠༩ ཚེས་ ༠༡ ཉིན་གྷོ་པལ་པུར་བོད་ཕྲུག་ཁྱིམ་སྡེ་བཅས་སུ་འཚམས་གཟིགས་གནང་ཡོད། དེ་ཡང་ཤེས་རིག་བཀའ་བློན་མཆོག་དང་ཤེས་རིག་དྲུང་ཆེ་རྣམ་གཉིས་སློབ་གྲྭར་ཕེབས་འབྱོར་སྐབས་སློབ་གྲྭའི་ངེས་སྟོན་པ་དང་། སློབ་སྤྱི། དགེ་ཆེ། དགེ་ལས་སློབ་ཕྲུག་བཅས་ནས་ཕེབས་བསུ་ཞུས་གྲུབ་བསྟུན་བཀའ་བློན་མཆོག་གིས་འཛིན་ཁང་དང་། བོད་ཀྱི་སྐད་ཡིག་ཁང་། ཨང་རྩིས་ཁང་། གློག་ཀླད་ཁང་། དཔེ་མཛོད། སློབ་ཕྲུག་སྡོད་ཁང་། འཛིན་སྐྱོང་ལས་ཁུངས་བཅས་སུ་གཟིགས་སྐོར་གནང་ཡོད།དེ་རྗེས་ཤེས་རིག་བཀའ་བློན་མཆོག་གིས་སློབ་གྲྭའི་ཚོགས་ཁང་དུ་དགེ་ལས་སློབ་ཕྲུག་རྣམས་ལ་གསུང་བཤད་གནང་། ཁོང་གིས་ཐོག་མར་གཞི་རིམ་ཤེས་ཡོན་སྲིད་བྱུས་ཀྱི་གལ་གནད་ཐོག་ནན་བརྗོད་གནང་ཞིང་། ཤེས་ཡོན་སྲིད་བྱུས་ནི་བོད་མིའི་ཤེས་ཡོན་ལམ་ལུགས་ཀྱི་རྨང་གཞི་ལྟ་བུ་ཡིན་ཞེས་དང་། སྲིད་བྱུས་འདི་ནི་བོད་ཀྱི་སྲོལ་རྒྱུན་རིན་ཐང་དང་། དེང་རབས་ཤེས་ཡོན་ལག་ལེན་གཉིས་ཟུང་འབྲེལ་གྱི་ཤེས་ཡོན་ཞིག་སྤྲོད་ཐབས་ཡིན་པ་གསུངས། གཞི་རིམ་ཤེས་ཡོན་སྲིད་བྱུས་དེ་ཡང་ཚོགས་འདུ་དང་བགྲོ་གླེང་རིམ་པ་མང་པོའི་བརྒྱུད་མཐར་ཕྱི་ལོ་ ༢༠༠༤ ལོར་བཀའ་བློན་ཁྲི་ཟུར་༸སྐྱབས་རྗེ་ཟམ་གདོང་རིན་པོ་ཆེའི་སྐབས་སུ་བོད་མི་མང་སྤྱི་འཐུས་ལྷན་ཚོགས་ཀྱིས་གཏན་འབེབས་གནང་ཡོད་པ་འགྲེལ་བརྗོད་གནང་།དེ་ནས་བཀའ་བློན་མཆོག་གིས་འཕྲོད་བསྟེན་དང་སྒེར་གྱི་གཙང་སྦྲ་རྒྱུན་འཁྱོངས་བྱ་རྒྱུའི་ཐོག་ནན་བརྗོད་གནང་བ་དང་། འཕྲོད་བསྟེན་ལྡན་པའི་འཚོ་བའི་གོམས་གཤིས་འཇགས་ཐབས་སུ་ཟས་བཅུད་ལྡན་པའི་ཟས་དང་ཤིང་ཏོག་སོགས་མཆོད་དགོས་པའི་སྐུལ་མ་གནང་། དེ་བཞིན་ཁོང་གིས་བཙན་བྱོལ་དུ་བོད་ཀྱི་སྐད་ཡིག་དང་། རིག་གཞུང་། ངོ་བོ་སྲུང་སྐྱོབ་དང་ལྷན་དུ་འགྲོ་བ་མིའི་རིན་ཐང་དང་། ཡ་རབས་བཟང་སྤྱོད་རྒྱུན་འཁྱོངས་གནང་དགོས་པ་དང་འབྲེལ། སློབ་ཕྲུག་ཚོས་དགེ་རྒན་དང་། ལས་བྱེད་རྣམས་ལ་གུས་བརྩི་དགོས་པ་དང་།...

༄༅། །འདི་གར་ཆོས་རིག་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༨ ཚེས་ ༣༡ ཉིན་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་སིམ་སྤྱི་ལས་ཁུངས་ཀྱི་ཁྱབ་ཁོངས་ས་ཁུལ་ཁག་དང་། འཕགས་ཡུལ་ཇོ་ནང་མ་དགོན་རྟག་བརྟན་ཕུན་ཚོགས་ཆོས་གླིང་དང་ཇོ་ནང་མ་དགོན་རྟག་བརྟན་རྒས་གསོ་ཁང་། སིམ་ལ་སཾ་བྷོ་ཊ་གཏན་ཉིན་སློབ་གྲྭ་བཅས་སུ་འཚམས་གཟིགས་གནང་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩  ཐོག་ཁྲི་བརྟན་གླིང་དང་། བཀྲ་ཤིས་སྟེང་། འཆི་མེད་གླིང་བཅས་སུ་བགྲེས་སོང་ཉམ་ཐག་འགའ་ཐུག་འཕྲད་དུ་ཕེབས་རྗེས། སིམ་སྤྱི་ལས་ཁུངས་སུ་དྲྭ་ཐོག་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་འགན་འཛིན་ལྷན་ཚོགས་སུ་མཉམ་ཞུགས་གནང་རྗེས་ཇོ་ནང་མ་དགོན་རྟག་བརྟན་ཕུན་ཚོགས་ཆོས་གླིང་དུ་མཆོད་མཇལ་དང་འབྲེལ་དགོན་པའི་མཁན་པོ་ལྷན་ཆོས་རིག་ལས་ཁུངས་ཀྱི་ལས་གཞི་འགྲོ་བཞིན་པ་གནས་སྐོར་མཉེན་ཆས་དང་། བོད་ཀྱི་གྲངས་འཛིན་དཔེ་མཛོད་ཀྱི་ལས་གཞི་ངོ་སྤྲོད་གནང་གྲུབ་མཚམས་ཇོ་ནང་མ་དགོན་རྟག་བརྟན་ཕུན་ཚོགས་ཆོས་གླིང་དང་ཁྱབ་ཁོངས་རྒས་གསོ་ཁང་དུ་འཚམས་གཟིགས་སུ་ཕེབས་ཡོད།དེ་ནས་ཉིན་གུང་གསོལ་ཚིགས་རྗེས་སངས་རྒྱས་ཆོས་གླིང་དུ་འཚམས་གཟིགས་སུ་ཕེབས་ཤིང་ཚོགས་ཁང་ནང་མི་མང་དང་ཐུག་འཕྲད་ཀྱིས་གསུང་བཤད་གནང་དོན། བརྒྱ་དཔོན་གྱི་གཞིས་སྒར་ནང་ཉམ་ཐག་མེད་པ་དང་། ད་བར་བོད་མིའི་སྒྲིག་འཛུགས་ལ་རོགས་རམ་ཡོང་བའི་སྙན་བསུན་བཟོ་མི་དགོས་པ་གཙོ་འདོན་བྱེད་བཞིན་པའི་སྐོར་སྙན་སྒྲོན་ཞུས་པར་ཡི་རང་བསྔགས་བརྗོད་གནང་ཡོད། དེ་རྗེས་རང་བཙན་གྲོང་སྡེར་འཚམས་གཟིགས་སུ་ཕེབས་ཡོད། ཕྱེད་ཡོལ་ཆུ་ཚོད་ ༣ པའི་ཐོག་སིམ་ལ་སཾ་བྷོ་ཊ་གཏན་ཉིན་སློབ་གྲྭར་ཕེབས་ཤིང་། སློབ་གྲྭའི་སློབ་སྤྱི་དང་དགེ་ལས་སློབ་ཕྲུག་རྣམས་ནས་རྔ་རོལ་རུ་སྒྲིག་གིས་ཚོགས་ཁང་ནང་ཕེབས་བསུ་ཞུས་རྗེས་སློབ་སྤྱིས་སློབ་གྲྭའི་ལས་བསྡོམས་སྙིང་བསྡུས་དང་བཀའ་བློན་མཆོག་སློབ་གྲྭར་ཕེབས་པར་དགའ་བསུ་ཞུས། དེ་ནས་ཕྲུག་རྣམས་ནས་བོད་ལྗོངས་ང་ཚོའི་ཕ་ཡུལ་གཟིགས་འབུལ་ཞུས་གྲུབ་བསྟུན་ཆོས་རིག་བཀའ་བློན་མཆོག་གིས་སློབ་ཕྲུག་དགེ་ལས་རྣམས་ལ་གསུང་བཤད་གནང་དོན། སློབ་གྲྭར་སློབ་སྦྱོང་གི་ཆེད་དུ་ཡོང་གི་ཡོད་པར་བརྟེན་སློབ་སྦྱོང་ལ་ཧུར་བརྩོན་གནང་དགོས་པ་དང་། དེང་དུས་སློབ་སྦྱོང་མཐར་འཁྱོལ་བ་གནང་རྒྱུ་ཧ་ཅང་གལ་ཆེན་པོ་ཡིན་པ། སློབ་སྦྱོང་མཐར་འཁྱོལ་བར་ད་ལྟ་ནས་སློབ་སྦྱོང་ཡག་པོ་བྱེད་དགོས་པ། ཁང་པའི་རྩིག་རྨང་ཡག་པོ་མེད་ན་ཁང་པ་བརྟན་པོ་མེད་པ་བཞིན། གཞི་རིམ་སློབ་གྲྭའི་སྐབས་སློབ་སྦྱོང་ཡག་པོ་མ་གནང་ན་མཐོ་སློབ་ཏུ་སླེབ་དུས་དཀའ་ངལ་ཆེན་པོ་འཕྲད་ངེས། སློབ་གྲྭའི་སྒྲིག་གཞི་ཁག་བརྩི་སྲུང་བྱེད་དགོས་པ་དང་། དགེ་ལས་རྣམས་ལ་གུས་བརྩི་དང་དགེ་རྒན་གྱི་གང་གསུངས་པ་རྣམས་ཡིད་ལ་བཅངས་པའི་ཐོག་ནས་ཕྱག་བསྟར་དགོས་པ། དེ་བཞིན་སློབ་སྦྱོང་གི་བརྒྱུད་རིམ་ནང་ལུས་སེམས་བདེ་ཐང་ངེས་པར་དགོས་ཤིང་། ལུས་སེམས་བདེ་ཐང་ལ་གཙང་སྦྲ་འཕྲོད་བསྟེན་གལ་ཆེན་པོ་ཆགས་ཡོད་པ་དང་། འཕྲོད་བསྟེན་ཡག་པོ་མེད་ན་སློབ་སྦྱོང་གི་གོ་སྐབས་འཐུས་ཤོར་འགྲོ་ངེས་ཡིན་པ་བཅས་ཀྱི་སྐོར་གསུང་བཤད་གནང་བ་དང་། དགེ་ལས་ཚོར་ད་ལྟ་བར་དུ་ཕྱག་ལས་ཧུར་ཐག་གནང་བ་བཞིན་མུ་འཐུད་གནང་རྒྱུའི་འབོད་སྐུལ་ཞུས་ཤིང་། སློབ་ཁྲིད་གནང་སྐབས་སྐད་ཡིག་གང་བསྐྱོན་ནའང་སྲེ་ལྷད་མེད་པར་གཙང་མ་བསྐྱོན་ཐབས་གནང་དགོས་པ། དེ་བཞིན་སློབ་ཕྲུག་མིག་དཔེ་ཡར་བལྟ་གནང་ས་དགེ་ལས་རྣམས་ཡིན་པར་བརྟེན།...

