༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་ ༡ པོའི་ཚེས་ ༡༩ ནས་ ༢༨ བར་སྔ་འགྱུར་རྡོར་གདན་སྨོན་ལམ་ཆེན་མོ་སྐབས་ ༣༧ པ་དང་བསྟུན། དེ་རིང་ཕྱི་ལོ་ ༢༠༢༦ ཟླ་ ༡ པོའི་ཚེས་ ༢༣ ཉིན་རྡོ་རྗེ་གདན་སྨོན་ལམ་ཆེན་མོའི་ཚོགས་ཞུགས་པ་དགེ་འདུན་གྲྭ་བཙུ་སྔགས་གསུམ་བཅས་ཀྱི་བཞུགས་གནས་སུ་ཆོས་སྒར་གྱི་པདྨ་སམ་བྷ་ཝ་གཙུག་ལག་ཁང་ཆེན་མོ་གསར་བཞེངས་ལེགས་གྲུབ་ཀྱིས་དབུ་འབྱེད་མཛད་སྒོ་ཚོགས་གནང་སོང་། སྐབས་དེའི་མཛད་སྒོའི་སྐུ་མགྲོན་གཙོ་བོར་བྷི་ཧར་མངའ་སྡེའི་སྲིད་སྐྱོང་སྐུ་ཞབས་ཨཱ་རིཕ་ མོ་ཧམ་མད་ ཁན་ (Shri Arif Moharmmad Khan, Governor of Bihar) མཆོག་དང་། སྔ་འགྱུར་རྡོར་གདན་རྙིང་མའི་སྨོན་ལམ་ཆེན་མོའི་ཚོགས་གཙོ་༧སྐྱབས་རྗེ་ཞེ་ཆེན་རབ་འབྱམས་རིན་པོ་ཆེ་མཆོག་གི་དབུས་རྙིང་མའི་བླ་ཆེན་རྣམ་པ། དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག དཔལ་ལྡན་འབྲུག་གཞུང་གི་ནང་སྲིད་བློན་པོ་མི་རྗེ་ཚེ་རིང་མཆོག འབྲས་ལྗོངས་མངའ་སྡེའི་དགོན་གནས་བློན་ཆེན་སྐུ་ཞབས་བསོད་ནམས་བླ་མ་མཆོག བལ་ཡུལ་གྱི་སྐུ་ཚབ་བལ་ཡུལ་གྲོས་ཚོགས་འཐུས་མི་ཟུར་པ་སྐུ་ཞབས་གཟི་པ་ཚེ་རིང་མཆོག བོད་མི་མང་སྤྱི་འཐུས་ཁག་ཅིག ཆོས་རིག་དྲུང་ཆེ། རྡོར་གདན་ས་གནས་ཀྱི་རྫོང་དཔོན་དང་།...

དེ་རིང་ཕྱི་ལོ་ ༢༠༢༦ ཟླ་ ༡ ཚེས་ ༢༣ ཉིན་གྱི་སྔ་དྲོ་རྒྱ་གར་ལྷོ་ཕྱོགས་མོན་གྷོ་ནང་བྱེས་ཀྱི་གདན་ས་འབྲས་སྤུངས་སྒོ་མང་དུ་ ༢༠༡༡ ལོའི་ནོ་སྩེལ་ཞི་བདེའི་གཟེངས་རྟགས་བཞེས་མཁན་ཨ་ཕི་རི་ཀའི་རྒྱལ་ཁབ་ Liberia ནས་ཡིན་པ་ལྕམ་སྐུ་ Leymah Roberta GBowee མཆོག་དང་རྒྱལ་སྤྱིའི་ཁྲོད་གློག་བརྙན་བཟོ་སྐྲུན་པ་གྲགས་ཅན་ལྕམ་སྐུ་ Abigail Edna Disney ལགས་རྣམ་གཉིས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དམིགས་བསལ་མཇལ་ཁ་ཞུས་སོང་། དམིགས་བསལ་མཇལ་ཁའི་ཁྲོད་༸གོང་ས་༸སྐྱབས་མགོན་ཆེན་པོ་མཆོག་གིས། ད་ལྟའི་འཛམ་གླིང་འདིའི་ནང་དབུལ་ཕྱུག་གི་ཁྱད་པར་ཆེན་པོ་ཡོད་པ་དེ་ཧ་ཅང་གི་སེམས་སྐྱོ་པོ་ཡིན་པ་བཀའ་སྩལ་དང་འབྲེལ། ༸གང་ཉིད་མཆོག་དེ་སྔ་ཕ་ཡུལ་དུ་ཡོད་སྐབས་དབུལ་ཕྱུག་གི་ཁྱད་པར་དེ་ཙམ་མེད་པ་དང་། ༸མགོན་པོ་མཆོག་ཉིན་ལྟར་ཡར་བཞེངས་མ་ཐག་འཛམ་གླིང་འདིའི་སྤུན་ཟླ་མི་མང་ཚང་མ་འདྲ་མཉམ་ཐོག་དབུལ་ཕྱུག་གི་ཁྱད་པར་དེ་མེད་ན་སྙམ་པའི་ཐུགས་སྨོན་མཛད་ཀྱི་ཡོད་པ་བཀའ་སྩལ་འདུག སྐབས་དེར་ལྕམ་སྐུ་ Leymah མཆོག་གིས་༸གང་ཉིད་མཆོག་གི་སྙིང་རྗེའི་བཀའ་སློབ་ནི་ད་ལྟའི་དུས་སུ་དགོང་ངེས་ཆེན་པོ་ཞིག་ཡིན་པ་མ་ཟད། སྙིང་རྗེའི་བསམ་ཤེས་མེད་ན། དབུལ་ཕྱུག་ཁྱད་པར་གྱི་དཀའ་ངལ་དེ་ཡང་སེལ་མི་ཐུབ་ལ། ད་ལྟའི་འཛམ་གླིང་གི་དཀའ་རྙོག་ཐམས་ཅད་མང་ཚོགས་ནས་༸གང་ཉིད་མཆོག་དང་ Desmond Tutu ལྟ་བུའི་སྐྱེས་ཆེན་དམ་པ་ཚོའི་བཀའ་སློབ་ལམ་སྟོན་ལག་བསྟར་གནང་མ་ཐུབ་པའི་རྒྱུ་མཚན་གྱིས་འབྱུང་བཞིན་ཡོད་སྐོར་གསུངས་པ་མ་ཟད། ད་ལྟ་༸གོང་ས་མཆོག་གི་བྱམས་སྙིང་རྗེའི་བརྡ་ལན་རྣམས་མང་ཚོགས་གང་མང་ལ་འཕྲོད་ཐུབ་པ་བྱ་རྒྱུ་ཐད་ཁོང་ལྟ་བུའི་ནོ་སྦེལ་ཞི་བདེའི་གཟེངས་རྟགས་བཞེས་མཁན་མི་རབས་གཞོན་པ་གཞན་ཁག་ལ་འགན་དབང་ཆེན་པོ་ཡོད་པ་གསུངས་འདུག ལྷག་པར་དུ་མཇལ་ཁ་གྲུབ་མཚམས་ལྕམ་སྐུ་ཁོང་རྣམ་གཉིས་ནས་གསར་འགོད་ལྷན་ཚོགས་ཤིག་གི་ཐོག་ལྷན་བཞུགས་དང་འབྲེལ། དེ་རིང་འདི་ག་བོད་མིའི་གཞིས་ཆགས་མོན་གྷོ་རུ་༸གོང་ས་མཆོག་གི་མཇལ་ཁ་དང་༸གང་ཉིད་མཆོག་ལ་འཚམས་འདྲི་ཞུ་ཆེད་དང་། ལྷག་པར་དུ་ད་ལྟ་ང་ཚོ་གནས་བཞིན་པའི་གཉན་འཕྲང་ཅན་གྱི་གོ་ལ་འདིར་རྩོད་རྙོག་ཧ་ཅང་མང་པོ་ཡོད་སྟབས་༸གང་ཉིད་མཆོག་གི་སེམས་འགུལ་ཐེབས་གཞིའི་བཀའ་སློབ་དང་བྱིན་རླབས་བརྒྱུད་རྩོད་རྙོག་ཡོད་པ་རྣམས་སེལ་རྒྱུར་མདུན་སྐྱོད་གང་འདྲ་བྱ་དགོས་སྐོར་ལམ་སྟོན་ཞུ་ཆེད་དུ་བཅར་བ་ཡིན་ཞེས་གསུངས་སོང་། ལྕམ་སྐུ་ཁོང་གིས་ད་དུང་། འདི་གའི་གསར་འགོད་པའི་དྲི་བར་ལན་འདེབས་ཁྲོད། དེ་རིང་༸གོང་ས་སྐྱབས་མགོན་ཆེན་པོ་མཆོག་གི་མཇལ་ཁའི་ཁྲོད་༸གང་ཉིད་མཆོག་གིས་དམིགས་བསལ་ད་ལྟའི་འཛམ་གླིང་འདིར་དབུལ་ཕྱུག་གི་ཁྱད་པར་སྐོར་ཐུགས་འཚབ་ཆེན་པོ་མཛད་ཀྱི་འདུག་ཅེས་དང་།...

༄༅། །ཕྱི་ལོ་ ༢༠༢༦ ཟླ་ ༡ ཚེས་ ༢༣ འཁོད་ཆེས་མཐོའི་ཁྲིམས་ཞིབ་ཁང་གི་ལས་ཤོག་དང་། མཚན་རྟགས་བཅས་རྫུན་བཟོས་བྱས་པའི་ཡིག་འཁྱམ་ཞིག་སྤྱི་ཚོགས་དྲྭ་ལམ་ཁག་ཏུ་ཁྱབ་བཞིན་པ་དེ་དངོས་འབྲེལ་མིན་པས། དེ་དོན་རྒྱ་ཆེའི་མང་ཚོགས་ནས་ཡིད་གཟབ་དགོས་པ་དང༌། འདི་ནས་འབྲེལ་ཡོད་ལས་ཁུངས་སུ་ཡིག་རྫུན་དེའི་ཁུངས་བརྩད་དགོས་པའི་བཀོད་མངགས་ཞུས་ཡོད་པ་བཅས་ཀྱི་གསལ་སྒྲགས་སུ། ཆེས་མཐོའི་ཁྲིམས་ཞིབ་ཁང་ནས་ཕྱི་ལོ་ ༢༠༢༦ ཟླ་ ༡ ཚེས་ ༢༣ ལ།

ཁ་ཉིན་ཕྱི་ཚེས་ ༢༡ ཉིན་ཨ་རིའི་གྲོས་ཚོགས་འོག་མའི་ཕྱི་འབྲེལ་ལས་དོན་ཚོགས་ཆུང་གིས། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་རླབས་ཆེན་མཛད་འཕྲིན་ལ་ཆེ་བསྟོད་དང་། བོད་མིའི་འགྲོ་བ་མིའི་ཐོབ་ཐང་དང་མང་གཙོའི་རང་དབང་ལ་རྒྱབ་སྐྱོར་མཚོན་པའི་གྲོས་ཆོད་ཨང་ ༥༡༥ ཞེས་པ་སྤྱི་མོས་ཀྱིས་གཏན་འབེབས་གནང་འདུག གཞི་རྩའི་སྔ་ལོའི་ཕྱི་ཟླ་ ༧ ཚེས་ ༡༦ ཉིན་ཨ་རིའི་གྲོས་ཚོགས་འོག་མའི་ཕྱི་འབྲེལ་ལས་དོན་ཚོགས་ཆུང་གི་ཚོགས་གཙོ་ Michael McCaul མཱ་ཡི་ཀཱལ་མེ་ཁོལ་ལགས་དང་། ཨ་རིའི་གྲོས་ཚོགས་འཐུས་མི་དང་བོད་དོན་ཁྲིམས་འཆར་འདོན་མཁན་ Jim McGovern ཇིམ་མེག་གྷོ་ཝན་ལགས་རྣམ་གཉིས་ཀྱིས་ཨ་རིའི་གྲོས་ཚོགས་འོག་མའི་ནང་༸སྐུའི་གོ་སྟོན་དང་འབྲེལ། དོན་ཚན་དྲུག་ཅན་གྱི་གྲོས་ཆོད་གྲོས་འཆར་ཞིག་ཆེད་འདོན་གནང་ཡོད་ཅིང་། དེའི་ནང་སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་གིས་འཛམ་གླིང་ཞི་བདེ་དང་། ནང་པའི་རྗེས་འབྲངས་པ་ཚུད་པའི་སྤྱི་ཡོངས་ཀྱི་ཆོས་ལུགས་ཕན་ཚུན་བར་མཐུན་སྒྲིལ་བཅས་ཀྱི་ཐད་ལ་ཞབས་འདེགས་བླ་ན་མེད་པ་མཛད་ཡོད་པར་ངོས་འཛིན་གྱིས་བཀའ་དྲིན་རྗེས་དྲན་གཙོས་༸སྐུའི་འཁྲུངས་སྐར་ལ་འཚམས་འདྲི་ཞུས་པ་དང་སྦྲགས། ༸སྐུའི་འཁྲུངས་སྐར་གྱི་ཉིན་མོ་འདི་བཞིན་བྱམས་བརྩེའི་ཉིན་མོ་ཞེས་གཏན་འབེབས་དགོས་པ་ཙམ་མ་ཟད། ཨ་རིའི་གཞུང་ནས་བོད་མི་རྣམས་ལ་རང་ཐག་རང་གཅོད་ཀྱི་ཐོབ་ཐང་ཡོད་པར་ངོས་འཛིན་ཞུ་བཞིན་ཡོད་སྐོར་གསལ་འདོན་གནང་འདུག  མ་ཟད་གྲོས་ཆོད་གྲོས་འཆར་དེའི་ནང་། བོད་མི་རྣམས་ལ་ཕྱིའི་སྟོབས་ཤུགས་ཀྱི་ཐེ་བྱུས་གང་ཡང་མེད་པའི་ཐོག་རང་ཉིད་ཀྱི་ཆོས་ལུགས་དང་། དཔལ་འབྱོར། སྤྱི་ཚོགས། དེ་བཞིན་རིག་གཞུང་དང་འབྲེལ་བའི་སྲིད་བྱུས་གདམ་རྒྱུའི་ཐོབ་ཐང་ཡོད་པ་ངོས་འཛིན་གནང་བའི་ཐོག རྒྱ་ནག་གཞུང་གིས་༸གོང་ས་མཆོག་གཙོས་བོད་བརྒྱུད་ནང་བསྟན་གྱི་བླ་སྤྲུལ་ངོས་འཛིན་བྱ་ཐབས་ཀྱི་འབད་བརྩོན་ལ་མཐའ་གཅིག་ཏུ་དགག་བྱ་དང་ངོ་རྒོལ་གྱིས། ཡང་སྲིད་ངོས་འཛིན་བྱ་རྒྱུ་ནི་རང་བཞིན་གྱི་ཆོས་ལུགས་དང་འབྲེལ་བའི་གནད་དོན་ཞིག་ཡིན་པས། ཆོས་ཁས་མི་ལེན་མཁན་རྒྱ་ནག་མི་དམངས་སྤྱི་མཐུན་རྒྱལ་ཁབ་ཐེ་བའི་སྲིད་གཞུང་དང་། རྒྱལ་ཁབ་གཞན་སུ་ལའང་གནད་དོན་འདིའི་ཐོག་ཐེ་གཏོགས་བྱེད་པའི་ཐོབ་ཐང་མེད་སྐོར་བཀོད་ཡོད་པ་རེད། དེ་འབྲེལ་ཟླ་བ་འདིའི་ཚེས་ ༢༡ རེས་གཟའ་ལྷག་པ་ཉིན། ཨ་རིའི་གྲོས་ཚོགས་འོག་མའི་ཕྱི་འབྲེལ་ལས་དོན་ཚོགས་ཆུང་གིས་གྲོས་ཆོད་དེ་སྤྱི་མོས་ཀྱིས་གཏན་འབེབས་གནང་ཡོད་པ་དང་། རྒྱལ་སྤྱིའི་བོད་དོན་ལས་འགུལ་ཁང་གིས་དེ་གའི་དྲ་གནས་ཐོག་བརྙན་ཐུང་ཞིག་སྤེལ་བའི་ནང་། ཨ་རིའི་གྲོས་ཚོགས་འོག་མའི་ཕྱི་འབྲེལ་ལས་དོན་ཚོགས་ཆུང་གི་ཚོགས་གཙོ་...

