༄༅། །བོད་རྒྱལ་ལོ་ ༢༡༥༣ རབ་གནས་མེ་རྟ་ལོའི་ཟླ་བ་ ༤ ཚེས་ ༡༨ ཕྱི་ལོ་ ༢༠༢༦ ཟླ་བ་ ༦ ཚེས་ ༣ རེས་གཟའ་ལྷག་པ་ཉིན་དྷ་ས་གངས་སྐྱིད་སྲིད་སྐྱོང་ཚོགས་ཁང་དུ་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་མདུན་དུ་བཀའ་ཤག་སྐབས་བཅུ་བདུན་པའི་བདམས་ཐོན་བཀའ་བློན་རྣམ་པས་ལས་ཁུར་དང་གསང་རྒྱའི་དམ་བཅའ་ཕུལ་ཡོད།དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༨།༣༠ སྟེང་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དང་། དཔལ་ལྡན་ཁྲིམས་ཞིབ་པ་གཞན་ཟླ་བ་ཕུན་སྐྱིད་མཆོག དཔལ་ལྡན་ཁྲིམས་ཞིབ་པ་གཞན་འཕགས་པ་ཚེ་རིང་མཆོག  དཔལ་ལྡན་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག རང་དབང་ཅན་གྱི་སྡེ་ཚན་ཁག་གི་འགན་འཛིན་རྣམ་པ། བོད་མི་མང་སྤྱི་འཐུས་རྒྱུན་ལས་རྣམ་པ། ལྷན་ཁང་ཁག་གི་དྲུང་ཆེ་རྣམ་པ་དང་སྲི་ཞུའི་ལས་བྱེད་རྣམ་པ་བཅས་ཚང་འཛོམས་ཀྱིས་ཐོག་མར་གནས་ཆུང་སྒྲ་དབྱངས་གླིང་གི་དགེ་འདུན་བཞི་གྲས་ཤིས་བརྗོད་གསུང་འདོན་གནང་རྗེས་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེར་མཎྜལ་རྟེན་གསུམ་འདེགས་འབུལ་ཞུས་མཚམས་བདམས་ཐོན་བཀའ་བློན་ཀུན་དགའ་བཀྲ་ཤིས་མཆོག་དང་། ཨོ་རྒྱན་བསྟན་འཛིན་མཆོག ཆུ་སྐྱ་སྦྲ་གཉིས་ཚེ་རྒྱལ་མཆོག  དཔལ་ལྡན་དོན་གྲུབ་མཆོག གྱང་གསར་ཚེ་རིང་དོན་གྲུབ་མཆོག པདྨ་མཚོ་མཆོག་བཅས་ནས་རིམ་བཞིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེར་མཎྜལ་རྟེན་གསུམ་འདེགས་འབུལ་ཞུས་རྗེས་དཔལ་ལྡན་ཁྲིམས་ཞིབ་པ་ཆེ་བ་མཆོག་གི་དྲུང་ནས་ལས་ཁུར་དང་གསང་རྒྱའི་དམ་བཅའ་ཕུལ་ཡོད།དེ་རྗེས་དཔལ་ལྡན་ཁྲིམས་ཞིབ་པ་ཆེ་བ་མཆོག་གིས་བཀའ་བློན་རྣམ་པར་རྟེན་འབྱུང་མཇལ་དར་སྒྲོན་འབུལ་གནང་གྲུབ་མཚམས་དམ་འབུལ་མ་དེབ་ཏུ་མཚན་རྟགས་བཀོད་རྗེས་བཀའ་བློན་རྣམ་པ་སོ་སོའི་བཞུགས་གྲལ་དུ་འཁོད་པ་དང་། དེ་ནས་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་། དྲུང་ཆེ་། འགན་འཛིན་རྣམ་པ་བཅས་ཀྱིས་རིམ་བཞིན་༸རྒྱལ་བའི་བཞུགས་ཁྲི་རིན་པོ་ཆེར་མཎྜལ་རྟེན་དོད་དང་མཇལ་དར་ཕུལ་བ་དང་། དེ་བཞིན་བཀའ་བློན་རྣམ་པར་རྟེན་འབྱུང་མཇལ་དར་བསྒྲོན་གྲུབ་མཚམས་རྟེན་འབྱུང་གསོལ་ཇ་དང་འབྲས་སིལ་འདེགས་འབུལ་ཞུས་རྗེས་བཀའ་བློན་རྣམ་པའི་དམ་འབུལ་གྱི་མཛད་སྒོ་རྒྱལ་ཁའི་ངང་ནས་གྲོལ་ཡོད། ༡། ཆུ་སྐྱ་སྦྲ་གཉིས་ཚེ་རྒྱལ་མཆོག་ནི། ཕྱི་ལོ་ ༡༩༦༦ ཟླ་བ་ ༠༢ ཚེས་ ༠༢...

༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཀརནཱ་ཊཀ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ཤིབ་ཀུ་མཱར་(D.K.Shivakumar) མཆོག་གིས་ལས་ཁུར་དམ་འབུལ་ཞུས་པར་འཚམས་འདྲི་ཞུས་གནང་ཡོད། དེ་ཡང་དཔལ་ལྡན་སྲིད་སྐྱོང་མཆོག་གིས་འཚམས་འཕྲིན་ནང་འཁོད་དོན། སྐུ་ཉིད་ཀརནཱ་ཊཀ་མངའ་སྡེའི་སྤྱི་ཁྱབ་བློན་ཆེན་དུ་བསྐོ་གཞག་བྱུང་བར་བོད་མིའི་སྒྲིག་འཛུགས་དང་བོད་མི་ཡོངས་ཀྱི་ཚབ་ཞུས་ཏེ་འཚམས་འདྲི་བཀྲ་ཤིས་བདེ་ལེགས་ཞུ་རྒྱུ་ཡིིན། སྐུ་ཉིད་སྤྱི་ཁྱབ་བློན་ཆེན་གྱི་གོ་གནས་སུ་བསྐོ་གཞག་བྱུང་བ་ནི་སྐུ་ཉིད་ཀྱི་ཐུན་མོང་མ་ཡིན་པའི་འགོ་ཁྲིད་ཀྱི་ནུས་པ་དང་། ཡར་རྒྱས་ལ་དམིགས་པའི་ཕྱག་ལས་གནང་སྟངས་བཅས་ལ་ངོས་འཛིན་ཆེན་པོ་ཐོབ་པ་ཞིག་ཡིན་པ་མ་ཟད། འདི་དག་ནི་ཀརནཱ་ཊཀའི་མི་མང་གི་མངོན་འདོད་ཀྱི་མཚོན་དོན་ཤུགས་ཆེ་ཞིག་ཀྱང་ཆགས་ཀྱི་ཡོད། ཅེས་དང་། ཀརནཱ་ཊཀ་དང་བོད་མི་དབར་ལོ་རྒྱུས་ཀྱི་འབྲེལ་བ་གཏིང་ཟབ་ཡོད་པ་དང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལོ་ ༡༩༥༩ ལོར་རྒྱ་གར་དུ་ཆིབས་བསྒྱུར་བསྐྱངས་གནང་མཛད་རྗེས། ཀརནཱ་ཊཀ་མངའ་སྡེའི་སྤྱི་ཁྱབ་བློན་ཆེན་ཞིང་གཤེགས་དམ་པ་སྐུ་ཞབས་ནི་ཇི་ལིང་ག་པ་ (S.Nijalingappa) མཆོག་གིས་ཕྱི་ལོ་ ༡༩༦༠ ལོར་སྦེལ་ཀོབ་ཏུ་ས་ཞིང་ཨེར་ཀ་ ༣༠༠༠ ལྷག་གཏོང་ཕོད་ཆེན་པོས་མཁོ་སྤྲོད་གནང་ཡོད་པ་དང་། འདིའི་བརྒྱུད་བོད་མི་སྟོང་ཕྲག་མང་པོར་རང་ཉིད་ཀྱི་འཚོ་བ་བསྐྱར་གསོ་དང་། རིག་གཞུང་ཉར་ཚགས་ཐུབ་པ་བྱུང་ཡོད་པ་གསུངས་ཡོད། མཐར་དཔལ་ལྡན་སྲིད་སྐྱོང་མཆོག་གིས་སྐུ་ཉིད་ནས་ཀརནཱ་ཊཀ་མངའ་སྡེའི་འགོ་ཁྲིད་གནང་བའི་རིང་ལས་དོན་མཐའ་དག་ལམ་ལྷོངས་ཡོང་བའི་སྨོན་འདུན་དང་། ཞིང་གཤེགས་དམ་པ་སྐུ་ཞབས་ནི་ཇི་ལིང་ག་པ་ (S.Nijalingappa) མཆོག་གི་མཛད་རྗེས་བཞིན་སྐུ་ཉིད་ཀྱིས་སྤྱི་ཁྱབ་བློན་ཆེན་གྱི་ཕྱག་ལས་གནང་བའི་དུས་ཡུན་རིང་ཀརནཱ་ཊཀའི་མི་མང་དང་བོད་པའི་སྤྱི་ཚོགས་ལ་ཕན་ཐོགས་ཆེན་པོ་བྱུང་རྒྱུའི་ཡིད་ཆེས་བརྟན་པོ་ཞུ་བཞིན་ཡོད་ཅེས་དང་། སྐུ་ཉིད་ཀྱི་འགོ་ཁྲིད་འོག་ང་ཚོའི་དབར་མཛའ་འབྲེལ་དང་ཕན་ཚུན་བརྩི་བཀུར་གྱིས་འབྲེལ་བ་ཇེ་བརྟན་ཏུ་འགྲོ་བའི་རེ་བ་ཞུ་བཞིན་ཡོད་ཅེས་གསུངས། །

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༢ ཉིན། དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བཙན་བྱོལ་བོད་མིའི་བཅའ་ཁྲིམས་དོན་ཚན་ ༢༢ གཞིར་བཟུང་། སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་དང་པོའི་ཐོག་བཀའ་བློན་འོས་དམིགས་ ༦ མཚན་འདོན་གནང་སྟེ་འོས་ཐོན་བྱུང་བ་བཞིན། ཕྱི་ཚེས་ ༣ ཉིན་བདམས་ཐོན་བཀའ་བློན་རྣམ་པའི་ལས་ཁུར་དང་གསང་རྒྱའི་དམ་བཅའ་འབུལ་བཞེས་གྲུབ་མཚམས། དཔལ་ལྡན་སྲིད་སྐྱོང་མཆོག་གིས་ཆོས་རིག་བཀའ་བློན་དུ་ཆུ་སྐྱ་སྦྲ་གཉིས་ཚེ་རྒྱལ་མཆོག་དང་། ནང་སྲིད་བཀའ་བློན་དུ་དཔལ་ལྡན་དོན་གྲུབ་མཆོག དཔལ་འབྱོར་བཀའ་བློན་དུ་ཚེ་རིང་དོན་གྲུབ་མཆོག ཤེས་རིག་བཀའ་བློན་དུ་ཨོ་རྒྱན་བསྟན་འཛིན་མཆོག བདེ་སྲུང་བཀའ་བློན་དུ་ཀུན་དགའ་བཀྲ་ཤིས་མཆོག འཕྲོད་བསྟེན་བཀའ་བློན་དུ་པདྨ་མཚོ་མཆོག་བཅས་བསྐོ་གཞག་དང་ལས་ཁུངས་ཆ་བགོས་གནང་ཡོད་པ་དང་། གནས་སྐབས་རིང་དཔལ་ལྡན་སྲིད་སྐྱོང་མཆོག་གིས་ཕྱི་དྲིལ་བཀའ་བློན་གཅིག་ལྕོགས་གནང་རྒྱུ་ཡིན་འདུག དེ་ཡང་བཀའ་བློན་རྣམ་པའི་ཉིན་གསུམ་གྱི་མཛད་རིམ་གོ་སྒྲིག་གནང་བ་གཞིར་བཟུང་།  ཕྱི་ལོ་ ༢༠༢༦ ཟླ་བ་ ༦ ཚེས་ ༣ ཉིན་གྱི་སྔ་དྲོ་ཆུ་ཚོད་ ༨།༣༠ སྟེང་། སྲིད་སྐྱོང་ཚོགས་ཁང་དུ་བཀའ་བློན་རྣམ་པའི་དམ་འབུལ་མཛད་སྒོ་གྲུབ་བསྟུན། ཐེག་ཆེན་ཆོས་གླིང་གཙུག་ལག་ཁང་དང་། གནས་ཆུང་སྒྲ་དབྱངས་གླིང་གྲྭ་ཚང་།...

