དེ་རིང་ཕྱི་ལོ་ ༢༠༢༦ ཟླ་ ༨ ཚེས་ ༦ ཉིན། ཨ་རུ་ན་ཅལ་མངའ་སྡེའི་ས་ཁུལ་མེའོ་ནས་ཡིན་པའི་བོད་མི་བཟའ་ཚང་གཉིས་ཏེ། བསྟན་འཛིན་དབང་འདུས་ལགས་དང་ཟླ་བ་ཆོས་སྒྲོན་ལགས་རྣམ་གཉིས་ཀྱིས། ཨ་རུ་ན་ཅལ་མངའ་སྡེ་ནས་ཧི་མ་ཅལ་མངའ་སྡེ་བར་ཉིན་གྲངས་ ༡༥ རིང་། རྒྱང་ཐག་ཀི་ལོ་མི་ཊར་ ༢༧༠༠ ལྷག་གི་བོད་དོན་སྦག་སྦག་སྐོར་སྐྱོད་ཀྱི་ལས་འགུལ་ལེགས་པར་གྲུབ་སྟེ་དེ་རིང་བཞུགས་སྒར་རྡ་རམ་ས་ལར་འབྱོར་སོང་། ཁོང་བཟའ་ཚང་གཉིས་ཀྱི་སྦག་སྦག་སྐོར་སྐྱོད་ཀྱི་ལས་འགུལ་འདི་ནི། བློ་དགའ་རང་བཙན་ལགས་ཀྱིས་བོད་རང་དབང་འཐབ་རྩོད་ཆེད་དུ་སྐུ་སྲོག་བློས་གཏོང་གནང་བར་རྗེས་དྲན་ཞུ་ཆེད་དང་། མི་མང་ལ་བོད་དོན་གོ་རྟོགས་སྤེལ་ཆེད་དུ་དམིགས་པ་ཞིག་ཡིན་ལ། སྐོར་སྐྱོད་ལས་འགུལ་འདིའི་སྐབས། ཁོང་གཉིས་ཀྱིས་བོད་མི་འདུས་སྡོད་ས་གནས་ཁག་ཏུའང་སྐོར་སྐྱོད་དང་། དེ་བཞིན་རྒྱ་གར་ས་གནས་མི་མང་དང་ཡང་མཇལ་འཕྲད་གནང་སྟེ། རྒྱལ་གཅེས་དཔའ་བོ་དཔའ་མོ་རྣམས་ལ་གུས་འདུད་དང་བོད་ཀྱི་རྩ་དོན་ལ་རྒྱབ་སྐྱོར་ཡོང་བའི་ཞུ་སྐུལ་ཡང་གནང་ཡོད། ། Dharamshala, India | Aug. 6, 2026: Tibetan couple Mr. Tenzin Wangdue and Mrs. Dawa from Miao, Arunachal Pradesh, arrived in Dharamshala today after traveling more than 2,700 kilometers across India over 15 days. Their journey was dedicated to honoring Martyr Lobga Rangzen and his sacrifice for a free Tibet, while also protesting China's newly implemented Ethnic Unity Law and raising public awareness about the Tibetan freedom struggle.