བཞུགས་སྒར་རྡ་རམ་ས་ལར་མང་གཙོའི་དུས་ཆེན་ཉིན་རྒྱ་རིགས་དམངས་གཙོ་དོན་གཉེར་བ་མང་དག་ཅིག་གིས་མཉམ་ཞུགས་གནང་འདུག

བལ་བོད་ས་མཚམས་ཀྱི་གོད་ཆག་རྗེས། གསོན་པོ་འཚོལ་བའི་རེ་བ་དང་བོད་ཕྱོགས་ཀྱི་གནས་ཚུལ་ལ་ཚོད་འཛིན་བྱེད་བཞིན་པ།

བཞུགས་སྒར་དྷ་སར་བོད་མིའི་དམངས་གཙོའི་དུས་ཆེན་ཐེངས་  ༦༦ པ་ཧྲིལ་པོ་འཁོར་བའི་གཞུང་འབྲེལ་མཛད་སྒོ་འཚོགས།  The post དམངས་གཙོའི་དུས་དྲན་ཐེངས་ ༦༦ པ་སྲུང་གཙི་གནང་།  appeared first on བོད་ཀྱི་དུས་བབ།.

ཧོང་ཀོང་གི་དམངས་གཙོ་དོན་གཉེར་བ་རང་ལོ་༢༩ ཡིན་པའི་ཇོ་ཤུ་ཝ་ཝང་(Joshua Wong) གིས་དེ་སྔོན་ཧོང་ཀོང་ནང་མི་མང་གིས་རྒྱ་གཞུང་ལ་ངོ་རྒོལ་བྱེད་སྐབས། ཁོང་ནི་མི་མང་གི་ལས་འགུལ་སྣེ་ཁྲིད་པ་ཞིག་ཡིན་པ་དང་། སྐབས་དེ་དུས་ཁོང་དང་ཕྱི་རྒྱལ་གྱི་ཚོགས་པ་ཁག་དང་འབྲེལ་བ་ཡོད་ཚུལ་བརྗོད་ནས་དེ་རིང་ནག་ཉེས་ངོས་ལེན་བྱས་ཡོད་ཚུལ་བརྗོད་འདུག The post ཕྱི་རྒྱལ་གྱི་ཚོགས་པ་ཁག་དང་ལྐོག་འབྲེལ་བྱས་པའི་ཉེས་པ་ངོས་ལེན་བྱས་ཡོད་ཚུལ་བརྗོད་འདུག  appeared first on བོད་ཀྱི་བང་ཆེན།.

ཕྱི་ལོ་༢༠༢༦ ཟླ་༩ ཚེས་༢ ཉིན། བོད་མིའི་སྒྲིག་འཛུགས་ཀྱིས་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ། བོད་ཀྱི་མང་གཙོ་དབུ་བརྙེས་ཏེ་ལོ་ངོ་ཧྲིལ་པོ་༦༦ འཁོར་བའི་དུས་ཆེན་སྲུང་བརྩི་ཞུས་སོང་།  ཐེངས་འདིའི་མཛད་སྒོའི་ཐོག་སྐུ་མགྲོན་གཙོ་བོར་ཕྱི་ལོ་༡༩༨༩ ལོར་རྒྱ་ནག་པེ་ཅིང་གནམ་སྡེ་སྒོ་མོ་ཆེ་ཐང་ཆེན་དུ་སློབ་ཕྲུག་གིས་ཞི་བའི་ངོ་རྒོལ་ལས་འགུལ་སྤེལ་སྐབས་འགོ་ཁྲིད་གཙོ་གྲས་ཝང་དན་༼Wang The post བོད་ཀྱི་མང་གཙོའི་དུས་ཆེན་ཐེངས་༦༦ པ་སྲུང་བརྩི། appeared first on བོད་ཀྱི་བང་ཆེན།.

