བོད་ཀྱི་གནད་དོན་དང་དཔའ་བོ་བློ་དགའ་རང་བཙན་ལགས་ཀྱིས་བློས་བཏང་ལ་མྱ་ངན་གུས་འདུད་ཆེད་རྒྱ་གར་དང་། ཡུ་རོབ། ཨ་རི་སོགས་རྒྱལ་ཁབ་ཕྱི་ནང་གཉིས་ཀའི་ནང་རྐང་འཁོར་སྐོར་སྐྱོད་དང་། སྦག་སྦག་སྐོར་སྐྱོད། ཟས་བཅད་ངོ་རྒོལ་སོགས་ཀྱི་ལས་འགུལ་འདྲ་མིན་སྤེལ་བཞིན་པ་རེད་འདུག དེ་ཡང་ཉེ་ལམ་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་བོད་བསྟན་སྲིད་མི་རིགས་ཆེད་དུ་རང་ལུས་མེར་བསྲེགས་བཏང་བའི་ཡིད་སྐྱོའི་གནས་ཚུལ་བྱུང་བ་ནས་བཟུང་། རྒྱལ་སྤྱིའི་ཁྱོན་ཡོངས་སུ་དམ་པ་ཁོང་གིས་བློས་བཏང་དང་རྒྱ་ནག་གིས་བོད་ནང་སྤེལ་བཞིན་པའི་སྲིད་བྱུས་ལ་ངོས་ལེན་མེད་པའི་ལས་འགུལ་རིམ་པ་སྤེལ་བཞིན་པའི་ཁྲོད། ཁ་སང་མེའོ་ཆོས་འཕེལ་གླིང་གཞིས་ཆགས་སུ་གནས་སྡོད་བོད་མི་བཟའ་ཚང་བསྟན་འཛིན་དབང་འདུས་ལགས་དང་།  ཟླ་བ་ལགས་གཉིས་ཀྱིས་ཁུལ་དེ་ནས་འགོ་འཛུགས་ཀྱིས་རྒྱལ་ས་ལྡི་ལི་བར་དུ། སྦག་སྦག་སྐོར་སྐྱོད་ཀྱི་ལས་འགུལ་དབུ་འཛུགས་གནང་འདུག ཕྱོགས་མཚུངས་ཡོ་རོབ་ཀྱི་རྒྱལ་ཁབ་ Austria ནང་གི་ Linz གྲོང་ཁྱེར་ནང་བོད་མི་ཉི་མ་ཚེ་རིང་ལགས་ཀྱིས། རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་ཆེད་དུ་དམ་པ་དེ་ཉིད་དགོངས་པ་རྫོགས་རྗེས་ཀྱི་ཞག་ ༤༩ མ་ཟིན་བར་རྐང་འཁོར་སྐོར་སྐྱོད་ཀྱི་ལས་འགུལ་སྤེལ་བཞིན་པ་དང་འབྲེལ། མང་ཚོགས་ཚང་མས་དམ་པ་ཁོང་གི་ཞལ་ཆེམས་ལག་བསྟར་གནང་དགོས་གལ་ཡིན་པའི་བརྡ་ལན་གནང་འདུག རྩ་བའི་བཞུགས་སྒར་དུ་ཟླ་འདིའི་ཕྱི་ཚེས་ ༡༩ རེས་གཟའ་ཉི་མའི་ཉིན་བོད་ཀྱི་གཞོན་ནུ་ལྷན་ཚོགས་ཀྱིས་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་བློས་བཏང་ལ་ཆེ་བསྟོད་དང་། རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་ཟེར་བར་ངོ་རྒོལ་དང་འབྲེལ། བློ་དགའ་རང་བཙན་ལགས་དམ་པ་དེ་ཉིད་ཀྱི་མངོན་འདོད་རྒྱུན་མཐུད་སླད་ཟས་བཅད་ངོ་རྒོལ་གྱི་ལས་འགུལ་སྤེལ་མུས་ཡིན་པ་དང་། དེའང་འཛམ་གླིང་ཡོངས་སུ་ཆགས་པའི་གཞོན་ནུའི་ས་གནས་ཁག་དང་། བོད་དོན་རྒྱབ་སྐྱོར་བ་རྣམས་ཀྱི་བརྒྱུད་འཛམ་གླིང་ཡོངས་སུ་སྤེལ་རྒྱུའི་རྒྱུན་མཐུད་ཀྱི་ལས་འགུལ་ཞིག་ཡིན་སྐོར་གསུངས་ཡོད་པ་རེད། དེ་བཞིན་ཁ་སང་ཨ་རིའི་ནིའུ་ཡོག་ནང་དུའང་སྟོད་གོས་ནག་པོ་གྱོན་ནས་ཁུལ་དེའི་རྒྱ་ནག་གཞུང་ཚབ་མདུན་དུ་ངོ་རྒོལ་སྐད་འབོད་ཀྱི་ལས་འགུལ་སྤེལ་འདུག་པ་མ་ཟད། རྒྱལ་གཅེས་པ་དམ་པ་ཁོང་སྐུ་འདས་གྲོངས་སུ་ཕྱིན་ནས་བདུན་ཚིགས་གསུམ་པ་དང་བསྟུན། བོད་མིའི་འདུ་སྡོད་ས་གནས་གང་སར་མཆོད་འབུལ་སྨོན་ལམ་དང་། ཞི་བའི་ངོ་རྒོལ་སོགས་གནང་བཞིན་ཡོད་པ་རེད།  མ་ཟད་བོད་ཀྱི་གནད་དོན་དང་འབྲེལ་རྒྱ་གར་གྱི་ Youtube བརྙན་ཐུང་བཟོས་མཁན་ SANJEET WITH TTI STUDY ཞུ་བ་ཞིག་གིས། ཟླ་བ་འདིའི་ཕྱི་ཚེས་...

༸སྐྱབས་རྗེ་རྫོང་གསར་འཇམ་དབྱངས་མཁྱེན་བརྩེ་རིན་པོ་ཆེ་མཆོག་གིས་དབུ་འཛུགས་གནང་བའི་ 84000: Translating the Words of the Buddha ཞེས་སངས་རྒྱས་ཀྱི་ཆོས་ཕུང་ ༨༤༠༠༠ ཡིག་སྒྱུར་གྱི་ལས་གཞི་ཁྲོད་ཉེ་ཆར་བཀའ་འགྱུར་ནང་གི་མདོ་རིང་ཤོས་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ་ The Perfection of Wisdom in One Hundred Thousand Lines དེ་ཉིད་དབྱིན་སྒྱུར་གནང་ཟིན་འདུག དེ་ཡང་ལས་གཞི་དེའི་དྲྭ་གནས་ཐོག་སྤེལ་བའི་གནས་ཚུལ་ནང་གསལ་ལྟར་ན།  ཉེ་ལམ་བོད་ཟླ་དྲུག་པའི་ཚེས་བཞི་སྟེ་ཆོས་འཁོར་དུས་ཆེན་གྱི་དུས་ཚིགས་ཁྱད་པར་ཅན་དང་བསྟུན་ནས།  པོད་བཅུ་གཉིས་དང་ཤོག་གྲངས་དགུ་སྟོང་བཞི་བརྒྱ་ཉི་ཤུ་ཅན་གྱི་གཞུང་༼ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ་༽དེ་བཞིན་ལོ་ངོ་བཅུ་གཉིས་རིང་ལོ་ཙཱ་བ་མི་གྲངས་བཅུ་གསུམ་གྱིས་དབྱིན་སྒྱུར་གནང་ཡོད་པ་སྟེ་ད་ལྟའི་ཆར་ལེགས་གྲུབ་ཀྱིས་ལས་གཞིའི་དེའི་དྲྭ་ཚིགས་ནས་མང་ཚོགས་ཀྱིས་རིན་མེད་ཐོག་ལྟ་ཀློག་ཐུབ་པ་བཟོས་གནང་ཡོད་པ་རེད་འདུག མ་ཟད།  བོད་བརྒྱུད་ནང་བསྟན་གྱི་བཀའ་འགྱུར་ནང་ནས་མདོ་རིང་ཤོས་འདི་པར་བསྐྲུན་གནང་ཐུབ་པར་དྲན་གསོའི་ཆེད་དུ།  ལས་གཞི་དེའི་ཚོགས་མི་རྣམས་ནས་རིན་པོ་ཆེ་དང་། བླ་མ།  ལོ་ཙཱ་བ།  ཉམས་ལེན་པ་བཅས་ལ་གྲུབ་འབྲས་དམིགས་བསལ་ཅན་དེའི་ཐད་ཁོང་རྣམ་པའི་དགོངས་ཚུལ་ཇི་ཡོད་སྐོར་བཀའ་འདྲི་ཞུས་པའི་བརྙན་ཐུང་ཞིག་འདོན་སྤེལ་གནང་འདུག་པ་དེའི་ནང་།   ཡོངས་དགེ་མི་འགྱུར་རིན་པོ་ཆེ་མཆོག་དང་།  ས་སྐྱ་ཁྲི་འཛིན་ཞེ་གསུམ་པ་ཛྙཱན་བཛྲ་རིན་པོ་ཆེ་མཆོག  ཆོས་ཀྱི་ཉི་མ་རིན་པོ་ཆེ་མཆོག  དེ་བཞིན་བོད་བརྒྱུད་ནང་བསྟན་དང་ཕྱི་རྒྱལ་གྱི་བླ་སྤྲུལ་ལོ་ཙཱ་བ་དང་མཁས་པ་སོགས་ཀྱིས་གཞུང་ཆེན་འདི་བཞིན་དབྱིན་སྒྱུར་དུ་ལེགས་གྲུབ་བྱུང་བ་ལ་དགའ་བསུ་དང་འབྲེལ།  དེར་འགྲེལ་བརྗོད་ཁྲོད། རང་དབང་དང་།  བདེན་པ།  ཧ་ལས་པ།  དུས་ལས་འདས་པ།...