མཉམ་འབྲེལ་རྒྱལ་ཚོགས་ཀྱིས་རྒྱ་ནག་གཞུང་གིས་གྲངས་ཉུང་མི་རིགས་ཀྱི་ས་ཁུལ་ཁག་ཏུ་ངལ་རྩོལ་བསྒྱུར་བཀོད་ཁང་སོགས་བཙུགས་ཏེ་གྲངས་ཉུང་མི་རིགས་རྣམས་ལ་བཙན་གྱིས་བྲན་གཡོག་བཞིན་ངལ་རྩོལ་བྱེད་དུ་འཇུག་གིན་པར་སྐྱོན་བརྗོད་གནང་འདུག The post རྒྱ་ནག་གཞུང་གིས་བོད་མི་རྣམས་ལ་བཙན་གྱིས་ངལ་རྩོལ་བྱེད་དུ་འཇུག་གི་ཡོད་པའི་སྙན་ཐོ་བཏོན། appeared first on བོད་ཀྱི་དུས་བབ།.

ཨ་རིའི་སྲིད་འཛིན་ཊོམ་གྱིས་སྣེ་ཁྲིད་དེ་གྷ་ཛའི་ནང་ཞི་བདེ་སྐྲུན་ཐབས་ཆེད་དུ་ཞི་བདེ་མཐུན་ཚོགས་ཞེས་པ་ཞིག་གསར་འཛུགས་གནང་ཡོད་པ་དང་། མཐུན་ཚོགས་དེའི་ནང་འཛམ་གླིང་ནང་གི་གནད་ཡོད་རྒྱལ་ཁབ་མང་པོ་ཞིག་འཛུལ་ཞུགས་བྱས་མི་འདུག ཁེ་ན་ཌའི་སྲིད་བློན་གྱིས་ཉེ་ཆར་ཨ་རི་ལ་སྐྱོན་བརྗོད་བྱས་པའི་རྐྱེན་གྱིས་མཐུན་ཚོགས་དེའི་ནང་གདན་འདྲེན་ཞུས་མི་འདུག ཕྱི་ལོ་༢༠༢༦ ཟླ་༡ ཚེས་༢༣ ཉིན་(NBC News) གསར་ཁང་གིས་གནས་ཚུལ་སྤེལ་དོན་ལྟར་ན། The post གྷ་ཛ་བསྐྱར་གསོའི་ཆེད་ཞི་བདེ་མཐུན་ཚོགས་གསར་འཛུགས་དང་དེ་ལ་སྐྱོན་བརྗོད། appeared first on བོད་ཀྱི་བང་ཆེན།.

ཕྱི་ལོ་༢༠༢༦ ཟླ་༡ ཚེས་༢༣ བོད་ཤིང་སྦྲུལ་ཟླ་༡༢ ཚེས་༥ ཉིན། སྔ་འགྱུར་རྡོར་གདན་སྨོན་ལམ་ཆེན་མོ་ཐེངས་༣༧ པ་བོད་ཟླ་༡༢ ཚེས་༡ The post རྡོར་གདན་སྔ་འགྱུར་རྙིང་མའི་ཆོས་སྒར་གྱི་པདྨ་སམ་བྷ་ཝ་གཙུག་ཁང་ཆེན་པོ་དབུ་འབྱེད། appeared first on བོད་ཀྱི་བང་ཆེན།.

སྨིན་ཐང་དགོན་འོད་གསལ་ཐེག་མཆོག་གླིང་གི་དགོན་བདག་དང་རྡོ་རྗེ་བརྟན་མི་རིགས་ལས་རིགས་ལག་རྩལ་སློབ་གྲྭའི་སློབ་གཙོ། མཆོག་སྤྲུལ་རྡོ་རྗེ་བརྟན་མཆོག་རྒྱ་ནག་གཞུང་གིས་འཛིན་བཟུང་བྱས་ནས་ཟླ་བ་གཅིག་དང་ཉིན་ ༢༠ ཙམ་འགྲོ་བཞིན་ཡོད་ཀྱང་། འབྲེལ་ཡོད་ལས་བྱེད་ཚོས་ཁོང་གི་སྐོར་གནས་ཚུལ་རྩ་བ་ནས་གསལ་བཤད་མ་བྱེད་པ་མ་ཟད།  སྨིན་ཐང་ཡུལ་ཚོའི་ཁ་པར་སྔོག་བཤེར་གྱིས་ཕྱི་ལ་འབྲེལ་གཏུགས་བྱ་རྒྱུར་དམ་བསྒྲགས་ཤུགས་ཆེ་བྱེད་བཞིན་འདུག དེའང་འདི་ག་རླུང་འཕྲིན་ཁང་ལ་བོད་ནང་གི་འབྲེལ་ཡོད་བརྒྱུད་གནས་ཚུལ་ཤེས་རྟོགས་བྱུང་བར་གཞིགས་ན། མཆོག་སྤྲུལ་རྡོ་རྗེ་བརྟན་འཛིན་བཟུང་བཀག་ཉར་བྱས་རྗེས་རིན་པོ་ཆེའི་འབྲེལ་ཡོད་གཉེན་ཉེ་སྐོར་ཞིག་གིས་ཁོང་གི་སྐུ་གཟུགས་གནས་སྟངས་སྐོར་ལ་སེམས་འཚབ་བྱུང་སྟེ་ཐེངས་ལྔ་དྲུག་ཙམ་གནས་ཚུལ་བརྒྱུད་ལོན་བྱེད་ཐབས་བྱས་ཀྱང་། རྒྱ་གཞུང་གི་འབྲེལ་ཡོད་ལས་བྱེད་ཚོས་དེ་སྔ་བཞིན་རིན་པོ་ཆེའི་ནག་ཉེས་སྐོར་རྟོག་ཞིབ་བྱེད་བཞིན་ཡོད་ཚུལ་ལས་གཞན་འགྲེལ་བཤད་གཞན་ཅི་ཡང་བརྒྱབ་མི་འདུག མ་ཟད་རིན་པོ་ཆེ་འཛིན་བཟུང་བྱས་མ་ཐག་རྡོ་རྗེ་བརྟན་མི་རིགས་ལས་རིགས་ལག་རྩལ་སློབ་གྲྭའི་སློབ་མ་ཚོ་རང་རང་གི་ཁྱིམ་དུ་ལོག་བཅུག་པ་དང་། སློབ་གྲྭ་སྒོ་བརྒྱབ་པ་ལྟར། ད་ལྟའང་སློབ་གྲྭ་འཚོག་མ་ཐུབ་པའི་གནས་སུ་ལྷུང་འདུག ཤེས་རྟོགས་བྱུང་བར་གཞིགས་ན། ཉེ་ཆར་རྒྱ་ནག་གི་འབྲེལ་ཡོད་ལས་བྱེད་ཚོས་གསང་བ་ཕྱིར་ཤོར་གྱི་སྔོན་འགོག་ཟེར་ནས་སྨིན་ཐང་ཡུལ་མི་ཚོའི་ཁ་པར་ནང་གི་ཚོགས་པ་དང་། འབྲེལ་གཏུགས་བྱེད་ས་སོགས་ལ་དམ་བསྒྲགས་ཤུགས་ཆེན་བྱས་དང་བྱེད་མུས་དང་། གལ་ཏེ་ཕྱི་རྒྱལ་ཁག་ཏུ་ཡོད་པའི་གྲོགས་པོ་དང་གཉེན་ཉེ་ཡོད་ཚེ་ཁ་པར་བརྒྱུད་ལམ་ནས་འབྲེལ་བ་རྩ་བ་ནས་བྱ་མི་ཆོག་པའི་ཉེན་བརྡ་བཏང་འདུག མ་ཟད་རྒྱ་གཞུང་གི་ལས་བྱེད་ཡིན་པའི་བོད་པ་ཚོའི་ཁ་པར་ལས་ཁུངས་ཀྱི་འགོ་ཁྲིད་ཚོས་ལྟ་རྟོགས་བྱ་དགོས་པ་དང་། གལ་ཏེ་ལས་མི་གང་རུང་ཚོགས་པའི་ནང་དུ་ཡོད་ཚེ་ཚོགས་མི་རེ་རེའི་གནས་ཚུལ། ཚོགས་པའི་ནང་དུ་ཞུགས་དགོས་པའི་རྒྱུ་མཚན། ཚོགས་མིའི་ནང་དུ་གཞུང་གི་ལངས་ཕྱོགས་དང་མཐུན་མིན་གྱི་གནས་ཚུལ། ཚོགས་པའི་ཁ་ཕྱོགས་སོགས་འགེངས་ཤོག་དགང་དགོས་པའི་སྒྲིག་ཁྲིམས་བཟོས་ཡོད་པ་རེད་འདུག དེ་བཞིན་ཕྱི་རྒྱལ་ཁག་ཏུ་ཡོད་པའི་ཚོགས་མི་ཡོད་ཚེ་ཚོགས་པ་ཁག་ནས་ཕྱིར་འབུད་གཏང་དགོས་པ་དང་། ཕྱིར་འབུད་གཏང་བའི་བདེན་དཔང་དུ་བརྙན་དང་པར་བརྒྱབ་ནས་འགོ་ཁྲིད་ལ་སྙན་སེང་ཞུ་དགོས་པ་བརྗོད་འདུག གཞི་རྩའི་སྨིན་ཐང་དགོན་འོད་གསལ་ཐེག་མཆོག་གླིང་གི་དགོན་བདག་དང་། རྡོ་རྗེ་བརྟན་མི་རིགས་ལས་རིགས་ལག་རྩལ་སློབ་གྲྭའི་སློབ་གཙོ་མཆོག་སྤྲུལ་རྡོ་རྗེ་བརྟན་ཕྱི་ལོ་ ༢༠༢༥ ཟླ་ ༡༢ ཚེས་ ༤ ཉིན་རྒྱ་ནག་གཞུང་གིས་འཛིན་བཟུང་བྱས་རྗེས་གར་སོང་ཆ་མེད་དུ་གྱུར་ཡོད་ཅིང་། མཆོག་སྤྲུལ་རྡོ་རྗེ་བརྟན་རང་དགོན་ནས་འཛིན་བཟུང་བྱེད་མཁན་ཉེན་རྟོག་པ་ཡིན་མིན་དང་། གསང་བའི་ལས་བྱེད་ཡིན་མིན་ཤེས་མཁན་སུ་ཡང་མེད་པ་མ་ཟད། མཆོག་སྤྲུལ་མཆོག་ད་ལྟ་མཚོ་སྔོན་ཞིང་ཆེན་ཟེར་བའི་ཙོན་ཁང་ཞིག་གི་ནང་དུ་བཀག་ཉར་བྱེད་ཡོད་ཚུལ་ལས་གཞན་གནས་ཚུལ་ཞིབ་ཕྲ་གང་ཡང་ཐོན་མེད་པ་དང་།  འབྲེལ་ཡོད་ནང་མི་དང་གཉེན་ཉེ་འབྲེལ་རྣམས་ལ་ཁོང་ཐུག་འཕྲད་ཆོག་གི་མེད་པའི་ཉེན་བརྡའང་བཏང་འདུག མཆོག་སྤྲུལ་རྡོ་རྗེ་བརྟན་ནི་གཉན་པོ་གཡུ་རྩེའི་སློབ་ཆུང་གི་སློབ་གཙོ་དང་། རྨ་གཡང་ལྷ་མཁར་ཕྱུག་མོའི་གེ་སར་རིག་གནས་རྒྱུད་སྤེལ་ལྟེ་གནས་ཀྱི་ཚོགས་གཙོ། གེ་སར་རིག་གནས་རྒྱུན་འཛིན་གཞི་ས་དང་གེ་སར་རིག་གནས་རྨ་གཡང་ཕྱུག་མོའི་བརྒྱུད་སྦྱོང་བྱེད་གནས་ཀྱི་འགན་འཛིན། རྡོ་རྗེ་བརྟན་མི་རིགས་ལས་རིགས་ལག་རྩལ་སློབ་གྲྭའི་སློབ་གཙོ།...