༄༅། །བོད་རྒྱལ་ལོ་ ༢༡༥༣ ཕྱི་ལོ་ ༢༠༢༦ ཟླ་བ་ ༩ ཚེས་ ༢ ཉིན་བཞུགས་སྒར་དྷ་ས་ཐེག་ཆེན་ཆོས་གླིང་གཙུག་ལག་ཁང་གི་གསུང་རའི་ནང་།  བོད་མིའི་སྒྲིག་འཛུགས་ཀྱི་མཛད་གཙོ་རྣམ་པས་དབུས་ལྷན་ཁང་ཁག་གི་དྲུང་ཆེ་ཆུང་རྣམས་དང་། སྲི་ཞུ་བ།  གཞུང་ཁོངས་མིན་པའི་ཚོགས་སྐྱིད་ཁག་གི་འཐུས་མི་རྣམ་པ། སེར་སྐྱ་ཕོ་མོ། སློབ་ཕྲུག་སོགས་ཚང་འཛོམས་ཐོག  བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་རྒྱལ་མཆོག་སྐུ་ཕྲེང་བཅུ་བཞི་པ་ཆེན་པོ་མཆོག་གིས་མང་གཙོའི་ལམ་བཟང་གསོལ་བསྩལ་བཀའ་དྲིན་བསྐྱངས་ཏེ་མི་ལོ་ ༦༦ འཁོར་བའི་དུས་ཆེན་གྱི་གཞུང་འབྲེལ་མཛད་སྒོ་སྲུང་བརྩི་གཟབ་རྒྱས་ཞུས་ཡོད།དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༡༠ ཐོག་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་། སྲི་ཞུ་ལས་བྱེད་བཅས་ཐེག་ཆེན་ཆོས་གླིང་གཙུག་ལག་ཁང་གི་གསུང་རར་ཕེབས་མཚམས་མཛད་སྒོ་དབུ་འཛུགས་ཀྱིས་ཐོག་མར་ཚང་མ་སྐུ་བཞེངས་ཐོག་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བོད་རྒྱལ་ཁབ་ཆེན་པོའི་རྒྱལ་དར་མཁའ་དབྱིངས་སུ་སྒྲེང་འཛུགས་གནང་སྐབས་བོད་ཀྱི་ཟློས་གར་ཚོགས་པས་རྔ་རོལ་དང་བཅས་བོད་རྒྱལ་ཁབ་ཆེན་པོའི་རྒྱལ་གླུ་དང་། རྒྱ་གར་རྒྱལ་གླུ་དབྱངས་སུ་གྱེར་རྗེས་བོད་ཀྱི་ཟློས་གར་ཚོགས་པས་མང་གཙོའི་གསར་གཞས་འབུལ་ལམ་ཞུས་གྲུབ་མཚམས་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བཀའ་ཤག་གི་གསུང་བཤད་དང་། དཔལ་ལྡན་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་གིས་བོད་མི་མང་སྤྱི་འཐུས་ལྷན་ཚོགས་ཀྱི་གསུང་བཤད་གནང་།དེ་ནས་ཕྱི་ལོ་  ༡༩༨༩ ལོར་རྒྱ་ནག་པེ་ཅིང་གནམ་སྡེ་སྒོ་མོ་ཆེ་ཐང་ཆེན་དུ་སློབ་ཕྲུག་གིས་ཞི་བའི་ངོ་རྒོལ་ལས་འགུལ་སྤེལ་སྐབས་ཀྱི་འགོ་ཁྲིད་གཙོ་བོའི་གྲས་ཝང་དན་ (Wang Dan) ལགས་ཀྱིས་མཛད་སྒོར་གསུང་བཤད་གནང་། དེ་རྗེས་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བོད་མིའི་སྒྲིག་འཛུགས་ཀྱི་དབུས་རང་ཁོངས་ལས་བྱེད་པ་སངས་རྡོ་རྗེ་ལགས་དང་། པདྨ་ཚེ་རིང་ལགས་རྣམ་གཉིས་ལ་ཞབས་ལོ་ ༢༥ ཧྲིལ་པོ་ལོན་པར་གཟེངས་རྟགས་ཕྱག་འཁྱེར་དང་། ཤེས་རིག་ལས་ཁུངས་ནས་སྒྲིག་ཞུགས་རིགས་གཅིག་རྐང་འཛིན་སློབ་མཐར་ཕྱིན་པའི་སློབ་ཕྲུག་བདུན་ལ་འབུམ་ཪམས་པའི་ཆེ་བསྟོད་ལག་འཁྱེར་དང་ལེགས་སྐྱེས། དེ་བཞིན་ཤེས་རིག་ལས་ཁུངས་ནས་རྒྱ་གར་རྒྱལ་ཡོངས་འཛིན་རིམ་བཅུ་གཉིས་ཡིག་རྒྱུགས་སུ་ཕྱོགས་བསྡོམས་ཆ་སྙོམས་བརྒྱ་ཆ་ ༩༥ ཡན་ལོན་པའི་སློབ་ཕྲུག་བཞི་ལ་ཕུལ་བྱུང་བྱ་དགའ་དང་ལེགས་སྐྱེས་སུ་པང་ཐོག་ཀམ་པཱུ་ཊར་རེ་གནང་རྗེས་དཔལ་ལྡན་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་གིས་རྒྱ་གར་རྒྱལ་ཡོངས་འཛིན་རིམ་བཅུ་གཉིས་ཀྱི་སློབ་ཚན་གསུམ་གྱི་རྩེ་ཕུད་ཨང་རིམ་དང་པོ་དང་། གཉིས་པ། གསུམ་པ་སོན་པའི་སློབ་ཕྲུག་བཅུ་ལ་དགའ་ལྡན་ཕོ་བྲང་བྱ་དགའ་གནང་བ་དང་། རྒྱ་རིགས་ཁག་གཅིག་གི་དཔྱད་རྩོམ་ཕྱོགས་བསྡུས་དཔེ་དེབ་རྒྱ་གཞུང་གིས་༸གོང་ས་ཏཱ་ལའི་བླ་མའི་ཡང་སྲིད་ཐོག་ཐེ་ཇུས་བྱེད་དབང་མེད་ཅེས་པའི་རྒྱ་ཡིག་ཏུ་ཡོད་པ་དབུ་འབྱེད། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་མང་གཙོ་དང་། སྤྱི་འཐུས་ལྷན་ཚོགས་སུ་བསྩལ་བའི་བཀའ་སློབ་ཁག་ཕྱོགས་བསྒྲིགས་དང་། བཙན་བྱོལ་བོད་མིའི་མང་གཙོའི་བྱུང་བ་བརྗོད་པ་དེབ་ཕྲེང་གསུམ་པ་བཅས་དབུ་འབྱེད་གནང་།དེ་ནས་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གིས་སྤྱི་ཟུར་བློ་བཟང་ཤཱསྟྲཱི་ལགས་ནས་རྩོམ་སྒྲིག་གནང་བའི་བོད་ཀྱི་ཕྱི་འབྲེལ་ལོ་རྒྱུས་དང་དེའི་ཐབས་བྱུས་ཀྱི་དོན་ཆེན་ལོ་ཚིགས་རིམ་བྱུང་སྟར་ལ་རྒྱུས་པའི་གཏམ་བྱུ་རུའི་ཕྲེང་བ་ཞེས་པའི་ཕྱག་དེབ་ཨིན་སྒྱུར་ཞུས་པ་དཔེ་དེབ་...