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༢ ཉིན་བོད་མིའི་སྒྲིག་འཛུགས་ཀྱི་བསྟི་གནས་གངས་ཅན་སྐྱིད་གཤོངས་ཀྱི་གྲོས་ཚོགས་ཚོགས་ཁང་ནང་སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོ་ཚོགས་གནང་སོང་། དེ་ཡང་གོང་ཚེས་ཉིན་གྱི་སྔ་དྲོའི་ཆུ་ཚོད་ ༩།༣༠ ཐོག་དཔལ་ལྡན་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་དང་། དཔལ་ལྡན་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག དེ་བཞིན་བོད་མི་མང་སྤྱི་འཐུས་རྣམ་པ་བཅས་ཚང་འཛོམས་ཀྱིས་ཐོག་མར་དཔལ་ལྡན་ཚོགས་གཙོ་མཆོག་གིས་ཚོགས་འདུ་དབུ་འཛུགས་ཀྱིས་གསལ་བསྒྲགས་དང་འབྲེལ། ཚང་མ་སྐུ་བཞེངས་ཐོག་བོད་རྒྱལ་ཁབ་ཆེན་པོའི་རྒྱལ་གླུ་བཏང་རྗེས་དཔལ་ལྡན་ཚོགས་གཙོ་མཆོག་གིས་ཚོགས་འདུ་དབུ་འཛུགས་ཀྱི་གསུང་བཤད་གནང་སོང་། དེ་རྗེས་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་། ལས་དོན་བྱེད་ཕྱོགས་ཀྱི་སྒྲིག་གཞི་དོན་ཚན་དགུ་པ་དང་། བཅུ་དྲུག་གཞིར་བཟུང་། ཚོགས་གཙོའི་ལས་ཚབ་དང་། ལས་རིམ་ཚོགས་ཆུང་གི་ཚོགས་མི་བསྐོ་གཞག་གནང་གྲུབ་མཚམས། དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བཀའ་ཤག་གི་དགའ་བསུའི་འཚམས་འདྲི་ཞུས་གནང་སོང་། དེ་ནས་སྤྱི་འཐུས་བསྟན་པ་ཡར་འཕེལ་ལགས་ཀྱིས་བོད་ནང་གི་ཛ་དྲག་གནས་སྟངས་ཐོག་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་གྲོས་འཆར་སྙན་སྒྲོན་གནང་བ་དང་། དེར་སྤྱི་འཐུས་སློབ་དཔོན་ཐུབ་བསྟན་རྒྱལ་མཚན་ལགས་ཀྱིས་རྒྱབ་སྐྱོར་གནང་རྗེས། སྤྱི་འཐུས་རྣམ་པས་བགྲོ་གླེང་གནང་འགོ་བཙུགས་སོང་། ཉིན་རྒྱབ་གྲོས་ཚོགས་ཚོགས་དུས་བཞི་པར། བཀའ་བློན་འོས་འདེམས་ཀྱི་ལས་རིམ་ཐོག དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བཅའ་ཁྲིམས་ལྟར་བཀའ་བློན་འོས་མིའི་མཚན་དང་ལོ་རྒྱུས་སྙིང་བསྡུས་རེ་སྤྱི་འཐུས་ལྷན་ཚོགས་སུ་སྒྲོགས་སྦྱང་གནང་བ་དང་། ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་སྤྱི་མོས་ཐོག་འོས་འདེམས་གནང་བ་དང་། འོས་མི་གཞན་རྣམས་ལ་དགག་བྱ་བྱུང་སྟབས་ཁྲིམས་སྒྲིག་ལྟར་ངོ་ཡོད་སྤྱི་འཐུས་རྣམ་པས་གསང་བའི་འོས་བསྡུ་གནང་སྟེ། བཀའ་དྲུང་ཆུ་སྐྱ་སྦྲ་གཉིས་ཚེ་རྒྱལ་ལགས་དང་། དཔལ་འབྱོར་ལས་ཁུངས་ཀྱི་དྲུང་ཆེ་ཚེ་རིང་དོན་གྲུབ་ལགས། སྤྱི་ཟུར་ཨོ་རྒྱན་བསྟན་འཛིན་ལགས། དྲུང་ཆེ་ཟུར་པ་ཀུན་དགའ་བཀྲ་ཤིས་ལགས། སྤྱི་འཐུས་པདྨ་མཚོ་མཆོག་བཅས་ལ་སྤྱི་འཐུས་ངོ་ཡོད་བརྒྱ་ཆ་ལྔ་བཅུ་ཡན་གྱིས་རྒྱབ་སྐྱོར་ཐོབ་རྗེས། དཔལ་ལྡན་ཚོགས་གཙོ་མཆོག་གིས་བཀའ་བློན་དུ་འོས་འདེམས་བྱུང་བའི་གསལ་བསྒྲགས་གནང་ཡོད་པ་བཅས། །

འཛམ་གླིང་ནང་འགྲོ་བ་མིའི་ཐོབ་ཐང་དོན་གཉེར་བ་དང་། དམངས་གཙོ་དང་རང་དབང་རྩོད་ལེན་གནང་མཁན་གྱི་འདུ་འཛོམས་ཆེ་ཤོས་ཁོངས་ནས་ནོར་ཝེ་རྒྱལ་སར་ཨོསི་ལོ་རང་དབང་གི་གླེང་སྟེགས་ཐོག་རི་ཅརཌི་གྷི་ཡར་ལགས་ཀྱིས་ལོ་ངོ་བཅུ་ཕྲག་མང་པོའི་རིང་བོད་དོན་དྲིལ་བསྒྲགས་དང་དངོས་ཤུགས་བརྒྱུད་གསུམ་ནས་ལས་དོན་བརྩམས་པ་དང་རྒྱབ་སྐྱོར་གནང་བར་ངོས་འཛིན་གྱིས། རི་ཅརཌི་གྷི་ཡར་ལགས་ལ་ཝསི་ལབ་ཧ་ཝེལ་རྒྱལ་སྤྱིའི་གསར་གཏོད་ཀྱི་གཟེངས་རྟགས་དེ་ཕུལ་གནང་འདུག ཁོང་གིས་ ༡༩༩༣ ལོར་ཧོ་ལི་ཝུཌ་གློག་བརྙན་སྒྱུ་རྩལ་བའི་སྤྱི་ཚོགས་ཁྲོད་སོ་སོའི་ལས་རིགས་ཀྱི་མཚན་སྙན་ཚད་མཐོ་ཤོས་ལ་སླེབས་པའི་སྐབས་ཨ་རིའི་ཨོ་ཀེ་ཌི་མི་རྟགས་མའི་བྱ་དགའི་དུས་སྟོན་གི་སྡིངས་ཆའི་སྟེང་དུས་ཡུན་སྐར་མ་གཅིག་རིང་བོད་ནང་གི་འགྲོ་བ་མིའི་ཐོབ་ཐང་གི་གནད་དོན་སྐོར་གཏམ་བཤད་གནང་སྟེ་རྒྱ་ནག་གཞུང་ལ་སྐྱོན་བརྗོད་གནང་ཡོད་པར་བརྟེན། དེས་ཁོང་གི་མི་ཚེའི་ནང་ལོ་ངོ་ ༢༠ ...

སྲིད་སྐྱོང་གིས་མཚན་འདོན་གནང་བ་བཞིན་གྲོས་ཚོགས་ནས་སྐབས་ ༡༧ བཀའ་ཤག་གི་བཀའ་བློན་ ༦ བསྐོ་གཞག་གནང་པ། ཕྱི་ལོ་ ༢༠༢༦ ཟླ་ ༦ ཚེས་ ༢ ཉིན་ཏེ་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོའི་ལས་ཉིན་དང་པོའི་ཐོག སྲིད་སྐྱོང་སྤེན་པ་ཚེ་རིང་ལགས་ཀྱིས་འོས་མིང་མཚན་འདོན་གནང་བའི་འཛིན་སྐྱོང་བཀའ་ཤག་གི་བཀའ་བློན་འོས་མི་དྲུག་ཀར་གྲོས་ཚོགས་ནང་མང་མོས་ཐོབ་སྟེ་བསྐོ་གཞག་ཐུབ་པ་བྱུང་ཡོད་པ་རེད། སྤྱི་འཐུས་ལྷན་ཚོགས་སུ་སྲིད་སྐྱོང་སྤེན་པ་ཚེ་རིང་ལགས་ཀྱིས་སྐབས་ ༡༧ པའི་བཀའ་ཤག་གི་བཀའ་བློན་གྱི་འོས་མིའི་མཚན་དང་ལོ་རྒྱུས་སྙིང་བསྡུས་རེ་སྒྲོག་སྦྱང་གནང་རྗེས། གྲོས་ཚོགས་ཀྱི་ཚོགས་མི་རྣམས་ཀྱིས་མང་མོས་ཐོག་འོས་འདེམས་གནང་སྟེ་བཀའ་བློན་དུ་བསྐོ་བཞག་བྱུང་བ་རྣམས་ནི། བཀའ་དྲུང་ཆུ་སྐྱ་སྦྲ་གཉིས་ཚེ་རྒྱལ་ལགས་དང་། དཔལ་འབྱོར་དྲུང་ཆེ་གྱང་སར་ཚེ་རིང་དོན་གྲུབ་ལགས། སྤྱི་ཟུར་ཨོ་ར...

