༄༅། །ཕྱི་ལོ་ ༢༠༢༥ ཟླ་བ་ ༡༢ ཚེས་ ༢༢ ཉིན་གྱི་དགོང་མོ་ཆུ་ཚོད་ ༧༌༤༠ ཐོག་ཧུབ་ལི་གནམ་ཐང་དུ་ཕེབས་འབྱོར་སྐབས་མོན་གྷོ་ས་གནས་འགོ་འཛིན་རིན་ཆེན་དབང་མོ་ལགས་ཀྱི་སྣེ་ཁྲིད་པའི་དཔལ་ལྡན་འབྲས་སྤུངས་བླ་སྤྱིའི་སྐུ་ཚབ་ཁག་གཅིག་དང་། ལྷོ་སྤྱི་ལས་དྲུང་། མོན་གྷོ་རྒས་གསོ་ཁང་གི་འགན་འཛིན་བཅས་ནས་ཕེབས་བསུ་སྣེ་ལེན་ཞུས་ཏེ་དགོང་མོ་ཆུ་ཚོད་ ༡༠ ཐོག་འབྲས་སྤུངས་བློ་གསལ་གླིང་གི་མགྲོན་ཁང་གི་རྒྱལ་སྒོ་ནས་མོན་གྷོ་ས་གནས་གནད་ཡོད་མི་སྣ་རྣམས་ནས་ཕེབས་བསུ་སྣེ་ལེན་ཞུས་ཡོད།ཕྱི་ཚེས་ ༢༣ ཉིན་གྱི་སྔ་དྲོ་ཆུ་ཚོད་ ༡༠ ནས་འགོ་འཛུགས་ཀྱིས་གདན་ས་གཉིས་གཙོས་པའི་ཉེ་འཁོར་གྱི་དགོན་སྡེ་ཁག་ལ་གནས་གཟིགས་དང་། ཕྱི་ཚེས་ ༢༤ སྔ་དྲོ་ཆུ་ཚོད་ ༨༌༣༠ ཐོག་འབྲས་སྤུངས་ཚོགས་ཆེན་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་༸རྗེ་འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་པའི་གདན་ཁྲི་ཆེན་པོར་མངའ་གསོལ་མཛད་ཐོག་ཕེབས་བཞུགས་གནང་རྗེས། འབྲས་སྤུངས་བླ་སྤྱི་གསེར་ཁྲི་མངའ་གསོལ་གོ་སྒྲིག་ཚོགས་ཆུང་ནས་མཐུན་འགྱུར་ཞུས་པ་བཞིན་ཉིན་རྒྱབ་ཆུ་ཚོད་ ༡༢༌༡༥ ཙམ་ནས་འབྲས་སྤུངས་བློ་གླིང་སྣུམ་འཁོར་བརྒྱུད་སྦེལ་ཀོབ་ས་གནས་སུ་ཕེབས་ཐོན་གྱིས། དེ་ཉིན་ཕྱི་དྲོ་ཆུ་ཚོད་ ༨༌༣༠ ཡན་མན་ལ་སྦེལ་ཀོབ་བོད་མིའི་སྤྱི་མཐུན་མཉམ་འབྲེལ་གྱི་མགྲོན་ཁང་དུ་ལྷོ་ཕྱོགས་བོད་མིའི་ས་གནས་ཁྲིམས་ཞིབ་ཁང་གྱི་ཁྲིམས་ཞིབ་པ་ཕུན་ཚོགས་དཔལ་ལྡན་ལགས་གཙོས་པའི་སྦེལ་ཀོབ་ལུགས་བསམ་གྱི་ས་གནས་འགོ་འཛིན་དགེ་ལེགས་འབྱུང་གནས་ལགས་དང་། སྦེལ་ཀོབ་བདེ་སླར་ས་གནས་འགོ་འཛིན་ངག་དབང་བསྟན་འཛིན་ལགས། དེ་བཞིན་ས་གནས་ཁྲིམས་ཞིབ་ཁང་གི་ལས་བྱེད་བཅས་ནས་ཕེབས་བསུ་སྣེ་ལེན་ཞུས། ཕྱི་ཚེས་ ༢༥ དང་ ༢༦ ཉིན་གཉིས་རིང་ལྷོ་ཕྱོགས་ས་གནས་ཁྲིམས་ཞིབ་ཁང་ནས་གོ་སྒྲིག་ཞུས་པའི་ས་གནས་ཀྱི་ལས་རིམ་ནང་དཔལ་ལྡན་ཁྲིམས་ཞིབ་པ་ཆེ་བ་མཆོག་ཕེབས་བཞུགས་གནང་རྒྱུ་ཡིན་པ་བཅས། །

དེ་རིང་ཕྱི་ཚེས་ ༢༥ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འབྲས་སྤུངས་བཀྲ་ཤིས་སྒོ་མང་གྲྭ་ཚང་གི་ཆོས་གྲྭའི་ནང་བསྒྲུབ་བྱ་ ༥༡ ལ་དགེ་སློང་གི་བསླབ་སྡོམ་བཀའ་དྲིན་སྩལ་བ་དང་འབྲེལ། བསྟན་པ་ཉག་ཕྲ་བའི་དུས་སྐབས་འདིར་ཚང་མས་སེམས་ཤུགས་བསྐྱེད་དེ་སངས་རྒྱས་ཀྱི་བསྟན་པ་ས་དར་རྡོ་དར་ཡག་པོ་ཞིག་ཡོང་རྒྱུར་ལས་འགན་དང་སྨོན་ལམ་ཡང་དེ་ལྟར་རྒྱག་དགོས་པའི་ལམ་སྟོན་བཀའ་དྲིན་ཆེ་བ་མཛད་འདུག དེ་རིང་ནས་བཟུང་ཕྱི་ཚེས་ ༢༧ བར་དང་དེ་བཞིན་ཕྱི་ལོ་ ༢༠༢༦ ཟླ་ ༡ པོའི་ནང་༸གོང་ས་མཆོག་ནས་བསྙེན་རྫོགས་ཀྱི་བསླབ་སྡོམ་སྩལ་བའི་མཛད་འཆར་ཡོད་པ་དང་། རྩ་བའི་ཕྱི་ལོ་ ༡༩༥༤ ཟླ་ ༢ ཚེས་ ༡༧ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ལྷ་ལྡན་གཙུག་ལག་ཁང་གི་ཇོ་བོ་ཤཱ་ཀྱ་མུ་ནེ་སྤྱན་སྔར་བསྙེན་པར་རྫོགས་པའི་དགེ་སློང་གི་སྡོམ་པ་ཡོངས་སུ་བདག་གིར་བཞེས་ཡོད་ཅིང་། ཤར་པ་ཆོས་རྗེ་ཡོངས་འཛིན་གླིང་རིན་པོ་ཆེ་རྗེ་བཙུན་ཐུབ་བསྟན་ལུང་རྟོགས་རྣམ་རྒྱལ་འཕྲིན་ལས་དཔལ་བཟང་པོས་མཁན་པོ་མཛད་ཅིང་། སྐབས་དེའི་དགའ་ལྡན་ཁྲི་རིན་པོ་ཆེར་བྱེས་ཐུབ་བསྟན་ཀུན་དགས་དུས་བསྒོ་བ། ཡོངས་འཛིན་ཁྲི་བྱང་རིན་པོ་ཆེ་རྗེ་བཙུན་བློ་བཟང་ཡེ་ཤེས་བསྟན་འཛིན་རྒྱ་མཚོ་དཔལ་བཟང་པོས་གསང་སྟེ་སྟོན་པའི་སློབ་དཔོན་མཛད། དགའ་ལྡན་ཁྲི་ཟུར་འབྲས་བློ་གླིང་མི་ཉག་བཀྲ་ཤིས་སྟོང་འདུས་དང་བྱང་རྩེ་ཆོས་རྗེ། མཚན་ཞབས་རྣམ་པ་སོགས་ཀྱི་ལས་ཀྱི་ཁ་སྐོང་མཛད་ཡོད་པ་རེད།  ལྷག་པར་ཕྱི་ལོ་ ༡༩༦༠ ཟླ་བ་ ༡ ནང་སྟོན་པ་སངས་རྒྱས་བཅོམ་ལྡན་འདས་ཀྱི་ཆོས་འཁོར་ཐོག་མར་སྐོར་སའི་གནས་ཝཱ་རཱ་ཎ་སཱི་སཱ་ར་ནཱ་ཐ་དུ་བསྒྲུབ་བྱ་ ༡༥ ལ་བསྙེན་རྫོགས་སྡོམ་པ་བཀའ་དྲིན་སྩལ་ཡོད་པ་དང་། དེ་ནི་མགོན་པོ་༸གང་ཉིད་མཆོག་ནས་བསྙེན་རྫོགས་ཀྱི་སྡོམ་པ་འབོག་པ་ཐོག་མ་དེ་ཡིན་པ་རེད།  གཞི་རྩའི་སྤྱི་ནོར་༧གོང་ས་༸སྐྱབས་མགོན་ཆེན་པོ་མཆོག་ནས་བསྒྲུབ་བྱ་དགེ་ཚུལ་ ༥༧༦༨ དང་། དགེ་སློང་ ༡༨༦༩༣ ལ་སྡོམ་པ་འབོག་ཆོག་མཛད་ཡོད་པ་དང་།...

ཕྱི་ལོ་༢༠༢༥ ཟླ་༡༢ ཚེས་༢༣ ཉིན། ཨ་རིའི་རྒྱལ་སྲུང་ལྷན་ཁང་གིས་ཕྱི་ལོ་༢༠༢༥ ལོའི་རྒྱ་ནག་མི་དམངས་སྤྱི་མཐུན་རྒྱལ་ཁབ་དང་འབྲེལ་བའི་དམག་དོན་དང་ཉེན་སྲུང་གི་གོང་འཕེལ་གནས་སྟངས་སྐོར་གྱི་སྙན་ཐོ་དེ་ཨ་རིའི་གྲོས་ཚོགས་སུ་ཕུལ་འདུག སྙན་ཐོ་དེའི་ནང་། རྒྱ་ནག་མི་དམངས་བཅིངས་འགྲོལ་དམག་གིས་ལོ་ངོ་བཅུ་ཕྲག་མང་པོའི་རིང་ལ། འཛམ་གླིང་རིམ་པའི་དམག་དཔུང་ཞིག་ཏུ་འགྱུར་བའི་ཕུགས་བསམ་འགྲུབ་པའི་ཆེད། The post ཨ་རིའི་དམག་དོན་ལྷན་ཁང་གི་སྙན་ཐོའི་ནང་༢༠༢༧ ལོའི་ནང་ཚུན་ཐའེ་ཝན་ལ་དམག་བརྒྱབ་ནས་རྒྱལ་ཁ་ལེན་རྒྱུའི་གྲ་སྒྲིག་བྱེད་ཀྱི་ཡོད་པ་གསལ། appeared first on བོད་ཀྱི་བང་ཆེན།.