༄༅། །དེ་རིང་ནི་བོད་མིའི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རླབས་ཆེན་གྱི་དགོངས་གཞི་དང་ཐུགས་བརྩེ་བ་ཆེན་པོས་བོད་མིར་རིན་ཐང་བྲལ་བའི་མང་གཙོའི་ལམ་ལུགས་ཡང་དག་པ་གསོལ་རས་གནང་སྟེ་ལོ་ངོ་ ༦༦ ཧྲིལ་པོ་འཁོར་བའི་དུས་ཆེན་ཁྱད་པར་ཅན་གྱི་ཉིན་མོ་ཞིག་ཆགས་ཡོད། ༸མགོན་པོ་གང་ཉིད་མཆོག་ལ་ལྷ་ཕྱག་གྲངས་མེད་དང་བཅས་བཀའ་དྲིན་བླ་མེད་དུ་ཆེ་ཞུ་བ་དང་སྦྲགས། གཞིས་བྱེས་བོད་མི་ཡོངས་ལ་བོད་མི་མང་སྤྱི་འཐུས་ལྷན་ཚོགས་ཀྱིིས་འཚམས་འདྲི་དང་བཀྲ་ཤིས་བདེ་ལེགས་ཞུ་རྒྱུ་ཡིན། དེ་ཡང་བཙན་བྱོལ་དུ་འབྱོར་མ་ཐག་ཕྱི་ལོ་ ༡༩༦༠ ཟླ་ ༢ ཚེས་ ༣ ཉིན་གནས་མཆོག་རྡོ་རྗེ་གདན་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བཙན་བྱོལ་བོད་མིའི་གནས་ཡུལ་ས་ཁུལ་ཡོངས་ནས་སེར་སྐྱ་མང་ཚོགས་ཀྱིས་བརྟན་བཞུགས་བསྟར་འབུལ་དང་འབྲེལ་བླང་དོར་ཞུ་བྱའི་མནའ་གན་མཐུ་མོ་ཆེ་འབུལ་ལམ་ཞུས་སྐབས། ༸གོང་ས་༸སྐྱབས་མགོན་ཆེན་པོ་མཆོག་ནས་བཀའ་སློབ་ཕེབས་དོན་དུ། “བོད་འདི་སྔར་ལྟར་མ་ཡིན་པར་བོད་ཆོས་སྲིད་གཉིས་ལྡན་མང་གཙོའི་གཞུང་ཞིག་དགོས་པ་གལ་ཆེར་བརྟེན་རྒྱ་ཆེའི་མི་མང་གི་ངོ་ཚབ་མང་མོས་འོས་འདེམས་བྱས་པའི་འཐུས་མིའི་ལྷན་ཚོགས་ཤིག་དགོས་གཤིས་སྔ་འཕྲོས་ཆོས་ལུགས་ཆེན་པོ་བཞི་ནས་འཐུས་མི་རེ་དང་། ཆོལ་ཁ་གསུམ་ནས་འཐུས་མི་གསུམ་རེ་བཅས་ཁྱེད་རང་རྣམས་ཁུངས་སོ་སོར་ཕྱིར་ལོག་ཟིན་འཕྲལ་མི་མང་གི་ཁྲོད་དུ་ཤེས་ཡོན་འབྱོན་ཐང་དང་། རྒྱལ་གཅེས་ལྷག་བསམ་ལྡན་ལ་མང་ཚོགས་ཀྱི་ཡིད་ཆེས་བློ་གཏད་འཕེར་བ་ཇི་ཡོད་ནས་འོས་འདེམས་ཀྱིས་མིང་ཐོ་འོས་གྲངས་འཕྲལ་འབུལ་དགོས་” ཞེས་ཇི་ལྟར་བཀའ་སློབ་ཕེབས་དགོངས་བཞིན་བོད་མིའི་འདུས་སྡོད་ས་གནས་ཁག་ནས་ཆོལ་ཁ་རེ་ནས་མི་འཐུས་གསུམ་རེ་དང་། ཆོས་བརྒྱུད་ཆེན་པོ་བཞི་སོ་སོ་ནས་མི་འཐུས་རེ་བཅས་དྲག་འདེམས་ཀྱིས་མིང་ཐོ་འབུལ་ལམ་ཞུས་པར་ཕྱག་རྟགས་ཕེབས་གསལ་ལྟར་སྐབས་དང་པོའི་བོད་མི་མང་སྤྱི་འཐུས་བསྐོ་གཞག་བྱུང་སྟེ་ཁོང་རྣམས་ནས་ཕྱི་ལོ་ ༡༩༦༠ ཟླ་ ༩ ཚེས་ ༢ ཉིན་ཞོགས་པ་ཆུ་ཚོད་ ༩ པའི་ཐོག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་མདུན་དུ་མཇལ་ཕྱག་དམ་འབུལ་ཞུས་པ་དང་འབྲེལ། ཆོས་སྲིད་གཉིས་ལྡན་གྱི་བོད་མིའི་མང་གཙོའི་གཞུང་ཐོག་མར་དབུ་བརྙེས། བོད་ཀྱི་མང་གཙོ་ནི་དབང་ཆའི་འཐབ་རྩོད་བྱས་ནས་ཐོབ་པ་ཞིག་མ་ཡིན་པར་གཟིགས་རྒྱང་རིང་བའི་དབུ་འཁྲིད་༸གོང་ས་ཡིད་བཞིན་ནོར་བུས་མི་མང་གི་ནུས་པར་གདེང་འཇོག་གིས་གསོལ་རས་གནང་བ་ཞིག་ཡིན་པས། དེ་རིང་གི་ཉིན་མོ་འདི་ནི་བདག་ཅག་གངས་ཅན་པ་རྣམས་ཀྱི་མེ་ཏོག་གང་ལ་ཕོག་པའི་ལྷ་བསྐལ་༸གོང་ས་ཡིད་བཞིན་ནོར་བུ་མཆོག་གི་བཀའ་དྲིན་དྲན་བཞིན་དུ་བཙན་བྱོལ་ནང་མང་གཙོའི་ཁེ་དབང་ལོངས་སུ་སྤྱོད་རྒྱུ་ཡོད་པས་དགའ་གུས་ཞུ་བ་དང་མཉམ། མང་གཙོའི་ལམ་སྲོལ་དེ་སྔར་ལས་འཕེལ་རྒྱས་འགྲོ་བའི་མུར་རང་རང་སོ་སོའི་འགན་འཁྲིར་མཉམ་ཞུགས་བྱེད་པ། དེ་བཞིན་ང་ཚོས་བཙན་བྱོལ་ནང་སྦྱངས་པའི་མང་གཙོའི་རང་དབང་དེ་མ་འོངས་གཞིས་བྱེས་མཉམ་འཛོམས་སྐབས་བོད་ཀྱི་མང་གཙོ་དང་། ཞི་བདེ། ཐུན་མོང་གི་གུས་བརྩི་བཅས་ཀྱི་གཞི་རྩ་ཞིག་ཏུ་འགྱུར་ཐུབ་པ་བྱེད་དགོས། ཕྱི་ལོ་ ༡༩༦༡ ལོར་མ་འོངས་བོད་ཀྱི་རྩ་ཁྲིམས་སྙིང་དོན་དང་། ༡༩༦༣ ལོར་བོད་ཀྱི་རྩ་ཁྲིམས་ཡོངས་ཁྱབ་གསལ་བསྒྲགས་གནང་།...

༄༅། །བཙན་བྱོལ་ནང་བོད་མིའི་མང་གཙོའི་ལམ་བཟང་སྲོལ་བཏོད་དེ་མི་ལོ་ ༦༦ ཧྲིལ་པོ་འཁོར་བའི་དུས་ཆེན་མཛད་སྒོའི་འདིའི་ཐོག །བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་གིས་སྟེང་ནས་གཤམ་དུ་མང་གཙོའི་ལམ་ལུགས་འཛུགས་སྐྲུན་ལ་སྣེ་ཁྲིད་དང་སྐུལ་འདེད་མཛད་ཅིང་། མགོན་པོ་མཆོག་ལ་དབུ་འོག་དཔུང་འདེགས་ཞུ་མཁན་གྱི་མི་རབས་རྒན་པ་ཚོར་བཀའ་དྲིན་ཚོར་ཤེས་དང་ཆབས་ཅིག དུས་ཆེན་མཛད་སྒོར་མཉམ་ཞུགས་བྱེད་མཁན་སྐུ་མགྲོན་རྣམ་པ་དང་། སེར་སྐྱ་མང་ཚོགས་བཅས་པར་འཚམས་འདྲི་བཀྲ་ཤིས་བདེ་ལེགས་ཞུ་གི་ཡོད། མི་ལོ་ ༦༦ གོང་། སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་དང་། གང་གི་ཕེབས་རྗེས་སྙེགས་མཁན་བོད་མི་རྣམས་བཙན་བྱོལ་དུ་འབྱོར་ནས་ལོ་ངོ་གཅིག་ཀྱང་མ་འགོར་བར། གནས་མཆོག་རྡོ་རྗེ་གདན་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས། བོད་ཆོལ་ཁ་གསུམ་སྐྱིད་ན་སྐྱིད་མཉམ་དང་། སྡུག་ན་སྡུག་མཉམ་གྱི་ཕུང་པོ་གཅིག་ཏུ་བསྒྲིལ་ཏེ། མང་ཚོགས་ནས་རང་ཁོངས་ཆོལ་ཁ་ཆོས་ལུགས་ཀྱི་སྐུ་ཚབ་འདེམས་གཏོང་དགོས་པའི་བཀའ་སློབ་བསྩལ་དོན་བཞིན། ཕྱི་ལོ་ ༡༩༦༠ ཟླ་ ༩ ཚེས་ ༢ ཉིན་བོད་མི་མང་སྤྱི་འཐུས་ལྷན་ཚོགས་གསར་འཛུགས་བྱུང་ཡོད་པ་དང་། ཕྱི་ལོ་ ༡༩༦༡ དང་། ༡༩༦༣ ལོ་སོ་སོར་མ་འོངས་བོད་ཀྱི་རྩ་ཁྲིམས་སྙིང་བསྡུས་དང་། བོད་ཀྱི་རྩ་ཁྲིམས་ཁྱབ་བསྒྲགས་གནང་བ་མ་ཟད། རིམ་པས་གཞུང་གི་སྒྲིག་འཛུགས་དང་། ལས་ཀྱི་སྣེ་མོ་བ་བསྐོ་གཞག་འཕོ་ལེན་བཅས་པར་ལེགས་བཅོས་དང་། ཟླ་དྲུག་ལས་བསྡོམས་ཚོགས་ཆེན་དང་། ལོ་འཁོར་ལས་བསྡོམས་ཚོགས་ཆེན་བརྒྱུད། བཙན་བྱོལ་བོད་མིའི་ཆབ་སྲིད་དང་འཛིན་སྐྱོང་མང་གཙོའི་ལམ་ལུགས་ཐོག་སྣེ་ཁྲིད་མཛད་ཅིང་། ཕྱི་ལོ་ ༡༩༩༡ ལོར་བཙན་བྱོལ་བོད་མིའི་བཅའ་ཁྲིམས་གཏན་འབེབས་ཀྱིས་མང་གཙོའི་ཀ་བ་གསུམ་དང་། རང་དབང་ལྡན་པའི་སྡེ་ཚན་གསུམ་བཅས་མང་གཙོའི་ཆ་ལག་ཡོངས་སུ་གྲུབ་པར་བགྱིས་ཤིང་།...