ཕྱི་ཚེས་ ༡ ཉིན་རྒྱ་ནག་གིས་དྲུག་གཅིག་བྱིས་པའི་དུས་སྟོན་སྐབས་ ༧༧ ཐོག་ཏུ་བོད་ཁུལ་ཡོངས་སུ་ཏང་ཕྲུག་གསར་སྐྱེས་ཟེར་བའི་བྱ་འགུལ་ཆེན་པོ་ཞིག་སྤེལ་ཡོད་པ་དང་། གཙོ་བོ་སློབ་ཕྲུག་ཆུང་ཆུང་ཚོའི་སྐེེ་ལ་ན་ཆུང་གདོང་ལེན་རུ་ཁག་གི་སྐེ་རས་དམར་པོ་ཟེར་བ་བཏགས་ནས་ཏང་ལ་དགའ་ཞེན་བྱ་དགོས་པའི་སློབ་གསོ་བརྒྱབ་འདུག འདི་ག་རླུང་འཕྲིན་ཁང་ལ་འབྲེལ་ཡོད་གཅིག་གིས་གནས་ཚུལ་མཁོ་སྤྲོད་བྱས་པ་ལྟར་ན། བོད་པའི་སློབ་ཕྲུག་ཆུང་ཆུང་ཚོ་ལ་ཏང་གི་སློབ་གསོ་ཟེར་བ་ཤུགས་ཆེན་པོ་སྤེལ་ཡོད་པ་དང་། ལྷག་པར་དུ་ད་ལོའི་དྲུག་གཅིག་བྱིས་པའི་དུས་ཆེན་སྐབས་སུ་བོད་ཁུལ་གྱི་ས་ཆ་ཁ་ཤས་ལ་སློབ་ཕྲུག་ཆུང་ཆུང་ཚོས་བོད་ལྭ་གྱོན་མི་ཆོག་པ་དང་བྱིས་པ་འབྲེལ་ཡོད་ཀྱི་བྱེད་སྒོ་རིགས་རྒྱ་སྐད་ཐོག་སྤེལ་དགོས་འདུག་ཅེས་འགྲེལ་བརྗོད་གནང་སོང་། ཡང་འབྲེལ་ཡོད་གཞན་ཞིག་གིས་བཤད་རྒྱུར་ད་ལོ་ནས་བཟུང་མགོ་ལོག་ཁུལ་རྨ་ཆེན་རྫོང་གི་བྱིས་གཉོར་ཁང་ཞིག་གིས། བོད་ཕྲུག་བྱིས་པ་ཚོ་ལ་ཐོག་མར་རྒྱའི་སྐད་ཡིག་གི་རྨང་གཞིའི་ཤེས་ཚད་འགྲན་བསྡུར་བྱས་ནས་ཨང་རིམ་བཀར་ཡོད་པ་དང་། ཞི་ཅིན་ཕེང་བྱིས་པའི་སྤྲོ་སྣང་ཟེར་བའི་བྱ་འགུལ་ཞིག་སྤེལ་ཡོད་འདུག བྱ་འགུལ་ནང་དུ་གཙོ་བོ་ཞི་ཅིན་ཕེང་གི་ཀྲུང་གོའི་བྱིས་པའི་མ་འོངས་སྐོར་གྱི་སློབ་གསོ་དང་། བྱིས་པའི་བསམ་བློའི་ཀུན་སྤྱོད་ངོ་སྤྲོད་བྱས་འདུག བྱ་འགུལ་ཁྲོད་དུ་ཨང་རིམ་བཀར་ཡོད་པ་དང་། ཨང་རིམ་ལྟར་བྱིས་པ་ཚོ་ལ་རྔན་པ་དང་ཆེ་བསྟོད་ལག་ཁྱེར་སྤྲད་འདུག་ཅེས་འགྲེལ་བརྗོད་གནང་སོང་། མ་ཟད་ད་ལོའི་དགུན་ཁའི་གུང་སེང་སྐབས་ནས་བྱིས་པ་དགོན་པའི་ནང་དུ་འགྲོ་མི་ཆོག་པ་དང་། གྲྭ་བཙུན་བྱེད་མི་ཆོག་པའི་ཁྲིམས་འདི་ལོ་སྔོན་མ་ནས་དྲིལ་བསྒྲགས་བྱས་ཡོད་པ་དང་། འབྲེལ་ཡོད་གཞུང་གི་ལས་བྱེད་ཀྱིས་སློབ་གྲྭ་སོགས་ལ་ཟབ་སྦྱོང་འཚོགས་ཡོད་པ་རེད། བོད་པ་ཚོ་ལ་མཚོན་ན་དགོན་པའི་དུས་ཆེན་དང་། བླ་མ་སོགས་ཀྱི་འཁྲུངས་སྐར་སྐབས་སུ་བྱིས་པ་ཆུང་ཆུང་ཚོ་དགོན་པའི་ནང་དུ་འཁྲིད་ནས་མཆོད་མཇལ་དང་ཆོས་ཀྱི་བྱེད་སྒོའི་བག་ཆགས་ཟབ་མོ་ཞིག་འཇོག་རྒྱུ་ཧ་ཅང་གལ་ཆེན་བརྩི་བཞིན་ཡོད་ཀྱང་། ད་ལོ་ནས་བཟུང་དམ་དྲག་ཤུགས་ཆེ་རུ་སོང་སྟབས་ལོ་ན་ ༡༨ མ་ལོན་པའི་བྱིས་པ་དགོན་པའི་ནང་དུ་འཁྲིད་སྐབས་གཞུང་ལ་ཆོག་མཆན་ཞུ་དགོས་པ་མ་ཟད། རྗེས་སུ་གཞུང་གིས་བྱིས་པ་དགོན་པའི་ནང་དུ་ཁྲིད་པ་ཤེས་རྟོགས་བྱུང་ན་ཉེས་ཆད་ཕོག་སྲིད་ཅེས་གསུངས་སོང་། རྩ་བའི་སྐབས་ ༧༧ པའི་བྱིས་པའི་དུས་སྟོན་སྐབས་སུ་ཐོག་མར་རྒྱ་ནག་གི་རྒྱལ་དར་ཁུར་ནས་འཕྲང་གཤོར་བྱས་ནས་འགྲོ་དགོས་པ་དང་དེ་རྗེས་རྒྱ་ནག་གི་གཙོ་འཛིན་རྣམས་ཀྱི་པར་རིས་ཁུར་ནས་འགྲོ་དགོས་འདུག བྱེད་སྟངས་འདི་ནི་ས་ཁུལ་གཅིག་ཙམ་མ་ཡིན་པར་བོད་ཁམས་ཡོངས་སུ་སྤེལ་བའི་བྱེད་སྒོ་ཆེན་པོ་ཞིག་ཡིན་འདུག The post རྒྱ་ནག་གིས་དྲུག་གཅིག་བྱིས་པའི་དུས་སྟོན་སྐབས་ ༧༧ པའི་བྱེད་སྒོའི་ནང་དུ་བོད་ཁུལ་གང་སར་ཏང་ལ་དགའ་ཞེན་དང་ཏང་ཕྲུག་གསར་སྐྱེས་ཟེར་བའི་ལས་འགུལ་སྤེལ་འདུག appeared first on vot.

སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་དང་པོའི་སྟེང་དུ་བཀའ་ཤག་སྐབས་བཅུ་བདུན་པའི་བཀའ་བློན་དྲུག་སྤྱི་མོས་དང་མང་མོས་ཀྱི་ཐོག་ནས་འོས་འདེམས་བྱུང་སོང་། The post སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོ་ཉིན་གཉིས་རིང་འཚོག་མགོ་བཙུགས། appeared first on བོད་ཀྱི་དུས་བབ།.

[དྷ་རམ་སར།] ཕྱི་ལོ་ ༢༠༢༦ ཟླ་ ༦ ཚེས་ ༢ ཉིན། སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོའི་ལས་ཉིན་དང་པོའི་ཚོགས་ཐུན་བཞི་པའི་ཐོག The post བཀའ་ཤག་སྐབས་༡༧ པར་བཀའ་བློན་༦ འོས་འདེམས་བྱུང་བ། appeared first on བོད་ཀྱི་བང་ཆེན།.

ཕྱི་ལོ་༢༠༢༦ ཟླ་༦ ཚེས་༢ ཉིན་གྱི་སྔ་དྲོ་ཆུ་ཚོད་༩།༣༠ ཐོག་ཉིན་གྲངས་གཉིས་རིང་གི་སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོ་དེ། དཔལ་ལྡན་ཚོགས་གཙོ་དབུ་བཞུགས་ཐོག་དབུ་འཛུགས་གནང་སོང་།
ཚོགས་འདུའི་ལས་རིམ་གསུམ་པར་དཔལ་ལྡན་ཚོགས་གཙོས་ཚོགས་འདུ་དབུ་འཛུགས་ཀྱི་གསུང་བཤད་གནང་སྐབས། ཁོང་གིས་མང་གཙོའི་རྒྱལ་ཁག་ག་འདྲ་ཞིག་ཡིན་ན། མང་གཙོ་ཚད་དང་ལྡན་པ་ཞིག་ཆགས་མིན་ནི། མི་མང་གི་ཆེད་དུ་བཙུགས་པའི་གཞུང་དང་སྒྲིག་འཛུགས་དེས་མི་མང་གི་མངོན་འདོད་དང་འཚམ་པའི་ལས་དོན་བསྒྲུབས་ཡོད་མེད་ལ་མཁས་པ་ཚོས་མཚམས་འཛིན་གྱི་ཡོད་པ་དང་། The post སྐབས་༡༨ པའི་སྤྱི་འཐུས་ཚོགས་གཙོའི་གྲོས་ཚོགས་ཚོགས་དུས་དང་པོའི་དབུ་འཛུགས་གསུང་བཤད། appeared first on བོད་ཀྱི་བང་ཆེན།.

ཉེ་ཆར་༧གོང་ས་མཆོག་གི་ཕྱག་རྟགས་ཕེབས་ནས་དགའ་ལྡན་ཕོ་བྲང་གི་དྲུང་ཆེ་སེར་སྨད་༸སྐྱབས་རྗེ་ཡང་སྟེང་རིན་པོ་ཆེ་མཆོག་རྒྱུད་སྟོད་གྲྭ་ཚང་གི་བླ་མ་དབུ་མཛད་དུ་བསྐོ་བཞག་མཛད་འདུག The post དགའ་ལྡན་ཕོ་བྲང་གི་དྲུང་ཆེ་ཡང་སྟེང་རིན་པོ་རྒྱུད་སྟོད་གྲྭ་ཚང་གི་བླ་བ་དབུ་མཛད་དུ་བསྐོ་བཞག་མཛད། appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༢ ཉིན་སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོའི་ཐོག་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བཅའ་ཁྲིམས་དོན་ཚན་ ༢༢ པའི་དགོངས་དོན་ལྟར། རང་གི་བཀའ་ཤག་ལྷན་ཚོགས་སུ་བསྐོ་གཞག་ཞུ་རྒྱུའི་བཀའ་བློན་འོས་དམིགས་རྣམས་ནི། བཀའ་དྲུང་ཆུ་སྐྱ་སྦྲ་གཉིས་ཚེ་རྒྱལ་ལགས་དང་། ནང་སྲིད་དྲུང་ཆེ་དཔལ་ལྡན་དོན་གྲུབ་ལགས། དཔལ་འབྱོར་དྲུང་ཆེ་གྱང་གསར་ཚེ་རིང་དོན་གྲུབ་ལགས། སྤྱི་ཟུར་ཨོ་རྒྱན་བསྟན་འཛིན་ལགས། ཨ་རིའི་སྐུ་ཚབ་དོན་གཅོད་ཁང་གི་བོད་རིགས་འབྲེལ་མཐུད་པ་དྲུང་ཟུར་ཀུན་དགའ་བཀྲ་ཤིས་ལགས། སྤྱི་འཐུས་པདྨ་མཚོ་ལགས་བཅས་ཀྱི་མཚན་དང་ལོ་རྒྱུས་སྙིང་བསྡུས་རེ་སྤྱི་འཐུས་ལྷན་ཚོགས་སུ་སྒྲོགས་སྦྱང་གནང་རྗེས་གྲོས་ཚོགས་འཐུས་མི་རྣམས་ཀྱིས་མང་མོས་ཐོག་འོས་འདེམས་གནང་ཡོད་པ་བཅས།།

ཨ་ཉ་སེང་སྒྲ་ལགས་བཙོན་གྲོལ་བཏང་རྗེས་རྒྱ་ནག་གཞུང་གིས་མུ་མཐུད་དམ་དྲག་བྱེད་བཞིན་པ། བོད་ཀྱི་ཁོར་ཡུག་སྲུང་སྐྱོབ་པ་དང་ལྐོག་ཟ་རུལ་སུངས་ཐེར་འདོན་བྱེད་མཁན་ཨ་ཉ་སེང་སྒྲ་ལགས་ལ་ལོ་བདུན་གྱི་བཙོན་འཇུག་ཁྲིམས་ཆད་བཏང་ཡོད་པ་སྔ་ལོའི་ཕྱི་ཟླ་ ༩ ནང་ཚང་གི་ཡོད་ཀྱང་དུས་ཡུན་ཟླ་བ་ལྔ་བརྒལ་ཏེ་བཙོན་འཇུག་གིས་མཐར་ཕྱི་ལོ་ ༢༠༢༦ ཟླ་ ༢ ཚེས་ ༧ ཉིན་མེན་ཡང་བཙོན་ཁང་ནས་གློད་གྲོལ་བཏང་ཡོད་པ་དང་། སྐབས་དེར་ཕ་ཡུལ་མགོ་ལོག་དགའ་བདེ་རྫོང་གི་རྐྱང་ཆད་ཡུལ་ཚོའི་རང་ཁྱིམ་དུ་འབྱོར་ཡོད་པ་འབྲེལ་ཡོད་མི་སྣས་སྐབས་དེར་ཨེ་ཤེ་ཡ་རང་དབང་རླུང་འཕྲིན་ཁང་ལ་བརྗོད་ཡོད། ཁོང་བཙོན་གྲོལ་ཐོབ་སྟེ་ད་ལྟ་ཟླ་བ་ ༤ མིན་ཙམ་སོང་བའི་སྐབས་འདིར་རྒྱ་ནག་གཞུང་གིས་ཁོང་གི་འགྲོ་འོང་ལ་ཚོད་འཛིན་བྱེད་པ་དང་། ཁ་པར་ལ་ཞིབ་བཤེར་བྱེད་པ། གང་བྱུང་དྲི་རྩད་བྱས་པ་བཅས་མུ་མཐུད་དམ་དྲག་བྱེད་བཞིན་ཡོད་པ་དང་། གཞུང་གི་ཆོག་མཆན་མེད་པར་སྨན་བཅོས་...