བོད་ཀྱི་བང་ཆེན་གསར་ཤོག་སྤྱིའི་འདོན་ཐེངས་༡༠༨༠། ཕྱི་ལོ་༢༠༢༦ འཆར་ལ་ཉེ་ཞིང་མ་འོངས་པར་མི་ལོ་སུམ་ཅུ་ཙམ་སོང་བའི་རྗེས། ཕྱི་ལོ་༢༠༥༦ ལོའི་སྐབས་སུ་གཞིས་བྱེས་མཉམ་འཛོམས་མ་བྱུང་བར་མུ་མཐུད་དུ་ལྷག་ཡོད་ན། བཙན་བྱོལ་བོད་པའི་སྤྱི་ཚོགས་ཀྱི་གནས་སྟངས་དེ་ག་འདྲ་ཞིག་ཏུ་འགྱུར་རྒྱུ་ཡིན་མིན་ད་ལྟ་ནས་བསམ་བློ་གཏོང་དགོས་པ་ཞིག་རེད་ལ། ང་ཚོའི་ངོས་ནས་བོད་ཀྱི་རྩ་དོན་ནམ་བོད་རྒྱལ་ཁབ་སླར་གསོ་ཡོང་ཐབས་སུ་འབད་བརྩོན་བྱེད་ཐུབ་པའི་མི་རབས་གསར་པ་ཞིག་གསོ་སྐྱོང་ཐུབ་པའི་སྲིད་བྱུས་ཕུགས་འཕེར་ཞིག་དང་། རྩ་དོན་འཐབ་རྩོད་དང་ཆོས་དང་རིག་གནས་བཅས་གསོན་པོར་གནས་ཐུབ་པའི་འཆར་གཞི་ངེས་ཅན་ཞིག་དགོས་པ་དེ་ཧ་ཅང་གལ་ཆེན་པོར་གྱུར་ཡོད། དེ་ལྟར་མ་བྱུང་བར་ད་ལྟའི་གནས་སྟངས་བཞིན་ཟས་གོས་གནས་མལ་ཙམ་ལས་བསམ་རྒྱུ་མེད་པའི་སྤྱི་ཚོགས་ཀྱི་བསམ་བློ་དེ་ལ་ཡར་རྒྱས་གང་ཡང་མེད་པར་མུ་མཐུད་དུ་སོང་ན། The post ལོ་སུམ་ཅུའི་རྗེས་ཀྱི་བཙན་བྱོལ་བ། appeared first on བོད་ཀྱི་བང་ཆེན།.

ཕྱི་ལོ་༢༠༢༥ ཟླ་བ་༡༢ ཚེས་༢༣ ཉིན་བོད་མིའི་སྒྲིག་འཛུགས་ཀྱི་དྲྭ་རྒྱ་ཐོག་ཏུ་གནང་ཚུལ་སྤེལ་དོན་ལ། ཕྱི་ཚེས་༢༠ ཉིན་ལྷོ་ཀོ་རི་ཡའི་བོད་རིགས་ཚོགས་པའི་གོ་སྒྲིག་འོག་ལྷོ་ཀོ་རི་ཡའི་གྷོང་གྱོང་ཇོན་ཚོགས་ཁང་དུ་རྒྱལ་སྤྱིའི་ཞི་བདེ་ཉིན་མོའི་བགྲོ་གླེང་ཐེངས་བཞི་པ་དེར་༧གོང་ས་མཆོག་གི་ཐུགས་བསྐྱེད་དམ་བཅའ་བཞི་དང་འབྲེལ་སྐོར་བགྲོ་གླེང་འཚོགས་ཡོད་འདུག བགྲོ་གླེང་ཚོགས་འདུ་དེ་བཞིན་ཕྱི་ལོ་༡༩༨༩ ལོར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་འཛམ་གླིང་ནང་གི་ཆེས་སྙན་གྲགས་ཆེ་བའི་ནོ་སྦེལ་ཞི་བདེའི་གཟེངས་རྟགས་འབུལ་ལམ་ཞུས་ནས་མི་ལོ་༣༦ འཁོར་བའི་དུས་ཆེན་སྲུང་བརྩི་ཞུ་རྒྱུ་དང་། The post ལྷོ་ཀོ་རི་ཡའི་ནང་རྒྱལ་སྤྱིའི་ཞི་བདེ་ཉིན་མོའི་བགྲོ་གླེང་ཐེངས་བཞི་པ། appeared first on བོད་ཀྱི་བང་ཆེན།.

ཕྱི་ལོ་༢༠༢༥ ཟླ་༡༢ ཚེས་༢༥ ཉིན་བོད་མིའི་སྒྲིག་འཛུགས་ཀྱི་དྲྭ་རྒྱར་གནས་ཚུལ་སྤེལ་གསལ་ལྟར་ན། ཕྱི་ཚེས་༢༢ ཉིན་སྦེལ་རྗམ་ཨན་ཊབ་ཏུ་ས་གནས་མདོ་ཁམས་ཆུ་བཞི་སྒང་དྲུག་གི་གོ་སྒྲིག་འོག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་འབུལ་བཞེས་མཛད་ནས་ལོ་༣༦ འཁོར་བའི་དུས་ཆེན་གྱི་མཛད་སྒོ་དང་། འཆར་ལོའི་ལོ་གསར་དགོང་ཚོགས་ཆེན་མོ་སྲུང་བརྩི་ཡང་ཞུས་ཡོད་འདུག སྐབས་དེ་དུས་སྐུ་མགྲོན་གཙོ་བོ་ཡོ་རོབ་བོད་རིགས་འབྲེལ་མཐུད་པ་དོན་གྲུབ་རྒྱལ་པོས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་འབུལ་བཞེས་མཛད་པར་བརྟེན། The post ནོ་སྦེལ་ཞི་བདེའི་གཟེངས་རྟགས་དུས་ཆེན་སྦེལ་རྗམ་ས་གནས་ཆུ་བཞི་སྒང་དྲུག་གིས་སྲུང་བརྩི་ཞུས་པ། appeared first on བོད་ཀྱི་བང་ཆེན།.

རྒྱ་ནག་གཞུང་གིས་བོད་རང་སྐྱོང་ལྗོངས་མི་མང་འཐུས་ཚོགས་ཀྱི་རྒྱུན་ལས་ཁང་གི་མགོ་ཁྲིད་གཞོན་པ་ཝང་ཅུན་ཟེར་བས་ཁྲིམས་འགལ་ཚབས་ཆེན་བྱས་པའི་དོགས་གཞིའི་འོག་ཞིབ་བཤེར་བྱེད་བཞིན་ཡོད་འདུག ཁ་སང་ཕྱི་ཚེས་ ༢༤ ཉིན་བོད་རང་སྐྱོང་ལྗོངས་མི་མང་འཐུས་ཚོགས་ཀྱི་རྒྱུན་ལས་ཁང་གི་མགོ་ཁྲིད་གཞོན་པ་ཝང་ཅུན་ཟེར་བས་སྒྲིག་་ཁྲིམས་དང་འགལ་ཚབས་ཆེན་པོ་བྱས་པའི་དོགས་གཞིའི་འོག རྒྱ་ནག་དབུས་སྒྲིག་ཁྲིམས་དང་ལྟ་ཞིབ་ལྷན་ཁང་གིས་ཞིབ་བཤེར་བྱེད་བཞིན་ཡོད་ཚུལ་བསྒྲགས་འདུག ཝང་ཅུན་ནི་ཕྱི་ལོ་ ༡༩༦༤ ལོར་སི་ཁྲོན་ཞིང་ཆེན་ཕིན་ལིང་ས་ཆར་སྐྱེས་ཡོད་ཅིང་། ཤིན་ཅང་ནོར་སྲིད་སློབ་གླིང་གི་འཆར་གཞི་རྩིས་ཞིབ་མ་ལག་གི་གྲངས་རྩིས་ཆེད་སྦྱོང་བྱས། རྒྱ་ནག་དབུས་དམར་ཤོག་སློབ་གླིང་ནས་དཔལ་འབྱོར་རིག་པའི་ཐོག་ཞིབ་འཇུག་གི་བསླབ་པ་མཐར་སོན། ཕྱི་ལོ་ ༡༩༨༢ ནས་ ༢༠༠༠ བར་དུ་བོད་རང་སྐྱོང་ལྗོངས་ཟེར་བའི་མངའ་རིས་ས་ཁུལ་གྱི་དཔལ་འབྱོར་ལྷན་ཁང་དང་། མངའ་རིས་ས་ཁུལ་གྱི་འཆར་འགོད་ལྷན་ཁང་གི་སྡེ་ཚན་གྱི་འགན་འཛིན་གཞོན་པ། མངའ་རིས་ས་ཁུལ་གྱི་ཐོན་ཁུངས་གསར་སྤེལ་བཟོ་གྲྭའི་སྤྱི་ཁྱབ་འགན་འཛིན་བྱས། ཕྱི་ལོ་ ༢༠༠༠ ནས་ ༢༠༠༧ བར་མངའ་རིས་ས་ཁུལ་སྲིད་གཞུང་གི་དྲུང་ཆེ་གཞོན་པ། ཀྲུང་གོའི་མི་མང་དངུལ་ཁང་གི་དངུལ་ལོར་དང་གསེར་དངུལ་སྡེ་ཚན་གྱི་འགན་འཛིན་གཞོན་པའི་ལས་འགན་འཁུར། ཕྱི་ལོ་ ༢༠༠༨ ནས་ ༢༠༡༦ བར་བོད་རང་སྐྱོང་ལྗོངས་ཟེར་བའི་ས་ཁམས་ཐོན་ཁུངས་ཀྱི་དམར་ཤོག་ཚོགས་པའི་དྲུང་ཡིག་གཞོན་པ། བོད་རང་སྐྱོང་ལྗོངས་སྒྲིག་ཁྲིམས་ཞིབ་བཤེར་་ཁང་གི་དྲུང་ཡིག་གཞོན་པ་བྱས། ཕྱི་ལོ་ ༢༠༡༨ ལོའི་ཟླ་དང་པོ་ནས་བོད་རང་སྐྱོང་ལྗོངས་མི་མང་འཐུས་ཚོགས་ཀྱི་རྒྱུན་ལས་ཁང་གི་མགོ་ཁྲིད་གཞོན་པ་བཅས་ཀྱི་ལས་འགན་འཁུར་ཡོད་འདུག དེ་བཞིན་ཟླ་འདིའི་ཕྱི་ཚེས་ ༡༨ ཉིན་བོད་མཚོ་སྔོན་ཞིང་ཆེན་མཚོ་ལྷོ་ཁུལ་གྱི་ཁུལ་དཔོན་གཞོན་པ་ཀུན་གྲུབ་ཚེ་རིང་ལ་སྒྲིག་ ཁྲིམས་དང་འགལ་ཚབས་ཆེན་པོ་བྱས་པའི་དོགས་གཞིའི་འོག  མཚོ་སྔོན་ཞིང་ཆེན་སྒྲིག་ཁྲིམས་དང་དང་ལྟ་ཞིབ་ལྷན་ཁང་ཟེར་བས་ཞིབ་བཤེར་བྱེད་བཞིན་ཡོད་འདུག་ལ། ཟླ་འདིའི་ཕྱི་ཚེས ༡...