བོད་ཀྱི་གནོད་ཐེབས་ས་ཁུལ་གྱི་བརྙན་དང་གནས་ཚུལ་ཤེས་རྟོགས་ཐུབ་པར་དཀའ་བར་གྱུར་ཡོད་པ་རེད།

སྐྱིད་གྲོང་འགག་སྒོ་གནས་ཡུལ་གྱི་གྲོང་ཚོའི་ཁྱིམ་དུད་ ༡༥ ལ་གནོད་འཚེ་ཕོག་ཡོད་པ་དང་སྣེ་ཤེན་པ་ ༡༠ གར་སོང་ཆ་མེད་དུ་སོང་བ།

༧གོང་ས་༧སྐྱབས་མགོན་ཆེན་པོ་མཆོག་ལ་ལ་དྭགས་ཀྱི་ཆོས་ལུགས་འདྲ་མིན་གྱིས་ཆེ་བསྟོད་སྣེ་ལེན་ཞུས་པ།

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༩ པའི་ཚེས་ ༡ ཉིན་རྒྱབ་དཔལ་ལྡན་བོད་མི་མང་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་དྷ་ས་འཛིན་སྐྱོང་སྦྱོང་བརྡར་ཁང་དུ་ཉེ་ཆར་གསར་འདེམས་བྱུང་བའི་སྲི་ཞུའི་ལས་བྱེད་རྣམས་ལ་བཙན་བྱོལ་བོད་མིའི་བཅའ་ཁྲིམས་སྐོར་ལ་ཟབ་ཁྲིད་གནང་ཡོད་པ་རེད།  དེ་ཡང་དཔལ་ལྡན་ཚོགས་གཞོན་མཆོག་གིས་གཙོ་བོ་བཅའ་ཁྲིམས་དང་རྩ་ཁྲིམས་གཉིས་ཀྱི་ཁྱད་པར་དང་། ཕྱི་ལོ་ ༡༩༩༡ ལོར་སྐབས་བཅུ་གཅིག་པའི་བོད་མི་མང་སྤྱི་འཐུས་ལྷན་ཚོགས་ནས་བཅའ་ཁྲིམས་གཏན་འབེབས་ཇི་ལྟར་གནང་ཚུལ། བཅའ་ཁྲིམས་ཀྱི་སྔོན་གླེང་དང་། ལེའུ་བཅུ་གཅིག་དང་དོན་ཚན་བརྒྱ་དང་བཅོ་ལྔ་ཡོད་པ་དེ་དག་རེ་རེའི་ཐོག་འགྲེལ་བརྗོད་ཞིབ་རྒྱས། ཕྱི་ལོ་ ༢༠༡༡ ལོར་༧གོང་ས་མཆོག་གིས་ཆབ་སྲིད་ཀྱི་སྐུ་དབང་རྩིས་སྤྲོད་མཛད་རྗེས། གྲོས་ཚོགས་ནས་བཅའ་ཁྲིམས་བསྐྱར་བཅོས་ཟིན་བྲིས་ཚོགས་ཆུང་བསྐོ་གཞག་དང་འབྲེལ། སྐབས་ ༡༤ པའི་གྲོས་ཚོགས་ཚོགས་དུས་འཕར་མ་ཚོགས་ཏེ། བཅའ་ཁྲིམས་བསྐྱར་བཅོས་ཉེར་ལྔ་པ་གཏན་འབེབས་གནང་བའི་སྐོར། ད་བར་བཅའ་ཁྲིམས་བསྐྱར་བཅོས་ཇི་སོང་སོགས་ཀྱི་ཐོག་ཟབ་ཁྲིད་གནང་བ་དང་། དེ་བཞིན་ཟབ་སྦྱོང་བ་སྲི་ཞུའི་ལས་བྱེད་གསར་པ་རྣམས་ཀྱིས་དོགས་འདྲི་ཕུལ་བ་ཁག་ལ་དཔལ་ལྡན་ཚོགས་གཞོན་མཆོག་གིས་ལན་འདེབས་གསལ་བཤད་གནང་སོང་། གསར་འདེམས་བྱུང་བའི་སྲི་ཞུའི་ལས་བྱེད་རྣམས་ཀྱི་ཟབ་སྦྱོང་དེ་བཞིན་བོད་མིའི་སྒྲིག་འཛུགས་ལས་བྱེད་འདེམས་བསྐོ་ལྷན་ཁང་གི་གོ་སྒྲིག་འོག་ཕྱི་ལོ་ ༢༠༢༦ ཟླ་བ་ ༩ ཚེས་ ༡ ནས་ ༡༩ བར་འཚོགས་རྒྱུ་ཡིན་འདུག་པ་བཅས། །