ཕྱི་ལོ་ ༢༠༢༦ ཟླ་ ༥ ཚེས་ ༣༡ དང་བོད་ཟླ་བཞི་པ་ས་ག་ཟླ་བའི་ཚེས་ ༡༥ ཉིད་བོད་མི་ཚོས་ཆོས་ཕྱོགས་ཀྱི་དུས་ཆེན་ཆེས་གལ་ཆེ་ཤོས་ཤིག་ཏུ་སྲུང་བརྩི་ཞུ་བཞིན་ཡོད་པ་ལྟར། བོད་ནང་རྒྱ་ནག་གཞུང་གིས་དམ་དྲག་ཧ་ཅང་ཆེན་པོ་བྱས་ཡོད་པ་ཡིན་རུང་། གཞུང་གི་གླ་ཕོགས་ལ་བརྟེན་མི་དགོས་པའི་བོད་མི་ཚོས་བཀག་འགོག་དང་དམ་དྲག་ལ་མ་བལྟོས་པར་ཆོས་ཕྱོགས་ཀྱི་བྱེད་སྒོ་ཁག་ནང་མཉམ་ཞུགས་རྒྱ་ཆེ་བྱས་ཡོད་འདུག དམིགས་བསལ་འདི་ལོ་ནི་བོད་ཀྱི་སྲོལ་རྒྱུན་ནང་རྟ་ལོ་གངས་རིན་པོ་ཆེ་སྐོར་རར་སྐྱོད་པའི་ལོ་ཁྱད་པར་ཅན་ཞིག་འཁེལ་ཡོད་སྟབས། བོད་པ་དང་དེ་མིན་དད་ལྡན་པ་ཧ་ཅང་མང་པོ་གངས་སྐོར་ལ་བསྐྱོད་ཡོད་པ་མ་ཟད། གངས་རིན་པོ་ཆེའི་མདུན་གྱི་དར་ཆེན་སྐུ་བཞེངས་ཀྱི་སྐབས་སུ་ཡང་བོད་མི་ཧ་ཅང་མང་པོ་འཛོམས་ཡོད་འདུག འོན་ཀྱང་གངས་སྐོར་གནས་མཇལ་དང་དར་ཆེན་སྐུ་བཞེངས་ལ་འཛོམས་མཁན་ཚང་མ་ནི་གཞུང་གི་གླ་ཕོགས་ལ་བརྟེན་མི་དགོས་པའི་བོད་པ་ཤ་སྟག་ཡིན་ཞིང་། རྒ...

རྩོམ་པ་པོ།  ཇོ་སྲས་པདྨ་ཡིས། རྩོམ་ཁུངས། བོད་ཀྱི་དུས་བབ། སྤྱི་བཤད། ལྒང་བ འཛམ་བུ་གླིང་འདིར། ཡིག་རིགས མང་པོ་ཞིག་ཡོད་པ་ལས། གངས་ཅན་བོད་ཀྱི་ཡིག་རྒྱུན་འདི། དབྱངས་གསལ་སྒྲ་ཚིགས་རིག་པ་(Alfa Syllabary) ཞེས་པའི་ཁོངས་སུ་འདུ་སྟེ། དབྱངས་གསལ ལོགས་སུ་ཕྱེ་བ་ཡོད་པ་མ་ཟད། ཚེག་ཁྱིམ་རེ་རེ་ནས་བཅད་པ སྒྲ་ཚིགས་ཀྱི་ཡི་གེ་རེ་ཡིན་པ་སོགས་ནི ཐུན་མོང་གི ཤེས་བྱ་ཡིན་པ སྨྲ་མ་དགོས། གཞི་རྟེན འདིའི་སྟེང་ནས། བོད་ཀྱི་གཟུགས་བྲིས་རིག་པའི ཕྱག་སྲོལ་ལ། ཚེག་མེད་པས སྒྲ་ཚིགས ངོས་ཟིན་དུ་མེད་པའང བསྙོན་དུ་མེད་པའི དངོས་དོན་ཞིག་ཡིན་ལ། ཚེག་མེད་པས མིང་དང་ཐ་སྙད་གང་རུང དབྱེ་དཀའ་བ་དང འཕུལ་རྟེན་གྱི་ཁྱད་པར་ཙམ་ཡང འབྱེད་དུ་མེད་པ་མ་ཟད། ད་དུང ཚེག་མེད་པས ཡི་གེ་ལ སྦྱོར་ཀློག་བྱེད་ཐབས་བྲལ་བའི་ཚུལ་སོགས་ཀྱང སྤྱིར་བཏང་གི...

སྐབས་ ༡༨ པའི་སྤྱི་འཐུས་ཚོགས་གཙོ་སྦྲེལ་པོས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བའི་མདུན་ནས་དམ་འབུལ་ཞུས་ཤིང་། ཕྱི་ཟླ་ ༦ ཚེས་ ༢-༣ ཉིན་སྐབས་ ༡༨ བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོཊ་ཚོཊ་དུས་ ༡ པོའི་ཐོག་བཀའ་ཤག་སྐབས་ ༡༧ བཀའ་་བློན་བསྐོ་གཞག་གནང་རྒྱུ་ཡིན་འདུག ཕྱི་ལོ་ ༢༠༢༦ ཟླ་ ༦ ཚེས་ ༡ ཉིན་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་དུ་སྲིད་སྐྱོང་སྤེན་པ་ཚེ་རིང་མཆོག་གིས་གཙོས་པའི་མཛད་གཙོ་རྣམ་པ་ལྷན་ཞུགས་ཐོག་བདམས་ཐོན་ཚོགས་གཙོ་སྤྱི་འཐུས་སྒྲོལ་མ་ཚེ་རིང་ལགས་དང་ཚོགས་གཞོན་སྤྱི་འཐུས་མཁན་པོ་བསོད་ནམས་བསྟན་འཕེལ་ལགས་རྣམ་གཉིས་ཀྱིས་ཁྲིམས་ཞིབ་པ་ཆེ་བ་ཡེ་ཤེས་དབང་མོ་ལགས་ཀྱི་མདུན་དུ་ལས་འཁུར་དམ་འབུལ་ཞུས་ཡོད་པ་རེད་ལ། ཐེངས་འདིར་བཀྲས་ཁང་སྒྲོལ་མ་ཚེ་རིང་ལཊ་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོཊ་གཙོར་བདམས་ཐོན་བྱུང་བ་ནི་ལོ་རྒྱུས་ནང་བེུད་ཐོག་མར་དེ་ཆགས...

