༄༅། །ཕྱི་ལོ་ ༢༠༢༦ ཟླ་ ༡ ཚེས་ ༡༦ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དཔལ་ལྡན་འབྲས་སྤུངས་སྒོ་མང་གྲྭ་ཚང་གི་ཆོས་གྲྭའི་ནང་ལྡི་ལི་བོད་ཁང་གི་ལམ་རིམ་ལྷག་མཐོང་ཆེན་མོའི་ཟབ་སྦྱོང་འཛིན་གྲྭ་ལ་ཕེབས་པའི་རྒྱལ་ཁབ་ ༢༦ གི་སློབ་གཉེར་བ་ ༢༣༧ གྱིས་གཙོས་དད་ལྡན་བཞི་བརྒྱ་ལྷག་ལ་མཇལ་ཁ་སྩལ་ཡོད་པ་རེད།དེ་ཡང་སྔ་དྲོ་ཆུ་ཚོད་དགུ་པ་ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བྱེས་ཀྱི་ཆོས་སྡེ་ཆེན་པོ་དཔལ་ལྡན་འབྲས་དཀར་སྤུངས་པའི་སྒོ་མང་གྲྭ་ཚང་གི་ཆོས་གྲྭའི་ནང་དུ་སྒོ་མང་གྲྭ་ཚང་གི་དཔེ་ཁྲིད་དགེ་རྒན་རྣམ་པ་དང་། སོག་རིགས། ལ་དྭགས་པ། བོད་རིགས་སོགས་བརྒྱ་ཕྲག་བརྒལ་བར་མཇལ་ཁ་སྩལ་རྗེས། དགེ་བཤེས་རྡོ་རྗེ་དགྲ་འདུལ་ལགས་ཀྱིས་སྣེ་ཁྲིད་གནང་བའི་ལྡི་ལི་བོད་ཁང་གི་ལམ་རིམ་ལྷག་མཐོང་ཆེན་མོའི་ཟབ་སྦྱོང་འཛིན་གྲྭ་ལ་ཕེབས་པའི་སློབ་གཉེར་བ་རྣམས་ལ་མཇལ་ཁ་དང་། སྐུ་པར་ལྷན་སྒྲོན་མཛད་རྗེས་བཀའ་སློབ་སྩལ་དོན། བོད་གངས་ཅན་གྱི་ལྗོངས་ལ་སངས་རྒྱས་ཀྱི་བསྟན་པ་འདི་ཧ་ཅང་དར་ཁྱབ་ཆེན་པོ་རེད། ངོས་རང་ཡང་གངས་ལྗོངས་མདོ་སྨད་ཁོངས་ནས་སྐྱེས་པའི་མི་ཞིག་ཆགས་ཡོད། ཆུང་ཆུང་སྐབས་ནས་ལྷ་སའི་ཇོ་བོ་མཇལ་རྒྱུ་དང་། སེམས་གཏིང་ནས་སངས་རྒྱས་ལ་དད་པ་རྩེ་གཅིག་ཏུ་ཡོད། ངོས་ཀྱིས་དཔེ་ཆར་བལྟས་ཏེ་སློབ་སྦྱོང་བྱེད་པའི་སྐབས་སུ་ཚད་མ་རྣམ་འགྲེལ་ལ་དགའ་རབ་བལྟས་ཏེ་དགག་གཞག་སྤང་གསུམ་ལ་དོ་སྣང་ཆེན་པོ་བྱས་པ་ཡིན།དེང་སང་འཛམ་གླིང་འདིར་ཆོས་ལུགས་འདྲ་མིན་སྣ་ཚོགས་དང་། ཆོས་ལུགས་མེད་མཁན། ཆོས་ལུགས་ལ་སྐྱོན་བརྗོད་བྱེད་མཁན་སོགས་ཡོད་པའི་ནང་བོད་ཀྱི་