བཙན་བྱོལ་བོད་མིའི་བཅའ་ཁྲིམས་དང་སྤྱི་མང་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག དཔང་རྟགས་རྩ་འཛིན་ཁྲིམས་ཡིག་བཅས་ཀྱི་ཐོག་བཙན་བྱོལ་བོད་མིའི་ཁྲིམས་དང་ལམ་ལུགས་ཀྱི་ཁྲིམས་རྩོད་པའི་སྦྱོང་བརྡ་ཐེངས་བཅུ་པ་གནང་བཞིན་པ་དང་དེ་ནི་ཕྱི་ལོ་ ༢༠༡༩ རྗེས་སུ་གོ་སྒྲིག་ཞུས་ཐུབ་པ་ཞིག་ཆགས་ཀྱི་འདུག དེ་ཡང་དྷ་ས་འཛིན་སྐྱོང་སྦྱོང་བརྡར་ཁང་དུ་བོད་མིའི་སྒྲིག་འཛུགས་ཆེས་མཐོའི་ཁྲིམས་ཞིབ་ཁང་གི་གོ་སྒྲིག་འོག་ཟླ་བ་འདིའི་ཚེས་ ༢༠ ནས་ ༢༩ བར་བཙན་བྱོལ་བོད་མིའི་ཁྲིམས་དང་ལམ་ལུགས་ཀྱི་ཁྲིམས་རྩོད་པའི་སྦྱོང་བརྡར་ཐེངས་བཅུ་པ་གོ་སྒྲིག་གནང་ཡོད་ཅིང་། སྦྱོང་བརྡར་དེའི་ཐོག་ཁྲིམས་ལུགས་རིག་པ་བ་དང་ཁྲིམས་རྩོད་པ། བོད་མིའི་སྒྲིག་འཛུགས་ཀྱི་སྲི་ཞུའི་ལས་བྱེད། བཙན་བྱོལ་བོད་མིའི་ཁྲིམས་ཞིབ་ཁང་གི་ཁྲིམས་དོན་ལས་བྱེད་བཅས་ཚོགས་བཅར་བ་ཁྱོན་ ༣༠ ཙམ་མཉམ་ཞུགས་གནང་འདུག འདི་ག་རླུང་འཕྲིན་ཁང་ནས་ཆེས་མཐོའི་ཁྲིམས་ཞིབ་ཁང་གི་སྤྱི་ཁྱབ་ཁྲིམས་དྲུང་ཆེན་མོ་ལྷ་འབྲུག་ལགས་སུ་སྦྱོང་བརྡར་དེའི་དམིགས་ཡུལ་སྐོར་བཀའ་འདྲི་ཞུས་པར། ཁོང་གིས་བོད་མི་དཀྱུས་མ་ས་གནས་སོ་སོ་ནས་སྤྱི་སྒེར་སུ་རུང་ལ་རྩོད་གཞི་གང་འདྲ་ཞིག་བྱུང་ཚེ། ཁྲིམས་ཞིབ་ཁང་འོག་མ་ནས་གོང་རིམ་ལ་ཁྲིམས་གཏུག་ཆེད་རོགས་རམ་བྱེད་ཐུབ་པའི་ཆེད་དུ་སྦྱོང་བརྡར་སྤྲོད་ཀྱི་ཡོད་ཅིང་། སྤྱིར་ཁྲིམས་ལུགས་ཀྱི་སློབ་སྦྱོང་ནི་ཉིན་གྲངས་བཅུའི་ནང་ཡོང་ཐུབ་རྒྱུ་ཞིག་མིན་ཡང་། སྦྱོང་བརྡར་འདིའི་ནང་ཁ་མཆུ་གཏུག་སྟངས་ཀྱི་འགྲོ་ལུགས་གང་ཡིན་པ་ཞིབ་ཕྲ་ཤེས་རྟོགས་སླད་དུ་བཙན་བྱོལ་བོད་མིའི་ཁྲིམས་ཞིབ་ཁང་གི་སྤྱི་མང་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག་དང་། ཁ་མཆུ་བྱུང་བའི་རྗེས་དཔང་རྟགས་ནི་དགོས་ངེས་ཅན་ཞིག་ཡིན་པར་དེའི་བརྒྱུད་རིམ་ཤེས་རྟོགས་སླད་དུ་བཙན་བྱོལ་བོད་མིའི་ཁྲིམས་ཞིབ་ཁང་གི་དཔང་རྟགས་རྩ་འཛིན་ཁྲིམས་ཡིག་གཉིས་ཀྱི་ཞིབ་ཕྲ་སློབ་ཁྲིད་གནང་གི་ཡོད་པ་དང་། དེ་བཞིན་ཁྲིམས་ཡིག་དེ་གཉིས་ཀ་འགྲོ་ལུགས་ཁྲིམས་ཡིག་ཡིན་པ་དང་། ཁ་མཆུ་བྱུང་བའི་རྗེས་འགྲོ་ལུགས་དེ་མེད་ཚེ་བྱེད་སྟངས་མི་ཤེས་པ་དང་ཐག་གཅོད་ཡང་བྱེད་མི་ཤེས་པའི་གནས་སྟངས་ཡོང་གི་ཡོད་སྟབས། གཉིས་ཀ་མཉམ་དུ་འགྲོ་དགོས་པ་མ་ཟད། དཔེ་མཚོན་དང་རྒྱལ་སྤྱིའི་ཁྲིམས་ལུགས་ཡང་ལུང་འདྲེན་བྱ་དགོས་ཚེ་དེ་ལྟར་གནང་གི་ཡོད་པ་འགྲེལ་བརྗོད་གནང་སོང་། ལྷག་པར་ཕྱི་ལོ་ ༢༠༡༩ ནས་ད་བར་ལོ་བདུན་རིང་དེ་འབྲེལ་སྦྱོང་བརྡར་གནང་མ་ཐུབ་པའི་གནས་སྟངས་ཇི་བྱུང་སྐོར་བཀའ་འདྲི་ཞུས་པར། ཁོང་གིས་ཕྱི་ལོ་ ༢༠༡༩ ལོར་སྦྱོང་བརྡར་ཐེངས་དགུ་པ་ཚོགས་ཡོད་པ་དང་། ད་བར་ཚོགས་མ་ཐུབ་པའི་བརྒྱུད་རིམ་ནི། ཕྱི་ལོ་ ༢༠༢༠ ཡས་མས་སུ་བཀའ་འཁྲོལ་ཐོབ་པའི་འོག་ནས་དེ་འབྲེལ་ཟབ་སྦྱོང་གཉིས་གོ་སྒྲིག་ཞུ་གཏན་འཁེལ་ཡང་། སྐབས་དེར་སྤྱི་ཚོགས་ནང་ཤེས་གསལ་ལྟར་ཆེས་མཐོའི་ཁྲིམས་ཞིབ་ཁང་ལ་དཀའ་ངལ་ཞིག་ཕྲད་དེ་ཁྲིམས་ཞིབ་པ་མེད་པའི་གནས་སྟངས་བྱུང་ཡོད་སྟབས། སྦྱོང་བརྡར་སྤྲོད་པ་ལ་ཁྲིམས་ཞིབ་ཁང་གི་དབང་ལྡན་མི་སྣ་མེད་ཚེ་ལག་བསྟར་བྱེད་ཐུབ་ཀྱི་མེད་པ་དང་། ད་རེས་ཐེངས་བཅུ་པ་དེའང་ལོ་སྔོན་མའི་བཀའ་འཁྲོལ་གསར་པ་ཞུས་པའི་ཐོག་ནས་ཚོགས་པ་ཐུབ་ཡོད་པ་འགྲེལ་བརྗོད་གནང་སོང་། ད་དུང་སྦྱོང་བརྡར་དེའི་ནང་སྲི་ཞུ་ལས་བྱེད་ཡང་མཉམ་ཞུགས་གནང་ཡོད་སྟབས་ཁོང་རྣམ་པའི་ཁྲིམས་རྩོད་པའི་ཕྱག་ལས་གནང་ཆོག་གི་ཡོད་མེད་སྐོར་བཀའ་འདྲི་ཞུས་པར། བོད་མིའི་སྒྲིག་འཛུགས་ཀྱི་ལས་ཁུངས་བྱེ་བྲག་གང་ཡིན་པ་ཞིག་ལ་གནས་ཚུལ་ཞིག་བྱུང་ནས་ལས་ཁུངས་དེས་རེ་བ་བརྒྱབ་ཚེ།...