བལ་བོད་ས་མཚམས་ཀྱི་འདམ་རུད་དང་ཆུ་ལོག་གི་གོད་ཆག་ལས་མིག་དཔེ་བླངས་ཏེ། རྒྱ་གར་དང་བྷང་ལ་ཌི་ཤི་སོགས་ཀྱིས་རྒྱ་ནག་གི་ཆུའི་དམག་འཁྲུག་ལ་གདོང་ལེན་བྱ་དགོས་པའི་སྐུལ་མ་བྱས་སོང་། དེ་རིང་སྔ་དྲོའི་ཆུ་ཚོད་ ༡༡ སྟེང་དྷ་ས་ས་གནས་མགོ་འཛིན་ལས་ཁུངས་ཀྱི་ཚོགས་ཁང་དུ། བོད་རང་བཙན་སློབ་ཕྲུག་ཚོགས་པ་དང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གཉིས་ཟུང་འབྲེལ་ཐོག ཨེ་ཤ་ཡའི་ཆུ་བོའི་འགོ་ཁུངས་ཀྱི་དཀའ་ཉེན། བོད་དང་བལ་ཡུལ་གྱི་ཆུ་རུད་ཀྱི་གོད་ཆག་ལ་ཁ་གསལ་གྱི་གནས་ཚུལ་དགོས། ཞེས་པའི་བརྗོད་གཞིའི་ཐོག་བགྲོ་གླེང་བྱས་ཏེ་གསར་འགོད་གསལ་བསྒྲགས་ཤིག་སྤེལ་སོང་། གསར་འགོད་གསལ་བསྒྲགས་དེའི་སྟེང་དུ་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་དོན་གྲུབ་དབང་མོ་ལགས། བོད་སྐྱིད་རོང་ནས་ཡིན་པའི་རྒན་བྱམས་པ་དཔལ་ལྡན་ལགས་དང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་ཉམས་ཞིབ་པ་བློ་བཟང་དབྱངས་མཚོ་ལགས། དེ་བཞིན་བོད་རང་བཙན་སློབ་ཕྲུག་ཚོགས་པའི་རྒྱ་གར་གྱི་འགན་འཛིན་བསྟན་འཛིན་པ་སངས་ལགས་དང་ལས་འཆར་འགན་འཛིན་བཀྲ་ཤིས་དོན་གྲུབ་ལགས། གཞན་ཡང་རྒྱ་གར་དང་བོད་པའི་གསར་འགོད་པ་བཅས་འཛོམས་འདུག འདི་གའི་གསར་འགོད་པས་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་ཉམས་ཞིབ་པ་རྒན་པ་བློ་བཟང་དབྱངས་མཚོ་ལགས་སུ་གསར་འགོད་གསལ་བསྒྲགས་དེའི་དགོས་དམིགས་སྐོར་དྲིས་པར་ཁོང་མོས། དེ་རིང་འདིར་གཙོ་བོ་བོད་དང་བལ་ཡུལ་གྱི་ས་མཚམས་ལ་ཆུ་ལོག་བྱུང་བའི་གནད་དོན་དེ་རེད། དེ་ཡང་ཛ་དྲག་ཅིག་ནི་བོད་ནང་གི་བོད་མི་ཚོའི་གནས་སྟངས་དང་བོད་ཀྱི་ཁོར་ཡུག་ལ་གཏོར་སྐྱོན་བཏང་བའི་གནས་ཚུལ་རྣམས་རྒྱ་ནག་གཞུང་གིས་བཀག་སྡོམ་བྱེད་བཞིན་པ་དེ་རེད།  དམིགས་བསལ་བོད་ནང་གི་བོད་མི་ཚོར་ཆུ་ལོག་དང་འབྲེལ་བའི་གནས་ཚུལ་བརྒྱུད་སྐུར་བྱས་པར་ཁ་གཡར་ནས་ཉེས་ཆད་གཅོད་ཀྱི་ཡོད་པའི་སེམས་འཚབ་དགོས་པའི་གནས་སྟངས་ཡོང་གི་ཡོད་སྟབས། དེ་རིང་གསར་འགོད་གསལ་བསྒྲགས་འདི་བྱས་པ་ཡིན། ཞེས་བརྗོད་བྱུང་། རྒྱ་ནག་གཞུང་གིས་བལ་ཡུལ་དང་རྒྱ་གར་ལ་བོད་ནང་གི་ས་མཚམས་ཀྱི་འཛུགས་སྐྲུན་ཁག་དང་ཆུ་མཛོད་སོགས་ཀྱི་གནས་ཚུལ་མཁོ་སྤྲོད་བྱེད་ཀྱི་མེད་སྟབས། ད་ལན་གྱི་བལ་བོད་ས་མཚམས་ཀྱི་གོད་ཆག་འདི་ལས་མིག་དཔེ་བླངས་ཏེ། རྒྱ་གར་དང་བྷང་ལ་ཌི་ཤི་སོགས་ཀྱིས་རྒྱ་ནག་གཞུང་ལ་གནོད་ཤུགས་སྤྲད་དེ་མ་འོངས་པར་ཉེན་སྲུང་བྱེད་དགོས་པ་མ་ཟད། འཚོག་ལ་ཉེ་བའི་བྷི་རིག་ཚོགས་ཆེན་སྟེང་རྒྱ་གར་དུ་ཞི་ཅིན་ཕིན་ནམ་རྒྱ་ནག་གི་དཔོན་རིགས་སུ་ཡོང་ལ་ཡར་ལུང་གཙང་པོའི་སྟེང་རྒྱག་བཞིན་པའི་འཛམ་གླིང་གི་ཆུ་མཛོད་ཆེ་ཤོས་ཀྱི་གནས་ཚུལ་དང་། ད་ལྟ་བོད་ཀྱི་ཁོར་ཡུག་ལ་འཕྲད་བཞིན་པའི་དཀའ་ངལ་ཀྱི་གནས་ཚུལ་རྣམས་གླེང་སློང་བྱ་རྒྱུ་གལ་ཆེན་ཆེ་ཡོད་སྐོར་དང་། བོད་ཀྱི་ཁོར་ཡུག་གི་གནད་དོན་ནི་བོད་མི་ཁོ་ན་ཙམ་གྱི་དཀའ་ངལ་མ་ཡིན་པར་ཨེ་ཤ་ཡའི་མི་གྲངས་ས་ཡ་མང་པོའི་འཚོ་གནས་ལ་ཐད་ཀར་འབྲེལ་བ་ཡོད་པས། རྒྱ་གར་དང་བྷང་ལ་ཌི་ཤི་གཉིས་ཀྱིས་རྒྱ་ནག་གཞུང་ལ་བོད་ཀྱི་ཁོར་ཡུག་གི་གནད་དོན་གླེང་སློང་བྱ་རྒྱུ་རྗེས་ལུས་ཐེབས་མེད་ན་སྔ་དྲགས་མེད་སྐོར་སོགས་བརྗོད་བྱུང་། བོད་སྐྱིད་གྲོང་ནས་ཡིན་པའི་རྒན་བྱམས་པ་དཔལ་ལྡན་ལགས་ཀྱིས། བོད་ནང་གི་བོད་མི་ཚོར་ཞིབ་བཤེར་དམ་པོ་བྱེད་ཀྱི་ཡོད་པས། ཁོང་ཚོས་རང་གི་སྤྱི་ཚོགས་དྲ་ལམ་དང་བོད་ཕྱི་ལ་ཡོད་པའི་ནང་མི་ཚོར་གནས་ཚུལ་དང་སྐད་འཕྲིན་གཏོང་བར་རང་དབང་མེད། བཀག་སྡོམ་འདི་དག་ནི་བོད་ནང་གི་གོད་ཆག་གི་པར་དང་བརྙན་ཐུང་གི་དཔང་རྟགས་གང་ཡང་ཕྱིར་མ་ཐོན་པའི་རྒྱུ་མཚན་གཙོ་བོ་དེ་ཡིན། བོད་ཕྱི་ལོགས་སུ་ཡོད་པའི་བོད་མི་ཚོར་ང་ཚོའི་བོད་རིགས་སྤུན་ཟླ་ཇི་ཙམ་རྐྱེན་ལམ་དུ་སོང་ཡོད་མེད་དང༌། མྱུར་སྐྱོབ་དང་རོགས་སྐྱོར་གྱི་ལས་འགུལ་སོགས་དངོས་ཡོད་གནས་སྟངས་ཤེས་རྟོགས་ཐུབ་པའི་ཁུངས་བཙན་གྱི་ལམ་ཁ་མེད་པ་རེད་ཅེས་བརྗོད་སོང་། བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་དོན་གྲུབ་དབང་མོ་ལགས་ཀྱིས།  ཡིད་སྐྱོའི་གོད་ཆག་ཚབས་ཆེན་འདི་ནི་བོད་མི་ཚོས་མི་ལོ་བཅུ་ཕྲག་མང་པོའི་རིང་སྐད་ཤུགས་མཐོན་པོར་བརྗོད་ཡོད། མཐོ་སྒང་བོད་ཀྱི་ས་ཁམས་ནི་ས་གཤིས་ཀྱི་ཆ་ནས་བརྟན་པོ་མེད་པ་དང་གོ་ལའི་ཚ་དྲོད་འཕེལ་རྒྱས་ཀྱིས་གནོད་སྐྱོན་ཕོག་པའི་ཉེན་ཁ་ཆེན་པོ་ཡོད་པ་དང༌། གཏན་དུ་འཁྱགས་པར་གནས་པའི་འཁྱགས་རོམ་རྣམས་ཞུ་བ་དང་འཁྱགས་རོམ་རྣམས་ཕྱིར་ཤིག་གམ་འགུལ་བསྐྱོད་ཐེབས་ཀྱི་ཡོད། ཛ་དྲག་གི་གནས་སྟངས་འདི་འདྲ་གྱུར་ཡོད་ནའང་། རྒྱ་དམར་གཞུང་གིས་བོད་ནང་མུ་མཐུད་འཛུགས་སྐྲུན་དང་ཆུ་ཤུགས་གློག་ཁང་གསར་རྒྱག་གིས་ཁོར་ཡུག་ལ་ཤུགས་རྐྱེན་ཇི་ཙམ་ཐེབས་ཡོད་མེད་ཐད་སྙན་ཐོ་མཉམ་སྤྱོད་བྱེད་ཀྱི་མེད། ཉེ་ཆར་རྒྱ་ནག་གི་ས་ཁམས་རིག་པ་བ་དང་ཁོར་ཡུག་ཞིབ་འཇུག་པ་ཚོས་མེ་ཏོག་ཆུ་རགས་ཀྱི་ཉེན་ཁའི་སྐོར་ལ་སྔོན་བརྡ་བཏང་ཡོད་ཅིང༌།...

༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ཕྱི་ལོ་ ༢༠༢༦ ཟླ་བ་ ༩ ཚེས་ ༢ ནས་ ༦ བར་རྒྱ་གར་གྱི་རྒྱལ་ས་ལྡི་ལིར་བོད་ཀྱི་དུས་སྟོན་སྲུང་བརྩི་དང་། ས་གནས་ཀྱི་གནད་ཡོད་མི་སྣ་ཁག་མཇལ་འཕྲད་གནང་རྒྱུ། དེ་བཞིན་རྒྱ་ནག་དཔྱད་ཞིབ་དང་ཐབས་བྱུས་ལྟེ་གནས་ཁང་ (Centre for China Analysis and Strategy) ནས་མགྲོན་འབོད་གནང་དོན་ལྟར་པུ་ནེར་ཚོགས་འདུ་གལ་ཆེན་ནང་མཉམ་ཞུགས་གནང་ཆེད་གཞུང་འབྲེལ་ཕྱོགས་ཕེབས་གནང་གཏན་འཁེལ་ཡོད་པ་བཅས།།

ཉེ་ཆར་བོད་སྐྱིད་གྲོང་ཁུལ་དང་བལ་ཡུལ་གྱི་ས་ཆ་ཁག་ལ་ཆུ་ལོག་བརྒྱབ་ནས་མི་མང་པོ་འདས་གྲོངས་སུ་གྱུར་བ་དང་། བརྒྱ་ཕྲག་མང་པོ་གར་སོང་ཆ་མེད་དུ་གྱུར་ཡོད་ཀྱང་། རྒྱ་ནག་གིས་བོད་སྐྱིད་གྲོང་ས་ཁུལ་གྱི་གནས་ཚུལ་ལ་དམ་དྲག་དང་བཀག་འགོག་ཤུགས་ཆེན་བྱེད་བཞིན་ཡོད་པའི་རྐྱེན་གྱིས་ད་དུང་ཡང་གནས་ཚུལ་དངོས་དེ་ཤེས་རྟོགས་ཐུབ་ཀྱི་མེད་པར་བརྟེན། རྒྱ་གར་བོད་རང་བཙན་སློབ་ཕྲུག་ཚོགས་པ་དང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གཉིས་ཀྱིས་དྷ་ས་ས་གནས་འགོ་འཛིན་ཚོགས་ཁང་དུ། ཨེ་ཤེ་ཡའི་ཆུ་བོའི་འགོ་ཁུངས་ཀྱི་དཀའ་ཉེན། བོད་དང་བལ་ཡུལ་གྱི་ཆུ་རུད་ཀྱི་གོད་ཆག་ལ་ཁ་གསལ་གྱི་གནས་ཚུལ་དགོས་ཞེས་པའི་གསར་འགོད་གསལ་བསྒྲགས་ཤིག་སྤེལ་སོང་། The post སྐྱིད་གྲོང་གི་ཆུ་རུད་གོད་ཆག་གནས་ཚུལ་ཕྱི་གསལ་ནང་གསལ་དགོས་པའི་གསར་འགོད་གསལ་བསྒྲགས། appeared first on བོད་ཀྱི་བང་ཆེན།.