ཁ་སང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ཆེད་མཁས་པ་ཚོས་རྒྱ་གཞུང་གིས་བོད་མིས་གཙོས་གྲངས་ཉུང་མི་རིགས་ཐོག་བཙན་དབང་གི་ངལ་རྩོལ་རྒྱུག་བཅུག་པར་བློ་འཚབ་གསལ་སྟོན་དང་སྦྲགས། རྒྱལ་སྤྱིའི་ཚོང་ལས་ཁང་དང་། མ་འཛུགས་བྱེད་མཁན་ཚོས་རང་ཉིད་ཀྱི་ཚོང་ཟོག་གི་རྒྱུ་ཆ་དེ་དག་བོད་དང་ཡུ་གུར་ནང་གི་བཙན་ཤེད་ངལ་རྩོལ་དང་འབྲེལ་བ་ཡོད་མེད་ཞིབ་འཇུག་ནན་པོ་བྱ་དགོས་པའི་འབོད་སྐུལ་གནང་འདུག དེ་ཡང་ཁ་སང་སྟེ། ཚེས་ ༢༢ ཉིན་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་དྲ་གནས་ཐོག་སྤེལ་བའི་ཚུལ་ནང་། ཆེད་མཁས་པ་ཚོས་རྒྱ་གཞུང་གིས་བོད་མིས་གཙོས་གཞན་ཡུ་གུར་དང་།  Kazakh ཀཱ་ཛཱཁ་དང་། Kyrgyz ཀིར་གྷིཛ་སོགས་གྲངས་ཉུང་མི་རིགས་རྣམས་ལ་བཙན་ཤེད་ངལ་རྩོལ་སྲིད་བྱུས་བེད་སྤྱོད་བྱེད་བཞིན་པའི་ཐོག་སྙན་ཐོ་ཞིག་འདོན་སྤེལ་གནང་བའི་ནང་དུ། རྒྱ་ནག་གིས་དབྱེ་བའི་ཞིང་ཆེན་མང་པོའི་ནང་བོད་མིས་གཙོས་པའི་ཡུ་གུར་ཁ་ཆེའི་མི་རིགས་རྣམས་ཀྱི་གཞི་རྩའི་རང་དབང་བཙན་འཕྲོག་ཙམ་མ་ཟད། གྲངས་ཉུང་མི་རིགས་རྣམས་ལ་བཙན་གྱི་ངལ་རྩོལ་སྐུལ་བཞིན་པ་དང་། གནས་ཚུལ་མང་པོའི་ནང་བཙན་ཤེད་ཀྱི་རང་བཞིན་ཧ་ཅང་ཛ་དྲག་ཆེ་བས་དེ་ནི་འགྲོ་བ་མིའི་རིགས་ལ་བཙན་གནོན་བྱེད་པའི་ཉེས་པ་ཞིག་ཏུ་འགྱུར་སྲིད་ཅེས་གསུངས་འདུག དེ་བཞིན་རྒྱ་གཞུང་གིས་རྒྱལ་སྤྱིའི་ཁྲོད་རྒྱ་ནག་ནང་གི་བཙན་ཤེད་ངལ་རྩོལ་དེ་དབུལ་ཕོངས་སེལ་བའི་ལས་གཞིའི་ཁྱབ་ཁོངས་སུ་གཏོགས་ཀྱི་ཡོད་ཚུལ་འཁྱོག་བཤད་བྱེད་བཞིན་ཡོད་ནའང་། དོན་དངོས་ཐོག་དེ་ནི་གྲངས་ཉུང་མི་རིགས་ཐོག་དྲག་གནོན་ཙམ་མ་ཟད། ཡུ་གུར་པ་དང་གཞན་གྲངས་ཉུང་མི་རིགས་རྣམས་འདོད་པ་མེད་བཞིན་དུ་ཤར་ཏུར་ཀིས་ཐན་དང་ས་ཁུལ་གཞན་དུ་ལས་ཀ་བྱེད་པར་བཙན་སྐུལ་བྱེད་ཀྱི་ཡོད་པ་གསལ་སྟོན་གནང་འདུག གཞན་ཡང་བོད་ཀྱི་གནད་དོན་དང་འབྲེལ་ཆེད་མཁས་པ་རྣམ་པས་བོད་མི་རྣམས་ཀྱང་ Training and Labour Transfer Action Plan འམ་སྦྱོང་བརྡར་དང་ངལ་རྩོལ་གནས་སྤོའི་འཆར་གཞི་ལས་འགུལ་ལྟ་བུའི་ལས་གཞི་གཞན་བརྒྱུད་བཙན་ཤེད་ངལ་རྩོལ་གྱི་འོག་ཚུད་ཡོད་པ་གསུངས་འདུག དེའང་སྲིད་བྱུས་འདི་དག་གིས་དམག་དོན་ལྟ་བུའི་ལས་རིགས་སྦྱོང་བརྡར་གྱི་ཐབས་ལམ་ལ་རྒྱབ་སྐྱོར་བྱེད་ཀྱི་ཡོད་པ་གསུངས་འདུག་ཅིང་། ཕྱི་ལོ་ ༢༠༢༤ ལོ་ཁོ་ནའི་ནང་བོད་མི་ ༦༥༠,༠༠༠ ཙམ་ལས་རིགས་བསྒྱུར་བཀོད་དང་བཙན་ཤེད་ངལ་རྩོལ་གྱི་འཆར་གཞིའི་འོག་ཚུད་ཡོད་པའི་ཚོད་དཔག་གནང་འདུག ཕྱོགས་མཚུངས་རྒྱ་གཞུང་གི་གྲངས་ཐོར་ལྟར་ན། བོད་ནང་གི་བོད་མི་གྲོང་གསེབ་བ་ ༩༣༠,༠༠༠ ཙམ་ཡོད་པའི་གྲོང་ཚོ་ཡོངས་རྫོགས་སྤོ་ཤུགས་འམ་ཡང་ན་ཁྱིམ་ཚང་སོ་སོ་བྱེད་ནས་སྤོ་ཤུགས་བྱས་ཡོད་སྐོར་བརྗོད་ཀྱང་། འབྲོག་པ་གཞིས་སྤོའི་སྲིད་བྱུས་འོག་ཕྱི་ལོ་ ༢༠༠༠ ནས་ ༢༠༢༥...

རྒྱ་ནག་པེ་ཅིན་ནས་ཡིན་པའི་ཁྲིམས་རྩོད་པ་ཏུང་ཕུང་གིས་སྣེ་འཁྲིད་པའི་ཁྲིམས་རྩོད་པའི་རུ་ཁག་ཅིག་བོད་ཀྱི་མཚོ་སྔོན་པོའི་འབྲོག་ཁུལ་དུ་ཡོང་སྟེ་འབྲོག་མང་གི་རྩྭ་ས་བཙན་འཕྲོག་དང་བཙན་གྱིས་གནས་སྤོར་བཏང་བ། གུན་གསབ་དངུལ་མ་སྤྲད་པ་སོགས་ལ་རོགས་རམ་བྱེད་ཀྱི་འདུག རྒྱ་ནག་གཞུང་གིས་འབྱོར་འབྲིང་སྤྱི་ཚོགས་འཛུགས་སྐྲུན་དང་སྤྱི་ཚོགས་འཕེལ་རྒྱས་ཀྱི་གོམ་ཁ་ཇེ་མགྱོགས་སུ་གཏོང་བའི་འབོད་སྒྲའི་འོག གཞུང་ལམ་གསར་རྒྱག་དང་ཡུལ་སྐོར་བའི་ལྟེ་གནས་འཛུགས་སྐྲུན། གཏེར་ཁ་སྔོག་འདོན་སོགས་ལ་དམིགས་ཏེ། རྒྱ་ནག་གཞུང་དང་ཚོང་གཉེར་ཁང་ལག་འབྲེལ་གྱིས་ཞིང་འབྲོག་གི་ས་ཆ་མང་པོ་བཙན་དབང་དང་མགོ་སྐོར་བསླུ་བྲིད་འོག་འཕྲོག་འགྲོ་ཡི་ཡོད་པ་ལྟར།  ཞིང་འབྲོག་མང་ཚོགས་ལ་རྩྭ་སའི་གུན་གསབ་འོས་འཚམ་མ་རག་པ་དང་། བཙན་གྱིས་གནས་སྤོ་རུ་བཅུག་པའི་དཀའ་རྙོག་སྣ་ཚོགས་འཕྲད་ཀྱི་ཡོད་པར་བརྟེན། ས་གནས་མང་ཚོགས་ཀྱིས་པེ་ཅིན་གྱི་ཁྲིམས་རྩོད་པའི་རུ་ཁག་ཅིག་ལ་དཀའ་སྡུག་ཞུས་པ་ལྟར་ཁོང་ཚོ་བོད་ཀྱི་མཚོ་སྔོན་པོའི་འབྲོག་ཁུལ་དུ་འབྱོར་འདུག ཉེ་སྔོན་ཕྱི་ཟླ་ ༡༢ ཚེས་ ༣༠ ཙམ་ལ་ཁྲིམས་རྩོད་པའི་རུ་ཁག་དེའི་སྣེ་འཁྲིད་པ། ཁྲིམས་རྩོད་པ་ཏུང་ཕུང་(董鹏)ཞེས་པ་ཞིག་གིས་སྒེར་གྱི་སྐད་འཕྲིན་ཐོག་འབྲོག་ཁུལ་གྱི་རྩྭ་སའི་དཀའ་རྙོག་དང་འབྲེལ་བའི་བརྙན་ཐུང་ཁག་ཅིག་སྤེལ་བའི་ནང་འགྲེལ་བརྗོད་བྱས་པ་ལྟར་ན།  འབྲོག་མང་གིས་ཁོང་ལ་རྩྭ་སའི་དཀའ་ངལ་རིགས་མང་པོ་ཞུ་གཏུག་བྱས་ཏེ་ཐག་གཅོད་ཡོང་རེ་བྱེད་ཀྱི་ཡོད་པའི་ཁྲོད་དུ། ཁ་ཤས་ཀྱིས་ཁོང་ཚོའི་རྩྭ་སའི་དབྱེ་མཚམས་མི་གསལ་བར་མི་ལོ་བཅུ་གྲངས་ལ་རྩོད་རྙོག་མཚམས་ཆད་མེད་སྐོར་དང་། ཡང་ཁག་ཅིག་གིས་ཁོ་ཚོའི་རྩྭ་སའི་ཐོག་གཞུང་ལམ་གསར་རྒྱག་བྱས་ཡོད་པ་དང་། གུན་གསབ་དམའ་བོ་ཡིན་པས་མོས་མཐུན་མ་བྱས་ནའང་ཐད་ཀར་དངུལ་བྱང་ཐོག་དངུལ་སྤྲད་དེ་ལས་མགོ་བཙུགས་ཡོད་པ།  ཡང་ཁག་ཅིག་གིས་སྲིད་གཞུང་གི་འཛུགས་སྐྲུན་གྱི་རྐྱེན་གྱིས་རྩྭ་ས་ཆུས་བསྣུབས་ཡོད་ཀྱང་འབྲེལ་ཡོད་མགོ་འཁྲིད་ནས་གུན་གསབ་དང་ཁ་གསབ་གང་ཡང་བྱས་མེད་པ་སོགས་ཀྱི་གནད་དོན་ཞུས་ཡོད་འདུག དེའི་ཐད་ཁྲིམས་རྩོད་པ་ཏུང་ཕུང་གིས། གནད་དོན་དེ་དག་ནི་ངེས་པར་དུ་དོ་འཁུར་བྱེད་དགོས་པ་ཞིག་ཆགས་ཡོད་སྟབས། ཁོང་གི་ཁྲིམས་རྩོད་པའི་རུ་ཁག་གིས་ཁྲིམས་ལྟར་སྔ་ས་ནས་ཐག་གཅོད་བྱེད་པའི་ཐབས་ལམ་བཙལ་ཏེ།  མཚོ་སྔོན་ཞིང་ཆེན་དང་ས་ཁུལ་གཞན་གྱི་འབྲོག་མང་གིས་ཀྱང་སོ་སོའི་ཁྲིམས་ཀྱི་ཁེ་དབང་ལོངས་སུ་སྤྱོད་ཐུབ་པར་རོགས་རམ་གནང་གི་ཡོད་སྐོར་བརྗོད་འདུག ཁྲིམས་རྩོད་པ་དེར་སྐད་འཕྲིན་བརྒྱུད་རྩྭ་སའི་དཀའ་ངལ་ཁག་ཅིག་ཡིག་ཐོག་ནས་ཞུས་ཡོད་པའི་ནང་དུ། མི་ཞིག་གིས་ངེད་ཚང་གི་རྩྭ་ས་གཞན་ལག་ཏུ་ཤོར་བསྡད་ཡོད། ཚུར་སྤྲོད་རོགས་ལབ་ནའང་སྤྲོད་ཀྱི་མི་འདུག་པས་ཡུལ་ཚོའི་སྲིད་གཞུང་ལ་གཏུགས་ཡོད་ཀྱང་ཉན་འཇོག་བྱེད་ཀྱི་མི་འདུག་པ་མ་ཟད། ཕར་ཕྱོགས་དེར་རྒྱབ་རྩ་བྱེད་ཀྱི་འདུག ང་ཚོར་དཔང་མི་དང་རྩྭ་སའི་ཡིག་ཆ་ཡོད་ཀྱང་གནད་དོན་ཐག་གཅོད་མ་ཐུབ་པར་ལོ་ ༢ འགོར་སོང་ཞེས་དང་། ཡང་གཅིག་གིས་ང་ཚོའི་ཕྱོགས་སུ་མྱུར་བགྲོད་གཞུང་ལམ་འཛུགས་སྐྲུན་བྱེད་བཞིན་ཡོད་པ་རེད། ཁོ་ཚོས་ས་མུའུ་གཅིག་ལ་རྒྱ་སྒོར་ ༡༨༠༠ སྤྲད་དགོས་ལབ་ཡོད་པ་དེར་ང་ཚོས་མོས་མཐུན་བྱས་མེད།  ཡིན་ནའང་། ཁོ་ཚོས་ཐད་ཀར་དངུལ་དེ་དངུལ་བྱང་ཐོག་བཏང་ནས་འཛུགས་སྐྲུན་ལས་མགོ་བཙུགས་སོང་། ད་ལྟ་གཞུང་ལམ་འཛུགས་སྐྲུན་འགྲུབ་གྲབས་ཡོད་པ་རེད། རྩྭ་སའི་དངུལ་རྫོང་སྲིད་གཞུང་གིས་སྤྲོད་དུ་མི་འཇུག་པ་ཡིན་ནམ།...