ལོ་ངོ་ ༧༦རིང་རྒྱ་གཞུང་གིས་ཤར་ཏུར་ཀི་སི་ཐན་ནང་མི་སེར་སྤེལ་ཡུལ་གྱི་སྲིད་ཇུས་ལག་བསྟར་བྱས་ཏེ་ཡུ་གུར་མི་རིགས་ལ་གདུག་རྩུབ་མནར་གཅོད་བཏང་བར་ངོ་རྒོལ་བྱས། ཟླ་འདིའི་ཕྱི་ཚེས་ ༢༢ ཉིན་ཨ་རིའི་ཕོ་བྲང་དཀར་པོའི་མདུན་དུ། ཤར་ཏུར་ཀི་སི་ཐན་བཙན་བྱོལ་གཞུང་དང་ཤར་ཏུར་ཀི་སི་ཐན་རྒྱལ་ཡོངས་ལས་འགུལ་ཚོགས་པ་གཉིས་ཀྱི་གོ་སྒྲིག་འོགརྒྱ་ནག་གཞུང་གིས་ཤར་ཏུར་ཀི་སི་ཐན་ནང་བཙན་འཛུལ་བྱས་ཏེ་ལོ་ ༧༦ འཁོར་བའི་དུས་དྲན་དང་བསྟུན། རྒྱ་གཞུང་གིས་ཤར་ཏུར་ཀི་སི་ཐན་ནང་མི་སེར་སྤེལ་ཡུལ་གྱི་སྲིད་ཇུས་ལག་བསྟར་བྱས་ཏེ་ཡུ་གུར་མི་རིགས་དམར་གསོད་དང་འགྲོ་བ་མིའི་ཐོབ་ཐང་རྩིས་མེད་རྡོག་རོལ་གཏོང་བཞིན་པར་ངོ་རྒོལ་བྱས་ཡོད་འདུག ཤར་ཏུར་ཀི་སི་ཐན་བཙན་བྱོལ་གཞུང་གི་ཕྱི་སྲིད་བློན་ཆེན་སཱ་ལི་ཧ་ཧུ་ཌ་ཡར་(Salih Hudayar)ལགས་ཀྱིས། ཕྱི་ལོ་ ༡༩༤༩ ལོ་ནས་བཟུང་རྒྱ་ནག་གཞུང་གིས་མི་སེར་སྤེལ་བའི་དབང་སྒྱུར་འོག་ནས་ཤར་ཏུར་ཀི་སི་ཐན་མི་མང་ལ་བསམ་ཡུལ་ལས་འདས་པའི་གདུག་རྩུབ་བཏང་ཡོད་ཅིང་། སྐབས་དེའི་མི་གྲངས་ས་ཡ་མང་པོ་དམར་གསོད་དང་། བཙོན་འཇུག། བྲན་གཡོག་ཏུ་བཀོལ་བ་སོགས་ཀྱི་ཐོག་ནས་མནར་གཅོད་ཚད་མེད་བཏང་ཡོད། དེ་ནི་མི་རིགས་གཉའ་གནོན་དང་འགྲོ་བ་མིའི་ཐོབ་ཐང་རྡོག་རོལ་བཏང་བ་ཙམ་མ་ཡིན་པར།རྒྱ་གཞུང་གིས་འཆར་གཞི་ལྡན་པའི་ཐོག་ནས་མི་རིགས་སྡེབ་གསོད་བྱས་པ་རེད།ཤར་ཏུར་ཀི་སི་ཐན་མུ་མཐུད་གནས་ཐུབ་པའི་ཐབས་ལམ་གཅིག་པུ་ནི་རང་བཙན་དང་བདག་དབང་སླར་གསོ་བྱ་རྒྱུ་དེ་རེད། ཅེས་བརྗོད་འདུག དེ་བཞིན་ཁོང་གིས།ཤིན་ཅང་ཟེར་བ་ནི་རྒྱ་ནག་གཞུང་གིས་ཤར་ཏུར་ཀི་སི་ཐན་མི་སེར་སྤེལ་ཡུལ་ལ་བསྒྱུར་ཆེད་བེད་སྤྱོད་བྱེད་བཞིན་པའི་མིང་ཞིག་རེད།ཐ་སྙད་དེ་བེད་སྤྱོད་བྱས་པ་དེས་རྒྱ་ནག་གཞུང་གིས་ཤར་ཏུར་ཀི་སི་ཐན་ནང་བཙན་འཛུལ་བྱས་པའི་ལོ་རྒྱུས་དང་ཆབ་སྲིད་ཀྱི་དོན་དངོས་དག་སྦས་སྐུང་བྱས་ཡོད་པ་མ་ཟད། ཤར་ཏུར་ཀི་སི་ཐན་རང་བཙན་རྒྱལ་ཁབ་ཅིག་ཡིན་པའི་ལོ་རྒྱུས་ནག་གསུབ་བཏང་ཡོད། ང་ཚོས་ལོ་ངོ ་ ༧༠ ལྷག་གི་རིང་རྒྱ་གཞུང་གི་དྲག་གནོན་ལ་ངོ་རྒོལ་བྱས་ཡོད་ལ། ཤར་ཏུར་ཀི་སི་ཐན་ནང་རང་དབང་དང་རང་བཙན་མ་འཐོབ་པར་དུ་མུ་མཐུད་དུ་ངོ་རྒོལ་བྱ་རྒྱུ་ཡིན། ཞེས་དང་། དེ་བཞིན་རྒྱལ་ཚོགས་དང་རྒྱལ་ཁབ་ཁག་གིས་རྒྱལ་སྤྱིའི་ཁྲིམས་ལུགས་ལྟར་རྒྱ་ནག་གཞུང་ལ་གནོན་ཤུགས་སྤྲོད་དགོས་པའི་འབོད་སྐུལ་ཞུས་ཡོད་འདུག ཤར་ཏུར་ཀི་སི་ཐན་བཙན་བྱོལ་གཞུང་གི་སྲིད་འཛིན་མཱམ་ཌི་མན་(Dr. Mamtimin Ala)ལགས་ཀྱིས།རྒྱ་ནག་གཞུང་གིས་ཤར་ཏུར་ཀི་སི་ཐན་བཙན་བཟུང་བྱས་པ་དེས་ཏུར་ཀི་སི་ཐན་མི་མང་གི་འཚོ་གནས་ཙམ་མ་ཡིན་པར་རྒྱལ་སྤྱིའི་བརྟན་ལྷིང་ལའང་ཉེན་ཁ་བཟོ་བཞིན་ཡོད། རྒྱ་ནག་གཞུང་གི་རྒྱ་སྐྱེད་བྱེད་བཞིན་པའི་སྲིད་ཇུས་ལག་བསྟར་ལ་ཁ་གཏད་གཅོག་གི་མེད་པར་བརྟེན།འཛམ་གླིང་ཡོངས་ཀྱི་རང་དབང་ལ་འཇིགས་སྐུལ་བྱེད་པའི་ཉེན་ཁ་ཆགས་ཡོད། ཤར་ཏུར་ཀི་སི་ཐན་གྱི་འཐབ་རྩོད་ལ་རྒྱབ་སྐྱོར་བྱེད་པ་ནི་སྒྲིག་གཞི་ལྡན་པའི་རྒྱལ་སྤྱིའི་སྒྲིག་ལམ་སྲུང་སྐྱོབ་བྱེད་པའི་ཀུན་སྤྱོད་ཀྱི་འོས་འགན་དང་འཐབ་ཇུས་ཀྱི་དགོས་མཁོ་ཞིག་ཡིན། ཞེས་བརྗོད་འདུག ཕྱི་ལོ་ ༢༠༡༨ ལོ་ནས་བཟུང་རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་རྒྱ་ནག་གཞུང་གིས་ཡུ་གུར་ནང་ངལ་རྩོལ་སྒྱུར་བཀོད་ཁང་ཆེད་འཛུགས་ཀྱིས་ཡུ་གུར་བ་ས་ཡ་གཅིག་མ་ཟིན་ཙམ་སྒྱུར་བཀོད་ཁང་ནང་བཀག་སྐྱིལ་བྱས་ཡོད་པའི་གནས་ཚུལ་ཐོན་ཡོད་པ་དང་། རྒྱལ་སྤྱིའི་སྤྱི་ཚོགས་ནས་གནད་དོན་དེའི་ཐད་རྒྱ་ནག་ལ་བསྟུན་མར་སྐྱོན་བརྗོད་བྱས་ཡོད་ཀྱང། རྒྱ་ནག་གཞུང་གིས་ཡུ་གུར་མི་རིགས་རང་སྐྱོང་ཁུལ་དུ་ལག་ཤེས་སྦྱོང་བརྡར་བྱེད་ས་ཡོད་པ་མ་གཏོགས་ངལ་རྩོལ་བསྒྱུར་བཀོད་ཁང་ངམ་བཀག་སྐྱིལ་ཁང་ཟེར་བ་ཞིག་མེད་ཅེས་ངོས་ལེན་བྱས་མེད་པ་རེད།...