བོད་ཀྱི་དུས་བབ་གསར་ཤོག་སྤྱིའི་འདོན་ཐེངས་ ༡༠༤༨ སྟེང་གི་རྩོམ་སྒྲིག་པའི་གཏམ། ཕྱི་ཟླ་ ༨ ཚེས་ ༢༦ ཉིན་བལ་བོད་ས་མཚམས་སུ་འབྱུང་བའི་གནོད་འཚེ་ཐེབས་པ་རེད།  འབྱུང་བའི་གནོད་འཚེ་ཞེས་ལབ་ནའང་ཏག་ཏག་ཅིག་བསྡད་ཡོད་མེད་བཤད་དཀའ།འདི་ནི་མིས་བཟོས་གནོད་འཚེ་ཞིག་ཀྱང་ཡིན་སྲིད། དེ་ཡང་མི་རྣམས་ཀྱིས་བསམ་གཟས་ནས་ལུང་སྟོད་ཀྱི་ཆུ་འགག་གློད་པ་མིན་ནའང་། འབྱུང་བའི་གནོད་འཚེ་འདི་འདྲ་ཞིག་ཡོང་བའི་རྒྱུ་རུ་འགྱུར་བའི་ས་བརྐོ་རྡོ་བསློག་གམ། ཡང་ན་གནམ་གཤིས་འགྱུར་ལྡོག་གི་ཚ་ཚད་ཇེ་མཐོར་བཏང་བའི་ལས་ཤིག་བརྩམས་པར་བརྟེན་འཁྱགས་རོམ་བཞུས་ནས་མཚོ་མོ་འཁྱིལ་བ་དང་། གསར་དུ་འཁྱིལ་བའི་མཚོ་མོ་བརྡོལ་ཏེ་ལུང་གཤོངས་ཀྱི་ཡོད་ཚད་བསྣུབས་སོང་བ་ཡིན་སྲིད། དེ་འདྲ་མ་རེད། ལུང་སྟོད་དུ་ས་ཡོམ་བརྒྱབ་པ་དང་། དེའི་རྐྱེན་གྱིས་ལྟེམས་མེར་འཁྱིལ་བའི་མཚོ་མོར་གཡོ་འཁྱོམ་བྱུང་བས་ས་རུད་དང་ཆུ་ལོག་བྱུང་བ་རེད་ཟེར། འོ། དེ་འདྲའང་རེད་མི་འདུག ས་རུད་དང་ཆུ་ལོག་བྱུང་བའི་རྐྱེན་གྱིས་ས་འགུལ་བ་རེད་ཟེར།  ད་དུང་་་ གོང་གི་སྐད་ཆ་དག་ནི་ས་རུད་དང་ཆུ་ལོག་བྱུང་མ་ཐག གསར་ཁང་ང་ཡིན་ཁྱོད་ཡིན་ཟེར་བ་དག་གིས་སྤེལ་བའི་གནས་ཚུལ་རེད། གནས་ཚུལ་འདི་དང་མཉམ་དུ་གོད་ཆག་འདིའི་ཁྲོད་རྐྱེན་འདས་དང་གར་སོང་ཆ་མེད་དུ་གྱུར་བའི་གྲངས་ཀ་ཐོན་མགོ་ཚུགས་པ་དང་། བལ་ཡུལ་ཕྱོགས་ཀྱི་གྲངས་ཀ་རིམ་བཞིན་འཕར་བ་རེད། དེ་བཞིན་གོད་ཆག་འདིའི་ཁྲོད་དུ་སྲོག་ཉེན་ལས་ཐར་མཁན་ཚོའི་དངོས་མྱོང་སོགས་ཀྱང་བཅར་འདྲིའི་ལམ་ནས་ཕྱི་རུ་ཐོན་པས། འདས་པོའི་དོན་དུ་མ་ཎི་བགྲང་བ་དང་། ཤུལ་ལུས་ནང་མིར་གདུང་སེམས་མཉམ་བསྐྱེད་བྱེད་པ། སྐྱོ་གདུང་གི་མིག་ཆུ་གཏོང་བ། རོགས་རམ་གྱི་ལག་པ་བསྲིང་ས་ཞིག་ཀྱང་ཡོད་པར་གྱུར་བ་རེད། དེ་ལས་ལྡོག་སྟེ། བོད་ཕྱོགས་ཀྱི་གནས་ཚུལ་ཐད་ནས་ཝ་མོ་སྨུག་ལོང་ནང་རྒྱུ་བ་དང་ཨ་ན་མ་ན་རེད།  སྐྱིད་གྲོང་འགག་སྒོ་བསྣུབས་ནས་ཤུལ་མེད་ཆགས་ཀྱང་། དངོས་ཡོད་གནས་ཚུལ་དེ་ཉེན་རྟོག་པ་དང་འགག་སྒོ་སྲུང་མཁན་མེད་པའི་བར་གླགས་དང་བསྟུན་ནས་ཕྱི་རུ་ཐོན་ཐུབ་མེད། དྲ་ལམ་དུ་ཁྱབ་པའི་སྐྱིད་གྲོང་འགག་སྒོའི་ལྟ་སྲུང་བརྙན་མིག་ནང་གི་སྐྱི་གཡའ་བའི་རྣམ་པ་དེ་ལས་གཞན་ཅི་ཡང་མེད། རྒྱ་ནག་གཞུང་གིས་ཉིན་དང་པོར་བཟང་ངན་གྱི་སྐད་ཆ་ཅི་ཡང་མ་བཤད་པར་གཞན་གྱིས་ཅི་བཤད་ལ་ཉན་ནས་བསྡད། ཉིན་གཉིས་པར་མི་གསུམ་རྐྱེན་འདས་སུ་གྱུར་བ་དང་། མི་ལྔ་བརྒྱ་ལྔ་བཅུ་ང་བརྒྱད་ཙམ་གར་སོང་ཆ་མེད་དུ་གྱུར་ཞེས་གཞུང་འབྲེལ་ཐོག་ནས་བསྒྲགས། ཉིན་དྲུག་པར་རྐྱེན་འདས་ཀྱི་ཁ་གྲངས་༡༦ ལ་འཕར་བ་དང་།...

ཆོས་རིག་བཀའ་བློན་སྦྲ་གཉིས་ཚེ་རྒྱལ་མཆོག་གིས་བཀའ་བློན་གྱི་མཛད་འགན་བཞེས་རྗེས་རྒྱ་གར་བྱང་ཤར་ཁུལ་དུ་རྟེན་གཞི་བྱས་པའི་བོད་ཀྱི་གཞིས་ཆགས་ཁག་ཏུ་འཚམས་གཟིགས་ཐེངས་དང་པོ་ལེགས་པར་གྲུབ་འདུག The post ཆོས་རིག་བཀའ་བློན་གྱི་རྒྱ་གར་བྱང་ཤར་ཁུལ་གྱི་འཚམས་གཟིགས་ཐེངས་དང་པོ་ལེགས་པར་གྲུབ། appeared first on བོད་ཀྱི་དུས་བབ།.