ཉེ་ལམ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ལ་དྭགས་ཞི་བའི་ཚལ་ཕོ་བྲང་དུ་མང་མཇལ་སྐབས།  ལ་དྭགས་གཞོན་ནུ་ཁག་གཅིག་གིས་གནད་དོན་འདྲ་མིན་སྐོར་བཀའ་འདྲི་ཞུས་ཡོད་པ་དང་།  དེ་དེག་ཁོངས་ནས་གཅིག་གིས་ཡུལ་དེའི་ནང་གི་གཞོན་སྐྱེས་ཁྲོད་མྱོ་རྫས་རྐྱེན་པས་དཀའ་ངལ་འཕྲད་མཁན་ཇེ་མང་དུ་འགྲོ་བཞིན་པའི་སྐོར་བཀའ་འདྲི་ཞུས་ཡོད་པ་རེད།    དེ་འབྲེལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་ཉིན་ཕྱི་ཚེས་ ༢༠ ཉིན་དྲྭ་རྒྱའི་སྟེང་ཡིག་ཐོག་གསུང་འཕྲིན་ཞིག་སྩལ་ཡོད་པའི་ནང་།  ༸གང་ཉིད་མཆོག་གིས་མྱོ་རྫས་ལོངས་སུ་སྤྱོད་པའི་གནོད་སྐྱོན་གྱི་རང་བཞིན་དང་དེ་ནི་གོམས་གཤིས་ངན་པ་ཞིག་ཡིན་པ་ཤེས་རྟོགས་དགོས་རྒྱུ་གལ་ཆེན་པོ་ཡིན་པ་མ་ཟད།  ནམ་ཞིག་མྱོ་རྫས་བེད་སྤྱོད་བྱེད་པའི་མཇུག་འབྲས་སྐོར་བསམ་གཞིག་བྱེད་ན།  དེས་སྡུག་བསྔལ་ཁོ་ན་ལས་ཡོང་གི་མེད་པ་མངོན་གསལ་ཡིན་སྐོར་བཀའ་སྩལ་འདུག་པ་དང་།  མྱོ་རྫས་ངན་གོམས་ལས་བཅོས་ཐབས་དང་དྲག་སྐྱེད་ཀྱི་ལམ་དུ་གནས་རྒྱུ་དེར་དངོས་ནས་ཀྱི་སྙིང་སྟོབས་དང་ཆོད་སེམས་བརྟན་པོ་དགོས་པ་མཁྱེན་གྱི་ཡོད་སྐོར་དང་།  དཀའ་ངལ་དེ་དག་ལས་ཐར་བར་བྱེད་མཁན་གཞོན་སྐྱེས་ཡོངས་ལ་ཡིད་རངས་བསྔགས་བརྗོད་ཡོད་ཅེས།  ལ་དྭགས་གཞོན་ནུ་ཚོའི་ངོས་ནས་མྱོ་རྫས་ལོངས་སུ་སྤྱོད་རྒྱུར་འཛེམ་དགོས་པ་དང་།  ངན་གོམས་དེའི་རྐྱེན་པས་དཀའ་ངལ་འཕྲད་བཞིན་པ་ཡོངས་ལ་མྱུར་དུ་བདེ་ཐང་དང་དོན་སྙིང་ལྡན་པའི་མི་ཚེ་སྐྱིད་པོ་ཞིག་སྐྱེལ་ཐུབ་པའི་སྨོན་ལམ་འདེབས་ཀྱིན་ཡོད་པ་བཀའ་སྩལ་འདུག འདི་ག་རླུང་འཕྲིན་ཁང་གི་ལ་དྭགས་ས་གནས་གསར་འགོད་པས་ཡུལ་དེར་གནས་སྡོད་ལ་དྭགས་དང་བོད་མི་གཞོན་སྐྱེས་ཁག་གཅིག་ལ་༸གོང་ས་མཆོག་གི་གསུང་འཕྲིན་དེས་ཁོང་ཚོར་སེམས་འགུལ་ཇི་ལྟར་ཐེབས་ཡོད་སྐོར་བཀའ་འདྲི་ཞུས་པར་ཁོང་རྣམས་ཀྱིས།  ༸གང་ཉིད་མཆོག་ལ་སྐུ་ངལ་ཧ་ཅང་ཡོད་ཀྱང་ལ་དྭགས་གཞོན་སྐྱེས་ཚོའི་དྲི་བར་བཀའ་ལན་འཛད་མེད་སྩལ་གྱི་ཡོད་པ་དེ་ཤིན་ཏུ་ནས་བཀའ་དྲིན་ཆེན་པོ་ཡིན་པ་དང་།  ཁ་ཉིན་ལ་དྭགས་ཁུལ་གྱི་གཞོན་སྐྱེས་ཚོར་མྱོ་རྫས་སོགས་དང་འབྲེལ་བའི་བཀའ་སློབ་དེ་དག་འཛམ་གླིང་གཞོན་སྐྱེས་ཚང་མར་ཁྱབ་ཀྱི་ཡོད་ལ།  མྱོ་རྫས་ཀྱིས་གང་ཟག་སོ་སོའི་འཕྲོད་བསྟེན་ལ་གནོད་པ་ཙམ་མིན་པར་ནང་མི་ཕན་ཚུན་འཆམ་མཐུན་མེད་པ་བཟོ་ཡི་ཡོད་པར་བརྟེན།  ལ་དྭགས་གཞོན་སྐྱེས་ཚོས་ངོས་ནས་མྱོ་རྫས་ལོངས་སྤྱོད་ནི་རང་གི་སྡུག་བསྔལ་སེལ་བའི་ཐབས་ལམ་ཞིག་གཏན་ནས་མིན་པ་ཤེས་དགོས་པ་གསུངས་འདུག ༸གོང་ས་༸སྐྱབས་མགོན་ཆེན་པོ་མཆོག་གིས་ཁ་ཉིན་གསུང་འཕྲིན་སྩལ་བའི་ནང་གཞན་ཡང་ལ་དྭགས་གཞོན་ནུ་ཁག་གཅིག་གིས་སེམས་ཀྱི་ཞི་བདེ་ཇི་ལྟར་འཚོལ་དགོས་པ་མ་ཟད།  དངངས་འཚབ་དང་། ཁོང་ཁྲོ། སེམས་ངལ་སོགས་ཀྱི་ཉོན་མོངས་ལས་ཇི་ལྟར་རྒྱལ་དགོས་པའི་སྐོར་བཀའ་འདྲི་ཞུས་མཁན་བྱུང་སོང་ཞེས།  དེར་༸གང་ཉིད་མཆོག་གིས་བཀའ་ལན་དུ།  མི་ཚེ་ནང་གི་གཞི་རྩའི་དགོས་དོན་ནི་བདེ་བ་འཚོལ་རྒྱུ་དེ་ཡིན་དུས།  བདེ་བ་ངོ་མ་སྟེ་ཕྱིའི་རྒྱུ་ནོར་ལོངས་སྤྱོད་དང་དབང་ཆ་ནས་ཡོང་གི་མེད་པར་དེ་ནི་སེམས་ཀྱི་ཞི་བདེ་ནས་ཡོང་གི་ཡོད་པ་དང་།  དེ་ཡང་ང་ཚོས་སེམས་ལ་སྦྱོང་བརྡར་སྤྲད་དེ་བྱམས་བརྩེ་དང་གཞན་ཕན་གྱི་བསམ་བློ་གོང་འཕེལ་ལས་བསྒྲུབ་ཐུབ་ཀྱི་ཡོད་པ་བཀའ་སྩལ་དང་འབྲེལ།  གང་ཟག་རང་གི་བདེ་བ་སྟེ་གཞན་ཕན་གྱི་སེམས་ལ་རག་ལས་ཀྱི་ཡོད་པ་དང་།  