ཕྱི་ལོ་༢༠༢༥ ཟླ་༡༢ ཚེས་༢༤ ཉིན་གྱི་སྔ་དྲོ་༧གོང་ས་མཆོག་ལ་རྒྱ་གར་ལྷོ་ཕྱོགས་ཀར་ན་ཊ་ཀ་མངའ་སྡེའི་མོན་གྷོ་ཌིར་རྟེན་གཞི་བྱས་པའི་བྱེས་ཀྱི་ཆོས་སྡེ་ཆེན་པོ་དཔལ་ལྡན་འབྲས་དཀར་སྤུངས་པས་ཇི་ལྟར་གསོལ་བ་བཏབ་པ་ལྟར་འབྲས་སྤུངས་བླ་སྤྱིའི་ཚོགས་ཆེན་འདུ་ཁང་ཆེན་མོ་རུ་འབྲས་སྤུངས་ཁྲི་པའི་གསེར་ཁྲིར་མངའ་གསོལ་དང་བརྟན་བཞུགས་བསྟར་འབུལ་ཞུས་འདུག དགའ་ལྡན་ཕོ་བྲང་གི་དྲ་ཐོག་ཏུ་གནས་ཚུལ་སྤེལ་གསལ་ལྟར་ན། སྐབས་དེར་དཔལ་ལྡན་འབྲས་དཀར་སྤུངས་པའི་ཆོས་སྡེ་ནས་ཇི་ལྟར་གསོལ་བ་བཏབ་པ་ལྟར་འབྲས་སྤུངས་ཁྲི་པའི་གསེར་ཁྲིར་མངའ་གསོལ་དང་། མགོན་པོ་གང་ཉིད་མཆོག་ལ་ཐུགས་རྗེ་བཀའ་དྲིན་ཆེ་ཞུའི་མཚོན་བྱེད་དུ། འབྲས་སྤུངས་མཁན་པོ་ཁྲི་པ་སྐྱབས་རྗེ་རྟོགས་ལྡན་རིན་པོ་ཆེ་དང་། གྲྭ་ཚང་གཉིས་ཀྱི་མཁན་རིན་པོ་ཆེ་རྣམ་པ་གཉིས་བཅས་ནས་གསེར་ཟངས་ལས་གྲུབ་པའི་༸རྗེ་འཇམ་དབྱངས་ཆོས་རྗེའི་སྐུ་བརྙན་བྱོན་ལེགས་ཤིག་འབུལ་ལམ་ཞུས་པ་དང་། The post ༧གོང་ས་མཆོག་འབྲས་སྤུངས་ཁྲི་པར་མངའ་གསོལ་དང་བརྟན་བཞུགས་བསྟར་འབུལ། appeared first on བོད་ཀྱི་བང་ཆེན།.

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༥ ཟླ་བ ༡༢ པའི་ཚེས་ ༢༤ ཉིན་བོད་མིའི་བླ་ན་མེད་པའི་དབུ་འཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་རྒྱ་གར་ལྷོ་ཕྱོགས་ས་གནས་མོན་གྷོ་འདོད་རྒུ་གླིང་གཞིས་ཆགས་སུ་རྟེན་གཞི་བྱས་པའི་དཔལ་ལྡན་འབྲས་དཀར་སྤུངས་པའི་འདུས་སྤྱི་ནས་༸རྒྱལ་བ་སྐུའི་ཕྲེང་བས་མཛད་པ་རྣམ་ཐར་བདག་གིར་བཞེས་པ་ལྟར་འབྲས་སྤུངས་ཚོགས་ཆེན་འདུ་ཁང་ཆེན་མོ་རུ་གསེར་ཁྲིར་མངའ་གསོལ་དང་། བརྟན་བཞུགས་བསྟར་འབུལ་ཞུས་གནང་སོང་། སྐབས་དེའི་མཛད་སྒོའི་ཐོག་འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེ་མཆོག་དང་། ༧སྐྱབས་རྗེ་སྨན་རི་ཁྲི་འཛིན་རིན་པོ་ཆེ་མཆོག མཚུངས་མེད་ཤར་པ་ཆོས་རྗེ་རིན་པོ་ཆེ་མཆོག འབྲས་སྤུངས་མཁན་པོ་ཁྲི་པ་རྟོགས་ལྡན་རིན་པོ་ཆེ་མཆོག དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག དཔལ་ལྡན་བདེ་སྲུང་བཀའ་བློན་རྒྱ་རི་སྒྲོལ་མ་མཆོག གཞན་ཡང་རིན་པོ་ཆེ་རྣམ་པ་དང་། འབྲས་སྒོ་མང་དང་བློ་གླིང་གིས་གཙོས་པའི་དགོན་སྡེ་ཁག་གི་མཁན་ལས་ཟུར་རྣམ་པ། སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་མཆོག སྤྱི་འཐུས་དགེ་བཤེས་ལྷ་རམས་པ་གོ་བོ་བློ་བཟང་ཕན་བདེ་མཆོག སྤྱི་འཐུས་ཆོས་གྲགས་རྒྱ་མཚོ་མཆོག ལྷོ་སྤྱི་འཇིགས་མེད་ཚུལ་ཁྲིམས་ལགས། མོན་གྷོ་འདོད་རྒུ་གླིང་ས་གནས་འགོ་འཛིན་རིན་ཆེན་དབང་མོ་ལགས། སེར་སྐྱ་མི་མང་བཅས་ཕེབས་འདུག དཔལ་ལྡན་འབྲས་དཀར་སྤུངས་པའི་ཆོས་སྡེ་ནས་ཇི་ལྟར་གསོལ་བ་བཏབ་པ་ལྟར་འབྲས་སྤུངས་ཁྲི་པར་གསེར་ཁྲིར་མངའ་གསོལ་དང་། མགོན་པོ་གང་ཉིད་མཆོག་ལ་ཐུགས་རྗེ་བཀའ་དྲིན་ཆེ་ཞུའི་མཚོན་བྱེད་དུ། འབྲས་སྤུངས་མཁན་པོ་ཁྲི་པ་སྐྱབས་རྗེ་རྟོགས་ལྡན་རིན་པོ་ཆེ་དང་། གྲྭ་ཚང་གཉིས་ཀྱི་མཁན་རིན་པོ་ཆེ་རྣམ་པ་གཉིས་བཅས་ནས་གསེར་ཟངས་ལས་གྲུབ་པའི་༸རྗེ་འཇམ་དབྱངས་ཆོས་རྗེའི་སྐུ་བརྙན་བྱོན་ལེགས་ཤིག་འབུལ་ལམ་ཞུས་པ་དང་། དེ་བཞིན་སྟག་ཚང་རྭ་སྟོད་གྲྭ་ཚང་ནས། ༧རྒྱལ་དབང་མཆོག་ནས་མི་ལོ་དགུ་བཅུའི་རིང། འཇིག་རྟེན་ཁྱོན་ལ་གཞན་ཕན་འཕྲིན་ལས་ཀྱིས་དབང་བསྒྱུར་བའི་བཀའ་དྲིན་རྗེས་དྲན་མཚོན་བྱེད་དུ། ཆོས་ཀྱི་འཁོར་ལོ་ཞིག་རྭ་སྟོད་མཁན་རིན་པོ་ཆེ་དང་མཁན་ཟུར་རྣམ་པ་གཉིས་བཅས་ནས་འབུལ་ལམ་ཞུས་གནང་སོང་བ་བཅས། །

བྷང་ལ་དྷེ་ཤིའི་ནང་ཡོད་པའི་ཧིན་དུ་གྲངས་ཉུང་མི་རིགས་རྣམས་ལ་ཁ་ཆེ་མི་རིགས་ཀྱིས་དབྱེ་འབྱེད་དང་དཀའ་ངལ་ཆེན་པོ་སྤྲོད་ཀྱི་ཡོད་ཚུལ་འདུག་པ་དང་། ཉེ་ཆར་ཧིན་དུའི་ཕོ་གསར་ཞིག་བསད་པའི་རྐྱེན་གྱིས་རྒྱལ་ཁབ་གཉིས་ནང་ཡོད་པའི་མི་མང་ཁྲོད་ཕྱོགས་གཉིས་བར་མི་དགའ་བའི་རྣམ་པ་ཤུགས་ཆེན་པོ་ཐོན་བཞིན་ཡོད་འདུག ཕྱི་ལོ་༢༠༢༥ ཟླ་༡༢ ཚེས་༢༤ ཉིན་བྷི་བྷི་སི་གསར་ཁང་གིས་གནས་ཚུལ་སྤེལ་གསལ་ལྟར་ན། བདུན་ཕྲག་སྔོན་མར་བྷང་ལ་དྷེ་ཤིའི་བྱང་ཕྱོགས་ཀྱི་(Mymensingh)ཟེར་བའི་ས་ཆ་ཞིག་ཏུ་ཧིན་དུ་གྲངས་ཉུང་མི་རིགས་ཀྱི་ཕོ་གསར་རང་ལོ་༢༧ ཅན་ཞིག་ལ་ཁ་ཆེ་ཚོས་རུབ་རྡུང་བྱས་ནས་བསད་ཡོད་ཅིང་། རྒྱུ་མཚན་དེ་ལ་བརྟེན་ནས་རྒྱ་གར་ནང་ཧིན་དུ་མི་རིགས་ཚོས་བྷང་ལ་དྷེ་ཤིའི་ནང་ཧིན་དུའི་གྲངས་ཉུང་མི་རིགས་ཚོ་ལ་བརྙས་བཅོས་དང་དབྱེ་འབྱེད་བྱེད་བཞིན་པ་ནི་ཧ་ཅང་བཟོད་ཐབས་བྲལ་བ་ཞིག་ཡིན་པས། The post རྒྱ་གར་དང་བྷང་ལ་དྷེ་ཤི་གཉིས་མི་མཐུན་པའི་དཀའ་ངལ་ཆེན་པོ་འཕྲད་འདུག appeared first on བོད་ཀྱི་བང་ཆེན།.