རྒྱ་ནག་གི་མགོ་ཁྲིད་ཞི་ཅིན་ཕིན་གྱིས་འདི་ལོའི་ཧྲང་ཧེ་མཉམ་འབྲེལ་ལྷན་ཚོགས་ཀྱི་གླེང་སྟེགས་སྟེང་ཨུ་རུ་སུ་དང་རྒྱ་ནག་གི་འབྲེལ་ལམ་སྔར་ལྷག་བརྟན་པོ་ཆགས་ཡོད་ལུགས་བསྒྲགས། The post ཧྲང་ཧེ་མཉམ་འབྲེལ་ལྷན་ཚོགས་ཐོག་ཞི་ཅིན་ཕིན་དང་པུ་ཊིན་གཉིས་ཐུག appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༠༩ ཚེས་ ༠༡ རེས་གཟའ་མིག་དམར་ཉིན་བོད་མིའི་སྒྲིག་འཛུགས་ཀྱི་ལས་བྱེད་འདེམས་བསྐོ་ལྷན་ཁང་གི་གོ་སྒྲིག་འོག་བཞུགས་སྒར་དྷ་ས་ཉེ་འཁྲིས་སུ་ཆགས་པའི་འཛིན་སྐྱོང་སྦྱོང་བརྡར་ཁང་དུ་ཉེ་ལམ་བོད་མིའི་སྒྲིག་འཛུགས་ཀྱི་སྲི་ཞུའི་ལས་བྱེད་གསར་འདེམས་བྱུང་བ་རྣམས་ལ་ཟབ་སྦྱོང་དབུ་འཛུགས་གནང་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩ ཐོག་ཟབ་སྦྱོང་དབུ་འབྱེད་ཀྱི་མཛད་སྒོ་ཚོགས་ཡོད་ཅིང་། སྐབས་དེར་སྐུ་མགྲོན་གཙོ་བོ་ལས་བྱེད་འདེམས་ལྷན་གྱི་ཚོགས་གཙོ་ཀརྨ་ཡེ་ཤེས་མཆོག་དང་། ལས་བྱེད་འདེམས་ལྷན་གྱི་དྲུང་ཆེ་བསྟན་འཛིན་ལེགས་གྲུབ་ལགས། འབྲེལ་ཡོད་ལས་བྱེད། དེ་བཞིན་ཟབ་སྦྱོང་བ་བཅས་ཚང་འཛོམས་ཀྱིས་ཐོག་མར་སྐུ་མགྲོན་གཙོ་བོ་མཆོག་ནས་སྣང་གསལ་མར་མེ་ཞལ་ཕྱེ་གནང་ཡོད།དེ་རྗེས་ཟབ་སྦྱོང་བ་རྣམས་ནས་རེ་རེ་བཞིན་རང་ཉིད་ངོ་སྤྲོད་གནང་གྲུབ་བསྟུན། འདེམས་ལྷན་དྲུང་ཆེ་བསྟན་འཛིན་ལེགས་གྲུབ་ལགས་ཀྱིས་ཟབ་ཁྲིད་པ་རྣམས་ཀྱི་ངོ་སྤྲོད་དང་འབྲེལ། ཟབ་སྦྱོང་གི་སྒྲིག་གཞི་ཁག་ངོ་སྤྲོད་གནང་སྐབས་ཉེ་བའི་ཆར་བོད་མིའི་སྒྲིག་འཛུགས་ནས་སྦྱོང་བརྡར་སྤྲོད་ཕྱོགས་ཀྱི་སྲིད་བྱུས་གཏན་འབེབས་གནང་ཡོད་སྐོར་དང་། སྲིད་བྱུས་དེའི་ནང་སྲི་ཞུའི་ལས་བྱེད་རྣམས་ལ་ཐོག་མར་གསར་བསྐོའི་ཟབ་སྦྱོང་དང་། དེ་ནས་བར་མའི་ཟབ་སྦྱོང་། མཐོ་རིམ་གྱི་ཟབ་སྦྱོང་བཅས་ལས་བྱེད་ཀྱི་གནས་རིམ་ལ་གཞིགས་པའི་ཟབ་སྦྱོང་ཕུལ་བཞིན་པའི་སྐོར་ངོ་སྤྲོད་གནང་ཡོད། དེ་བཞིན་ཟབ་སྦྱོང་རིང་ཚོགས་བཅར་བ་རྣམས་ནས་དུས་ཚོད་སྟངས་འཛིན་གྱིས་རང་འགན་རང་འཁུར་ཡོང་པ་དང་ཆབས་ཅིག འཛེམས་ཟོན་མེད་པའི་ཐོག་ནས་ཆ་ཤས་བླངས་དགོས་པའི་སྐུལ་མ་གནང་།དེ་ནས་ལས་བྱེད་འདེམས་ལྷན་གྱི་ཚོགས་གཙོ་ཀརྨ་ཡེ་ཤེས་མཆོག་གིས་ཐོག་མར་འཚམས་འདྲི་དང་འབྲེལ་ཟབ་སྦྱོང་གི་དགོས་དམིགས་དང་གལ་གནད་སྐོར་གསུང་བཤད་གནང་། ཁོང་གིས་གསར་འདེམས་ལས་བྱེད་རྣམས་བོད་མིའི་སྒྲིག་འཛུགས་ཀྱི་བཅའ་ཁྲིམས་དང་། སྲི་ཞུའི་ལས་བྱེད་པ་རྣམས་ཀྱི་བླང་དོར་སྒྲིག་གཞི་གཞིར་བཟུང་བོད་དང་བོད་མིའི་འཐབ་རྩོད་ཆེད་དུ་ལས་འགན་སྒྲུབ་དགོས་གལ་དང་། བོད་མིའི་སྒྲིག་འཛུགས་དེ་བཞིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་། མི་རབས་གོང་མ་རྣམས་ཀྱི་སྐུ་ལས་ལ་བརྟེན་བཙུགས་ཐུབ་པ་ཞིག་ཡིན་པས་དེ་མུ་མཐུད་གནས་པར་མི་རབས་གཞོན་པར་འགན་ཁུར་ཆེན་པོ་ཡོད་པ་ནན་བརྗོད་གནང་། དེ་མཚུངས་དེང་སང་གཞོན་སྐྱེས་རྣམས་ཕྱི་རྒྱལ་ཡུལ་གྲུ་ཁག་ཏུ་ཕེབས་རྒྱུའི་གོ་སྐབས་ལ་མགོ་མ་འཁོར་བར་སོ་སོར་བསྐོ་བཞག་གནང་བའི་ས་གནས་སུ་སོ་སོའི་འཇོན་ནུས་དཔག་པའི་ཞབས་ཞུ་ཧུར་ཐག་གནང་དགོས་པ་སོགས་ཀྱི་ལམ་སྟོན་གནང་།མཐར་འདེམས་ལྷན་གྱི་ལས་བྱེད་བསྟན་འཛིན་བརྩོན་འགྲུས་ལགས་ཀྱིས་མཇུག་བསྡོམས་གཏམ་བཤད་གནང་སྟེ་དབུ་འབྱེད་མཛད་སྒོ་མཇུག་སྒྲིལ་ཡོད། ཐེངས་འདིའི་ཟབ་སྦྱོང་དེ་བཞིན་ཕྱི་ལོ་ ༢༠༢༦ ཟླ་བ་ ༠༩ ཚེས་ ༠༡ ནས་  ༡༩ བར་ཚོགས་རྒྱུ་ཡིན་པ་དང་། ཟབ་སྦྱོང་རིང་ལས་བྱེད་རྣམས་ལ་ནང་ཆོས་ངོ་སྤྲོད་དང་། བོད་མིའི་སྒྲིག་འཛུགས་ཀྱི་བཅའ་ཁྲིམས་ངོ་སྤྲོད། གཞུང་འབྲེལ་ཡིག་བཟོ།...

༄༅། །ཕྱི་ལོ་ ༢༠༢༦ ཟླ་བ་ ༠༨ ཚེས་ ༢༨ ཉིན་བོད་མིའི་སྒྲིག་འཛུགས་ཀྱི་ལས་བྱེད་གསོལ་ཚིགས་ཁང་གི་ཡང་སྟེང་དུ་དབུས་བོད་མིའི་ངལ་སེལ་ཚོགས་པའི་ལོ་འཁོར་ཚོགས་ཆེན་ཐེངས་ ༡༧ བསྐོང་ཚོགས་གནང་ཡོད། སྐབས་དེར་དབུས་བོད་མིའི་ངལ་སེལ་ཚོགས་པའི་ཚོགས་གཙོ་དང་ནང་སྲིད་བཀའ་བློན་གཅིག་ལྕོགས་དཔལ་ལྡན་དོན་གྲུབ་མཆོག་དབུ་བཞུགས་ཐོག་ཚོགས་མི་རྣམས་ཀྱིས་དེ་སྔོན་ཚོགས་ཆེན་སྐབས་ཀྱི་ཟིན་ཐོ་དང་ལས་གཞི་ལག་བསྟར་བསྐྱར་ཞིབ་དང་འབྲེལ། རྩིས་ལོ་ ༢༠༢༦་་༢༧ ལོའི་སྔོན་རྩིས་འཆར་གཞི་བཀའ་འཁྲོལ་དང་། རྩིས་ལོ་ ༢༠༢༥་་༢༦ ལོའི་འཕྲལ་སེལ་དངུལ་རྩིས་སྙན་ཐོ་བསྐྱར་ཞིབ་གནང་ཡོད། ཚོགས་འདུའི་སྐབས་སུ་འགྲེམས་སྤེལ་བརྒྱུད་འགན་འཛིན་ལྷན་ཚོགས་དང་། འཛིན་སྐྱོང་གི་ལས་བྱེད། ལས་གཞི་གཞིར་བཟུང་བསྐོ་བཞག་བཅས་དང་འབྲེལ་བའི་གྲོས་ཆོད་གཏན་འབེབས་གནང་བའི་སྐོར་ཡང་ངོ་སྤྲོད་གནང་ཡོད། མཐར་དབུས་བོད་མིའི་ངལ་སེལ་ཚོགས་པའི་ཚོགས་གཙོ་མཆོག་གི་བཀའ་འཁྲོལ་འོག་གནད་དོན་གཞན་ཁག་གཅིག་ལ་གཟིགས་སྐྱོང་དང་། དེ་རྗེས་ཐུགས་རྗེ་ལེགས་འབུལ་གྱི་གསུང་བཤད་གནང་སྟེ་ཚོགས་འདུ་མཇུག་སྒྲིལ་ཡོད་པ་བཅས།།