དེ་རིང་ཕྱི་ལོ་ ༢༠༢༦ ཟླ་ ༦ ཚེས་ ༡ ཉིན་གྱི་སྔ་དྲོར་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་ནང་དུ་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་མཆོག་གི་དྲུང་ནས་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་འདེམས་ཐོན་ཚོགས་གཙོ་དང་ཚོགས་གཞོན་རྣམ་གཉིས་ཀྱིས་ལས་ཁུར་དམ་འབུལ་ཞུས་སོང་། དེ་ཡང་དམ་འབུལ་གྱི་མཛད་རིམ་དེའི་ཐོག་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་དབུས་པའི་ཁྲིམས་ཞིབ་པ་གཞན་ཟླ་བ་ཕུན་སྐྱིད་ལགས་དང་བཀའ་ཟུར་འཕགས་པ་ཚེ་རིང་ལགས། དེ་བཞིན་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དང་དབུས་འོས་བསྡུ་ལས་ཁང་གི་འགན་འཛིན་བློ་བཟང་ཡེ་ཤེས་ལགས། གཞན་ཡང་བོད་མིའི་སྒྲིག་འཛུགས་ཀྱི་ལྷན་ཁང་ཁག་གི་དྲུང་ཆེ་དང་རང་དབང་ཅན་གྱི་སྡེ་ཚན་ཁག་གི་འགན་འཛིན་དང་དྲུང་ཆེ་སོགས་ལྷན་ཞུགས་གནང་འདུག་པ་དང་། སྐབས་དེར་གནས་ཆུང་སྒྲ་དབྱངས་གླིང་གི་དགེ་འདུན་པས་ཤིས་བརྗོད་གསུང་འདོན་དང་། ཁྲིམས་ཞིབ་པ་ཆེ་བ་མཆོག་དང་བདམས་ཐོན་ཚོགས་གཙོ་ཚོགས་གཞོན་རྣམ་གཉིས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེར་མནྚ་རྟེན་གསུམ་འདེགས་འབུལ་ཞུས་པ་སོགས་རྟེན་འབྲེལ་གྱི་མཛད་རིམ་ཁག་གྲུབ་མཚམས་སུ་བདམས་ཐོན་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་དང་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་ནས་རེས་མོས་ཐོག་ཆེས་མཐོའི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་དྲུང་ནས་ལས་ཁུར་དམ་འབུལ་ཞུས་ཡོད། བདམས་ཐོན་སྤྱི་འཐུས་ཚོགས་གཙོ་ཚོགས་གཞོན་རྣམ་གཉིས་ནས་མནྞལ་རྟེན་གསམ་འདེགས་འབུལ་དང་ལས་ཁུར་དམ་འབུལ་ཞུས་རྗེས། བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དབུས་པའི་སྐུ་མགྲོན་རྣམས་ནས་རིམ་བཞིན་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེར་མཇལ་དར་དང་རྟེན་དོད་ཕུལ་བསྟུན་ཁོང་གཉིས་ལ་རྟེན་འབྱུང་མཇལ་དར་སྒྲོན་འབུལ་ཞུས་ཡོད། བདམས་ཐོན་སྤྱི་འཐུས་ཚོགས་གཙོ་ཚོགས་གཞོན་རྣམ་གཉིས་ཀྱིས་ལས་ཁུར་དམ་འབུལ་གྲུབ་མཚམས་འདི་ག་རླུང་འཕྲིན་ཁང་གིས་བཅར་འདྲི་ཞུ་སྐབས། ཚོགས་གཙོ་སྒྲོལ་མ་ཚེ་རིང་མཆོག་གིས་བོད་ནང་འཛིན་སྐྱོང་དང་ཆབ་སྲིད་གང་ཅིའི་ཐད་བོད་མི་ཚོར་ཆ་ཤས་ལེན་རྒྱུའི་ཐོབ་ཐང་རྩ་བ་ནས་མེད་པའི་ཁྲོད་འདིར་བཙན་བྱོལ་ནང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཐུགས་རྗེ་བཀའ་དྲིན་ལ་བརྟེན་ནས་བོད་མིའི་མི་འབོར་བརྒྱ་ཆ་ལྔ་བཅུ་ལ་གཞིགས་པའི་ས་མིག་གསོལ་སྩལ་གནང་ཡོད་པ་དེའི་བཀའ་དྲིན་དྲན་པའི་ཐོག་ནས་བོད་པའི་བུད་མེད་རང་ངོས་ལ་ནུས་པ་དང་ལྷག་བསམ་ཆོད་སེམས་བཅས་ཡོད་པ་ཡིན་ན་ཆེས་མཐོའི་ཁྲིམས་ཞིབ་པ་ཆེ་བ་ཡིན་ནའང་འདྲ། སྤྱི་འཐུས་ཚོགས་གཙོའི་ཞབས་ཀྱག་ལ་སོགས་པ་ཚང་མའི་ནང་ཕེབས་ཡག་གི་གོ་སྐབས་ཡོད་པ་དེ་རིང་འདི་ནས་ཚང་མར་བརྡ་ལན་དེ་ཕྱིན་ཡོད་ཅེས་གསུངས་སོང་། ཡང་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་སྐབས་བཅོ་བརྒྱད་པའི་སྤྱི་འཐུས་ཀྱི་ལས་ཡུན་ཁྲོད་ཁྲིམས་བཟོའི་ལས་དོན་ཐོག་ཡར་རྒྱས་དང་། ཕྱི་རྒྱལ་གྲོས་ཚོགས་མཉམ་དུ་འབྲེལ་བ་རྒྱུན་འཁྱོངས་ཀྱིས་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་ཆེན་སྐོང་འཚོག་སོགས་ཀྱི་ཐད་ལ་ཕྱག་ལས་གནང་རྒྱུ་གལ་འགངས་ཆེན་པོར་ངོས་འཛིན་གནང་ཐོག ལོ་ལྔ་འདིས་བོད་རྩ་དོན་གྱི་ཆེད་དུ་ཐུགས་ཕན་གསོ་བའི་རེ་བ་ཞུ་ཡི་ཡོད་ཅེས་གསུངས་སོང་། ལས་རིམ་ལྟར་ན། སང་ཕྱི་ཚེས་ ༢ ཉིན་གྱི་སྔ་དྲོར་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོའི་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་ནས་ཕྱག་རོགས་བཀའ་བློན་རྣམ་པ་མཚན་འདོན་དང་སྦྲགས་ནས་ཚང་མ་མང་མོས་ཀྱི་བདམས་ཐོན་བྱུང་ཚེ་བཀའ་བློན་རྣམས་ནས་གནང་ཕྱི་ཚེས་  ༣ རེས་གཟའ་ལྷག་པའི་ཉིན་ཆེས་མཐོའི་ཁྲིམས་ཞིབ་པ་ཆེ་མཆོག་གི་དྲུང་ནས་ལས་ཁུར་དང་གསང་རྒྱའི་དམ་འབུལ་བཞེས་རྒྱུ་རེད་འདུག The post སྐབས་ ༡༨ བོད་མི་མང་སྤྱི་འཐུས་ལྷན་ཚོགས་ཀྱི་འདེམས་ཐོན་ཚོགས་གཙོ་ཚོགས་གཞོན་གཉིས་ཀྱིས་ལས་ཁུར་དམ་འབུལ་ཞུས་པ། appeared first...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ཡེ་ཤེས་དབྱིངས་དཔྱད་ཀྱིས་དགའ་ལྡན་ཕོ་བྲང་གི་དྲུང་ཆེ་སེར་སྨད་༸སྐྱབས་རྗེ་ཡང་སྟེང་རིན་པོ་ཆེ་མཆོག་རྒྱུད་སྟོད་གྲྭ་ཚང་གི་བླ་མ་དབུ་མཛད་དུ་བསྐོ་བཞག་གིས་ཕྱག་རྟགས་སྩལ་འདུག འདི་ག་རླུང་འཕྲིན་ཁང་གིས་གནས་ཚུལ་འདིའི་སྐོར་རྒྱུད་སྟོད་གྲྭ་ཚང་གི་དཔེ་མཛོད་འགན་འཛིན་སྔགས་རམས་པ་བློ་བཟང་ཀླུ་སྒྲུབ་ལགས་སུ་བཀའ་འདྲི་ཞུས་པར་ཁོང་གིས།  རྒྱུད་སྟོད་གྲྭ་ཚང་གི་བླ་མ་དབུ་མཛད་ཀྱི་མཚན་གནས་དེ་བཞིན་རིམ་པས་མཁན་པོ་དང་ཤར་བྱང་ཆོས་རྗེ་བརྒྱུད་ནས་དགའ་ལྡན་ཁྲི་པར་ཕེབས་རྒྱུའི་གལ་ཆེ་བའི་ལམ་ཞིག་ཆགས་ཡོད་པ་འགྲེལ་བརྗོད་དང་འབྲེལ།  བླ་མ་དབུ་མཛད་ཀྱི་འོས་གཞིར་མཚོན་ན་མདོ་སྔགས་གཉིས་ལ་ཐོས་བསམ་སློབ་གཉེར་མཐར་ཕྱིན་པ་ཞིག་དང་། དེ་ཡང་འོས་ཆོས་ཚང་བའི་འོས་མིའི་ལོ་རྒྱུས་དང་བཅས་པ་དགའ་ལྡན་ཁྲི་ཐོག་ཁང་ལ་ཕུལ་ཏེ།  དེ་ནས་འཇམ་མགོན་༸རྒྱལ་བའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་མཆོག་དང་མཚུངས་མེད་ཤར་བྱང་ཆོས་རྗེ་རྣམ་པ་གཉིས་ནས་འདེམས་སྒྲུག་གིས་མཐར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤེས་དབྱིངས་དཔྱད་ཀྱིས་གཟིགས་པ་ཆེན་པོའི་ངོས་ནས་འོས་ཤིང་འཚམས་པའི་གང་ཟག་དེར་ཕྱག་རྟགས་སྩལ་གནང་གི་ཡོད་པ་མ་ཟད།  དུས་ཡུན་ལོ་གསུམ་རེའི་རྒྱུད་སྟོད་གྲྭ་ཚང་གི་བླ་མ་དབུ་མཛད་ཀྱི་ཐུགས་འགན་ཁོངས་སུ་རྒྱུད་པ་གྲྭ་ཚང་གི་སྔར་སྲོལ་བཟང་པོའི་ཆོ་ག་ཕྱག་ལེན་དང་བསླབ་པ་སློབ་གཉེར་སོགས་སྤྱི་ཡོངས་ཀྱི་འགན་འཁུར་བཞེས་དགོས་ཀྱི་ཡོད་པ་གསུངས་སོང་།   མ་ཟད་ད་ལན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་༸སྐྱབས་རྗེ་ཡང་སྟེང་རིན་པོ་ཆེ་མཆོག་རྒྱུད་སྟོད་གྲྭ་ཚང་གི་བླ་མ་དབུ་མཛད་དུ་བསྐོ་བཞག་མཛད་པ་དེ་ཡང་།  ཁོང་ནི་བོད་ནས་གཞུང་བཀའ་པོད་ལྔ་ལ་ཐོས་བསམ་སློབ་གཉེར་མཐར་ཕྱིན་པའི་དགེ་བཤེས་ལྷ་རམས་པ་རྩེ་གྲས་ཤིག་ཆགས་ཡོད་པ་དང་།  རྒྱུད་པ་གྲྭ་ཚང་ལའང་སྔགས་ཀྱི་སློབ་གཉེར་ཕུན་སུམ་ཚོགས་པ་མཐར་ཕྱིན་པ་གནང་བ་མ་ཟད།  དེང་སྐབས་འཛམ་གླིང་ཤར་ནུབ་མང་པོ་ལ་ནང་པ་སངས་རྒྱས་པའི་ཆོས་འཆད་སྤེལ་གནང་མུས་ཡིན་པ་སོགས་མཛད་འཕྲིན་རྒྱས་བཞིན་པའི་གནས་སྐབས་ཤིག་ཆགས་ཡོད་སྟབས།  དུས་སྐབས་དེ་འདྲའི་ཐོག་ཁོང་རྒྱུད་སྟོད་གྲྭ་ཚང་གི་བླ་མ་དབུ་མཛད་དུ་བསྐོ་བཞག་བྱུང་བ་དེས་ཁོང་གི་རླབས་ཆེ་བའི་མཛད་འཕྲིན་ད་དུང་རྒྱ་ཆེ་རུ་དང་མུ་མཐུད་མཛད་ཐུབ་རྒྱུར་གོ་སྐབས་འབྱུང་ངེས་ཡིན་པས་དེ་ཧ་ཅང་གི་ཡག་པོ་བྱུང་ཡོད་པ་གསུངས་སོང་།   རྩ་བའི་ད་རེས་རྒྱུད་སྟོད་གྲྭ་ཚང་གི་བླ་མ་དབུ་མཛད་ཀྱི་འོས་མིའི་ཐོ་གཞུང་ཁོངས་སུ་དགེ་བཤེས་ ༢༩ བྱུང་འདུག་པ་དང་།  དེའི་ནང་ནས་ཁག་གཅིག་སྒེར་གྱིས་ཐག་ཆོད་ཐོག་ནས་དགོངས་པ་ཞུས་ཡོད་པ།  གང་ལྟར་ཡང་ད་ལན་ཁྱོན་བསྡོམས་པའི་དགེ་བཤེས་ ༢༥ ཙམ་གྱི་ནང་ནས་༸སྐྱབས་རྗེ་ཡང་སྟེང་རིན་པོ་ཆེ་མཆོག་རྒྱུད་སྟོད་གྲྭ་ཚང་གི་བླ་མ་དབུ་མཛད་དུ་བསྐོ་བཞག་མཛད་པ་ཞིག་ཆགས་ཀྱི་འདུག ༸སྐྱབས་རྗེ་ཡང་སྟེང་སྤྲུལ་སྐུ་རིན་པོ་ཆེ་བློ་བཟང་བསྟན་པའི་རྒྱལ་མཚན་མཆོག་ནི་ཕྱི་ལོ་ ༡༩༧༩ ལོར་བོད་ཁམས་འདབ་པར་སྐུ་འཁྲུངས་ཞིང་། ལོ་ན་བཅུ་ལ་སོན་སྐབས་ཡང་སྟེང་རིན་པོ་ཆེའི་ཡང་སྲིད་དུ་ངོས་འཛིན་གནང་ཡོད་པ་རེད།  དེ་ནས་ཕྱི་ལོ་ ༡༩༩༠ ལོར་བཙན་བྱོལ་རྒྱ་གར་དུ་འབྱོར་ནས་སེར་སྨད་མཐོ་སློབ་ཏུ་རྒྱལ་རོང་མཁན་ཟུར་རིན་པོ་ཆེ་མཆོག་དང་སྒོ་སོག་རིན་པོ་ཆེ་མཆོག་ལ་སོགས་པའི་སྐྱེས་ཆེན་དམ་པའི་དྲུང་ནས་གྲུབ་མཐའ་དང་གཏན་ཚིགས་རིགས་པ། འདུལ་བ་དང་མངོན་པའི་སྡེ་སྣོད་སོགས་ལ་སློབ་སྦྱོང་གནང་རྗེས་ཕྱི་ལོ་ ༢༠༠༥ ལོར་དགེ་བཤེས་ལྷ་རམས་པའི་བསླབ་པ་མཐར་སོན་བྱུང་ཡོད་པ་རེད།  དེ་ནས་ལོ་གཉིས་རིང་དཔལ་ལྡན་སྟོད་རྒྱུད་གྲྭ་ཚང་དུ་སྔགས་ཀྱི་རྒྱུད་སྡེ་ཁག་ལ་སློབ་སྦྱོང་གནང་བའི་སྐབས་སུ་རེ་བསྐུལ་གནང་དོན་བཞིན་༸རྒྱལ་བ་ཀརྨ་པ་མཆོག་གི་མཚན་ཞབས་གནང་ཡོད་པ་དང་།  ཕྱི་ལོ་ ༢༠༠༨ ལོར་འཛམ་གླིང་ཞི་བདེའི་དེད་དཔོན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་མངགས་ལྟར་སྐུ་སྒེར་ཡིག་ཚང་དུ་གྲྭ་བཙུན་གྱི་སྡོམ་པ་འབོག་སྩོལ་དང་༸གོང་ས་མཆོག་གི་གསུང་འཕྲིན་དང་རྩོམ་བྲིས་རྣམས་ཕྱོགས་སྒྲིག་གནང་རྒྱུའི་སོགས་ཀྱི་ཐོག་ལ་ཕྱག་ལས་གནང་དང་གནང་མུས་མ་ཟད། མགོན་པོ་༸གང་ཉིད་མཆོག་གི་ཐུགས་ཀྱི་དགོངས་བཞེད་ལྟར་སེར་སྐྱ་ཕོ་མོར་ནང་ཆོས་ངོ་སྤྲོད་ཀྱང་གནང་དང་གནང་མུས་ཡིན་པ་རེད།   The post ༸སྐྱབས་རྗེ་ཡང་སྟེང་རིན་པོ་ཆེ་མཆོག་རྒྱུད་སྟོད་གྲྭ་ཚང་གི་བླ་མ་དབུ་མཛད་དུ་བསྐོ་བཞག་མཛད་འདུག appeared...