༄༅། །འདི་གར་ལས་བྱེད་འདེམས་བསྐོ་ལྷན་ཁང་ནས་བཏང་གནས་ནང་འཁོད་དོན།  ཕྱི་ལོ་ ༢༠༢༥ ཟླ་བ་ ༡༢ ཚེས་ ༢༣ ཉིན་གྱི་ཕྱི་དྲོ་ཆུ་ཚོད་ ༦ ནས་ ༧ བར་ལྡི་ལི་བོད་ཁྱིམ་སྡོད་ཁང་དུ། ལྡི་ལི་ས་གནས་འགོ་འཛིན་རྡོ་རྗེ་ཚེ་རིང་ལགས་དང་བོད་ཀྱི་གཞོན་ནུ་སྡོད་ཁང་གི་འགན་འཛིན་བསྟན་འཛིན་ཐུབ་བསྟན་ལགས་ཚོགས་ཞུགས་ཐོག་བོད་མིའི་སྒྲིག་འཛུགས་ཀྱི་ལས་བྱེད་འདེམས་བསྐོ་ལྷན་ཁང་གི་ཚོགས་གཙོ་ཀརྨ་ཡེ་ཤེས་མཆོག་ནས་ལྡི་ལི་མཐོ་སློབ་ཁག་གི་བོད་ཕྲུག་སློབ་མ་རྣམས་ལ་ཤེས་ཡོན་གྱི་གལ་གནད་དང་། དེར་ཤུགས་གནོན་དགོས་གལ། ཤེས་ཡོན་ཙམ་གྱི་མི་འདང་བར་ལྷག་བསམ་དང་སྤྱི་སེམས་དགོས་གལ་སྐོར་དང་། ཡིག་རྒྱུགས་སྐབས་དོ་སྣང་ཞུ་སྒོ་ཁག བོད་མི་ཞིག་ཡིན་པའི་འགན་ཁུར་དང་བོད་མིའི་སྒྲིག་འཛུགས་ནང་སྲི་ཞུའི་གོ་སྐབས་བཅས་ཀྱི་ཐད་གསུང་བཤད་གནང་བ་མ་ཟད། སྲི་ཞུར་ཞུགས་རྒྱུའི་གཞི་རྩའི་ཆ་རྐྱེན་དང་། ས་མིག་སོགས་ཀྱི་ཐོག་ལ་འགྲེལ་བརྗོད་ཞིབ་ནན་གནང་ཡོད།དེ་བཞིན་བོད་མི་བཙན་བྱོལ་བ་ཞིག་ཡིན་པས་ཆ་ནས་ཤེས་ཡོན་ལ་དོ་སྣང་དགོས་པ་དང་། རང་ཉིད་ཙམ་མིན་པར་ཕ་མ་སྤུན་མཆེད་དང་བོད་སྤྱི་བའི་རྩ་དོན་ལ་ཕན་པའི་བོད་མི་བཟང་པོ་ཞིག་བྱེད་དགོས་པའི་ལམ་སྟོན་དང་། བོད་ཕྲུག་སློབ་མ་ཚོས་རང་གི་སློབ་གྲོགས་མི་རིགས་གཞན་རྣམས་ལ་བོད་དོན་འགྲེལ་བརྗོད་ཀྱིས་གོ་རྟོགས་སྤེལ་རྒྱུ་ནི་འབྱུང་འགྱུར་བོད་དོན་དྲིལ་བསྒྲིགས་དང་ཞུ་གཏུག་ལ་ཁེ་ཕན་ཡོང་རྒྱུ་ཡིན་པ་དང་། ལྷག་པར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་ཡིད་ལ་བཅངས་པའི་ཐོག་ནས་བོད་ཕྲུག་གཞོན་སྐྱེས་རྣམས་ནས་བོད་ཀྱི་རྩ་དོན་ཐོག་འགན་ཁུར་ཆེ་བཞེས་དགོས་ལུགས་སོགས་ཀྱི་གསུང་བཤད་གནང་གྲུབ་མཚམས་སློབ་མ་རྣམས་ཀྱི་དྲི་བ་ཁག་ལ་ལེན་འདེབས་གནང་ཡོད། དེ་རྗེས་ལྡི་ལི་བསམ་ཡས་གླིང་ས་གནས་འགོ་འཛིན་རྡོ་རྗེ་ཚེ་རིང་ལགས་ནས་ཐུགས་རྗེ་ཆེ་ཞུའི་གསུང་བཤད་གནང་སྟེ་ལས་རིམ་མཇུག་སྒྲིལ་ཡོད། ཕྱི་ཚེས་ ༢༤ ཉིན་ལས་བྱེད་འདེམས་བསྐོ་ལྷན་ཁང་གི་ཚོགས་གཙོ་ཀརྨ་ཡེ་ཤེས་མཆོག་ཝ་ར་ཎ་སིར་ཕེབས་ཐོན་གནང་ཡོད་པ་དང་། ཁོང་དང་ལྷན་དུ་འདེམས་ལྷན་ལས་བྱེད་བསྟན་འཛིན་འབྱུང་གནས་ལགས་ལྷན་བཅར་ཞུས་ཡོད། །

༄༅། །ཕྱི་ལོ་ ༢༠༢༥ ཟླ་བ་ ༡༢ ཚེས་ ༢༤ ཉིན་གྱི་སྔ་དྲོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱ་གར་ལྷོ་ཕྱོགས་ཀརནཱ་ཊཀ་མངའ་སྡེའི་མོན་གྷོ་རུ་རྟེན་གཞི་བྱས་པའི་བྱེས་ཀྱི་ཆོས་སྡེ་ཆེན་པོ་དཔལ་ལྡན་འབྲས་དཀར་སྤུངས་པས་ཇི་ལྟར་གསོལ་བ་བཏབ་པ་ལྟར་འབྲས་སྤུངས་བླ་སྤྱིའི་ཚོགས་ཆེན་འདུ་ཁང་ཆེན་མོ་རུ་གསེར་ཁྲིར་མངའ་གསོལ་དང་བརྟན་བཞུགས་བསྟར་འབུལ་ཞུས་ཡོད་པ་རེད། དེ་ཡང་གོང་ཚེས་སྔ་དྲོ་ཆུ་ཚོད་ ༨།༠༠ ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སྒོ་མང་ཆོས་གྲྭ་གསར་པ་ནས་ཆིབས་བསྒྱུར་གྱིས་འབྲས་སྤུངས་ཚོགས་ཆེན་གཞུང་སྒོའི་མདུན་གྱི་རྡོ་བཅལ་སྟེང་དུ་སཾ་བྷོ་ཊའི་སློབ་ཕྲུག་ཚོས་བཀྲ་ཤིས་བྲོ་གར་གྱིས་ཕེབས་བསུ་དང་། འབྲས་སྤུངས་མཁན་པོ་ཁྲི་པ་རྟོགས་ལྡན་རིན་པོ་ཆེ། སྒོ་བློ་གྲྭ་ཚང་གཉིས་ཀྱི་མཁན་རིན་པོ་ཆེ་རྣམ་གཉིས། རྭ་སྟོད་མཁན་རིན་པོ་ཆེ། ཚོགས་ཆེན་ཞལ་ངོ་རྣམ་གཉིས། འབྲས་སྤུངས་བླ་སྤྱིའི་ཕྱག་མཛོད་བཅས་ནས་སྤོས་སྣེས་དྲངས་ཏེ། འབྲས་སྤུངས་ཚོགས་ཆེན་གཙུག་ལག་ཁང་དུ་གདན་ཞུ་དང་། དགའ་ལྡན་ཁྲི་རིན་པོ་ཆེ་རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་དང་། ཤར་བྱང་གི་ཆོས་རྗེ་རྣམ་གཉིས། བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་གི་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་སོགས་ནས་ཕེབས་བསུ་དང་། དབུ་མཛད་ཆེན་མོས་དམིགས་བརྩེ་མའི་དབྱངས་རྟ་དབུ་བསྐུལ་ནས་འདུས་དམངས་ནས་དམིགས་བརྩེ་མ་གསུང་འདོན་དང་འབྲེལ་མགོན་པོ་མཆོག་མི་འཇིགས་གདོང་ལྔས་བཏེགས་པའི་གསེར་ཁྲི་ལ་༸ཞབས་སོར་འཁོད་མཚམས་འབྲས་སྤུངས་མཁན་པོ་ཁྲི་པ་མཆོག་ནས་མཎྜལ་རྟེན་གསུམ་འདེགས་འབུལ་ཞུས།དེ་ནས་དཔལ་ལྡན་འབྲས་དཀར་སྤུངས་པའི་ཆོས་སྡེ་ནས་ཇི་ལྟར་གསོལ་བ་བཏབ་པ་ལྟར་འབྲས་སྤུངས་ཁྲི་པར་གསེར་ཁྲིར་མངའ་གསོལ་དང་། མགོན་པོ་གང་ཉིད་མཆོག་ལ་ཐུགས་རྗེ་བཀའ་དྲིན་ཆེ་ཞུའི་མཚོན་བྱེད་དུ། འབྲས་སྤུངས་མཁན་པོ་ཁྲི་པ་སྐྱབས་རྗེ་རྟོགས་ལྡན་རིན་པོ་ཆེ་དང་། གྲྭ་ཚང་གཉིས་ཀྱི་མཁན་རིན་པོ་ཆེ་རྣམ་པ་གཉིས་བཅས་ནས་གསེར་ཟངས་ལས་གྲུབ་པའི་༸རྗེ་འཇམ་དབྱངས་ཆོས་རྗེའི་སྐུ་བརྙན་བྱོན་ལེགས་ཤིག་འབུལ་ལམ་ཞུས་པ་དང་། སྟག་ཚང་རྭ་སྟོད་གྲྭ་ཚང་ནས། ༧རྒྱལ་དབང་མཆོག་ནས་མི་ལོ་དགུ་བཅུའི་རིང་། འཇིག་རྟེན་ཁྱོན་ལ་གཞན་ཕན་འཕྲིན་ལས་ཀྱིས་དབང་བསྒྱུར་བའི་བཀའ་དྲིན་རྗེས་དྲན་མཚོན་བྱེད་དུ། ཆོས་ཀྱི་འཁོར་ལོ་ཞིག་རྭ་སྟོད་མཁན་རིན་པོ་ཆེ་དང་མཁན་ཟུར་རྣམ་པ་གཉིས་བཅས་ནས་འབུལ་ལམ་ཞུས་མཚམས། འབྲས་སྤུངས་མཁན་པོ་ཁྲི་པ་རྟོགས་ལྡན་རིན་པོ་ཆེ་ནས་གསེར་ཁྲི་མངའ་གསོལ་དང་འབྲེལ་གསུང་བཤད་གནང་དོན་དུ། ཕྱི་ལོ་ ༡༤༡༦ ལོར་རྗེ་ཙོང་ཁ་པ་ཆེན་པོས་གང་ཉིད་ཀྱི་ཐུགས་སྲས་འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་པ་ཆེན་པོར་དགའ་ལྡན་འགོག་པ་རི་ནས་གཏེར་དུ་བཞེས་པའི་ཆོས་དུང་དྲི་མ་མེད་པ་གནང་སྟེ། ཆོས་སྡེ་ཕུན་སུམ་ཚོགས་པ་ཞིག་འདེབས་དགོས་པའི་ལུང་བསྟན་གནང་བ་དང་། རྗེ་དེ་ཉིད་ཀྱིས་ཕྱིས་སུ་ནཱ་ལེནྡྲ་དཔལ་ལྡན་འབྲས་དཀར་སྤུངས་པའི་ཆོས་སྡེ་ཕྱག་བཏབ་ཅིང་། བཤད་སྒྲུབ་གཉིས་ཀྱི་སྒོ་ནས་ཡུན་རིང་བསྐྱངས་པའི་རྣམ་པར་ཐར་བ་དང་། ཕྱིས་སུ་མཁས་ཤིང་གྲུབ་པའི་དབང་ཕྱུག་རིམ་པར་བྱོན་པ་དང་། ༸རྒྱལ་བ་དགེ་འདུན་རྒྱ་མཚོ་མཆོག་ནས་བཟུང་༸རྒྱལ་མཆོག་བཅུ་གསུམ་པ་ཆེན་པོའི་བར་དུ་སྐུ་ཕྲེང་ཟམ་མ་ཆད་པར་བྱོན་པ་རྣམས་ཀྱིས་དཔལ་ལྡན་འབྲས་དཀར་སྤུངས་པའི་ཆོས་ཀྱི་ཁྲི་ལ་མངའ་བསྒྱུར་བ་སོགས་ཀྱི་བྱུང་རབས་སྙན་སེང་དང་།གཞན་ཡང་། ༸མགོན་པོ་གང་ཉིད་མཆོག་ནས་ཐོག་མར་ཁམས་གསུམ་ཆོས་ཀྱི་རྒྱལ་པོ་ཙོང་ཁ་པ་ཆེན་པོའི་ཐུགས་སྲས་རྗེ་འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་པ་ཆེན་པོར་སྐུའི་སྐྱེ་བ་བསམ་བཞིན་དུ་བཞེས་ཏེ་ཆོས་སྡེ་ཆེན་པོ་འདི་ཉིད་ཕྱག་འདེབས་པར་མཛད་ཅིང་།...