རང་གཅེས་འཛིན་གྱི་བློ་དེ་བཞིན་གཞན་གཅེས་འཛིན་གྱི་བློར་བསྒྱུར་ཐུབ་ན་སེམས་ངལ་མཐའ་དག་དེ་ལས་ཞི་བར་འགྱུར་ཐུབ་པ་མ་ཟད། རང་དོན་སྒྲུབ་པའི་ཐབས་ཤེས་ཡག་ཤོས་ཏེ་དེ་ཡིན་པ་བཀའ་སྩལ་འདུག མ་ཟད་མགོན་པོ་༸གང་ཉིད་མཆོག་གིས་མི་ཚེ་དྲང་བདེན་དང་ཕྱི་གསལ་ནང་གསལ་ཐོག་སྐྱེལ་ཐུབ་པ་དེས་དངངས་སྐྲག་སོགས་ཉུང་དུ་གཏོང་ཐུབ་ལ།  སྤྱི་ཚོགས་ཁྲོད་གང་ཟག་གཞན་དང་འབྲེལ་བའང་ཡག་པོ་ཡོང་ངེས་ཡིན་པ་བཀའ་སྩལ་གྱིས།  ཕྱིའི་རྒྱ་རྐྱེན་ལས་སེམས་ཀྱི་ཞི་བདེ་བསྒྲུབ་ཐབས་མེད་པ་དང་།  ཤེས་ཡོན་དང་ཉམས་ལེན་བརྒྱུད་ནང་སེམས་ལ་སྦྱོང་བརྡར་སྤྲོད་དགོས་གལ་མ་ཟད།  ཞེ་སྡང་དང་། ཁྲོ་སེམས། ཕྲག་དོག་འཇོམས་བྱེད་དུ་བྱམས་སྙིང་རྗེ་དང་བཟོད་སྒོམ་སོགས་ཀྱི་བསམ་བློ་གོང་འཕེལ་གཏོང་དགོས་པ་བཀའ་སྩལ་འདུག སྤྱིར་ད་ལན་༸གོང་ས་༸སྐྱབས་མགོན་ཆེན་པོ་མཆོག་གིས་ལ་དྭགས་གཞོན་སྐྱེས་ཚོར་དམིགས་ཏེ་མྱོ་རྫས་ངན་གོམས་ཐོག་བཀའ་སློབ་སྩལ་ཡོད་པ་གང་ལྟར་ཡང་།  བཙན་བྱོལ་སྤྱི་ཚོགས་ཁྲོད་༸གང་ཉིད་མཆོག་གི་གསུང་འཕྲིན་དེ་སྤྱི་ཚོགས་དྲྭ་ལམ་སྟེང་བརྒྱུད་སྐུལ་དང་སྦྲགས། ...

ཁ་སང་ཕྱི་ཚེས་ ༡༩ ནས་ཟླ་བ་འདིའི་ཚེས་ ༢༥ བར་ཨ་རིའི་ངོས་ནས་བཙན་འོག་ཏུ་ཡོད་པའི་རྒྱལ་ཁབ་ཀྱི་བདུན་ཕྲག་ཞེས་སྲུང་བརྩི་གནང་བཞིན་པ་དང་བསྟུན། ཡུལ་དེའི་ནང་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་ཨ་རིའི་གྲོས་ཚོགས་ལ་ Assuring the Future of Tibet Act འམ་བོད་ཀྱི་མ་འོངས་འགན་སྲུང་གི་ཁྲིམས་འཆར་ཏེ་གཏན་འབེབས་གནང་བའི་བརྒྱུད་བོད་ཀྱི་གནད་དོན་ཐད་ཨ་རིའི་ཆབ་སྲིད་ཚོགས་པ་དབྱེར་མེད་ཀྱི་རྒྱབ་སྐྱོར་བསྐྱར་ནན་གནང་དགོས་པ་དང་། ཨ་རིའི་གཞུང་ངོས་ནས་འདི་ལོའི་ཕྱི་ཟླ་ ༧ པའི་ཚེས་ ༡ ནས་ལག་ལྟར་བྱས་འགོ་བཙུགས་པའི་རྒྱ་ནག་གི་མི་རིགས་མཉམ་བསྲེས་ཁྲིམས་མཐུན་བཟོས་པའི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཞེས་པའི་ཁྲིམས་གསར་པ་དེར་སྐྱོན་བརྗོད་གནང་དགོས་པ་གསུངས་འདུག རྩ་བའི་ Captive Nations Week འམ་བཙན་འོག་ལ་ཡོད་པའི་རྒྱལ་ཁབ་ཀྱི་བདུན་ཕྲག་ཞེས་པ་འདི་དེ་སྔ་ཕྱི་ལོ་ ༡༩༥༩ ལོར་ཨ་རིའི་གྲོས་ཚོགས་ཀྱིས་གཏན་འབེབས་གནང་བའི་དུས་ཚིགས་ཤིག་ཡིན་པ་དང་། དེའང་དམར་ཤོག་དང་དབང་ཆ་གཅིག་འདུས་རིང་ལུགས་གཞུང་འཛིན་འོག་གནས་པའི་རྒྱལ་ཁབ་ཁག་ངོ་རྟགས་སྤྱོད་དེ། རྒྱལ་ཁབ་དེ་དག་གི་རང་དབང་དང་རང་ཐག་རང་གཅོད། དེ་བཞིན་འགྲོ་བ་མིའི་ཆེ་མཐོང་གི་རིན་ཐང་ལ་ཨ་མི་རི་ཀའི་རྒྱབ་སྐྱོར་གསལ་སྟོན་གནང་རྒྱུའི་ཆེད་དུ་ཡིན་པ་དང་། བོད་དེ་བཞིན་ཕྱི་ལོ་ ༡༩༥༩ ལོའི་ཕྱི་ཟླ་ ༧ པའི་ནང་ཨ་རིའི་གྲོས་ཚོགས་ཀྱིས་བཙན་འོག་ཏུ་གནས་པའི་རྒྱལ་ཁབ་ལ་ངོས་འཛིན་གནང་བ་ཆེས་ཐོག་མའི་གྲས་སུ་ཡིན་པ་དང་། བོད་དོན་འཐབ་རྩོད་དེ་བཞིན་འཛམ་གླིང་ཁྲོད་ཀྱི་རང་དབང་འཐབ་རྩོད་རྒྱུན་རིང་ཤོས་ཡིན་པ་དང་འབྲེལ། བོད་ཀྱི་གནད་དོན་དེ་བཞིན་དེ་སྔ་ཕྱི་ལོ་ ༡༩༥༩ བཞིན་ད་ལྟ་འང་བཙན་འོག་ཏུ་གནས་པའི་རྒྱལ་ཁབ་ཀྱི་དུས་ཚིགས་ཀྱི་ངོ་བོ་མཚུངས་པའི་གནད་དོན་ཞིག་ཆགས་བསྡད་ཡོད་པ་རེད། ཁ་སང་རྒྱལ་སྤྱིའི་བོད་དོན་ལས་འགུལ་ཁང་གི་དྲྭ་གནས་ཐོག་ཨ་རིའི་གཞུང་དང་གྲོས་ཚོགས་གཉིས་ལ་འབོད་སྐུལ་གྱི་བསྒྲགས་གཏམ་དེ་འདོན་སྤེལ་གནང་འདུག་པ་དེའི་ནང་དུ། འདི་ལོའི་བཙན་འོག་ཏུ་གནས་པའི་རྒྱལ་ཁབ་ཀྱི་བདུན་ཕྲག་ཞེས་པའི་དུས་ཚིགས་དེ་བཞིན་རྒྱ་ནག་གི་བཙན་དབང་གི་མི་རིགས་མཉམ་བསྲེས་ལ་དམིགས་པའི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་གསར་པ་ལག་ལྟར་བྱས་འགོ་བཙུགས་པ་དང་།...