བལ་ཡུལ་གཞུང་གིས་རྒྱ་ནག་གཅིག་གི་སྲིད་ཇུས་ལ་བསྟུན་མཁས་ཀྱིས་བལ་བཟའ་ཁྲི་བཙུན་བལ་ཡུལ་གྱི་ལོ་རྒྱུས་མི་སྣའི་ཁོངས་སུ་ཕྱིར་བཏོན་ཡོད་པར་བརྟེན། ད་ལྟ་བལ་ཡུལ་གཞུང་གིས་བལ་བཟང་ཁྲི་བཙུན་གྱི་ལོ་རྒྱུས་ཀྱི་གལ་གནད་ལ་གཞིགས་ནས་རྒྱལ་ཁབ་ཀྱི་ལོ་རྒྱུས་མི་སྣའི་ཁོངས་སུ་འཇུག་དགོས་པའི་རེ་འདུན་འདོན་གྱིན་འདུག The post བལ་བཟའ་ཁྲི་བཙུན་བལ་ཡུལ་གྱི་ལོ་རྒྱུས་མི་སྣའི་ཁོངས་སུ་འཇུག་དགོས་པའི་རེ་སྐུལ་ཞུ་བཞིན་འདུག appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༡ ཚེས་ ༢༣ རེས་གཟའ་པ་སངས་ཉིན་སྦེལ་ཀོབ་བོད་མིའི་གཞིས་ཆགས་སུ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དབུ་བཞུགས་ཐོག་གཏན་འཇགས་ཐབས་བྱུས་འཆར་འགོད་ཚོགས་ཆུང་གི་ཚོགས་འདུ་ཐེངས་བརྒྱད་པ་དབུ་འཛུགས་གནང་ཡོད། དེ་ཡང་ཕྱི་ཚེས་ ༢༣ ནས་ ༢༥ བར་ཉིན་གྲངས་གསུམ་གྱི་ཚོགས་འདུ་འདིའི་ཐོག་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་དབུས་པའི་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་དང་། ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག ཚོགས་ཆུང་གི་སློབ་སྟོན་པ་བཀའ་ཟུར་བསྟན་པ་ཚེ་རིང་མཆོག་དང་། སྐུ་ཚབ་ཟུར་པ་སྐལ་བཟང་རྒྱལ་མཚན་ལགས། དམིགས་བསལ་གདན་ཞུས་དཔལ་ལྡན་དགའ་ལྡན་ཕོ་བྲང་གི་དྲུང་ཆེ་རྔ་བ་ཚེ་རྒྱམ་ལགས། དེ་བཞིན་ཆབ་སྲིད་དྲུང་ཆེ་བཀྲ་ཤིས་རྒྱ་མཚོ་ལགས། བདེ་སྲུང་དྲུང་ཆེ་ཀརྨ་རིན་ཆེན་ལགས། ཕྱི་དྲིལ་དྲུང་ཆེ་ཀརྨ་ཆོས་དབྱིངས་ལགས། བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་ཟུར་པ་ཟླ་བ་ཚེ་རིང་ལགས་བཅས་གཏན་འཇགས་ཚོགས་མི་རྣམས་ཚོགས་ཞུགས་གནང་ཡོད་པ་བཅས། །

༄༅། །ཕྱི་ལོ་ ༢༠༢༦ ཟླ་བ་ ༡ ཚེས་ ༢༢ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མཁན་པོ་མཛད་དེ་དཔལ་ལྡན་འབྲས་སྤུངས་བཀྲ་ཤིས་སྒོ་མང་གྲྭ་ཚང་གི་ཆོས་གྲྭའི་ནང་། བློ་གསལ་གླིང་གི་བསྒྲུབ་བྱ་ ༥༤ ལ་ད་ཆོག་ཉེས་མེད་ཕུན་ཚོགས་ཀྱི་སྒོ་ནས་བསླབ་གཞི་ཡོངས་སུ་རྫོགས་པ་དགེ་སློང་གི་སྡོམ་པ་སྩལ་ཡོད། སྐབས་དེར་སྤྱི་ནོར་༧གོང་ས་༸སྐྱབས་མགོན་ཆེན་པོ་ཆེ་མཆོག་གིས་བཀའ་སློབ་སྩལ་དོན། ང་ཚོ་བོད་རིགས་ཉུང་ཤས་ཤིག་ཟེར་དགོས་ནའང་། འཛམ་བུ་གླིང་འདིའི་སྒང་ནས་དགེ་ཚུལ་སློང་བསྒྲུབ་རྒྱུ་དེར་དམིགས་བསལ་དོ་སྣང་བྱེད་ཡོང་གི་འདུག དངོས་གནས་སྤོབས་པ་སྐྱེ་རྒྱུ་ཞིག་འདུག ཕྱི་རྒྱལ་གྱི་ལུང་པ་ཁག་ནས་ནང་པའི་ལྟ་སྒྲུབ། ནང་པའི་དགེ་སློང་ལ་དངོས་གནས་དམིགས་བསལ་གྱིས་དོ་སྣང་དང་དགའ་མོས་བྱེད་མཁན་ཡོང་གི་འདུག དེ་དངོས་གནས་ང་ཚོ་རང་བཞིན་གྱིས་སྤོབས་པ་སྐྱེ་རྒྱུ་ཞིག་རེད་འདུག ངོས་རང་བཙན་བྱོལ་བ་ཆགས་ནས་ནོར་བུ་གླིང་ག་ནས་བྲོས་ཡོང་བའི་ཁ་ཐུག་དེར་རབ་བྱུང་བསྙེན་རྫོགས་ཁྱོན་ཆེན་པོ་བསྒྲུབ་རྒྱུ་ཡོང་གི་རེད་བསམ་པ་ཁྱོན་ནས་མེད།  འོན་ཀྱང་དངོས་ཡོད་ཀྱི་གནས་ཚུལ་ལ་རིམ་པས་ལྷ་སའི་སྐྱིད་ཆུ་བརྒལ། གང་ལྟར་དགེ་ཚུལ་སློང་བསྒྲུབ་རྒྱུ་ཇེ་མང་ཇེ་མང་བྱུང་། ང་ཚོ་འདི་དག་གིས་དགེ་ཚུལ་སློང་གི་སྡོམ་པ་བསྒྲུབས། དགེ་ཚུལ་སློང་གི་སྡོམ་པ་དང་ལྡན་པའི་ཐོག་ནས་སངས་རྒྱས་པའི་བསྟན་པའི་ཞབས་འདེགས་སྒྲུབ་མཁན་ཡག་པོ་ཞིག་ཡོང་ཐུབ་རྒྱུ་ཞིག་ཚང་མས་ཧུར་ཐག་བྱོས།   ངོས་རང་ཞོགས་པ་ཡར་གཉིད་སད་པ་དང་ངོས་རང་དགེ་སློང་ཞིག་ཡིན། ངོས་རང་དགེ་ཚུལ་སློང་གི་བསླབ་པ་ཉམས་ལེན་དང་ལྡན་པའི་ཐོག་ནས་རོགས་པ་ག་ཚོད་མང་མང་ཞིག་གིས་དགེ་ཚུལ་སློང་གི་སྡོམ་པ་བླངས་ནས། བཅོམ་ལྡན་འདས་ཀྱི་བསྟན་པ་འཛིན་མཁན་གྱི་དགེ་སློང་དངོས་གནས་སྤུས་དག་པོ་དེ་འདྲ་ཞིག་ག་ཚོད་ཡོང་ཡོང་བྱ་ཐུབ་ན་བསམ་དྲན་གྱི་འདུག  དེ་རིང་འདིར་བསྙེན་རྫོགས་བསྒྲུབ་རྒྱུའི་གོ་སྐབས་བྱུང་བ་རེད། ངོས་རང་ལ་ཆ་བཞག་ནའང་ལྷ་སའི་ཇོ་བོའི་སྐུ་མདུན་ལ་བསྙེན་རྫོགས་བསྒྲུབས་ནས། སྟག་བྲག་རིན་པོ་ཆེའང་ཡོད། དེ་ནས་གླིང་རིན་པོ་ཆེ་སྐྱབས་སུ་མཆི། ངོས་རང་ལ་དཔེ་ཆ་འཁྲིད། གཞུང་ཆེན་གྱི་ཀློག་འདོན་གནང་མཁན་གྱི་དགེ་རྒན་དངོས་གནས་དྲང་གནས་འགྲན་ཟླ་བྲལ་བ་ཞིག་རེད། ཁོང་གི་སྐུ་དྲིན་ལས་ངོས་ཀྱིས་དཔེ་ཆ་ཏོག་ཙམ་ཤེས་ཀྱི་ཡོད་པ་རེད། རང་གིས་ཤེས་པ་འདི་གཞན་ལ་ངོ་སྤྲོད་བྱས་ནས་༸རྒྱལ་བའི་དགོངས་པ་དང་མཐུན་པ་ཡག་པོ་ཞིག་ཡོང་ཐུབ་པར་དེ་ལྟར་ཡིན། ཞེས་བཀའ་སྩལ།།

ཁ་སང་ཕྱི་ཟླ་ ༡ ཚེས་ ༢༡ ༸རྒྱལ་བའི་སྐུའི་བླ་གཟའ་དང་བསྟུན། ཁྲིག་སེ་ཤེས་རབ་སྐྱེད་ཚལ་གླིང་དཔེ་མཛོད་ཁང་དང་། ཤེས་ཡོན་བསྟི་གནས་ཁང་གི་གོ་སྒྲིག་འོག བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པ་མཆོག་དགུང་ལོ་དགུ་བཅུར་ཕེབས་པའི་བྱམས་བརྩེའི་ལོ་སྲུང་བརྩི་ཞུས་ཏེ། སློབ་ཕྲུག་ནང་ཁུལ་གཏམ་བཤད་དང་རི་མོའི་འགྲན་བསྡུར་གྱི་ལས་འགུལ་ཞིག་སྤེལ་སོང་།  རྩ་བའི་༸གོང་ས་མཆོག་གིས་དེ་སྔོན་ས་གནས་ཡུལ་མི་རྣམས་ནས་སོ་སོའི་དགོན་པར་ཞབས་འདེགས་གང་ཐུབ་ཞུས་ཡོད་པར། ད་ཆ་ཡུལ་མི་རྣམས་ཀྱི་བདེ་སྡུག་དང་ཤེས་ཡོན་སློབ་སྦྱོང་སོགས་ལ་དགོན་པའི་ངོས་ནས་ཞབས་འདེགས་ཞུ་དགོས་ཞེས་བཀའ་སློབ་ལམ་སྟོན་ཕེབས་པ་བཞིན། ༸སྐྱབས་རྗེ་ཁྲིག་སེ་རིན་པོ་ཆེས་གཙོས་པའི་ཁྲིག་སེ་ཤེས་རབ་སྐྱེད་ཚལ་གླིང་དཔེ་མཛོད་ཁང་དང་། ཤེས་ཡོན་བསྟི་གནས་ཁང་གི་ཚོགས་སྡེ་གཉིས་ནས། ས་ཁུལ་ ༡༢༠ ཙམ་ནས་སློབ་ཕྲུག་ ༣༥༠ ཙམ་ལ་དགུན་ཁའི་གུང་སེང་དང་བསྟུན།  རིན་མེད་ཐོག་ཟུར་ཁྲིད་ཉིན་ ༤༥ རིང་འཚོགས་བཞིན་ཡོད་ཅིང་། དེའི་ཁྲོད་ཉིན་དགུང་གི་ཞལ་ལག་དང་། སློབ་ཕྲུག་ཚོ་རང་ཁྱིམ་དུ་སྐྱེལ་རྒྱུ་སོགས་ཀྱི་མཐུན་རྐྱེན་སྦྱོར་གྱི་ཡོད་པ་མ་ཟད། ད་རེས་དགུན་ཁའི་ཟུར་ཁྲིད་དེ་ཐེངས་བདུན་པ་ཆགས་ཀྱི་འདུག ཁྲིག་སེ་ཤེས་རབ་སྐྱེད་ཚལ་གླིང་དཔེ་མཛོད་ཁང་དང་། ཤེས་ཡོན་བསྟི་གནས་ཁང་གི་དབུ་འཛིན་དགེ་བཤེས་བྱམས་པ་བཀྲ་ཤིས་ལགས་སུ་མཛད་རིམ་དེ་དང་འབྲེལ་ནས་བཅར་འདྲི་ཞུས་པར་ཁོང་གི་གསུང་དོན་དུ།  དགུན་ཁའི་ཟུར་ཁྲིད་དེའི་ནང་ལ་དྭགས་བྱང་ཐང་དང་། ལྡུམ་ར། ཟངས་དཀར། གཤམ་སྟོད་བར་གསུམ། ཆོས་ལུགས་དང་མི་རིགས་དབྱེ་བ་མེད་པའི་སྒོ་ནས་སློབ་ཕྲུག་རྣམས་ལ་སློབ་སྦྱོང་གནང་བཞིན་ཡོད་པར་མི་མང་ཚོས་ཀྱང་དགའ་མོས་ཆེན་པོ་གནང་གི་འདུག་ཅེས་གསུངས་སོང་། གཞན་ཡང་དགུན་ཁའི་ཟུར་ཁྲིད་གནང་བའི་ཁྲོད་༸གོང་ས་མཆོག་གིས་ཆོས་ལུགས་དང་མ་འབྲེལ་བའི་བཟང་སྤྱོད་འམ་ SEE Learning ཡང་སློབ་ཁྲིད་གནང་གི་ཡོད་པ་རེད། གཞན་སློབ་ཕྲུག་བར་གྱི་གཏམ་བཤད་འགྲན་བསྡུར་གྱི་བརྗོད་གཞི་ནི། ༸གོང་ས་མཆོག་གི་ཐུགས་བསྐྱེད་དམ་བཅའ་བཞི་དང་། ཁོང་གི་འཛམ་གླིང་ཡོངས་ལ་བྱམས་དང་སྙིང་རྗེས་སྐྱོང་བཞིན་ཡོད་པའི་སྐོར་ཡིན་པ་དང་། མཉམ་ཞུགས་ཁྲོད་སློབ་མ་ཉི་ཤུ་ཙམ་གྱི་དབྱིན་སྐད་དང་།...