མདོ་སྨད་སྤྱི་འཐུས་ལས་ཐོག་ཚེ་རིང་ལྷ་མོ་སྐབས་ ༡༨ པའི་སྤྱི་འཐུས་འོས་མིར་ཞུགས་རྒྱུ་མིན་པའི་གསལ་བསྒྲགས། སྤྱི་ནོར་ ༸ གོང་ས་ ༸ རྒྱལ་བ་རིན་པོ་ཆེ་མཆོག་གི་བྱམས་བརྩེའི་ལམ་སྟོན་དང་མང་གཙོའི་ཐུགས་དགོངས་ཟབ་མོའི་བྱིན་རླབས་འོག ང་རང་བོད་མི་མང་སྤྱི་འཐུས་སྐབས་ ༡༦ དང་ ༡༧ གཉིས་སུ་འདེམས་ཐོན་བྱུང་སྟེ། བོད་ཀྱི་བདེན་དོན་འཐབ་རྩོད་དང་བོད་མིའི་བདེ་སྡུག་གི་ཆེད་དུ་ལྷག་བསམ་ཟོལ་མེད་དང་། དྲང་ཚུགས་བརྟན་པོའི་སྒོ་ནས་འགན་འཁྲི་དང་དུ་བླངས་ཏེ། རང་ནུས་གང་ཡོད་ཀྱིས་འབད་བརྩོན་བྱས་པ་ཡིན། ད་ལྟ་སྐབས་ ༡༧ པའི་གྲོས་ཚོགས་ཀྱི་དུས་ཡུན་རྫོགས་ལ་ཉེ་བ་དང་། སྐབས་ ༡༨ པའི་སྤྱི་འཐུས་ཀྱི་འོས་བསྡུ་འགོ་འཛུགས་བཞིན་པའི་སྐབས་སུ། རང་ཉིད་ལ་རྒྱབ་སྐྱོར་གནང་མཁན་མང་པོ་ཞིག་ནས་སླར་ཡང་སྐབས་རྗེས་མའི་སྤྱི་འཐུས་འོས་མིར་ལང་དགོས་པའི་རེ་བ་དང་སྐུལ་མ་གནང་བར་འདི་ནས་ཐུགས་རྗེ་ཆེ་ཞུ་རྒྱུ་དང་ཆབས་གཅིག གུས་མོ་སྐབས་ ༡༨ པའི་བོད་མི་མང་སྤྱི་འཐུས་ཀྱི་འོས་མིར་ཞུགས་རྒྱུ་མིན་པ་ཐག་གཅོད་བྱས་པ་ཡིན། ཐག་གཅོད་འདི་ནི་རང་ཉིད་བོད་ཀྱི་བདེན་དོན་འཐབ་རྩོད་ལ་སེམས་ཤུགས་ཉམས་པ་མ་ཡིན་པར། གཞོན་སྐྱེས་ཤེས་ཡོན་ལྡན་ཞིང་འཇོན་ནུས་ཡོད་པ་དང། ཁོག་རྒྱ་ཆེ་ཞིང་མཐོང་རྒྱ་ཡངས་པ། འགན་ཁུར་གྱི་སྤོབས་པ་ཡོད་པའི་གསོན་ཤུགས་ཅན་གྱི་མི་རབས་གསར་བ་གང་མང་ཞིག་གྲོས་ཚོགས་ནང་དུ་སླེབས་ཐུབ་པའི་ཆེད་དུ་ཡིན་ན། དེ་ལྟར་ཡོང་བའི་རེ་སྐུལ་དང་སྨོན་འདུན་སྙིང་ནས་ཞུ། ཚང་མ་ལ་ཁ་དྲོ། བཀྲ་ཤིས། ། ཕྱི་ལོ་ ༢༠༢༥ ལོའི་ཟླ་ ༡༢ ཚེས་ ༢༤ ལ། The post...

དབུས་འོས་བསྡུ་ལས་ཁང་ནས་བཀྲ་ཤིས་སྟོབས་རྒྱལ་ལགས་ཀྱིས་འོས་བསྡུའི་སྒྲིག་གཞིར་འགལ་འཛོལ་བྱུང་བས་ལོ་ལྔའི་རིང་གཞུང་འབྲེལ་གདམ་བྱ་འདེམས་བྱེད་ཀྱི་ཐོབ་ཐང་འཕྲོག་པའི་ཉེས་ཆད་བཅད་པ་གསལ་བསྒྲགས་གནང་སོང་། དེ་རིང་ཕྱི་ཚེས་ ༢༣ ཉིན་གྱི་སྔ་དྲོའི་ཆུ་ཚོད་ ༡༠།༠༠ ཐོག་བོད་མིའི་སྒྲིག་འཛུགས་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ། དབུས་འོས་བསྡུ་ལས་ཁང་གི་འགན་འཛིན་བློ་བཟང་ཡེ་ཤེས་ལགས་དང་། འགན་འཛིན་ལས་འཕར་ཚེ་རིང་གཡུ་སྒྲོན་ལགས། སྣང་ས་ཆོས་སྒྲོན་ལགས་བཅས་དབུ་བཞུགས་ཐོག ཕྱི་ལོ་ ༢༠༢༦ ལོའི་སྲིད་སྤྱི་གཉིས་ཀྱི་འོས་བསྡུ་ཆེན་མོའི་ལས་རིམ་དང་འབྲེལ་བའི་གསར་འགོད་ལྷན་ཚོགས་ཤིག་སྐོང་ཚོགས་གནང་སོང་། སྐབས་དེར་འོས་བསྡུ་ལས་ཁང་གི་འགན་འཛིན་བློ་བཟང་ཡེ་ཤེས་ལགས་ཀྱིས་སྲིད་སྤྱི་འོས་གཞིར་བཞེང་མཁན་རྣམས་ཀྱིས་མང་ཚོགས་ཀྱི་རེ་འདུན་ལ་གུས་བརྩི་ཐོག་མང་ཚོགས་ཀྱི་འོས་བསྡུའི་དྲིལ་བསྒྲགས་དང་། གསར་ལམ་ཁག་ཏུ་བཅར་འདྲི་དང་ལེན་གང་ཐུབ་ཡོང་བའི་འབོད་སྐུལ་ཞུས་སོང་། དེ་བཞིན་སྲིད་སྐྱོང་འོས་མི་བཀྲ་ཤིས་སྟོབས་རྒྱལ་ལགས་ཀྱིས་ཕྱི་ལོ་ ༢༠༢༥ ཟླ་ ༡༡ ཚེས་ ༢༩ ཉིན་དྷ་ས་ས་གནས་མགོ་འཛིན་གྱི་ཚོགས་ཁང་དུ་སྲིད་སྐྱོང་འོས་མིར་ལང་རྒྱུའི་གསལ་བསྒྲགས་སྤེལ་སྐབས། འོས་བསྡུའི་སྒྲིག་གཞིར་འགལ་འཛོལ་བྱུང་བས་ལོ་ལྔའི་རིང་གཞུང་འབྲེལ་གདམ་བྱ་འདེམས་བྱེད་ཀྱི་ཐོབ་ཐང་འཕྲོག་པའི་ཉེས་ཆད་བཅད་པ་གསལ་བསྒྲགས་གནང་སོང་། འོས་བསྡུ་ཆེན་མོའི་ལས་དོན་སྐོར་ལ་དབུས་འོས་བསྡུ་ལས་ཁང་གི་འགན་འཛིན་བློ་བཟང་ཡེ་ཤེས་ལགས་ཀྱིས། དབུས་འོས་བསྡུ་ལས་ཁང་ནས་ཕྱི་ལོ་ ༢༠༢༥་་༢༦ ལོའི་སྲིད་སྤྱི་གཉིས་ཀྱི་འོས་བསྡུ་ཆེན་མོའི་ལས་རིམ་ཚགས་ཚུད་ཡོང་སླད་དང་། མང་ཚོགས་ལ་བཙན་བྱོལ་བོད་མིའི་འོས་བསྡུའི་སྒྲིག་གཞི་དང་རྩ་འཛིན་ལམ་སྟོན་སོགས་གོ་རྟོགས་སྤེལ་ཆེད། ཕྱི་ལོ་ ༢༠༢༥ ཟླ་ ༡༠ ཚེས་ ༡༤ ནས་མགོ་འཛུགས་ཀྱིས་ཕྱི་ཟླ་ ༡༢ ཚེས་ ༨ བར་རྒྱ་གར་ནང་བོད་མིའི་འདུས་སྡོད་ས་གནས་ཁག་ ༤༥...