དེ་རིང་བཞུགས་སྒར་དུ་བོད་མིའི་སྒྲིག་འཛུགས་ཀྱི་དབུས་འདེམས་བསྐོ་ལྷན་ཁང་གི་ཚོགས་གཙོ་ཀརྨ་ཡེ་ཤེས་མཆོག་དང། དབུས་འོས་བསྡུ་ལྷན་ཁང་གི་འགན་འཛིན་བློ་བཟང་ཡེ་ཤེས་མཆོག བོད་མི་མང་སྤྱི་འཐུས་མགོན་པོ་དོན་གྲུབ་ལགས་ཀྱིས་དབུས་པའི་གཞོན་ནུ་ལྷན་ཚོགས་ཀྱི་དབུ་རྒྱུན་ཟུར་པ་བརྒྱད་དབུ་བཞུགས་ཐོག་ཟས་བཅད་ངོ་རྒོལ་གྱི་ལས་འགུལ་དབུ་འཛུགས་གནང་སོང་། དེ་རིང་ཚེས་ ༡༩ རེས་གཟའ་ཉི་མའི་ཉིན་གྱི་སྔ་དྲོ་ཕྱག་ཚོད་ ༧ པའི་ཐོག བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་སྒོ་ཁར་སྤེལ་བའི་ལས་འགུལ་དེ་བཞིན་བོད་ཀྱི་གཞོན་ནུ་ལྷན་ཚོགས་ཀྱིས་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་བློས་བཏང་ལ་ཆེ་བསྟོད་དང་། རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་ཟེར་བར་ངོ་རྒོལ་དང་འབྲེལ། བློ་དགའ་རང་བཙན་ལགས་དམ་པ་དེ་ཉིད་ཀྱི་མངོན་འདོད་རྒྱུན་མཐུད་སླད་སྤེལ་བ་ཞིག་ཡིན་པ་དང་། དེའང་འཛམ་གླིང་ཡོངས་སུ་ཆགས་པའི་གཞོན་ནུའི་ས་གནས་ཁག་དང་། བོད་དོན་རྒྱབ་སྐྱོར་བ་རྣམས་ཀྱི་བརྒྱུད་འཛམ་གླིང་ཡོངས་སུ་སྤེལ་རྒྱུའི་རྒྱུན་མཐུད་ཀྱི་ལས་འགུལ་ཞིག་རེད་འདུག དེ་རིང་ཉིན་དང་པོའི་ལས་འགུལ་དེའི་ཐོག་ལས་བྱེད་འདེམས་བསྐོ་ལྷན་ཁང་གི་ཚོགས་གཙོ་ཀརྨ་ཡེ་ཤེས་མཆོག དབུས་འོས་བསྡུ་ལྷན་ཁང་གི་འགན་འཛིན་བློ་བཟང་ཡེ་ཤེས་མཆོག བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཟུར་བོད་མི་མང་སྤྱི་འཐུས་མགོན་པོ་དོན་གྲུབ་ལགས་དང་། ཚོགས་གཞོན་ཟུར་པ་བློ་བཟང་ཚེ་རིང་ལགས་སོགས་གཞོན་ནུ་ལྷན་ཚོགས་ཀྱི་དབུ་རྒྱུན་ཟུར་པ་བརྒྱད་ནས་མཉམ་ཞུགས་གནང་འདུག གཞོན་ནུ་ལྷན་ཚོགས་ཀྱི་ཚོགས་གཞོན་བཀྲ་ཤིས་རྟགས་རྒྱས་ལགས་ཀྱིས་གསུང་དོན་ལྟར་ན། དབུ་རྒྱུན་ཟུར་པ་རྣམས་ནས་ཕྱག་ཚོད་ ༢༤ རིང་ཟས་བཅད་ངོ་རྒོལ་གནང་གྲུབ་རྗེས། སང་ལས་ཐོག་དབུ་རྒྱུན་རྣམས་ནས་ཟས་བཅད་ངོ་རྒོལ་ནང་བཞུགས་རྒྱུ་དང་། དེ་རྗེས་ས་གནས་གཞོན་ནུ་སོགས་ཀྱིས་རེ་མོས་ངང་གནང་རྒྱུ་ཡིན་པ་མ་ཟད། བཞུགས་སྒར་དུ་ལས་འགུལ་གྲུབ་རྗེས་རྒྱལ་ས་ལྡི་ལའི་ནང་མ་འཆི་བར་དུ་ཟས་བཅད་ངོ་རྒོལ་གྱི་ལས་འགུལ་སྤེལ་འཆར་ཡོད་པ་རེད་འདུག དེ་བཞིན་བཞུགས་སྒར་གྱི་ལས་འགུལ་དེ་གྲུབ་རྗེས་ཨ་རིའི་ནིའུ་ཡོག་ནང་གི་མཉམ་འབྲེལ་རྒྱལ་ཚོགས་ཀྱི་མདུན་ཐང་ནས་འགོ་བཙུགས་ཀྱིས་བོད་ཀྱི་གཞོན་ནུ་ལྷན་ཚོགས་ཀྱི་ཡན་ལག་ས་གནས་གཞོན་ནུ་ཡོད་སའི་རྒྱལ་ཁབ་ ༡༤ ནང་དང་། དེ་བཞིན་བོད་དོན་རྒྱབ་སྐྱོར་ཚོགས་པ་ཡོད་ས་ས་གནས་གཞན་ཁག་བཅས་ཁྱོན་རྒྱལ་ཁབ་ ༢༠ ཙམ་ནང་ལས་འགུལ་སྤེལ་འཆར་ཡོད་པ་ཡང་གསུངས་གནང་སོང་།  རྩ་བའི་ཐེངས་འདིའི་ཟས་བཅད་ངོ་རྒོལ་གྱི་ལས་འགུལ་དེའི་བརྒྱུད། རྒྱལ་སྤྱིའི་མཉམ་འབྲེལ་རྒྱལ་ཚོགས་ནས་དཔའ་བོ་བློ་དགའ་རང་བཙན་ལགས་ཀྱིས་བོད་རྒྱལ་ཁབ་དང་མི་རིགས་ཀྱི་དོན་དུ་སྐུ་ལུས་མེར་བསྲེགས་གནང་བ་དེར་ངེས་པར་དུ་འགན་འཁུར་དགོས་པ་མ་ཟད། བྱ་སྤྱོད་ངོ་མའི་ཐོག་ནས་རྒྱལ་སྤྱིའི་ཐོག་ཡ་ལན་དོན་ལྡན་ཞིག་ངེས་པར་སྤྲད་དགོས་པ། དཔའ་བོ་བློ་དགའ་རང་བཙན་ལགས་གཙོ་བྱས་པའི་ད་བར་བོད་མི་རང་ལུས་མེར་བསྲེགས་གནང་མཁན་ཡོངས་ཀྱི་ཚེ་སྲོག་ལ་རྒྱ་དམར་སྲིད་གཞུང་ནས་འགན་འཁུར་དགོས་པ། བོད་རང་བཙན་ནི་ང་ཚོའི་ཐོབ་ཐང་ཡིན་པས་རྒྱལ་སྤྱིས་ངེས་པར་དུ་ངོས་འཛིན་དགོས་པ། དེ་བཞིན་རྒྱ་དམར་སྲིད་གཞུང་གིས་མི་རིགས་མཐུན་སྒྲིལ་གྱི་ཁྲིམས་དེར་རྩ་བ་ནས་ངོས་ལེན་མེད་ཅིང་། བོད་ནང་ལག་བསྟར་བྱ་རྒྱུ་མཚམས་འཇོག་དགོས་པ། ༸ཀུན་གཟིགས་༸པཎ་ཆེན་རིན་པོ་ཆེ་མཆོག་གིས་དབུས་པའི་བོད་མིའི་བཙོན་པ་རྣམས་ཆ་རྐྱེན་གང་ཡང་མེད་པའི་ཐོག་ནས་གློད་བཀྲོལ་དགོས་པ་སོགས་ཀྱི་དགོས་འདུན་དོན་ཚན་ ༥...