༧གོང་ས་རྒྱལ་བ་རིན་པོ་ཆེ་མཆོག་ནས་ཕྱིའི་རྒྱལ་ཁབ་ཁག་ནས་ནང་པའི་ལྟ་གྲུབ་དང་ནང་པའི་དགེ་སློང་ལ་འཛམ་གླིང་མི་མང་གིས་དམིགས་བསལ་གྱིས་དོ་སྣང་བྱེད་ཀྱིན་འདུག་པས་དངོས་གནས་སྤོབས་པ་སྐྱེས་འོས་པ་ཞིག་ཡིན་སྐོར་སོགས་གསུངས་འདུག  དེ་རིང་ཕྱི་ཟླ་ ༡ ཚེས་ ༢༡ ཉིན་གྱི་སྔ་དྲོར་༧གོང་ས་རྒྱལ་བ་རིན་པོ་ཆེ་མཆོག་ནས། དཔལ་ལྡན་འབྲས་སྤུངས་སྒོ་མང་གྲྭ་ཚང་གི་ཆོས་གྲྭའི་ནང་དུ། བློ་གསལ་གླིང་གི་བསྒྲུབ་བྱ་ ༥༤ ལ་ད་ཆོག་ཉེས་མེད་ཕུན་ཚོགས་ཀྱི་སྒོ་ནས་བསླབ་གཞི་ཡོངས་སུ་རྫོགས་པར་དགེ་སློང་གི་སྡོམ་པ་བསྩལ། སྐབས་དེར་༧གོང་ས་རྒྱལ་བ་རིན་པོ་ཆེ་མཆོག་ནས། དགེ་ཚུལ་སློང་གི་སྡོམ་པ་དང་ལྡན་པའི་ཐོག་ནས་སངས་རྒྱས་པའི་བསྟན་པའི་ཞབས་འདེགས་སྒྲུབ་མཁན་ཡག་པོ་ཞིག་ཡོང་ཐུབ་རྒྱུར་ཚང་མས་ཧུར་ཐག་བྱ་དགོས་པའི་བཀའ་སློབ་བསྩལ།   ༧གོང་ས་རྒྱལ་་རིན་པོ་ཆེ་མཆོག་ནས། ང་ཚོ་བོད་རིགས་ཉུང་ཤས་ཤིག་ཟེར་དགོས་ནའང་། འཛམ་བུ་གླིང་འདིའི་སྒང་ནས་དགེ་ཚུལ་སློང་བསྒྲུབ་ཡ་དེར་དམིགས་བསལ་དོ་སྣང་བྱེད་ཡོང་གི་འདུག་གཱ། དངོས་གནས་སྤོབས་པ་སྐྱེས་པའི་ཟོལ་ཞིག་འདུག ཕྱི་རྒྱལ་གྱི་ལུང་པ་ཁག་ནས་ནང་པའི་ལྟ་སྒྲུབ། ནང་པའི་དགེ་སློང་ལ་དངོས་གནས་དམིགས་བསལ་གྱིས་དོ་སྣང་དང་དགའ་མོས་བྱེད་མཁན་ཡོང་གི་འདུག་གཱ། དེ་དངོས་གནས་ང་ཚོ་རང་བཞིན་གྱིས་སྤོབས་པ་སྐྱེ་ཡ་ཞིག་རེད་འདུག ངོས་རང་བཙན་བྱོལ་བ་ཆགས་ནས་ནོར་བུ་གླིང་ག་ནས་བྲོས་ཡོང་བའི་ཁ་ཐུག་དེར།  རང་བྱུང་བསྙེན་རྫོགས་ཁྱོན་ཆེན་པོ་བསྒྲུབ་རྒྱུ་ཡོང་གི་རེད་བསམ་པ་ཁྱོན་ནས་མེད།  ཡིན་ཡང་། དངོས་ཡོད་ཀྱི་གནས་ཚུལ་ལ་རིམ་པས་ལྷ་སའི་སྐྱིད་ཆུ་བརྒལ་ནས་ལ་བརྒལ། དེ་ནས་ཕར་བྱས་ནས་གང་ལྟར་དགེ་ཚུལ་སློང་བསྒྲུབ་ཡ་ཇེ་མང་ཇེ་མང་བྱུང་། ང་ཚོ་འདི་དག་གིས་དགེ་ཚུལ་སློང་གི་སྡོམ་པ་བསྒྲུབས། དགེ་ཚུལ་སློང་གི་སྡོམ་པ་དང་ལྡན་པའི་ཐོག་ནས་སངས་རྒྱས་པའི་བསྟན་པའི་ཞབས་འདེགས་སྒྲུབ་མཁན་ཡག་པོ་ཞིག་ཡོང་ཐུབ་རྒྱུ་ཞིག ཚང་མས་ཧུར་ཐག་བྱོས། ཞེས་གསུངས་འདུག  ཡང་༧མགོན་པོ་གང་ཉིད་ཀྱིས། ངོས་རང་ནས་ཞོགས་པ་ཡར་གཉིད་སད་པ་དང་ངོས་རང་དགེ་སློང་ཞིག་ཡིན། ངོས་རང་ནས་དགེ་ཚུལ་སློང་གི་ཉམས་ལེན་དང་ལྡན་པའི་ཐོག་ནས་རོགས་པ་ག་ཚོད་མང་མང་ཞིག་གིས་དགེ་ཚུལ་སློང་གི་སྡོམ་པ་བླངས་ནས། བཅོམ་ལྡན་འདས་ཀྱི་བསྟན་པ་འཛིན་མཁན་གྱི་དགེ་སློང་དངོས་གནས་སྤུས་དག་པོ་དེ་འདྲ་ཞིག་ག་ཚོད་ཡོང་ཡོང་བྱ་ཐུབ་ན་བསམ་དྲན་གྱི་འདུག དེ་རིང་འདིར་བསྙེན་རྫོགས་བསྒྲུབ་རྒྱུའི་གོ་སྐབས་བྱུང་བ་རེད། ངོས་རང་ལ་ཆ་བཞག་ནའང་ལྷ་སའི་ཇོ་བོའི་སྐུ་མདུན་ལ་བསྙེན་རྫོགས་བསྒྲུབས་ནས། སྟག་བྲག་རིན་པོ་ཆེའང་ཡོད་རེད། དེ་ནས་གླིང་རིན་པོ་ཆེ་སྐྱབས་སུ་མཆི། ངོས་རང་ལ་དཔེ་ཆ་འཁྲིད། གཞུང་ཆེན་གྱི་ཀློག་འདོན་གནང་མཁན་གྱི་དགེ་རྒན་དངོས་གནས་དྲང་གནས་འགྲན་ཟླ་བྲལ་བ་ཞིག་རེད། ད་ཁོང་གི་སྐུ་དྲིན་གྱིས་ངོས་རང་གིས་དཔེ་ཆ་ཏོག་ཙམ་ཤེས་ཀྱི་ཡོད་རེད། ད་རང་གིས་ཤེས་པ་འདི་གཞན་ལ་༧རྒྱལ་བའི་དགོངས་པ་དང་མཐུན་པ་བྱས་ནས་ཡག་པོ་བྱས་ནས་ངོ་སྤྲོད་བྱ་ཡ་ཞིག་ཡིན་གདའ། ཞེས་གསུངས་འདུག  ༧གོང་ས་རྒྱལ་བ་རིན་པོ་ཆེ་མཆོག་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་གི་དཔལ་ལྡན་འབྲས་སྤུངས་སྒོ་མང་གྲྭ་ཚང་དུ་ཆེད་ཕེབས་གནང་བ་དང་བསྟུན།  ཕྱི་ལོ་ ༢༠༢༥ ཕྱི་ཟླ་ ༡༢ ཚེས་ ༢༥ ཉིན་དགེ་འདུན་པ་ཞལ་གྲངས་ ༥༡ ལ་བསྙེན་རྫོགས་ཀྱི་སྡོམ་པ་བསྩལ་ཡོད་འདུག ད་ལན་ཐེངས་དྲུག་ལ་དཔལ་ལྡན་འབྲས་སྤུངས་སྒོ་མང་གྲྭ་ཚང་དུ་འབྲས་སྤུངས་སྒོ་མང་གི་དགེ་འདུན་པ་དང་།  རྫོང་དཀར་ཆོས་སྡེའི་དགེ་འདུན་པ། བློ་གསལ་གླིང་གི་དགེ་འདུན་པ། སྲས་རྒྱུད་གྲྭ་ཚང་གི་དགེ་འདུན་པ་སོགས་ལ་བསྙེན་རྫོགས་ཀྱི་སྡོམ་པ་འབོག་འཇོག་མཛད་དང་མཛད་མུས་ཡིན་འདུག  གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། པདྨ་མཚོ། The post དགེ་འདུན་པ་ཞལ་གྲངས་ ༥༤ ལ་བསྙེན་རྫོགས་ཀྱི་སྡོམ་པ་བསྩལ།  appeared first on བོད་ཀྱི་དུས་བབ།.

༸གོང་ས་མཆོག་ལ་རྒྱ་གར་ལྷོ་ཕྱོགས་ཀརནཱ་ཊ་ཀ་མངའ་སྡེའི་མོན་གྷོ་རུ་རྟེན་གཞི་བྱས་པའི་བྱེས་ཀྱི་ཆོས་སྡེ་ཆེན་པོ་དགའ་ལྡན་རྣམ་པར་རྒྱལ་བའི་གླིང་དང་། མོན་གྷོ་འདོད་རྒུ་གླིང་བོད་མིའི་གཞིས་ཆགས་ཐུན་མོང་གིས་ཇི་ལྟར་གསོལ་བ་བཏབ་པ་ལྟར་དགའ་ལྡན་བླ་སྤྱིའི་ཚོགས་ཆེན་འདུ་ཁང་ཆེན་མོ་རུ་བརྟན་བཞུགས་བསྟར་འབུལ་ཞུས་འདུག ཕྱི་ལོ་༢༠༢༦ ཟླ་༡ ཚེས་༢༡ ཉིན་བོད་མིའི་སྒྲིག་འཛུགས་ཀྱི་དྲྭ་རྒྱ་རུ་གནས་ཚུལ་སྤེལ་དོན་ལ། ཕྱི་ཚེས་༢༡ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དགའ་ལྡན་བྱང་རྩེ་ཐོས་བསམ་ནོར་གླིང་གཙུག་ལག་སློབ་གཉེར་ཁང་ཆེན་མོ་སྐལ་བཟང་དགའ་ཚལ་གྱི་ཐོག་ཁར་གསར་བཞེངས་ཞུས་པའི་རྗེ་ཚེ་འཛིན་མ་དང་༸རྒྱལ་བའི་སྐུ་བརྙན་རྣམ་གཉིས་ལ་རབ་གནས་དང་། འཛིན་ཁང་མདུན་ཐང་དུ་སིངྒ་ལ་(Sri The post ༸གོང་ས་མཆོག་ལ་གདན་ས་ཆེན་པོ་དགའ་ལྡན་དང་མོན་གྷོ་གཞིས་ཆགས་ཀྱིས་བརྟན་བཞུགས་ཕུལ་འདུག appeared first on བོད་ཀྱི་བང་ཆེན།.

དབྱིན་གཞུང་གིས་རྒྱལ་ཁབ་ཀྱི་བདེ་འཇགས་ལ་ཉེན་ཁ་ཡོད་མེད་ལ་མ་ལྟོས་པར་རྒྱ་ནག་དང་འབྲེལ་བ་ཡག་ཏུ་གཏོང་ཆེད་ལོན་ཌོན་དུ་རྒྱ་ནག་གི་གཞུང་ཚབ་ཁང་གསར་རྒྱག་བྱ་རྒྱུར་ཆོག་མཆན་སྤྲད་ཡོད་འདུག ཕྱི་ལོ་༢༠༢༦ ཟླ་༡ ཚེས་༢༠ ཉིན། རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་གསལ་ལྟར་ན། དབྱིན་གཞུང་གིས་རྒྱ་ནག་ལ་དབྱིན་ཡུལ་དུ་གཞུང་ཚབ་ཁང་ཆེ་ཤོས་དེ་རྒྱག་རྒྱུར་ཆོག་མཆན་སྤྲད་འདུག གནད་དོན་དེ་ནི་དབྱིན་ཇིའི་སྲིད་བློན་རྒྱ་ནག་ཏུ་མ་ཕེབས་གོང་། རྒྱལ་ཁབ་གཉིས་ཀྱི་འབྲེལ་བ་ཡག་ཏུ་གཏོང་ཆེད་ཡིན་པར་ངོས་འཛིན་བྱས་འདུགདབྱིན་ཇི་དང་ཨ་རིའི་ཆབ་སྲིད་པ་མང་པོས་གཞུང་ཚབ་ཁང་དེ་ནི་རྒྱ་ནག་གིས་དབྱིན་ཇིའི་གཞུང་དང་དངུལ་རྩིས་ལས་ཁུངས་ཁག་ལ་གསང་ཉུལ་བྱེད་སའི་ལྟེ་གནས་ཤིག་ཏུ་འགྱུར་རྒྱུའི་ཉེན་ཁ་ཡོད་པའི་ཉེན་བརྡ་བཏང་པར། The post དབྱིན་ཡུལ་གྱིས་རྒྱ་ནག་གཞུང་ཚབ་ཁང་གསར་རྒྱག་ལ་ཆོག་མཆན་སྤྲད་འདུག appeared first on བོད་ཀྱི་བང་ཆེན།.