དེ་རིང་ཕྱི་ཟླ་༡༢ ཚེས་༢༣ ཉིན་འདི་གར་གནས་ཚུལ་བཏང་འབྱོར་བྱུང་བ་ལྟར་ན། རྒྱ་གར་བྱང་ཤར་སི་ལི་གུ་རིའི་ས་གནས་བོད་ཀྱི་གཞོན་ནུ་ལྷན་ཚོགས་ཀྱིས། བོད་དོན་དྲིལ་བསྒྲགས་ཆེད་ཟླ་གསུམ་རིང་གི་རྒྱ་གར་རྒྱལ་ཡོངས་སྦག་སྦག་སྐོར་བསྐྱོད་ནང་མཉམ་ཞུགས་བྱེད་མཁན་དང་འབྲེལ་བའི་གསར་འགོད་གསལ་བསྒྲགས་ཤིག་སྤེལ་འདུག ཕྱི་ཟླ་འདིའི་ཚེས་༡༠ ནོ་སྦེལ་ཞི་བདེའི་གཟེངས་རྟགས་ཉིན་མོ་དང་བསྟུན། དྷེ་ར་དྷུན་བདེ་སྐྱིད་གླིང་བོད་མིའི་གཞིས་སྒར་གྱི་གཞིས་མི་དང་རྒྱ་གར་ས་མཚམས་སྲུང་སྐྱོབ་དམག་མི་ཟུར་པ། བོད་དོན་ལས་འགུལ་བ་འཇམ་དབྱངས་བསྟན་འཛིན་དང་། The post ལས་འགུལ་བ་བློ་གྲོས་དཔལ་ལྡན་བརྡབ་སྐྱོན་གྱིས་ལས་འགུལ་ནས་གནས་སྐབས་ཕྱིར་འཐེན་བྱས་འདུག། appeared first on བོད་ཀྱི་བང་ཆེན།.

ཕྱི་ལོ་༢༠༢༥ ཟླ་བ་༡༢ ཚེས་༢༣ ཉིན་བོད་མིའི་སྒྲིག་འཛུགས་ཀྱི་ཕྱི་དྲིལ་ལྷག་པ་ཚེ་རིང་ཚོགས་ཁང་དུ། དབུས་འོས་ལས་ཁང་གི་འགན་འཛིན་བློ་བཟང་ཡེ་ཤེས་དང་། འགན་འཛིན་ལས་འཕར་ཚེ་རིང་གཡུ་སྒྲོན། འགན་འཛིན་ལས་འཕར་སྣང་ས་ཆོས་སྒྲོན་བཅས་ཀྱིས་ཕྱི་ལོ་༢༠༢༥་་༢༦ ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་དང་བོད་མི་མང་སྤྱི་འཐུས་སྐབས་བཅོ་བརྒྱད་པའི་འོས་བསྡུ་ཆེན་མོའི་ལས་དོན་ཁག་དང། སྲིད་སྐྱོང་འོས་མི་བཀྲ་ཤིས་སྟོབས་རྒྱལ་ལ་གདམ་བྱ་འདེམས་བྱེད་ཀྱི་ཐོབ་ཐང་འཕྲོག་རྒྱུའི་གསར་འགོད་གསལ་བསྒྲགས་ཤིག་སྤེལ་སོང་། The post བཀྲ་ཤིས་སྟོབས་རྒྱལ་ལ་གདམ་བྱ་འདེམས་བྱེད་ཀྱི་ཐོབ་ཐང་འཕྲོག་པ་དང་འོས་བསྡུའི་ལས་དོན་གསལ་བསྒྲགས། appeared first on བོད་ཀྱི་བང་ཆེན།.

༡༽ བཤེས་པའི་སྤྲིངས་ཡིག་གི་འགྲེལ་པ་དོན་གསལ།  དཔེ་དེབ་འདི་ནི་རྗེ་བཙུན་རེད་མདའ་བ་གཞོན་ནུ་བློ་གྲོས་ཀྱིས་བརྩམས་ཞིང་། འགྲེལ་པ་འདི་ནི་ཚེ་ཕྱི་མ་དོན་གཉེར་གྱི་ལྷ་ཆོས་ཁོ་ནའི་དབང་དུ་བྱས་པ་ཞིག་གམ། ཡང་ན་ཚེ་འདི་ཁོ་ན་དོན་དུ་གཉེར་བའི་མི་ཆོས་རྐྱང་པའི་དབང་དུ་བྱས་པ་ལྟ་བུ་ཞིག་མ་ཡིན་པར། ལྷ་ཆོས་དང་མི་ཆོས། འདི་དང་ཕྱི་མ། རང་དོན་དང་གཞན་དོན། སྤྱི་དང་སྒེར་སོགས་མདོར་ན་བདེ་བ་འདོད་ཅིང་སྡུག་བསྔལ་མི་འདོད་པའི་ལུས་ཅན་ཡོངས་ལ། The post བོད་ཀྱི་དཔེ་མཛོད་ཁང་ནས་པར་སྐྲུན་བྱས་པའི་དཔེ་དེབ་ངོ་སྤྲོད། appeared first on བོད་ཀྱི་བང་ཆེན།.

༡༽ སྟོན་པའི་རྣམ་ཐར།  མཁས་དབང་རཀཿར་རིན་པོ་ཆེའི་གསུང་འབུམ་དེབ་ཕྲེང་དང་པོ་འདི་ནི་སངས་རྒྱས་བཅོམ་ལྡན་འདས་ཀྱི་མཛད་རྣམ་ཅུང་རྒྱས་པ་ཞིག་སྟེ། མཛད་པ་སོ་སོའི་རིམ་པ་རྣམས་གོ་བདེ་ཞིང་བློ་ལ་ངེས་སླ་བ་ཞིག་དང་། མཛད་རྣམ་མང་ཆེ་བ་འདུལ་བའི་གླེང་གཞི་ཆེན་མོ་སོགས་ནས་བཏུས་ཏེ་གོ་བདེར་བྲིས་པ་ཞིག་ཡིན་འདུག ༢༽ བཀྲས་མཐོང་བའི་མི་རྒྱུད། ཁོང་གི་གསུང་འབུམ་དེབ་ཕྲེང་གཉིས་པ་བཀྲས་མཐོང་བའི་མི་རྒྱུད་ཅེས་པའི་ནང་། གཞིས་རྩེ་མཁའ་རག་བཀྲས་མཐོང་བའི་མི་རྒྱུད་དང་ཕ་མ་བུ་ཕྲུག་གི་སྐོར་དང་། The post བོད་ཀྱི་དཔེ་མཛོད་ཁང་ནས་པར་སྐྲུན་བྱས་པའི་རཀཿར་རིན་པོ་ཆེའི་གསུང་འབུམ་དེབ་ཕྲེང་བཅུ་བདུན། appeared first on བོད་ཀྱི་བང་ཆེན།.

༄༅། །བོད་མིའི་སྒྲིག་འཛུགས་ཀྱི་དབུས་འོས་བསྡུ་ལས་ཁང་ནས་ཕྱི་ལོ་ ༢༠༢༥ ཟླ་བ་ ༡༢ ཚེས་ ༢༣ ཉིན་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ་ཕྱི་ལོ་ ༢༠༢༥་་་༢༦ ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་དང་། བོད་མི་མང་སྤྱི་འཐུས་སྐབས་ ༡༨ པའི་འོས་བསྡུ་ཆེན་མོའི་ལས་རིམ་དང་འབྲེལ་ནས་གཞུང་འབྲེལ་ཕྱོགས་སྐྱོད་གནང་བའི་བརྒྱུད་རིམ་དང་། འོས་འཕེན་པའི་དབེ་སྐྱེལ་གྲངས་འབོར་ཕྱོགས་བསྡོམས་སྐོར། རྩ་འཛིན་ལམ་སྟོན་ཁག་དང་འབྲེལ་བའི་སྐོར། བཀྲ་ཤིས་སྟོབས་རྒྱལ་ (ལུག་རྫི་) དང་འབྲེལ་བའི་སྐོར་བཅས་ཀྱི་ཐོག་གསར་འགོད་གསལ་བསྒྲགས་ཤིག་སྤེལ་ཡོད།དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༡༠།༠༠ ཐོག་དབུས་འོས་བསྡུའི་སྤྱི་ཁྱབ་འགན་འཛིན་བློ་བཟང་ཡེ་ཤེས་མཆོག་དབུ་བཞུགས་ཐོག་འོས་བསྡུའི་འགན་འཛིན་ལས་འཕར་ཚེ་རིང་གཡུ་སྒྲོན་ལགས་དང་། སྣང་ས་ཆོས་སྒྲོན་ལགས། དྲུང་ཆེ་བློ་བཟང་ཆོས་གྲགས་ལགས། དྲུང་འཕར་བསྟན་འཛིན་ནོར་བུ་ལགས། བོད་པའི་གསར་འགོད་པ་བཅས་ལྷན་འཛོམས་ཐོག་དབུས་འོས་བསྡུའི་སྤྱི་ཁྱབ་འགན་འཛིན་བློ་བཟང་ཡེ་ཤེས་མཆོག་གིས་གསར་འགོད་གསལ་བསྒྲགས་གནང་དོན། ཕྱི་ལོ་ ༢༠༢༥་་༢༦ ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་དང་། བོད་མི་མང་སྤྱི་འཐུས་སྐབས་ ༡༨ པའི་འོས་བསྡུ་ཆེན་མོའི་ལས་དོན་དང་འབྲེལ་བའི་གསར་འགོད་གསལ་བསྒྲགས། ༡།གཞུང་འབྲེལ་ཕྱོགས་བསྐྱོད་གནང་བའི་བརྒྱུད་རིམ་སྐོར། དབུས་འོས་བསྡུ་ལས་ཁང་ནས་ཕྱི་ལོ་ ༢༠༢༥་་་༢༦ ལོའི་སྲིད་སྤྱི་གཉིས་ཀྱི་འོས་བསྡུ་ཆེན་མོའི་ལས་རིམ་ཚགས་ཚུད་ཡོང་སླད་དང་། མང་ཚོགས་ལ་བཙན་བྱོལ་བོད་མིའི་འོས་བསྡུའི་སྒྲིག་གཞི་དང་རྩ་འཛིན་ལམ་སྟོན་སོགས་གོ་རྟོགས་སྤེལ་ཆེད། ཕྱི་ལོ་ ༢༠༢༥ ཟླ་ ༡༠...