རྒྱ་གཞུང་གིས་བོད་མིའི་ངོ་བོ་གཙོས་བོད་ཀྱི་ཁོར་ཡུག་ལ་གཏོར་སྐྱོན་ཚབས་ཆེན་བཟོ་བཞིན་པའི་ཁྲོད་འདིར། བོད་མལ་གྲོ་གུང་དཀར་ཁུལ་དུ་བོད་མི་ཚོས་ཁོར་ཡུག་སྲུང་སྐྱོབ་ལས་ཁུངས་དང་འགོ་ཁྲིད་ཚོར་ཕ་ཡུལ་གྱི་བཟོ་གྲྭའི་དུ་བ་ལས་བྱུང་བའི་འབག་བཙོག་གིས་མི་མང་གི་འཚོ་བར་གནོད་སྐྱོན་ཚབས་ཆེན་བཟོ་བཞིན་པར་དོ་སྣང་བྱེད་དགོས་པའི་འབོད་སྐུལ་གནང་བཞིན་འདུག དེ་ཡང་སྦེལ་ཇམ་ནང་དུ་རྟེན་གཞི་བྱས་པའི་བོད་ནང་གི་གནས་ཚུལ་མཁོ་སྤྲོད་གནང་མཁན་ས་དཀར་བཀྲ་ཤིས་ལགས་ཀྱིས་རང་ཉིད་ཀྱི་ X སྤྱི་ཚོགས་དྲྭ་ལམ་སྟེང་དེ་འབྲེལ་བརྙན་ཐུང་ཞིག་བརྒྱུད་སྤེལ་གནང་འདུག་པར་གཞིགས་ན། བརྙན་ཐུང་དེའི་ནང་བོད་པའི་སྐྱེས་པ་ཞིག་གིས་ཁོང་ནི་མང་ཚོགས་དཀྱུས་མ་ཞིག་ཡིན་པ་གསུངས་ཏེ་ཁོང་ཚོའི་ལུང་པའི་ནང་ཉིན་མཚན་མེད་པར་བཟོ་གྲྭའི་དུ་བས་ཁེངས་ཡོད་པ་གསལ་སྟོན་གྱིས། གནས་སྟངས་དེའི་འོག་མི་ལྟ་ཞོག་སེམས་ཅན་རྣམས་ཀྱང་འཚོ་བ་འཁྱོལ་ཐབས་མེད་པས་མང་ཚོགས་དཀྱུས་མའི་ཆེད་དུ་བསམ་གཞིགས་བྱས་ནས་ཁོར་ཡུག་སྲུང་སྐྱོབ་ཚན་པ་དང་འགོ་ཁྲིད་ཚོས་གནད་དོན་དེའི་ཐད་གང་མང་དོ་སྣང་གནང་རོགས་གསུངས་པ་མ་ཟད། བརྙན་ཐུང་དེ་དྲ་རྒྱའི་ཐོག་བརྒྱུད་སྤེལ་གནང་རོགས་ཅེས་རེ་སྐུལ་གནང་འདུག གཞི་རྩའི་རྒྱ་གཞུང་གིས་བོད་མཐོ་སྒང་དུ་ཆུ་མཛོད་གསར་རྒྱག་དང་། ཉི་འོད་གློང་ཁང་འཛུགས་སྐྲུན་དང་། དེ་བཞིན་གང་བྱུང་གཏེར་ཁ་སྔོག་འདོན་བརྒྱུད་བོད་ཀྱི་སྣོད་བཅུད་གཉིས་ཀར་གནོད་སྐྱོན་ཚབས་ཆེ་གཏོང་མུས་ཁྲོད། སྔ་ལོར་རྒྱ་རིགས་སྒྱུ་རྩལ་བ་ཚའེ་གོ་ཆང་ CaiGuo-qiang དང་། ཁེ་ན་ཌའི་ Arc’teryx བཟོ་ཚོང་ཁང་གཉིས་ཀྱིས་བོད་རྒྱལ་རྩེ་རྫོང་ར་ལུང་གྲོང་སྡེའི་རི་སྟེང་སྒྱུ་རྩལ་དང་ཚོང་དོན་ཟེར་བའི་མིང་ཐོག་ནས་ཤོག་པག་ཕོན་ཆེན་སྤར་ཏེ་ཁོར་ཡུག་ལ་གནོད་སྐྱོན་བཟོས་པར་བརྟེན། རྒྱལ་སྤྱིའི་ཁྲོད་བོད་མིས་གཙོས་ཁོར་ཡུག་སྲུང་སྐྱོབ་ལས་འགུལ་བ་རྣམས་པས་དེེར་བློ་འཚབ་ཆེན་པོ་གསལ་སྟོན་གནང་ཡོད་པ་རེད། The post རྒྱ་གཞུང་གིས་བོད་མལ་གྲོ་གུང་དཀར་ཁུལ་དུ་ཁོར་ཡུག་འབག་བཙོག་ལ་སྣང་མེད་གཏོང་བཞིན་པ་ཐེར་འདོན། appeared first on vot.

དེ་རིང་ནས་ཕྱི་ཚེས་ ༣ བར་དུ་ Oslo Freedom Forum ཞེས་ཨོ་སི་ལོའི་རང་དབང་གླེང་སྟེགས་འཚོག་བཞིན་ཡོད་པ་དང་སྦྲགས་ཏེ། བོད་མིའི་སྒྲིག་འཛུགས་ཀྱི་སྲིད་ཟུར་བློ་བཟང་སེང་གེ་ལགས་གཙོས་བོད་མི་ལས་འགུལ་བ་འཆི་མེད་ལྷ་མོ་ལགས་དང་ཚེ་ལྷ་རྫོགས་བཟང་ལགས་བཅས་ནས་ཨོ་སི་ལོའི་རང་དབང་གླེང་སྟེགས་ཀྱི་ཚོགས་འདུར་ཞུགས་རྒྱུ་མ་ཟད། གླེང་སྟེགས་ཐོག་དེང་དུས་བོད་ཀྱི་རི་མོ་སྒྱུ་རྩལ་བ་གྲགས་ཅན་བསྟན་འཛིན་རིག་གྲོལ་ལགས་ཀྱི་པར་རིས་ཁག་བཤམ་སྟོན་གནང་བཞིན་འདུག འདི་ལོ་ནོར་ཝེ་རྒྱལ་ས་ཨོ་སི་ལོའི་ནང་འཚོག་བཞིན་པའི་ཨོ་སི་ལོའི་རང་དབང་གླེང་སྟེགས་ཐོག་འགྲོ་བ་མིའི་ཐོབ་ཐང་གི་དོན་གཉེར་བ་དང་ལས་འགུལ་བ། གསར་འགོད་པ། རྩོམ་པ་པོ། སྒྱུ་རྩལ་བ་སོགས་ནས་མཉམ་ཞུགས་ཀྱིས་བརྗོད་གཞི་སྣ་མིན་ཐོག་གླེང་སློང་གནང་གི་ཡོད་པ་ལྟར། བོད་མིའི་ཕྱོགས་ནས་བོད་མིའི་སྒྲིག་འཛུགས་ཀྱི་སྲིད་ཟུར་བློ་བཟང་སེ་ལགས་དང་ཁེ་ན་ཌ་གནས་བཞུགས་བོད་མི་ལས་འགུལ་བ་འཆི་མེད་ལྷ་མོ་ལགས། དེ་བཞིན་ཨ་རིའི་ནིའུ་ཡོག་བོད་རང་བཙན་སློབ་ཕྲུག་ཚོགས་པའི་ལས་འགུལ་འགན་འཛིན་ཚེ་ལྷ་རྫོགས་བཟང་ལགས། གཞན་ཡང་ཨོ་སྟྲེ་ལི་ཡར་གནས་བཞུགས་བོད་པའི་གཞས་པ་དང་རོལ་དབྱངས་རྩོམ་པ་པོ་དེ་བཞིན་རྒྱལ་སྤྱིའི་ནང་གྲགས་ཆེ་བའི་ Grammy རོལ་དབྱངས་གཟེངས་རྟགས་ཀྱི་འོས་མི་གཞས་པ་བསྟན་འཛིན་ཆོས་རྒྱལ་ལགས་ཀྱིས་སོགས་ནས་མཉམ་ཞུགས་གནང་རྒྱུ་རེད་འདུག ལྷག་པར་དུ་ཐེངས་འདིའི་ཨོ་སི་ལོའི་རང་དབང་གླེང་སྟེགས་ཐོག་ཚོགས་བཅར་བ་རྣམས་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚེའི་མཛད་པ་དང་འབྲེལ་བའི་དངོས་བྱུང་གློག་བརྙན་བདེ་སྐྱིད་ཀྱི་ཤེས་རབ་ Wisdom of Happiness ཞེས་པ་དེ་གཟིགས་འབུལ་ཞུ་རྒྱུ་མ་ཟད། རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ལྷན་ཚོགས་ཀྱི་ཚོགས་གཙོ་དང་ཡུན་རིང་ནས་བོད་དོན་ལ་རྒྱབ་སྐྱོར་གནང་མཁན་སྐུ་ཞབས་ Richard Gere ལགས་ཀྱིས་བོད་དོན་གཏམ་བཤད་གནང་རྒྱུ་རེད་འདུག དེ་རིང་ནས་རྩིས་པའི་ཉིན་གྲངས་གསུམ་རིང་གཏམ་བཤད་གནང་མཁན་རྣམས་ཀྱིས་བརྗོད་གཞི་འདྲ་མིན་ཐོག་ངོ་སྤྲོད་གསུང་བཤད་གནང་གི་ཡོད་པའི་ཁྲོད། དེང་དུས་བོད་ཀྱི་རི་མོ་སྒྱུ་རྩལ་བ་གྲགས་ཅན་བསྟན་འཛིན་རིག་གྲོལ་ལགས་ཀྱིས་བྲིས་པའི་རི་མོའི་སྒྱུ་རྩལ་ཁག་བཤམ་སྟོན་གནང་གི་ཡོད་པ་དང་ཁོང་གི་པར་རིས་དེའི་མིང་ལ་  Let there be Light འམ་འོད་སྣང་འཕྲོ་བར་གྱུར་ཅིག་ཞེས་བཏགས་ཏེ་ཆབ་སྲིད་ཀྱི་གནད་དོན་མཚོན་པར་བྱེད་པའི་གཞིས་བཞུགས་བོད་མིའི་དཀའ་ངལ་མངོན་པར་བྱ་རྒྱུ་རེད་འདུག འདི་ག་རླུང་འཕྲིན་ཁང་ནས་སྒྱུ་རྩལ་བ་བསྟན་འཛིན་རིག་གྲོལ་ལགས་སུ་ཁོང་གི་བྲིས་པའི་སྒྱུ་རྩལ་ཁག་གི་མཚོན་དོན་སྐོར་དང་འབྲེལ་ནས་བཀའ་འདྲི་ཞུས་ཡོད།   ཁོང་གིས་ད་དུང་། སྤྱིར་རིག་གཞུང་ཚང་མ་རྩ་ཆེན་པོ་ཡིན་པ་དང་དེའི་ནང་ནས་བོད་པའི་རིག་གཞུང་ལ་མཚོན་ན་རྒྱ་གཞུང་གིས་ཆེས་དམ་དྲག་འོག་བོད་མིའི་ངོ་བོ་གཙོས་ཆོས་རིག་སྐད་ཡིག་བཅས་པ་སྲུང་སྐྱོབ་བྱ་རྒྱུར་དཀའ་ངལ་དམིགས་བསལ་ཞིག་འཕྲད་བཞིན་ཡོད་པའི་ཁྲོད་འདིར་ཁོང་སྒྱུ་རྩལ་བ་ཞིག་གི་ངོ་བོའི་ཐོག་ནས་བོད་དོན་ཐོག་ནུས་པ་གང་ཡོད་འདོན་རྒྱུ་དང་ལྷག་པར་དུ་རྒྱལ་སྤྱིའི་སྤྱི་ཚོགས་ཀྱི་བོད་དོན་སླད་དུ་མུ་མཐུད་རྒྱབ་སྐྱོར་སྔར་ལྷག་གནང་ཚེ་བོད་ལ་སྐྱིད་པའི་ཉི་མ་ཤར་བའི་རེ་བ་ཡོད་ཅེས་དང་།  ད་རེས་ཀྱི་འགྲེམས་སྟོན་ཐོག་བོད་དོན་ལ་རྒྱབ་སྐྱོར་གནང་མཁན་མང་དག་ཅིག་ཕེབས་ཡོད་པ་དེས་ཁོང་རང་ཉིད་ལ་ཚོར་སྣང་སྐྱིད་པོ་དང་སེམས་ཤུགས་འཕར་མ་ཞིག་སྦྱིན་སོང་ཞེས་གསུང་གི...