དབུས་བོད་ཀྱི་བུད་མེད་ལྷན་ཚོགས་ཀྱི་ངོས་ནས་རྒྱ་གར་གྱི་རྒྱལ་ས་ལྡི་ལིའི་ Press Club of India ཞེས་པར་གསར་འགོད་ལྷན་ཚོགས་ཤིག་བསྐྱངས་ཏེ།    ཁོང་ཚོའི་ངོས་ནས་རྒྱ་གར་གྱི་སྲིད་བློན་ མོ་ཌི་མཆོག་གི་དབུས་པའི་རྒྱལ་ས་ལྡི་ལིའི་ནང་རྟེན་གཞི་བྱས་པའི་ཕྱི་རྒྱལ་གཞུང་ཚབ་ཁག་སུམ་ཅུ་ཙམ་ལ་བོད་ནང་གི་ཛ་དྲག་ཁོར་ཡུག་གནས་སྟངས་དང་།   རྒྱ་གར་གཞུང་གི་ངོས་ནས་༸གོང་ས་༸སྐྱབས་མགོན་ཆེན་པོ་མཆོག་ལ་ཆེ་བསྟོད་ཀྱི་ Bharat Ratna འབུལ་བཞེས་གནང་དགོས་པ།   བོད་ནང་གི་འགྲོ་བ་མིའི་ཐོབ་ཐང་དང་ཆོས་དད་རང་དབང་སྲུང་སྐྱོབ་ཐུབ་ཐབས།  ཉེས་མེད་བོད་མིའི་ཆབ་སྲིད་བཙོན་པ་རྣམས་གློད་བཀྲོལ་ཡོང་ཐབས་དང་།  དབུ་མའི་ལམ་གི་ཐོག་ནས་བོད་དོན་བདེན་མཐའ་སེལ་བའི་ཐབས་ལམ་བསྐྲུན་ཐབས་ཡོང་བ་བཅས་ཀྱིས་དོན་ཚན་ལྔ་ཡོད་པའི་ཞུ་སྐུལ་གནང་འདུག གསར་འགོད་ལྷན་ཚོགས་དེའི་ཐོག་དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་ཚེ་རིང་སྒྲོལ་མ་ལགས་ཀྱི་དབྱིན་སྐད་དང་།    ཟུང་འབྲེལ་དྲུང་ཆེ་ཆོས་དབྱིངས་སྒྲོལ་མ་ལགས་ནས་ཧིན་རྡི་སྐད་ཡིག་སོ་སོར་འབོད་སྐུལ་དགོས་འདུན་དེ་དག་གསར་འགོད་པ་ཚོར་སྙན་སྒྲོན་དང་སྦྲགས།   རྒྱལ་སྤྱིའི་སྤྱི་ཚོགས་ཀྱི་ངོས་ནས་ཀྱང་ཛ་དྲག་གི་གནད་དོན་དེ་དག་ཐོག་རྒྱབ་སྐྱོར་གནང་དགོས་པའི་སྐུལ་མ་ཞུས་པ་མ་ཟད།   སྐབས་དེའི་གསར་འགོད་ལྷན་ཚོགས་ཐོག་ད་དུང་  Bharat Tibbat Samanvay Sangh ཞེས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ལྕམ་སྐུ་ Sandhya མཆོག་ནས་ཀྱང་རྒྱ་ནག་གཞུང་གི་ངོས་ནས་བོད་ནང་གི་བཅའ་སྡོད་སློབ་གྲྭའི་སྲིད་བྱུས་འོག་བོད་པའི་ངོ་བོ་རྩ་མེད་གཏོང་བའི་ཛ་དྲག་གི་སྲིད་བྱུས་དང་།  རྒྱ་གར་གཞུང་མང་གཉིས་ཀྱི་ངོས་ནས་༸གོང་ས་༸སྐྱབས་མགོན་ཆེན་པོ་མཆོག་ལ་ཆེ་བསྟོད་ཀྱི་གཟེངས་རྟགས་ཕུལ་དགོས་པ་སོགས་ཀྱི་གནད་དོན་ཡང་གླེང་སློང་གནང་སོང་། The post བུད་མེད་ལྷན་ཚོགས་ཀྱིས་རྒྱ་གར་སྲིད་བློན་དང་ཕྱི་རྒྱལ་གཞུང་ཚབ་སུམ་ཅུ་ཙམ་ལ་བོད་དོན་ཞུ་སྐུལ་གནང་འདུག appeared first on vot.

རྒྱལ་སྤྱིའི་གསར་འགོད་པ་སྲུང་སྐྱོབ་མཐུན་ཚོགས་ཀྱི་ཕྱི་ལོ་ ༢༠༢༥ ལོའི་གསར་འགོད་རང་དབང་གི་སྙན་ཐོའི་ནང་། རྒྱ་ནག་འདས་པའི་ལོ་གསུམ་བསྟུད་མར་གསར་འགོད་པ་བཙོན་འཇུག་བྱེད་མཁན་སྡུག་ཤོས་དེ་ཡིན་པ་གསལ་བོ་བསྟན་འདུག The post འདས་ལོར་འཛམ་གླིང་ནང་གསར་འགོད་པ་བཙོན་འཇུག་བྱེད་མཁན་སྡུག་ཤོས་དེ་རྒྱ་ནག་རེད་འདུག appeared first on བོད་ཀྱི་དུས་བབ།.

རྒྱ་གར་བ་སྐུ་ཞབས་  Sandesh Meshram ལགས་ཀྱིས་ཟླ་བ་སྔོན་མའི་ཚེས་ ༩ ཉིན་འཕགས་བོད་ས་མཚམས་འབུམ་ལ་ནས་འགོ་འཛུགས་གནང་བའི་བོད་དོན་ཆེད་རྐང་འཁོར་སྐོར་སྐྱོད་དེ་བཞིན་ཁ་ཉིན་ Meghalaya མངའ་སྡེའི་རྒྱལ་ས་ཤི་ལོང་ནང་མཇུག་སྒྲིལ་གནང་འདུག དེའང་བོད་ཀྱི་གྲོགས་པོ་དང་རྒྱ་གར་བོད་དོན་རྒྱབ་སྐྱོར་ཚོགས་པའི་ས་གནས་འབྲེལ་མཐུད་པ་ Sandesh Meshram སཱན་ཌེ་ཤ་མཱེ་ཤེ་རམ་མམ་བསམ་གཏན་ཡེ་ཤེས་ལགས་ཀྱིས། འདི་ལོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གོ་སྟོན་དང་བསྟུན་བྱམས་བརྩའི་ལོ་སྲུང་བརྩའི་ཆ་ཤས་སུ། སྔ་ལོའི་ཕྱི་ཟླ་ ༡༢ པའི་ཚེས་ ༩ ཉིན་རྒྱ་གར་བྱང་ཤར་ཨ་རུ་ན་ཅལ་མངའ་སྡེའི་ནང་ཆགས་པའི་འཕགས་བོད་ས་མཚམས་འབུམ་ལ་ནས་འགོ་འཛུགས་ཀྱིས་བོད་དོན་དྲིལ་བསྒྲགས་སླད་རྐང་འཁོར་སྐོར་སྐྱོད་ཀྱི་ལས་འགུལ་ཞིག་དབུ་འཛུགས་གནང་ཡོད་པ་ལྟར། རྒྱང་ཐག་སྤྱི་ལེ་ ༢༦༠༤ ཙམ་གྱི་སྐོར་སྐྱོད་དེ་ཉིད་འདི་ཚེས་ ༡༩ ཉིན་ Meghalaya མངའ་སྡེའི་རྒྱལ་ས་ཤི་ལོང་ནང་མཇུག་སྒྲིལ་གནང་འདུག ཐེངས་འདིའི་རྐང་འཁོར་སྐོར་སྐྱོད་དེ་བཞིན་སྐུ་ཞབས་ Mesharam ལགས་ཀྱིས་ད་བར་བོད་དོན་སླད་རྐང་འཁོར་སྐོར་སྐྱོད་གནང་བའི་ལས་འགུལ་ཐེངས་ ༦ པ་དེ་ཆགས་ཀྱི་ཡོད་པ་དང་། ད་ཐེངས་ཀྱི་ལས་འགུལ་དེའི་དམིགས་ཡུལ་གཙོ་བོ་ནི་རྒྱ་གར་མི་མང་ལ་བོད་དོན་གོ་རྟོགས་དང་། དམིགས་བསལ་བོད་ནང་འགྲོ་བ་མིའི་ཐོབ་ཐང་གི་གནས་སྟངས་ཇེ་ཞན་ཇེ་སྡུག་ཏུ་འགྲོ་བཞིན་པ་མ་ཟད། ལྷག་དོན་དུ་ཉེ་སྔོན་ཨ་རུ་ན་ཅལ་བུད་མེད་ཅིག་ཧྲང་ཧེ་གནམ་ཐང་བརྒྱུད་ཉི་འོང་དུ་བསྐྱོད་སྐབས། ཧྲང་ཧེ་གནམ་ཐང་དུ་ཁོ་མོར་གནམ་ཐང་གིས་ལས་བྱེད་ཚོས་ཆུ་ཚོད་ ༡༨ ཙམ་བཀག་འགོག་བྱས་ཏེ།  ཁོ་མོའི་རྒྱ་གར་གྱི་ཕྱི་བསྐྱོད་ལག་འཁྱེར་དེ་འགྲིག་མེད་སྐོར་དང་། ཨ་རུ་ན་ཅལ་དེ་ཉིད་རྒྱ་ནག་གི་ས་ཁོངས་ཡིན་ཚུལ་བཤད་པ་དེ། བདེན་དཔང་མིན་པ་དྲིལ་བསྒྲགས་ཆེད་ཡིན་པ་རེད་འདུག...

འདི་ལོའི་བོད་ཀྱི་མཐོ་རིམ་སློབ་མའི་ཚོགས་ཆེན་ཐོག་༧སྐུའི་གོ་སྟོན་དང་བྱམས་བརྩེའི་ལོ་སྲུང་གཙི་དང་འབྲེལ་༧རྒྱལ་བའི་བཀའ་དྲིན་རྗེས་དྲན་མཚོན་སླད་༧གོང་ས་རྒྱལ་བ་རིན་པོ་ཆེ་མཆོག་གི་གསུང་རྩོམ་དང་འབྲེལ་བའི་བརྗོད་གཞི་དྲུག་གཏན་འབེབ་ཀྱིས་བགྲོ་གླེང་གནང་གི་འདུག ཁ་སང་ཕྱི་ཚེས་ ༢༡ ནས་ ༢༦ བར་དགའ་ལྡན་ཤར་རྩེ་ཐོས་བསམ་ནོར་གླིང་གྲྭ་ཚང་གི་གོ་སྒྲིག་འོག  གྲྭ་ཚང་དེའི་ནང་དུ་༧རྒྱལ་བའི་གོ་སྟོན་དང་བྱམས་བརྩེའི་ལོ་སྲུང་གཙི་དང་འབྲེལ་བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་བཅོ་བརྒྱད་པ་དེ་དངོས་སུ་འཚོགས་མགོ་བཙུགས་ཡོད་ཅིང་། དབུ་འབྱེད་མཛད་སྒོའིི་ཐོག་ཤར་པ་ཆོས་རྗེ་རྗེ་བཙུན་ངག་དབང་འབྱོར་ལྡན་མཆོག་དང་། དགའ་ལྡན་ཤར་རྩེ་མཁན་རིན་པོ་ཆེ་བྱང་ཆུབ་སངས་རྒྱས་མཆོག དགའ་ལྡན་ཕོ་བྲང་གི་དྲུང་ཆེ་བློ་བཟང་སྦྱིན་པ་མཆོག་བཅས་ཀྱི་དབུས། མཐོ་སློབ་དང་དགོན་སྡེ་ཁག་སུམ་ཅུ་ལྷག་གི་འཐུས་མི་ ༨༠ ལྷག་གིས་མཉམ་ཞུགས་གནང་འདུག  ཚོགས་ཆེན་དེ་དང་འབྲེལ་ནས་བོད་ཀྱི་མཐོ་རིམ་སློབ་མའི་ཚོགས་ཆེན་སྐབས་བཅོ་བརྒྱད་པའི་ཚོགས་གཙོ་བློ་བཟང་རབ་བརྟན་ལགས་ཀྱིས། འདི་ལོའི་བོད་ཀྱི་མཐོ་རིམ་སློབ་མའི་ཚོགས་ཆེན་ཐོག་མཐོ་རིམ་སློབ་གྲྭ་མི་འདྲ་བ་ཁག་སུམ་ཅུ་ལྷག་གི་འཐུས་མི་ཚོགས་བཅར་བ་དང་གཏམ་བཤད་པ་བཅས་ ༨༠ ཙམ་ཡོད། ད་ལོ་གཙོ་བོ་སྐུའི་གོ་སྟོན་དང་འབྲེལ་ནས་བྱམས་བརྩེའི་ལོ་སྲུང་གཙི་བྱེད་ཀྱི་ཡོད་དུས། འདི་ལོའི་བགྲོ་གླེང་གི་བརྗོད་གཞི་གཙོ་བོ་དེ་༧རྒྱལ་བའི་བཀའ་དྲིན་རྗེས་དྲན་མཚོན་སླད། ༧གོང་ས་རྒྱལ་བ་རིན་པོ་ཆེ་མཆོག་གི་གསུང་རྩོམ་གྱི་བརྗོད་གཞི་དྲུག་གཏན་འབེབ་བྱས་ཏེ། ཉིན་གྲངས་གཉིས་ཀྱི་རིང་ལ་བགྲོ་གླེང་དང་། དེ་ནས་བོད་ཀྱི་རིག་གཞུང་དང་། སྐད་ཡིག ཆོས། ཚན་རིག་ལ་སོགས་པའི་བརྗོད་གཞི་ཁག་མང་དག་ཅིག་གི་ཐོག་ལ་གོ་བསྡུར་བྱ་རྒྱུའི་འཆར་གཞི་དེ་འདྲ་ཞིག་ཡོད། དེ་བཞིན་ད་ལན་གྱི་བོད་ཀྱི་མཐོ་རིམ་སློབ་མའི་ཚོགས་ཆེན་ཐོག ཨ་རི་དང་། སུད་སི། འཇར་མན། ཧྥ་རན་སི། ཨོ་གླིང་སོགས་ནས་བོད་ཀྱི་མཐོ་རིམ་སློབ་མ་ཁག་ཅིག་གིས་དྲ་ཐོག་ནས་མཉམ་ཞུགས་གནང་གི་ཡོད། དེ་བཞིན་འདི་ལོར་དམིགས་བསལ་བྱམས་བརྩེ་ལོ་སྲུང་གཙི་དང་འབྲེལ་ནས་ལ་དྭགས་དང་། མོན་སོགས་ཧི་མ་ཡའི་རི་རྒྱུད་ཀྱི་སློབ་མ་ཁག་ཅིག་ལའང་ཟུར་ཉན་གྱི་གོ་སྐབས་ཕུལ་ཡོད། ཅེས་བརྗོད་བྱུང་།  ད་ལན་ཚོགས་ཆེན་ཐོག་གདན་ཞུའི་གཏམ་བཤད་པ་ཤར་རྩེའི་མཁན་པོ་བྱང་ཆུང་སངས་རྒྱས་མཆོག་དང་། བློ་གསལ་གླིང་གི་ཚན་རིག་དགེ་རྒན་དོན་གྲུབ་དབང་མོ་ལགས། འབུམ་རམས་པ་སྦྲ་རིག་ཐོགས་མེད་ལགས། ཨ་རིའི་ཨེ་མོ་རིའི་གཙུག་ལག་སློབ་ཁང་གི་ལོ་ཙཱ་བ་བརྩོན་འགྲུས་ལགས། ཉམས་ཞིབ་པ་འབྲུག་ཐར་རྒྱལ་ལགས། བྱང་རྩེ་དགེ་བཤེས་བློ་གྲོས་བཟང་པོ། དགའ་ལྡན་ཤར་རྩེའི་སྤྲུལ་སྐུ་བློ་བཟང་མཁྱེབ་རབ་ལགས་སོགས་ཀྱིས། སྙིང་རྗེའི་འགྲེལ་བཤད་དང་དགེ་མཚན། སྙིང་རྗེའི་སྒོ་ཁྲིད། སྐད་ཡིག་དང་བསམ་བློ། ཞིབ་འཇུག་གི་གལ་གནད་དང་ཞིབ་འཇུག་གི་བསམ་བློ་བསྐྱེད་བསྲིང་བྱེད་ཕྱོགས། དགོན་སྡེ་ཁག་ཏུ་ཚན་རིག་གི་ཤེས་ཡོན་གྱི་གལ་གནད་དང་གཞོན་སྐྱེས་ཚོའི་དེའི་སྟོང་ཆ་སྐོང་ཐབས། རྒྱལ་སྤྱིའི་བོད་ཀྱི་ཆབ་སྲིད་སོགས་ཀྱི་སྐོར་ལ་གཏན་བཤད་གནང་གི་ཡོད་འདུག  དེ་བཞིན་འདི་ལོ་སྐུའི་གོ་སྟོན་དང་བྱམས་བརྩེའི་ལོ་སྲུང་གཙི་དང་འབྲེལ་ནས་བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་བཅོ་བརྒྱད་པའི་སྟེང་། ༧གོང་ས་རྒྱལ་བ་རིན་པོ་ཆེ་མཆོག་གི་དགོངས་གཞི་རྟོགས་ཐབས་དང་། གསུང་རྩོམ་གྲགས་ཅན་དྲུག་གི་སྙིང་དོན་སྐོར་དང་། བོད་དང་བོད་མིའི་མགྲིན་ཚབ་ཁྲོད་ཀྱི་བོད་རང་བཙན་གཙང་མའི་རྒྱལ་ཁབ་ཅིག་ཡིན་པ་དང་བོད་རྒྱའི་དཀའ་རྙོག་སེལ་ཐབས་སྐོར་དང་། ཕྱི་ཡུལ་གྱི་རང་དབང་ཁྲོད་ཀྱི་༧གོང་ས་རྒྱལ་བ་རིན་པོ་ཆེ་མཆོག་གི་རླབས་ཆེན་གྱི་མཛད་རྗེས་ཀྱི་སྐོར། ཕྱི་རོལ་གྱི་འཇིག་རྟེན་ལས་འགོངས་པའི་ནང་སེམས་ཀྱི་བདེ་སྐྱིད་སྐོར། ཆོས་ཕྱོགས་ལ་མ་བརྟེན་པའི་བཟང་སྤྱོད་ཀྱི་རྩ་བའི་ངོས་འཛིན་སོགས་ཀྱི་ཐད་ལ་གཏམ་བཤད་དང་གོ་བསྡུར་གནང་གི་ཡོད་འདུག  གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། པདྨ་མཚོ། The post བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་བཅོ་བརྒྱད་པ་དེ་འཚོག་གི་འདུག  appeared first on བོད་ཀྱི་དུས་བབ།.