དེ་རིང་བཞུགས་སྒར་དུ་བོད་ཀྱི་གཞུང་འབྲེལ་མ་ཡིན་པའི་ཚོགས་པ་་ཁག་དང་བོད་དོན་རྒྱབ་སྐྱོར་བ་རྣམས་ཀྱི་གོ་སྒྲིག་འོག རྒྱལ་གཅེས་དཔའ་བོ་བློ་དགའ་རང་བཙན་ལགས་སུ་གདུང་སེམས་སྐྱེད་དང་རྒྱ་ནག་གི་མི་རིགས་མཐིན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཟེར་བར་ངོས་ལེན་མེད་པའི་ངོ་རྒོལ་ལས་འགུལ་ཞིག་སྤེལ་སོང་།  དེ་ཡང་ཉེ་ལམ་ཨ་རི་ནང་འཛམ་གླིང་མཉམ་འབྲེལ་རྒྱལ་ཚོགས་ཀྱི་མདུན་ཐང་དུ། རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་བོད་བསྟན་སྲིད་མི་རིགས་ཆེད་དུ་རང་གི་གཅེས་པའི་ལུས་སྲོག་ལོངས་སྤྱོད་དང་བཅས་པ་བློས་གཏོང་གིས་རང་ལུས་མེར་བསྲེགས་གནང་ཡོད་པ་དང་། ལྷག་པར་འདི་ལོར་རྒྱ་དམར་སྲིད་གཞུང་གིས་ཟླ་བ་འདིའི་ཚེས་ ༡ ཉིན་ནས་འགོ་འཛུགས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་ཅེས་པའི་དོན་ཚན་ ༦༥ ཅན་གྱི་ཁྲིམས་ཡིག་དེར་ངོ་རྒོལ་མཚོན་ཆེེད། བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་ཉེ་འགྲམ་རླང་འཁོར་འབབ་ཚུགས་ནས་རྡ་ཤོད་ཀ་ཅ་རིའི་ཉེན་རྟོོག་ཐང་ཆེན་བར་་རྔམ་སྟོན་ཁྲོམ་སྐོར་གྱི་ལས་འགུལ་སྤེལ་སོང་།  ལས་འགུལ་ནང་གྱོན་ཆས་ནག་པོ་སྤྲས་པའི་རྡ་སའི་བོད་མི་བརྒྱ་ཕྲག་འགའ་ཤས་འདུ་འཛོམས་ཐོག་དམ་པ་ཁོང་གི་སྤུར་སྒམ་གདན་ཞུས་ཀྱིས་རྡ་ཤོད་ཉེན་རྟོག་ཐང་ཆེན་དུ་འབྱོར་རྗེས་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་ནས་ལས་འགུལ་དེ་འབྲེལ་བསྒྲགས་གཏམ་སྒྲོག་སྦྱང་དང་། མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཟེར་འཁོད་པའི་པར་རིས་མེར་བསྲེགས་བཏང་སོང་བ་མ་ཟད། མང་ཚོགས་ལ་རྒྱལ་གཅེས་པ་ཁོང་གི་སྐུ་ཚེ་ལོ་རྒྱུས་དང་བློས་བཏང་ངོ་སྤྲོད་གནང་སོང་།  བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་བཀྲ་ཤིས་རྟགས་རྒྱས་ལགས་ཀྱིས་འདི་ག་རླུང་འཕྲིན་ཁང་གི་བརྒྱུད་ཐེངས་འདིའི་ལས་འགུལ་ཐོག་ནས་རྒྱལ་སྤྱིའི་མཉམ་འབྲེལ་རྒྱལ་ཚོགས་ཀྱིས་དཔའ་བོ་བློ་དགའ་རང་བཙན་ལགས་ཀྱིས་བོད་རྒྱལ་ཁབ་ཁབ་དང་མི་རིགས་ཀྱི་དོན་དུ་སྐུ་ལུས་མེར་བསྲེགས་གནང་བ་དེར་ངེས་པར་དུ་འགན་འཁུར་དགོས་པ་མ་ཟད། བྱ་སྤྱོད་ངོ་མའི་ཐོག་ནས་རྒྱལ་སྤྱིའི་ཐོག་ཡ་ལན་དོན་ལྡན་ཞིག་ངེས་པར་སྤྲད་དགོས་པ། དཔའ་བོ་བློ་དགའ་རང་བཙན་ལགས་གཙོ་བྱས་པའི་ད་བར་བོད་མི་རང་ལུས་མེར་བསྲེགས་གནང་མཁན་ཡོངས་ཀྱི་ཚེ་སྲོག་ལ་རྒྱ་དམར་སྲིད་གཞུང་ནས་འགན་འཁུར་དགོས་པ། བོད་རང་བཙན་ནི་ང་ཚོའི་ཐོབ་ཐང་ཡིན་པས་རྒྱལ་སྤྱིས་ངེས་པར་དུ་ངོས་འཛིན་དགོས་པ། དེ་བཞིན་རྒྱ་དམར་སྲིད་གཞུང་གིས་མི་རིགས་མཐུན་སྒྲིལ་གྱི་ཁྲིམས་དེར་རྩ་བ་ནས་ངོས་ལེན་མེད་ཅིང་། བོད་ནང་ལག་བསྟར་བྱ་རྒྱུ་མཚམས་འཇོག་དགོས་པ་སོགས་ཀྱི་དོན་ཚན་ ༥ ཅན་གྱི་དགོས་འདུན་བཏོན་གནང་སོང་།  རྩ་བའི་རྒྱལ་གཅེས་པ་ཁོང་གིས་སྐུ་ལུས་མེར་མཆོད་ཕུལ་བ་ནས་བཟུང་རྒྱལ་སྤྱིའི་ཁྱོན་ཡོངས་སུ་བོད་མིས་གཙོས་བོད་དོན་རྒྱབ་སྐྱོར་བ་རྣམས་ཀྱིས་རྣམ་པ་འདྲ་མིན་ཐོག་ལས་འགུལ་སྤེལ་མུས་ཡིན་པ་དང་། བཞུགས་སྒར་དུ་མཚོན་ན་དེ་རིང་གི་གོམ་བགྲོད་ལས་འགུལ་ཙམ་མ་མ་ཟད། དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་སང་ཉིན་ནས་འགོ་འཛུགས་ཀྱིས་དམ་པ་ཁོང་སྐུ་ལུས་མཆོད་མེར་ཕུལ་ནས་ཞག་ ༤༩ བར་རེས་མོས་བཞིན་ཟས་བཅད་ངོ་རྒོལ་གནང་རྒྱུ་ཡིན་པ་རེད་འདུག The post བཞུགས་སྒར་དུ་རྒྱལ་གཅེས་དཔའ་བོ་བློ་དགའ་རང་བཙན་གྱི་ཆེད་དུ་མྱ་ངན་དང་ངོ་རྒོལ་་ལས་འགུལ་སྤེལ་བ།  appeared first on vot.