ཕྱི་ལོ་༢༠༢༥ ཟླ་༡༢ ཚེས་༢༢ ཉིན། ཐའེ་ཝན་འཇམ་དབྱངས་ཆོས་ཚོགས་དང་འཇམ་དབྱངས་སྒྲུབ་ཁང་གཉིས་ནས་གནས་མཆོག་རྡོ་རྗེ་གདན་ས་སྐྱ་བརྩེ་ཆེན་ཐེག་གསུམ་ཆོས་འཁོར་གླིང་དུ། ༸སྐྱབས་མགོན་ས་སྐྱ་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་བསྟན་དང་འགྲོ་བའི་དོན་དུ་སྐུ་ཚེ་ཞབས་པད་བསྐལ་པ་རྒྱ་མཚོར་བརྟན་ཅིང་བཞུགས་པར་གསོལ་བའི་སླད་འཕགས་མ་སྒྲོལ་དཀར་འོད་ཟེར་དྲུག་སྦྲགས་ཀྱི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུས་འདུག བརྟན་བཞུགས་སྐབས་དཔལ་ས་སྐྱ་པ་སྐྱབས་མགོན་༧གོང་མ་ཁྲི་འཛིན་ཞེ་གཉིས་པ་རཏྣ་བཛྲ་རིན་པོ་ཆེ་མཆོག་དང་། སྐྱབས་རྗེ་༧ཨ་བི་ཀྲྀ་ཏ་བཛྲ་རིན་པོ་ཆེ་མཆོག སྐྱབས་མཆོག་༧འཁོན་གདུང་ཨ་ཀཱ་ཤཱ་བཛྲ་རིན་པོ་ཆེ་མཆོག The post ས་སྐྱ་༸གོང་མ་ཁྲི་ཆེན་མཆོག་ལ་བརྟན་བཞུགས་བསྟར་འབུལ། appeared first on བོད་ཀྱི་བང་ཆེན།.

ཕྱི་ལོ་༢༠༢༥ ཟླ་༡༢ ཚེས་༡༨ ཉིན་བོད་མིའི་སྒྲིག་འཛུགས་ཀྱི་དྲ་རྒྱ་ཐོག་ཏུ་སྤེལ་བའི་གནས་ཚུལ་ལྟར་ན། ཚེས་༡༩ ཉིན་ཡུ་རོབ་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་ངོས་ནས་ཉེ་ཆར་ཕྱི་ཟླ་༡༡ ནང་ཁམས་རྫ་ཆུ་ཁར་རྒྱ་ནག་གཞུང་གིས་གཏེར་ཁ་སྔོག་འདོན་བྱེད་བཞིན་ཡོད་པར་བརྟེན། དེ་ལ་མི་མང་གིས་ངོ་རྒོལ་བྱས་པས་ས་གནས་བོད་མི་༨༠ ཙམ་ལ་འཛིན་བཟུང་བཙན་ཁྲིད་དང་། The post ཡུ་རོབ་གྲོས་ཚོགས་འཐུས་མིས་ཁམས་རྫ་ཆུ་ཁར་གཏེར་ཁ་སྔོག་འདོན་དང་འབྲེལ་བའི་བསྒྲགས་གཏམ། appeared first on བོད་ཀྱི་བང་ཆེན།.

རྒྱ་ནག་གཞུང་གིས་བལ་ཡུལ་ནང་གསང་མྱུལ་ལྟ་ཞིབ་བརྙན་ཆས་སྟོང་ཕྲག་མང་པོ་བཙུགས་ཏེ་བོད་མི་རྣམས་ལ་སོ་ལྟ་དང་ལྟ་རྟོག་ནན་པོ་བྱེད་བཞིན་འདུག The post རྒྱ་ནག་གཞུང་གིས་བལ་ཡུལ་ནང་ཡོད་པའི་བོད་མི་རྣམས་ལ་སོ་ལྟ་བྱེད་བཞིན་འདུག appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༥ ཟླ་བ་ ༡༢ ཚེས་ ༡༩ ཉིན་རྒྱ་གར་ལྷོ་ཕྱོགས་སྦེལ་གྷམ་གྲོང་ཁྱེར་དུ་བོད་མིའི་སྒྲིག་འཛུགས་ཀྱི་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་གིས་རྒྱ་གར་ཀརནཱ་ཊཀ་མངའ་སྡེའི་ནང་སྲིད་བློན་ཆེན་སྐུ་ཞབས་ཇི་པར་མེཤྭ་ར་མཆོག་དང་མཇལ་འཕྲད་གནང་ཡོད། དེ་ཡང་ཕྱི་ཚེས་ ༡༢ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་དུ་ཞབས་སོར་བདེ་བར་འཁོད་ཡོད་ཅིང་། བདེ་སྲུང་བཀའ་བློན་རྒྱ་རི་སྒྲོལ་མ་མཆོག་གིས་རྒྱ་གར་ཀརནཱ་ཊཀ་མངའ་སྡེའི་གཞུང་གི་དགུན་ཁའི་གྲོས་ཚོགས་ཀྱི་ཉིན་མཐའ་མ་དང་སྟབས་བསྟུན་ནས་མཇལ་འཕྲད་འདི་གོ་སྒྲིག་གནང་བ་ཞིག་ཡིན་པ་རེད། མཇལ་འཕྲད་སྐབས་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་གིས་ཀརནཱ་ཊཀ་མངའ་སྡེའི་གཞུང་ནས་རྒྱ་གར་དབུས་གཞུང་གིས་གཏན་འབེབས་གནང་བའི་ཕྱི་ལོ་ ༢༠༡༤ ལོའི་བཙན་བྱོལ་བོད་མིར་མཐུན་རྐྱེན་སྦྱོར་སྤྲོད་བྱེད་ཕྱོགས་ཀྱི་སྲིད་བྱུས་འོག་བཙན་བྱོལ་བོད་མིའི་འཚོ་བའི་ཐད་རྒྱབ་སྐྱོར་དང་མཐུན་འགྱུར་གནང་བར་ཐུགས་རྗེ་ཆེ་ཞུས་གནང་ཡོད། དེ་བཞིན་བདེ་སྲུང་བཀའ་བློན་མཆོག་གིས་སྐུ་ཞབས་པ་ར་མེཤྭ་ར་མཆོག་བཙན་བྱོལ་བོད་མིའི་རིག་གཞུང་དང་སྲོལ་རྒྱུན་གྱི་གོམས་སྲོལ་རྣམས་དངོས་སུ་གཟིགས་ཆེད་མོན་གྷོ་བོད་མིའི་གཞིས་ཆགས་དང་བཞུགས་སྒར་དྷ་རམ་ས་ལར་མགྲོན་འབོད་གནང་ཡོད། དེ་ནས་བདེ་སྲུང་བཀའ་བློན་མཆོག་གིས་འཕགས་བོད་གཉིས་ཀྱི་འབྲེལ་བ་བསྐྱར་ནན་མཚོན་ཆེད་སྟོན་པའི་སྐུ་ཐང་ཞིག་ཕྱག་རྟགས་སུ་ཕུལ་བ་དང་། སྐུ་ཞབས་ཇི་པར་མེཤྭ་ར་མཆོག་གིས་དགའ་བསུ་དང་འབྲེལ་མངའ་སྡེའི་གཞུང་ནས་བཙན་བྱོལ་བོད་མིར་རྒྱབ་སྐྱོར་གང་ཐུབ་གནང་རྒྱུའི་ཞལ་བཞེས་གནང་ཡོད། ཁོང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གུས་བརྩི་ཆེན་པོ་ཡོད་པ་དང་། བདུན་ཕྲག་རྗེས་མའི་ནང་མོན་གྷོ་རུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུ་འཆར་ཡོད་ཅེས་གསུངས་ཡོད། ཐེངས་འདིའི་མཇལ་འཕྲད་སྐབས་ལྷོ་སྤྱི་འཇིགས་མེད་ཚུལ་ཁྲིམས་ལགས་ལྷན་བཅར་ཞུས་ཡོད་པ་བཅས།།

ཐའེ་ཝན་གྱི་འཇམ་དབྱངས་ཆོས་ཚོགས་དང་འཇམ་དབྱངས་སྒྲུབ་ཁང་གཉིས་ནས་འཕགས་མ་སྒྲོལ་དཀར་འོད་ཟེར་དྲུག་སྦྲགས་ཀྱི་ཆོ་གའི་སྒོ་ནས་༸སྐྱབས་མགོན་ས་སྐྱ་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུས། The post ས་སྐྱ་༸གོང་མ་ཁྲི་ཆེན་རྡོ་རྗེ་འཆང་མཆོག་ལ་བརྟན་བཞུགས་བསྟར་འབུལ་ཞུས། appeared first on བོད་ཀྱི་དུས་བབ།.