རྩོམ་ཁུངས། བོད་ཀྱི་དུས་བབ། རྩོམ་པ་པོ། བསྟན་འཛིན་རབ་དགའ།  ༡༽      སྔོན་འགྲོའི་འོས་གྲངས་ཀྱི་ཉེན་ཁ།   ཨ་རིའི་དོན་གཅོད་དང་སྲིད་སྐྱོང་བློ་བཟང་སེང་གེའི་སློབ་སྟོན་པ་གནང་མྱོང་བ་ 2026 སྲིད་སྐྱོང་འོས་མི་དབུ་དཀར་ཚང་སྐལ་རྡོར་ལགས་ནི། ད་ལྟའི་ལས་ཐོག་སྲིད་སྐྱོང་ཕུད་པའི་འོས་མི་གཞན་རྣམས་ལས་གཞུང་གི་ལས་ཀར་ཉམས་མྱོང་གང་འཚམ་ཡོད་མཁན་ཞིག་ཡིན། ༢༠༢༡ ལོར་སྲིད་སྐྱོང་གི་དངོས་གཞིའི་འོས་མིའི་ནང་སླེབས་མྱོང་ཡོད། ད་ཡོད་སྲིད་སྐྱོང་འོས་མིའི་ཁྲོད་ནས་གླེང་སློང་ཨང་རིམ་གཉིས་པ་དེ་ཡང་ཆགས་འདུག འོས་གཞིའི་སྒྲིག་གཞིར། “སྔོན་འགྲོའི་འོས་བསྡུའི་སྐབས་འོས་མི་གཅིག་ལ་འོས་ཤོག་ཁྱོན་འབོར་བརྒྱ་ཆ་ ༦༠ ཡན་ཐོབ་ཚེ་དངོས་གཞིའི་ལས་རིམ་འགྲོ་མི་དགོས་པར་སྲིད་སྐྱོང་ལ་འདེམས་ཐོན་བྱུང་བར་ངོས་འཛིན་གསལ་བསྒྲགས་བྱ་རྒྱུ”་ཞེས་སྔོན་འགྲོ་ནས་ཐག་ཆོད་འགྲོ་བའི་བརྒྱ་ཆ་ཞིག་གཏན་འབེབས་གནང་ཡོད། འདིས་སྔོན་འགྲོའི་སྐབས་ལ་ཕམ་ཉེས་སུ་འགྲོ་བའི་ཉེན་ཁ་དང་རྒྱལ་ཁ་གཉིས་ཀ་མཉམ་དུ་གནས་ཡོད་པ་གསལ་བཤད་བྱེད་ཀྱི་ཡོད། སྲིད་སྐྱོང་འོས་མི་སུ་ཞིག་གིས་རང་ཉིད་སྔོན་འགྲོའི་སྐབས་ལ་ཕམ་ཉེས་མི་འགྲོ་བ་བྱ་དགོས་ན། འདས་པའི་དུས་ཡུན་ནང་གི་རང་ཉིད་ངོ་སྤྲོད་དང་། མ་འོངས་པའི་རང་ཉིད་གསལ་པོ་ཞིག་བཟོ་ཐུབ་དགོས། དེ་ཡང་མ་འོངས་པའི་རང་ཉིད་ནི་འཆར་སྣང་ཞིག་ཡིན་པ་རེད། ཚོས་གཞི་གང་འདྲ་ཞིག་བྱ་བསམ་ནའང་རང་དབང་ཡིན་མོད། འདས་པའི་དུས་ཀྱི་རང་ཉིད་ནི་ཚོས་གཞི་ཅི་ཞིག་ཡིན་པ་དེ་ལས་གཞན་ཞིག་ཏུ་འགྱུར་བ་གཏོང་ས་མེད། བརྒྱ་ཆ་ལ་བསྐོར་ནས་རྩིས་བརྒྱབ་པ་ཡིན་ན། འོས་ཤོག་འཕེན་མཁན་མང་ཆེ་བས་འདས་པའི་དུས་ཀྱི་མི་དེ་དང་དེས་བསྒྲུབས་པའི་ལས་དོན་གྲུབ་འབྲས་ལ་ལྟོས་ནས་སུ་ལ་འོས་ཤོག་འཕེན་པའི་ཐག་གཅོད་ཀྱི་ཡོད། དེ་དང་ཕྱོགས་མཚུངས་མ་འོངས་པའི་ལས་འཆར་གྱིས་འོས་འཕེན་པ་བསླུ་བྲིད་བྱེད་ཐུབ་ལ་ཤུགས་རྐྱེན་ངེས་ཅན་ཞིག་ཐེབས་ཀྱི་ཡོད།  ༢༽      ཕན་ཚུན་མཚུངས་བསྡུར་གྱི་ཉེན་ཁ། ཉེན་ཁ་ཆེ་ཤོས་ནི་མཚུངས་བསྡུར་བྱེད་པ་དེ་རེད། རྒྱལ་ཕམ་གྱི་མཐའ་མའི་ཐག་གཅོད་དེ་མཚུངས་བསྡུར་གྱིས་ཐག་བཅད་འགྲོ་གི་ཡོད། དཔེར་ན། དོན་ཟུར་སྤེན་ཚེ་དང་དོན་ཟུར་སྐལ་རྡོར་བསྡུར་བ། སྲིད་སྐྱོང་སྤེན་ཚེ་དང་སྲིད་སྐྱོང་སྔོན་མའི་སློབ་སྟོན་པ་སྐལ་རྡོར་བསྡུར་བ། དེ་གཉིས་ཀྱི་ལས་དོན་གྲུབ་འབྲས་བསྡུར་བ་བཅས་ནི་ད་ལྟའི་གླེང་སློང་ཚ་ཤོས་དེ་རེད་ལ། ཉེན་ཁ་ཆེ་ཤོས་དེ་ཡང་རེད། ༢༠༢༦ སྲིད་སྐྱོང་འོས་མི་སྤེན་པ་ཚེ་རིང་ནི་ལས་ཐོག་སྲིད་སྐྱོང་ཡིན་པ་དང་།...

རྗེ་བླ་མ་ཙོང་ཁ་པ་ཆེན་པོའི་གདན་ས་དགའ་ལྡན་རྣམ་པར་རྒྱལ་བའི་གླིང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་དང་། བཀའ་དྲིན་རྗེས་དྲན་གྱི་གཟེངས་རྟགས་འབུལ་བཞེས་མཛད་སོང་།  དེ་ཡང་དེ་རིང་ཕྱི་ཟླ་ ༡ ཚེས་ ༢༡ རེས་གཟའ་ལྷག་པ་༸རྒྱལ་བའི་སྐུའི་བླ་གཟའ་དང་བསྟུན། སྔ་དྲོ་ཕྱག་ཚོད་ ༨ པ་ཡོལ་ཙམ་ལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་གི་བླ་སྤྱི་ཚོམས་ཆེན་དུ་བརྟན་བཞུགས་ཀྱི་རྡོ་རྗེ་སློབ་དཔོན་དགའ་ལྡན་ཁྲི་ཆེན་རིན་པོ་ཆེ་མཆོག་གིས་དབུས་པའི་དགའ་ལྡན་ཤར་རྩེ་དང་བྱ་རྩེ་མཁན་རིན་པོ་ཆེ་རྣམ་གཉིས། མོན་གྷོ་འདོད་རྒུ་གླིང་གི་ས་གནས་འགོ་འཛིན་བཅས་ནས་སྤེས་སྣེ་སྤྱན་རྒྱ་སྤོས་འཛིན་དང་བཅས་གདན་འདྲེན་ཞུས་སོང་བ་དང་། མགོན་པོ་༸གང་ཉིད་མཆོག་བཞུགས་ཁྲིར་ཞབས་སོར་བདེ་བར་འཁོད་རྗེས། དགའ་ལྡན་བླ་སྤྱི་དང་། དགའ་ལྡན་ཤར་རྩེ་གྲྭ་ཚང་། དགའ་ལྡན་བྱང་རྩེ་གྲྭ་ཚང་། མོན་གྷོ་འདོད་རྒུ་གླིང་སེར་སྐྱ་མི་མང་ཐུན་མོང་ནས་རྗེ་ཚེ་འཛིན་མའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུས་སོང་། བརྟན་བཞུགས་ཀྱི་མཛད་སྒོའི་སྐབས། མོན་གྷོ་ས་གནས་འགོ་འཛིན་རིན་ཆེན་དབང་མོ་ནས་མོན་གྷོ་འདོད་རྒུ་གླིང་ཚོགས་སྡེ་ཁག་ཉེར་དྲུག་ནས་༸རྒྱལ་བའི་བཀའ་དྲིན་རྗེས་དྲན་དང་༸སྐུའི་གོ་སྟོན་སྲུང་བརྩིའི་ཆེད་རྒྱུ་གསེར་དངུལ་ལས་གྲུབ་པའི་གཟེངས་རྟགས་ཤིག་ཕུལ་སོང་། རྩ་བའི་དེ་རིང་བརྟན་བཞུགས་བསྟར་འབུལ་མ་ཞུས་སྔོན་དུ། སྔ་དྲོ་ཕྱག་ཚོད་ ༧།༤༥ ཐོག་མགོན་པོ་༸གང་ཉིད་མཆོག་འབྲས་སྤུངས་སྒོ་མང་ཆོས་རྭ་ནས་ཆིབས་ཐོན་གྱིས། ཐོག་མ་དགའ་ལྡན་བྱང་རྩེ་གྲྭ་ཚང་གི་འཛིན་ཁང་ཐོག་ཏུ་གསར་བཞེངས་གྲུབ་པའི་རྗེ་ཚེ་འཛིན་མ་དང་༸རྒྱལ་དབང་སྐུ་ཕྲེང་ ༡༤ པའི་སྐུ་བརྙན་རབ་གནས་བཀའ་དྲིན་མཛད་ཡོད་ཅིང་། དེའི་རྗེས་དགའ་ལྡན་གསེར་གདུང་ཁང་ལ་ཐུགས་སྨོན་རབ་གནས་མཛད་ཡོད་པ་རེད། གཞི་རྩའི་ད་རེས་བརྟན་བཞུགས་སྐབས་འབུལ་མཚན་དུ་སྐུ་གསུང་ཐུགས་རྟེན། ཚེ་བུམ། ཚེ་ཆང་། ཚེ་རིལ། བླ་གོས། སྣམ་སྦྱར། ཐང་གོས། གདིང་བ། ལྷུང་བཟེད། མཁར་གསིལ། རིགས་ལྔའི་མཚན་མ། རྒྱལ་སྲིད་སྣ་བདུན། བཀྲ་ཤིས་པའི་རྟགས་བརྒྱད་དང་།...