ཨོ་ཌི་ཤ་མངའ་སྡེ་དེ་ཉིད་འཛམ་གླིང་ནང་གི་ནང་པའི་གནས་དང་འབྲེལ་བའི་ཡུལ་སྐོར་སྤྲོ་འཆམ་པའི་ས་ཚིགས་འབུར་ཐོན་བཟོ་ཐབས་ལ་དམིགས་ནས་ལས་གཞི་སྣ་མང་སྤེལ་དང་སྤེལ་བཞིན་པའི་ཁྲོད་འདིར། ཉེ་ལམ་མངའ་སྡེའི་ཡུལ་སྐོར་སྤྲོ་འཆམ་པའི་ལས་ཁུངས་དང་ཁུལ་དེར་རྟེན་གཞི་བྱས་པའི་རི་དགོན་ཐུབ་བསྟན་སྨིན་གྲོལ་གླིང་དགོན་པའི་བར་ནང་པའི་ཤུལ་བཞག་དང་གཅེས་ནོར་སྲུང་སྐྱོབ་ཚུད་པའི་ཡུལ་སྐོར་སྤྲོ་འཆམ་འཕེལ་རྒྱས་ཡོང་ཐབས་སུ་གཉིས་མོས་གན་ཡིག་ཐོག་མཚན་རྟགས་བསྐྱོན་འདུག དེ་ཡང་ཟླ་བ་འདིའི་ཚེས་ ༡༥ ཉིན་ཨོ་ཌི་ཤའི་ Lok Seva Bhawan དུ་གན་ཡིག་བཞག་རྒྱུའི་མཛད་སྒོ་དེའི་ཐོག་མངའ་སྡེ་སྤྱི་ཁྱབ་བློན་ཆེན་གཞོན་པ་དང་ཡུལ་སྐོར་སྤྲོ་འཆམ་པའི་ལས་ཁུངས་ཀྱི་གཙོ་འཛིན་གཅིག་ལྕོགས་ Parvati Parida པཱར་ཝ་ཏི་པཱ་རི་ཌ་མཆོག་དང་། ཁུལ་དེའི་གཱ་ཇཱ་པ་ཏི་རྫོང་ནང་རྟེན་གཞི་བྱས་པའི་ Padmasambhava Mahavihara རམ་རི་དགོན་ཐུབ་བསྟན་སྨིན་གྲོལ་གླིང་དགོན་པའི་དབུ་འཛིན་༸སྐྱབས་རྗེ་དགེ་སྤྲུལ་འཇིགས་མེད་རིན་པོ་ཆེ་མཆོག དེ་བཞིན་མངའ་སྡེའི་སྐད་ཡིག་དང་རྩོམ་རིག རིག་གཞུང་། རྩེད་རིགས། གཞོན་སྐྱེས་ཞབས་ཞུ། མཐོ་རིམ་སློབ་གྲྭ་བཅས་ཀྱི་བློན་ཆེན་ Suryabanshi Suraj སུརྱ་ཝན་ཤི་སུ་རཇ་མཆོག མངའ་སྡེའི་སྤྱི་ཁྱབ་དྲུང་ཆེ་ Anu Garg ཨ་ནུ་གརྒ་ལགས་བཅས་དབུ་བཞུགས་ཀྱི་ཐོག་ནས་མཉམ་འབྲེལ་གན་ཡིག་ཐོག་མཚན་རྟགས་བསྐྱོན་འདུག ལས་གཞི་དེ་ནི་མངའ་སྡེ་གཞུང་གིས་ཁུལ་དེའི་ Jajpur ཇཱཇ་པུར་རྫོང་ནང་ཡོད་པའི་ནང་པའི་གནས་རཏྣ་གི་རི་ Ratnagiri དང་ཨུ་དྷེ་གི་རི་ Udayagiri ལ་ལིཏ་གི་རི་ Lalitgiri བཅས་དང་། བོད་མིའི་གནས་སྡོད་ཕུན་ཚོགས་གླིང་གཞིས་ཆགས་དང་དགོན་སྡེ་ཁག་བཅས་སུ་ཡུལ་སྐོར་སྤྲོ་འཆམ་མྱུར་ཚད་མཐོ་བོའི་ཐོག་ནས་འཕེལ་རྒྱས་འགྲོ་རྒྱུ་ཙམ་མ་ཟད། ནང་པའི་ཤུལ་བཞག་སྲུང་སྐྱོབ་བཅས་ལ་དམིགས་པ་ཞིག་ཆགས་ཀྱི་འདུག...

ཟླ་འདིའི་ཕྱི་ཚེས་ ༢ ཉིན་ཨ་རི་གྲོང་ཁྱེར་ནིའུ་ཡོག་ཏུ་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་མདུན་དུ་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་བོད་བསྟན་སྲིད་མི་རིགས་ཀྱི་ཆེད་དུ་སྐུ་ལུས་མེར་བསྲེགས་ཕུལ་བ་དང་བསྟུན། ནིའུ་ཡོག་གཙོས་པའི་ཁེ་ན་ཌ་དང་རྒྱ་གར། ཡོ་རོབ་སོགས་ཀྱི་ནང་ལས་འགུལ་རྣམ་པ་འདྲ་མིན་གྱི་ཐོག་ནས་སྤེལ་དང་སྤེལ་མུས་ཁྲོད། ཁ་སང་ཕྱི་ཚེས་ ༡༥ དེ་བཞིན་དམ་པ་དེ་ཉིད་ཀྱི་བདུན་ཚིགས་གཉིས་པ་འཁེལ་གྱི་ཡོད་སྟབས་ཐའེ་ཝན་གྱི་རྒྱལ་ས་ཐའེ་པེ་ནང་དང་། རྒྱ་གར་ལྷོ་ཕྱོགས་མའེ་སོར་གྲོང་ཁྱེར་སོགས་སུ་རྒྱ་ནག་ལ་ངོ་རྒོལ་ལས་འགུལ་རྒྱ་ཆེ་སྤེལ་འདུག དེ་ཡང་བརྒྱུད་ལམ་ཁག་ཏུ་དེ་འབྲེལ་གནས་ཚུལ་སྤེལ་བར་གཞིགས་ན། ཁ་སང་ཐའེ་ཝན་ནང་ཐའེ་ཝན་བོད་ཀྱི་སྐུ་ཚབ་དོན་གཅོད་དང་། བོད་རིགས་ཚོགས་པ། དེ་བཞིན་བོད་དང་ཐའེ་ཝན་འགྲོ་བ་མིའི་ཐོབ་ཐང་ཚོགས་པའི་སྣེ་ཁྲིད་འོག་ཁུལ་དེའི་ Liberty Square ཞེས་པའི་ས་ཚིགས་སུ་དགོང་མོ་ཕྱག་ཚོད་ ༧།༣༠ ཙམ་ལ་བོད་བརྒྱུད་ནང་བསྟན་གྱི་མཁན་བླ་སྤུལ་ཁག་དང་། བོད་མི་གཙོས་བོད་དོན་རྒྱབ་སྐྱོར་བ་དང་། འགྲོ་བ་མིའི་ཐོབ་ཐང་རྩོད་ལེན་པ་སོགས་མང་ཚོགས་ ༣༠༠ ཙམ་འདུ་འཛོམས་ཐོག་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་ཆེད་མྱ་ངན་གུས་འདུད་དང་། འདི་ཚེས་ ༡ ནས་རྒྱ་ནག་གཞུང་གིས་ལག་བསྟར་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་ཟེར་བའི་ཁྲིམས་ལ་ངོས་ལེན་རྩ་བ་ནས་མེད་པའི་ལས་འགུལ་སྤེལ་འདུག་ཅིང་། དེ་འབྲེལ་ལས་འགུལ་ཁོངས་མཉམ་ཞུགས་གནང་མཁན་ཐའེ་ཝན་མི་སེར་ Tess Cheng ལགས་ཀྱིས་ཐེ་ཝན་དང་བོད། ཧོང་ཀོང་། ཤིན་ཅང་བཅས་ནི་རྒྱ་ནག་གི་ཡུན་རིང་གདུག་རྩུབ་ཅན་གྱི་སྲིད་བྱུས་འོག་གནས་བཞིན་ཡོད་པ་དང་། སྤྱིར་རྒྱལ་གཅེས་པ་ཁོང་གིས་སྐུ་ལུས་མེར་བསྲེགས་བཏང་གནང་བའི་དོན་རྐྱེན་དེ་བཞིན་ཕྱི་རྒྱལ་དུ་བྱུང་ཡོད་ཀྱང་། དེ་ནི་ང་ཚོའི་དཀའ་ངལ་དང་གཅིག་འགྱུར་ཆགས་ཀྱི་ཡོད་པ་གསུངས་འདུག འདི་ག་རླུང་འཕྲིན་ཁང་གིས་གནད་དོན་དེ་འབྲེལ་བོད་དང་ཐའེ་ཝན་གྱི་འགྲོ་བ་མིའི་ཐོབ་ཐང་འབྲེལ་མཐུད་ཁང་གི་སྤྱི་ཁྱབ་དྲུང་ཆེ་བཀྲ་ཤིས་ཚེ་རིང་ལགས་སུ་བཀའ་འདྲི་ཞུས་ཡོད། དེ་བཞིན་དཔའ་བོོ་བློ་དགའ་རང་བཙན་ལགས་སུ་མྱ་ངན་མཚོན་ཆེད་ SFT-Itanagar ཞེས་ཨི་ཊ་ན་གྷར་བོད་རང་བཙན་སློབ་ཕྲུག་ཚོགས་པས་གཟའ་འཁོར་འདིའི་རེས་གཟའ་ཟླ་བ་སྟེ་འདི་ཚེས་ ༡༣ ཉིན་ཁུལ་དེའི་ཐུབ་བསྟན་དགའ་ཚལ་གླིང་དགོན་པར་མར་མེ་ཁྲོམ་སྐོར་གྱི་ལས་འགུལ་ཞིག་གོ་སྒྲིག་གནང་འདུག་པ་དང་།...

ཨོ་གླིང་དུ་རྟེན་གཞི་བྱས་པའི་ Rev. Bill Crews ཐེབས་རྩ་ཁང་དུ་༸སྐྱབས་རྗེ་ཀུན་བདེ་གླིང་རིན་པོ་ཆེ་མཆོག་དབུ་བཞུགས་ཐོག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དེ་སྔ་ཨོསྟྲེ་ལི་ཡ་དང་ནིའུ་ཛི་ལེནྜ་ཁུལ་དུ་ཆིབས་བསྒྱུར་རིམ་པ་བསྐྱངས་པའི་པར་རིས་ཕྱག་དེབ་ ‘Ocean of Wisdom Over Southern Skies’ ཞེས་པ་ཞིག་དབུ་འབྱེད་གནང་འདུག འདི་གའི་གསར་འགོད་པས་གནས་ཚུལ་དེའི་སྐོར་ཨོ་གླིང་བོད་ཀྱི་སྐུ་ཚབ་དོན་གཅོད་ཀརྨ་སེང་གེ་ལགས་སུ་ཞལ་པར་བརྒྱུད་བཀའ་འདྲི་ཞུ་སྐབས་ཁོང་གིས།  པར་རིས་ཕྱག་དེབ་དེ་ཉིད་ཨོ་གླིང་བོད་ཀྱི་སྐུ་ཚབ་དོན་གཅོད་ལས་ཁངས་ཀྱི་རྐང་འགན་བཞེས་པའི་འོག་ Rev. Bill Crews ཐེབས་རྩ་དང་ལྷན་དུ་ཉམ་འབྲེལ་གྱིས་༸རྒྱལ་བའི་གོ་སྟོན་སྲུང་བརྩིའི་ལས་རིམ་གྱི་ཆ་ཤས་སུ་པར་བསྐྲུན་གནང་བ་ཞིག་ཡིན་པ་དང་།  ཕྱག་དེབ་དེའི་ནང་གཙོ་བོ་༸གོང་ས་མཆོག་དེ་སྔ་ཕྱི་ལོ་ ༡༩༨༢ ནས་ ༢༠༡༥ བར་ཨོསྟྲེ་ལི་ཡ་དང་ནིའུ་ཛི་ལེནྜ་ཁུལ་དུ་ཆིབས་བསྒྱུར་གྱིས་ཡུལ་དེ་གཉིས་ཀྱི་སྲིད་བློན་གཙོས་པའི་ཆོས་ཕྱོགས་དང་ཆབ་སྲིད་ཀྱི་གནད་ཡོད་མི་སྣ་མཇལ་འཕྲད་སོགས་ཀྱི་མཛད་འཕྲིན་བསྐྱངས་པའི་སྐབས་ཀྱི་པར་རིས་ཁག་འཁོད་ཡོད་པ་གསུངས་སོང་ལ།   ཕྱག་དེབ་དེ་ཉིད་དངོས་སུ་དབུ་འབྱེད་ཀྱི་མཛད་སྒོ་དེ་བཞིན་ཉེ་ཆར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༡ བདག་གིར་བཞེས་པའི་༸སྐུའི་འཁྲུངས་སྐར་སྲུང་བརྩི་དང་འབྲེལ་ཏེ་ཟླ་འདིའི་ཕྱི་ཚེས་ ༡༢ ཉིན་ཨོ་གླིང་དུ་རྟེན་གཞི་བྱས་པའི་ Rev. Bill Crews ཐེབས་རྩ་ཁང་དུ་༸སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་རིན་པོ་ཆེ་མཆོག་དབུས་པའི་༸གོང་ས་མཆོག་དང་ཐུགས་འདྲིས་ཟབ་པའི་ཡེ་ཤུའི་ཆོས་དཔོན་ Bill Crews  དེ་བཞིན་ཁུལ་དེར་གནས་སྡོད་གནང་མཁན་ཡུན་རིང་ནས་བོད་དོན་ཐད་རྒྱབ་སྐྱོར་བ་ཁག་གཅིག་བཅས་འདུ་འཛོམས་ཐོག་འཚོགས་ཡོད་པ་གསུངས་སོང་།  ཕྱག་དེབ་དབུ་འབྱེད་ཀྱི་མཛད་སྒོའི་ཐོག་ ༸སྐྱབས་རྗེ་ཀུན་བདེ་གླིང་རིན་པོ་མཆོག་གིས་༸རྒྱལ་བའི་མཛད་འཕྲིན་སྐོར་དང་འབྲེལ་དམིགས་བསལ་གྱིས་༸གང་ཉིད་མཆོག་གི་ཐུགས་སྐྱེད་དམ་བཅའ་བཞི་དང་། ཆོས་ལུགས་ལ་མ་བརྟེན་པའི་བཟང་སྤྱོད། དེ་བཞིན་དུས་རྒྱུན་སྐུ་མདུན་གྱི་བྱམས་སྙིང་རྗེ་སྐོར་གྱི་བཀའ་སློབ་བཅས་ལུང་འདྲེན་གྱིས་གསུང་བཤད་གནང་ཡོད་པ་དང་། ...