དེ་རིང་ནས་ཕྱི་ཚེས་ ༣ བར་དུ་ Oslo Freedom Forum ཞེས་ཨོ་སི་ལོའི་རང་དབང་གླེང་སྟེགས་འཚོག་བཞིན་ཡོད་པ་དང་སྦྲགས་ཏེ། བོད་མིའི་སྒྲིག་འཛུགས་ཀྱི་སྲིད་ཟུར་བློ་བཟང་སེང་གེ་ལགས་གཙོས་བོད་མི་ལས་འགུལ་བ་འཆི་མེད་ལྷ་མོ་ལགས་དང་ཚེ་ལྷ་རྫོགས་བཟང་ལགས་བཅས་ནས་ཨོ་སི་ལོའི་རང་དབང་གླེང་སྟེགས་ཀྱི་ཚོགས་འདུར་ཞུགས་རྒྱུ་མ་ཟད། གླེང་སྟེགས་ཐོག་དེང་དུས་བོད་ཀྱི་རི་མོ་སྒྱུ་རྩལ་བ་གྲགས་ཅན་བསྟན་འཛིན་རིག་གྲོལ་ལགས་ཀྱི་པར་རིས་ཁག་བཤམ་སྟོན་གནང་བཞིན་འདུག འདི་ལོ་ནོར་ཝེ་རྒྱལ་ས་ཨོ་སི་ལོའི་ནང་འཚོག་བཞིན་པའི་ཨོ་སི་ལོའི་རང་དབང་གླེང་སྟེགས་ཐོག་འགྲོ་བ་མིའི་ཐོབ་ཐང་གི་དོན་གཉེར་བ་དང་ལས་འགུལ་བ། གསར་འགོད་པ། རྩོམ་པ་པོ། སྒྱུ་རྩལ་བ་སོགས་ནས་མཉམ་ཞུགས་ཀྱིས་བརྗོད་གཞི་སྣ་མིན་ཐོག་གླེང་སློང་གནང་གི་ཡོད་པ་ལྟར། བོད་མིའི་ཕྱོགས་ནས་བོད་མིའི་སྒྲིག་འཛུགས་ཀྱི་སྲིད་ཟུར་བློ་བཟང་སེ་ལགས་དང་ཁེ་ན་ཌ་གནས་བཞུགས་བོད་མི་ལས་འགུལ་བ་འཆི་མེད་ལྷ་མོ་ལགས། དེ་བཞིན་ཨ་རིའི་ནིའུ་ཡོག་བོད་རང་བཙན་སློབ་ཕྲུག་ཚོགས་པའི་ལས་འགུལ་འགན་འཛིན་ཚེ་ལྷ་རྫོགས་བཟང་ལགས། གཞན་ཡང་ཨོ་སྟྲེ་ལི་ཡར་གནས་བཞུགས་བོད་པའི་གཞས་པ་དང་རོལ་དབྱངས་རྩོམ་པ་པོ་དེ་བཞིན་རྒྱལ་སྤྱིའི་ནང་གྲགས་ཆེ་བའི་ Grammy རོལ་དབྱངས་གཟེངས་རྟགས་ཀྱི་འོས་མི་གཞས་པ་བསྟན་འཛིན་ཆོས་རྒྱལ་ལགས་ཀྱིས་སོགས་ནས་མཉམ་ཞུགས་གནང་རྒྱུ་རེད་འདུག ལྷག་པར་དུ་ཐེངས་འདིའི་ཨོ་སི་ལོའི་རང་དབང་གླེང་སྟེགས་ཐོག་ཚོགས་བཅར་བ་རྣམས་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚེའི་མཛད་པ་དང་འབྲེལ་བའི་དངོས་བྱུང་གློག་བརྙན་བདེ་སྐྱིད་ཀྱི་ཤེས་རབ་ Wisdom of Happiness ཞེས་པ་དེ་གཟིགས་འབུལ་ཞུ་རྒྱུ་མ་ཟད། རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ལྷན་ཚོགས་ཀྱི་ཚོགས་གཙོ་དང་ཡུན་རིང་ནས་བོད་དོན་ལ་རྒྱབ་སྐྱོར་གནང་མཁན་སྐུ་ཞབས་ Richard Gere ལགས་ཀྱིས་བོད་དོན་གཏམ་བཤད་གནང་རྒྱུ་རེད་འདུག དེ་རིང་ནས་རྩིས་པའི་ཉིན་གྲངས་གསུམ་རིང་གཏམ་བཤད་གནང་མཁན་རྣམས་ཀྱིས་བརྗོད་གཞི་འདྲ་མིན་ཐོག་ངོ་སྤྲོད་གསུང་བཤད་གནང་གི་ཡོད་པའི་ཁྲོད། དེང་དུས་བོད་ཀྱི་རི་མོ་སྒྱུ་རྩལ་བ་གྲགས་ཅན་བསྟན་འཛིན་རིག་གྲོལ་ལགས་ཀྱིས་བྲིས་པའི་རི་མོའི་སྒྱུ་རྩལ་ཁག་བཤམ་སྟོན་གནང་གི་ཡོད་པ་དང་ཁོང་གི་པར་རིས་དེའི་མིང་ལ་  Let there be Light འམ་འོད་སྣང་འཕྲོ་བར་གྱུར་ཅིག་ཞེས་བཏགས་ཏེ་ཆབ་སྲིད་ཀྱི་གནད་དོན་མཚོན་པར་བྱེད་པའི་གཞིས་བཞུགས་བོད་མིའི་དཀའ་ངལ་མངོན་པར་བྱ་རྒྱུ་རེད་འདུག འདི་ག་རླུང་འཕྲིན་ཁང་ནས་སྒྱུ་རྩལ་བ་བསྟན་འཛིན་རིག་གྲོལ་ལགས་སུ་ཁོང་གི་བྲིས་པའི་སྒྱུ་རྩལ་ཁག་གི་མཚོན་དོན་སྐོར་དང་འབྲེལ་ནས་བཀའ་འདྲི་ཞུས་ཡོད།   ཁོང་གིས་ད་དུང་། སྤྱིར་རིག་གཞུང་ཚང་མ་རྩ་ཆེན་པོ་ཡིན་པ་དང་དེའི་ནང་ནས་བོད་པའི་རིག་གཞུང་ལ་མཚོན་ན་རྒྱ་གཞུང་གིས་ཆེས་དམ་དྲག་འོག་བོད་མིའི་ངོ་བོ་གཙོས་ཆོས་རིག་སྐད་ཡིག་བཅས་པ་སྲུང་སྐྱོབ་བྱ་རྒྱུར་དཀའ་ངལ་དམིགས་བསལ་ཞིག་འཕྲད་བཞིན་ཡོད་པའི་ཁྲོད་འདིར་ཁོང་སྒྱུ་རྩལ་བ་ཞིག་གི་ངོ་བོའི་ཐོག་ནས་བོད་དོན་ཐོག་ནུས་པ་གང་ཡོད་འདོན་རྒྱུ་དང་ལྷག་པར་དུ་རྒྱལ་སྤྱིའི་སྤྱི་ཚོགས་ཀྱི་བོད་དོན་སླད་དུ་མུ་མཐུད་རྒྱབ་སྐྱོར་སྔར་ལྷག་གནང་ཚེ་བོད་ལ་སྐྱིད་པའི་ཉི་མ་ཤར་བའི་རེ་བ་ཡོད་ཅེས་དང་།  ད་རེས་ཀྱི་འགྲེམས་སྟོན་ཐོག་བོད་དོན་ལ་རྒྱབ་སྐྱོར་གནང་མཁན་མང་དག་ཅིག་ཕེབས་ཡོད་པ་དེས་ཁོང་རང་ཉིད་ལ་ཚོར་སྣང་སྐྱིད་པོ་དང་སེམས་ཤུགས་འཕར་མ་ཞིག་སྦྱིན་སོང་ཞེས་གསུང་གི...

བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྒྲོལ་མ་ཚེ་རིང་མཆོག་གིས་༧གོང་ས་མཆོག་གི་སྐུ་དྲིན་ཉག་ཅིག་ལ་བརྟེན་ནས་ད་ལྟའི་ཆར་བོད་ཀྱི་བུད་མེད་རྣམས་ཀྱིས་འཛིན་སྐྱོང་དང་ཆབ་སྲིད་གཉིས་ཀའི་ནང་དུ་ལས་འགན་འཁུར་མུས་ཡིན་སྐོར་སོགས་གསུངས་སོང་། དེ་རིང་ཕྱི་ཟླ་ ༦ ཚེས་ ༡ ཉིན་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་དུ། བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་གཙོ་བྱས་པའི་མཛད་གཙོ་རྣམ་པ་དབུ་བཞུགས་ཐོག སྐབས་བཅོ་བརྒྱད་པའི་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་དང་། ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་ཀྱིས་ཆེས་མཐོའི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་མདུན་ནས་ལས་འཁུར་དམ་འབུལ་ཞུས་སོང་། སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྒྲོལ་མ་ཚེ་རིང་མཆོག་གིས་འདི་གའི་གསར་འགོད་པར། སྔོན་མ་ང་རང་ཚོགས་གཞོན་རེད། སྐུ་ངོ་ལགས་ཚོགས་གཞོན་ཚོགས་གཙོ་རེད། གནས་ལུགས་དེའི་ཐོག་ནས་མི་རྟག་པ་ཡིན་པ་དང་། ཚང་མ་རྟག་པ་བརྟན་པོ་མེད་པ་ཚང་མས་ཧ་གོ་དགོས་ཀྱི་འདུག་ལ། སུ་ཞིག་གོ་གནས་གང་ཞིག་ལ་སླེབས་རུང་ལས་ཁུར་བྱས་པའི་རིང་ལ་ཁྲིམས་སྒྲིག་གི་དགོངས་དོན་བཞིན། ལྷག་བསམ་རྣམ་དག་གི་ཐོག་ནས་ཚང་མ་མཉམ་དུ་ཁྲིད་དགོས་པ་ནི་གལ་ཆེ་ཤོས་ཡིན་པའི་ཚོར་སྣང་བྱུང་། མི་མང་པོ་ཞིག་གིས་བུད་མེད་ཀྱི་ཚོགས་གཙོ་ཐོག་མ་ཡིན་མིན་གྱི་ཐོག་ནས་གླེང་སློང་མང་པོ་ཞིག་བྱུང་ཡང་། བོད་ཀྱི་བུད་མེད་ཅིག་གིས་བོད་ནང་ལ་ཆབ་སྲིད་ཀྱི་ཆ་ཤས་ལེན་ཐུབ་ཀྱི་མེད་ཀྱང་། ༧གོང་ས་རྒྱལ་བ་རིན་པོ་ཆེ་མཆོག་ནས་བཙན་བྱོལ་ནང་བོད་ཀྱི་བུད་མེད་ལ་བརྒྱ་ཆ་ལྔ་བཅུ་ཐམ་པའི་ས་མིག་ཅིག་གསོལ་སྩལ་གནང་ཡོད་པའི་བཀའ་དྲིན་གྱི་དབང་གིས། བོད་ཀྱི་བུད་མེད་རྣམས་ལ་སོ་སོའི་ནུས་པ་དང་ལྷག་བསམ། ཆོད་སེམས་ཡོད་པ་ཡིན་ན། ཁྲིམས་ཞིབ་པ་ཆེ་བ་དང་ཚོགས་གཙོའི་ཞབས་སྟེགས་སུ་ཕེབས་རྒྱུ་ཡོད་པ་ནི། དེ་རིང་ཚང་མར་བརྡ་ལན་ཞིག་ཆགས་ཡོད་རེད་བསམ་གྱི་འདུག ལྷག་པར་བོད་ཀྱི་བུད་མེད་རྣམས་ཀྱིས་སྔོན་མ་འཛིན་སྐྱོང་དང་ཆབ་སྲིད་ཀྱི་ནང་ལ་འགན་ཁུར་མ་བཞེས་པའི་སྐབས་ལའང་། སོ་སོའི་ཁྱིམ་ཚང་ཡག་པོ་བཟོ་ཡ་དང་སོ་སོའི་བུ་ཕྲུག་ལ་རང་མི་རིགས་ཀྱི་ཁྱད་ཆོས་དང་། མི་བཟང་པོ་དང་ཡག་པོ་ཞིག་བཟོ་རྒྱུའི་ཐད་ལ་བུད་མེད་རྣམས་ཀྱིས་ལེགས་སྐྱེས་ཕུལ་ཡོད། ད་ལྟའི་ཆར་ལ་འཛིན་སྐྱོང་དང་ཆབ་སྲིད་གཉིས་ཀའི་ནང་ལ་ལས་འགན་འཁུར་མུས་ཡིན་པ་ནི། ༧གོང་ས་རྒྱལ་བ་རིན་པོ་ཆེ་མཆོག་གི་སྐུ་དྲིན་ཉག་ཅིག་ལ་བརྟེན་ནས་བྱུང་བ་ཡིན་པའི་བཀའ་དྲིན་བསམ་ཤེས་ཤིག་བྱུང་། ཞེས་གསུངས་སོང་། ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས། ད་ལྟ་བོད་མི་མང་སྤྱི་འཐུས་སྐབས་བཅོ་བརྒྱད་པའི་ཚོགས་གཞོན་གྱི་དམ་འབུལ་ཞུས་ཟིན་པ་རེད། ༧གོང་ས་རྒྱལ་བ་རིན་པོ་ཆེ་མཆོག་གིས་བོད་མི་ལ་དམངས་གཙོ་གསོལ་རས་གནང་སྟེ་ལོ་ངོ་ ༦༦ ལྷག་འགྲོ་ཡི་ཡོད་པ་རེད། དེར་བརྟེན་དམངས་གཙོ་དེ་ནུབ་ཕྱོགས་ཀྱི་རྒྱལ་ཁབ་མང་པོ་ཞིག་གིས་གལ་ཆེན་པོར་ངོས་འཛིན་གྱི་ཡོད་ལ། ང་ཚོ་ཤར་ཕྱོགས་ཁུལ་ནས་ལྷོ་ཨེ་ཤ་ཡའི་ནང་ལོགས་ནས་དམངས་གཙོའི་ཐོག་ལ་གོམ་པ་མདུན་སྤོས་བྱ་རྒྱུར་གལ་ཆེན་དུ་འཛིན་གྱི་ཡོད་པ་རེད། ༧གོང་ས་མཆོག་གི་རིང་ནས་སྙིང་དུ་བརྣགས་པའི་འདོད་པའི་དོན་གཅིག་དེ་བོད་མིར་དམངས་གཙོ་གསོལ་རས་གནང་ནས་སྐུ་དབང་རྩིས་སྤྲོད་གནང་རྒྱུ་གལ་ཆེན་པོ་ཡིན་ཞེས་པའི་བཀའ་དབང་ཕེབས་པ་གཞིར་བཟུང་། ང་ཚོ་སྤྱི་འཐུས་ལྷན་ཚོགས་དེ་གལ་ཆེན་པོ་ཞེ་དྲགས་རེད། སྤྱི་འཐུས་ལྷན་ཚོགས་ཀྱི་བཅའ་ཁྲིམས་ཀྱི་སྒྲོམ་གཞི་ལ་བལྟས་ན།...

ན་ནིང་རྒྱ་ནག་ནང་ནང་པའི་དགོན་པ་ཞིག་གི་མཁན་པོས་ལྐོག་ཟ་རུལ་སུངས་དང་བུད་མེད་དང་ངན་འབྲེལ་བྱས་པའི་ནག་ཉེས་འོག་དགོན་པའི་གོ་གནས་ནས་ཕྱི་ཕུད་པ་ཡོད་དང་། ཉེ་ཆར་ཁྲིམས་ཐག་བཅད་ནས་མི་ལོ་༢༤ རིང་བཙོན་འཇུག་ཉེས་ཆད་ཕོག་འདུག དེ་བཞིན་རྒྱ་ནག་ནང་ཆོས་ལུགས་མི་སྣ་ཚོ་ཁྲིམས་སྒྲིག་ལྟར་ལས་ཀ་བྱེད་ཆེད་སློབ་གསོ་ནན་ཏན་རྒྱག་དགོས་ཚུལ་བརྗོད། The post དགོན་པའི་མཁན་པོའི་བྱ་སྤྱོད་ལ་བརྟེན་ནས་ནང་པའི་མཚན་སྙན་ལ་དོ་ཕོག་བཏང་ཡོད་པ་བརྗོད། appeared first on བོད་ཀྱི་བང་ཆེན།.

The post སྐབས་བཅོ་བརྒྱད་པའི་ཚོགས་གཙོ་སྦྲེལ་པོའི་དམ་འབུལ། appeared first on བོད་ཀྱི་དུས་བབ།.

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༦ ཚེས་ ༡ ཉིན་གྱི་སྔ་དྲོ་ཆུ་ཚོད་ ༡༡།༠༠ ཐོག བོད་མི་མང་སྤྱི་འཐུས་སྐབས་ ༡༨ པའི་རྒྱུན་ལས་ལྷན་ཚོགས་ཐེངས་དང་པོ་ཚོགས་གནང་ཡོད། དེ་ཡང་རྒྱུན་ལས་སྐབས་དང་པོར། དཔལ་ལྡན་ཚོགས་གཙོ་སྒྲོལ་མ་ཚེ་རིང་མཆོག་གིས་གཙོ་སྐྱོང་གནང་ཐོག དཔལ་ལྡན་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་དང་། སྤྱི་འཐུས་འཇུ་ཆེན་དཀོན་མཆོག་ཆོས་སྒྲོན་ལགས། སྤྱི་འཐུས་བསྟན་པ་ཡར་འཕེལ་ལགས། སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས། སྤྱི་འཐུས་སློབ་དཔོན་ཐུབ་བསྟན་རྒྱལ་མཚན་ལགས། སྤྱི་འཐུས་དགེ་བཤེས་ཨ་ཀྲོང་རིན་ཆེན་རྒྱལ་མཚན་ལགས། སྤྱི་འཐུས་དཔོན་ཚང་བློ་བཟང་ཐུབ་བསྟན་ལགས། སྤྱི་འཐུས་ཆོས་གྲགས་རྒྱ་མཚོ་ལགས། སྤྱི་འཐུས་མགོན་པོ་དོན་གྲུབ་ལགས། སྤྱི་འཐུས་ག་རྒྱ་རྒྱལ་མཚན་ཆོས་སྐྱིད་ལགས་བཅས་ཚོགས་བཅར་གནང་ཡོད་ཅིང་། ཐོག་མར་དཔལ་ལྡན་ཚོགས་གཙོ་སྒྲོལ་མ་ཚེ་རིང་མཆོག་གིས་ཐོག་མར་བོད་མི་མང་སྤྱི་འཐུས་སྐབས་ ༡༨ པའི་རྒྱུན་ལས་ལྷན་ཚོགས་ཐེངས་དང་པོར་ཕེབས་པའི་ཚོགས་མི་ཡོངས་ལ་འཚམས་འདྲི་དང་སྦྲགས། བོད་མི་མང་སྤྱི་འཐུས་ལྷན་ཚོགས་ཀྱི་ལས་དོན་ཐོག་ཚང་མས་ཕྱར་གྲུ་མཉམ་འདེགས་ཡོང་བ་ཞུ་རྒྱུ་ཡིན་ཞེས་གསུངས་གནང་སོང་། སྤྱི་འཐུས་རྒྱུན་ལས་རྣམ་པ་སྡེ་ཚན་གསུམ་ལ་དབྱེ་བགོས་གནང་སྲོལ་བཞིན་གཤམ་གསལ་ལྟར་ལས་བགོས་བཀོད་སྒྲིག་གནང་། རྒྱུན་འབྲེལ་སྡེ་ཚན། ༡༽ སྤྱི་འཐུས་འཇུ་ཆེན་དཀོན་མཆོག་ཆོས་སྒྲོན་ལགས། ༢༽ སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས། ཆབ་སྲིད་སྡེ་ཚན། ༡༽ སྤྱི་འཐུས་བསྟན་པ་ཡར་འཕེལ་ལགས།...