རྒྱ་གཞུང་གིས་ཕྱི་ལོ་ ༢༠༢༦ ནས་བཟུང་བོད་སྟོད་མངའ་རིས་ས་ཁུལ་དུ་ Satellite Dish འམ་བརྙན་འཕྲིན་དང་རླུང་འཕྲིན་གྱི་ཟུང་སྐར་འབྲེལ་མཐུད་འཁོར་སྡེར་དམ་བསྒྲགས་ཀྱི་ལས་འཆར་འགོ་བཙུགས་ཡོད་འདུག ཉེ་ཆར་མཚོ་ཆེན་རྫོང་འཁོར་སྡེར་ལས་ཁུངས་ཀྱིས་ལག་བསྟར་བྱས་པ་ལྟར་ན། མངའ་རིས་མཚོ་ཆེན་ས་ཁུལ་གྱི་གྲོང་བརྡལ་གསུམ་ནང་དུ་གོང་ཞུས་ལས་འཆར་དེ་ལག་བསྟར་བྱས་ཟིན་ཡོད་པ་དང་རྫོང་གཞན་ཚོའི་ནང་དུ་ལག་བསྟར་བྱེད་མུས་རེད་འདུག འདི་ག་རླུང་འཕྲིན་ཁང་གིས་འབྲེལ་ཡོད་བརྒྱུད་ནས་གནས་ཚུལ་ཤེས་རྟོགས་བྱུང་བ་ལྟར་ན། མཚོ་ཆེན་རྫོང་མངའ་ཁུལ་གྱི་གྲོང་སྡེ་ ༡༧ ནང་དུ་གཞུང་གི་འཁོར་སྡེར་བགོས་འགྲེམས་ཀྱིས་ལས་གཞི་ལག་བསྟར་བྱས་ཟིན་ཡོད་པ་དང་། ཁྱོན་བསྡོམས་འཁོར་སྡེར་ ༣༥༠༠ ལྷག་ཞིང་འབྲོག་མི་དམངས་ཀྱི་ཁྱིམ་ཚང་ནང་དུ་བེད་སྤྱོད་བྱེད་འགོ་བཙུགས་ཟིན་འདུག མ་ཟད་རྒྱ་གཞུང་ངོས་ནས་ཁྱིམ་ཚང་རེ་རེར་སྒེར་གྱི་འཁོར་སྡེར་བེད་སྤྱོད་བྱ་མི་ཆོག་པའི་བཀའ་བཏང་བ་དང་། གཞུང་ངོས་ནས་ལག་བསྟར་བྱས་པའི་འཁོར་སྡེར་བརྒྱུད་ནས་རྒྱ་གཞུང་གི་དྲིལ་བསྒྲགས་ཁོ་ན་ལས་ཕྱི་རྒྱལ་བརྒྱུད་ལམ་ཁག་གཅིག་ཀྱང་ལྟ་མི་ཐུབ་པ་བཟོས་ཡོད་པའི་གནས་ཚུལ་འབྲེལ་ཡོད་ནས་གསལ་བཤད་བྱས་སོང་། རྩ་བའི་རྒྱ་ནག་གཞུང་གིས་དེ་སྔ་ལྷ་ས་སོགས་བོད་ས་ཁྱོན་ཡོངས་སུ་གཞུང་འབྲེལ་མ་ཡིན་པའི་ཟུང་སྐར་བརྙན་འཕྲིན་གྱི་འཁོར་སྡེ་ Satellite Dish སྤྱོད་རྒྱུར་ནན་ཏན་གྱིས་བཀག་འགོག་བྱས་ཡོད་པ་དང་། དེ་ནི་གཙོ་བོ་ཆབ་སྲིད་དང་བསམ་བློའི་ཚོད་འཛིན་གྱི་ཆེད་དུ་ཡིན་ལ། ལྷག་པར་ཕྱི་རྒྱལ་གྱི་གསར་འགྱུར་དང་གནས་ཚུལ་རང་དབང་ཅན་རྣམས་བོད་མི་ཚོར་ཐོན་རྒྱུ་སྔོན་འགོག་བྱ་ཆེད་དགོན་སྡེ་སོགས་ཀྱི་ནང་དང་། བོད་མི་གནས་སྡོད་བྱེད་སའི་ས་ཁུལ་དུ་རླུང་འཕྲིན་སྒྲ་ལན་འཕྲུལ་ཆས་གཞུང་བཞེས་བཏང་སྟེ་། ས་གནས་ཀྱི་རླུང་འཕྲིན་ཆེད་འཛུགས་ཀྱིས་བཙན་ཤེད་ཀྱིས་བལྟ་རུ་འཇུག་པ་སོགས་ཀྱི་དམ་བསྒྲགས་ཤུགས་ཆེ་བྱས་ཡོད་འདུག ལྷག་པར་ཕྱི་ལོ་ ༢༠༢༣ ལོར་རྒྱ་ནག་གི་དབང་འཛིན་པ་ཚོས་བོད་ཀྱི་རྒྱལ་ས་ལྷ་སའི་ནང་ཡོད་པའི་ཁང་པ་ཁག་ལ་འཚོལ་ཞིབ་བྱས་ཏེ། བོད་མི་ཚོས་འཁོར་སྡེར་བརྒྱུད་ནས་ཕྱི་རྒྱལ་གྱི་རླུང་འཕྲིན་དང་བརྙན་འཕྲིན་ལེ་ཚན་ལ་ལྟ་ཉན་བྱེད་ཀྱི་ཡོད་མེད་ཤེས་རྟོགས་བྱེད་རྒྱུ་འགོ་བཙུགས་ཡོད་པ་གྲོང་ཁྱེར་གྱི་ཉེན་རྟོག་པ་དང་། གནས་ཚུལ་ཤེས་མཁན་བོད་མི་གཉིས་ཀྱི་བརྗོད་ཡོད་པ་མ་ཟད། སྐབས་དེར་བོད་རང་སྐྱོང་ལྗོངས་ཟེར་བའི་ཁུལ་གྱི་རྒྱང་བསྲིང་ལས་ཁང་དང་ལྷ་ས་ཁུལ་གྱི་ལས་ཁང་ཚུད་ཉེན་རྟོག་པས་ལོ་དེའི་ཕྱི་ཟླ་ ༦ ཚེས་ ༨ དང་ ༩ ཉིན་ཁྱིམ་ཚང་རེ་རེ་བཞིན་ཁྲིམས་འགལ་གྱི་བརྙན་འཕྲིན་བརྒྱུད་གཏོང་ཡོད་མེད་ཞིབ་བཤེར་བྱས་ཡོད་འདུག །ད་བར་དབང་འཛིན་པས་འཁོར་སྡེར་ ༥༠...

ཁ་སང་ཨིན་ཡུལ་གཞུང་གིས་ཡུལ་དེའི་མང་ཚོགས་དང་གྲོས་ཚོགས་འཐུས་མི་མང་དག་ཅིག་གི་ངོ་རྒོལ་ལ་ལྟོས་མེད་རྒྱལ་ས་ London ལོན་ཌོན་ནང་ཡོ་རོབ་ནང་གི་རྒྱ་ནག་གི་གཞུང་ཚབ་ཁང་ཆེ་ཤོས་དེ་གསར་རྒྱག་བྱ་རྒྱུའི་ལས་འཆར་ལ་བཀའ་ཁྲོལ་གནང་བ་ལྟར། དེར་ས་གནས་བོད་མིས་གཙོས་པའི་མང་ཚོགས་ནས་ངོ་རྒོལ་ཀྱི་རྣམ་པ་ཤུགས་ཆེ་སྟོན་བཞིན་འདུག དེ་ཡང་ཨིན་ཡུལ་གྱི་སྲིད་བློན་ Keir Starmer མཆོག་རིང་མིན་རྒྱ་ནག་ཏུ་གཞུང་དོན་འཚམས་གཟིགས་ལ་ཕེབས་འཆར་དང་བསྟུན། ཁ་སང་ཨིན་ཡུལ་གཞུང་གིས་ ༢༠༡༨ ནས་བཀག་འགོག་བྱས་པའི་རྒྱ་ནག་གཞུང་ཚབ་ཁང་གསར་རྒྱག་གི་ལས་འཆར་ལ་མཐའ་མའི་ཆོག་མཆན་གནང་མ་ཐག གཞུང་ཚབ་ཁང་རྒྱག་ཡུལ་ Royal Mint Court  གྱི་ས་གནས་མང་ཚོགས་ནས་གནད་དོན་དེ་ཁྲིམས་ལ་གཏུགས་རྗེས་ཨིན་ཡུལ་གཞུང་གི་ཁྲིམས་ཀྱི་སློབ་སྟོན་པ་ཟུར་པ་ Charles Banner ཅཱལ་སི་བེ་ནཱར་ལགས་གླ་གཡར་བྱ་རྒྱུའི་གྲ་སྒྲིག་གནང་བཞིན་པ་དང་། དེར་ཨིན་ཡུལ་གཞུང་འཛིན་ངལ་སྩོལ་ཚོགས་པའི་གྲོས་ཚོགས་འཐུས་མི་ཁག་གཅིག་གིས་ཀྱང་རྒྱབ་སྐྱོར་ཞུ་རྒྱུ་ཁས་ལེན་གནང་བ་མ་ཟད། ཨིན་ཡུལ་བོད་དོན་རྒྱབ་སྐྱོར་བས་གཙོས་པའི་ཡུ་གུར་བ་དང་། ཧོང་ཀོང་མང་གཙོ་དོན་གཉེར་བ་སོགས་ཀྱིས་ཆོག་མཆན་དེར་ཐ་གཅིག་ཏུ་ངོ་རྒོལ་གནང་བཞིན་འདུག དེའི་ཁྲོད་ཨིན་ཡུལ་རྒྱལ་ས་ལོན་ཌོན་གྱི་ས་གནས་བོད་རང་བཙན་སློབ་ཕྲུག་ཚོགས་པའི་ཚོགས་མི་མཁའ་འགྲོ་ནོར་བུ་ལགས་ཀྱིས་ X སྤྱི་ཚོགས་དྲ་རྒྱའི་ནང་། རྒྱ་ནག་གིས་བོད་བཙན་བཟུང་བྱས་པའི་རྗེས་སུ་ཁོང་གི་ཕ་མ་གཉིས་ཨིན་ཡུལ་དུ་སྐྱབས་བཅོལ་ཞུས་ཡོད་པ་འགྲེལ་བརྗོད་དང་འབྲེལ། དེ་རིང་ཨིན་གཞུང་གིས་རྒྱ་ནག་གཞུང་ཚབ་གསར་རྒྱག་གི་ལས་འཆར་ལ་བཀའ་ཁྲོལ་སྤྲད་པ་དེས་རྒྱ་ནག་གཞུང་གིས་ད་བར་ཁྲིམས་འགལ་གྱི་བྱ་སྤྱོད་སྤེལ་བ་དེ་དག་ལ་རྒྱབ་སྐྱོར་བྱས་པ་ལྟ་བུར་གྱུར་ཡོད་ཅིང་། ང་ལྟ་བུ་མང་གཙོ་དོན་གཉེར་བ་སོགས་ཀྱི་བདེ་འཇགས་ལའང་ཉེན་ཁ་བཟོས་ཡོད་པ་རེད་ཅེས་བརྗོད་འདུག ཕྱོགས་མཚུངས་ཨིན་ཡུལ་བོད་ཀྱི་སྐུ་ཚབ་དོན་གཅོད་ལས་ཁུངས་ཀྱི་དྲུང་ཆེ་བསྟན་འཛིན་ཀུན་དགའ་ལགས་ཀྱིས་འདི་ག་གསར་འགོད་པར་ལོ་ཤས་ནས་བཟུང་ཨིན་ཡུལ་གྱི་རྒྱལ་ས་ལོན་ཌོན་དུ་རྒྱ་ནག་གཞུང་ཚབ་གསར་རྒྱག་གི་ལས་འཆར་དང་འབྲེལ་བའི་གླེང་སློང་ཆེན་པོ་བྱུང་ཡོད་ཀྱང་། ཁ་སང་ཨིན་གཞུང་གིས་གཞི་རྒྱ་ཆེ་བའི་རྒྱ་ནག་གཞུང་ཚབ་གསར་རྒྱག་གི་ལས་འཆར་ལ་ཆོག་མཆན་སྤྲད་པར་ཨིན་ཡུལ་བོད་ཀྱི་སྐུ་ཚབ་དོན་ཁང་ནས་བློ་ཕམ་ཆེན་པོ་བྱུང་ཡོད་པ་མ་ཟད། རྒྱ་ནག་གཞུང་ཚབ་ཁང་གི་བརྒྱུད་རྒྱལ་མཚམས་ལས་བརྒལ་བའི་གཉའ་གནོན་དང་བོད་རིགས་གཙོས་པའི་ཡུ་གུར་བ་དང་། ཧོང་ཀོང་མང་གཙོ་དོན་གཉེར་བ་སོགས་ལ་སོ་ལྟ་དང་བདེ་འཇགས་ཀྱི་ཉེན་ཁ་ཆེ་རུ་འགྲོ་ཉེན་ཡོད་པ་གསུངས་སོང་། དེ་བཞིན་ཨིན་ཡུལ་གྱི་གྲོས་ཚོགས་འཐུས་མི་དང་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ Chris Law ཁི་རིས་ལོ་ལགས་ཀྱིས་ Politicshome དྲ་ཚིགས་ཐོག་དཔྱད་གཏམ་ཞིག་འདོན་སྤེལ་གནང་བའི་ནང་། ཨིན་ཡུལ་གཞུང་གི་ཐག་གཅོད་དེས་གཞུང་གི་འཐུས་ཤོར་ཙམ་མ་ཡིན་པར།...