ཚད་མ་རྣམ་འགྲེལ་ལས་བརྟག་དཔྱད་བྱ་ཐབས་གསུང་པ་འདི་ནི་ཧ་ཅང་ཕན་ཐོགས་ཆེན་པོ་རེད། ནང་ཆོས་ཀྱི་གཞུང་དུ་ལམ་སེང་རྨོངས་དད་མ་ཡིན་པར་བརྟག་དཔྱད་བྱས་ཏེ་འགྲོ་རྒྱུ་ཞིག་གསུངས་ཡོད། དེ་ཧ་ཅང་གལ་ཆེན་པོ་རེད། ཚད་མའི་གཞུང་ནས་གསུངས་པ་རྣམས་ལ་བསམ་བློ་གཏོང་རྒྱུ་ནི་ཧ་ཅང་ཕན་ཐོགས་ཆེན་པོ་ཡོད་པ་ཞིག་རེད། ཚད་མའི་གཞུང་ནས་རང་ལུགས་གཞག་པ་དང་། གཞན་ལུགས་དགག་པ་ཞིབ་ཚགས་པོར་གསུངས་ཡོད་པ་དེས་སེམས་ལ་ངེས་པ་རྙེད་པ་ཞིག་འདུག ཡིན་ལུགས་མིན་ལུགས་གོ་བསྡུར་བྱས་ཏེ་གཏན་ལ་ཕབ་ཏེ། མདོ་དོན་སྙིང་པོ་སེམས་ཞི་བདེ་བཟོ་བཞིན་ཡོད།ངོས་རང་པེ་ཅིང་དུ་ཡོད་པའི་སྐབས་སུ་མའོ་ཙེ་ཏུང་ལ་ཐུག་ནས་ཧ་ཅང་དགའ་བོ་བྱེད་ཀྱི་འདུག ངོས་ཀྱིས་སེམས་ཞི་ལྷོད་གནས་རྒྱུ་གལ་ཆེན་པོར་མཐོང་ནས་མའོ་ཙེ་ཏུང་ལ་སེམས་ཞི་ལྷོད་བྱེད་པའི་རྣམ་འགྱུར་བསྟན་པ་ཡིན། ཁོས་ཧ་ཅང་དགའ་བོ་བྱེད་ཀྱི་འདུག རྗེས་ལ་མའོ་ཙེ་ཏུང་གིས་ཆོས་ཟེར་བ་ནི་དུག་རེད་ཅེས་ཟེར་ཡང་ངོས་ཀྱིས་གང་ཡང་བརྗོད་མེད། གང་ལྟར་སེམས་ལ་གུང་ཁྲན་ལུགས་ཞེས་ཤུགས་ཆེན་པོ་བཤད་སྡོད་པ་དེ་དུག་རེད་དྲན་སོང་།རིགས་པས་དཔྱད་དེ་འགྲོ་དགོས་པའི་ནང་པ་སངས་རྒྱས་པའི་གཞུང་ནི་ཧ་ཅང་རྩ་ཆེན་པོ་རེད། ངོས་རང་ལ་མཚོན་ན་ཆོས་རབ་ཏུ་རྣམ་འབྱེད་ཀྱི་དཔྱད་པ་ཧ་ཅང་ཤུགས་ཆེན་པོ་བྱེད་དུས་ཚན་རིག་པ་དང་མཉམ་དུའང་འབྲེལ་བ་ཡག་པོ་ཡོང་གི་འདུག ངོས་རང་རྒྱ་གར་དུ་སླེབས་ནས་དུས་དང་དུས་སུ་ས་གནས་ཁག་མང་པོར་སླེབས་ཡོད། ནང་ཆོས་ལྟ་གྲུབ་ཀྱི་སྐོར་བཤད་སྐབས་དོ་སྣང་བྱེད་མཁན་མང་པོ་འདུག གལ་ཆེ་ཤོས་ནི་སེམས་ཀྱི་ཞི་བདེ་རེད།...

༧གོང་ས་རྒྱལ་བ་རིན་པོ་ཆེ་མཆོག་ནས་དེང་གི་འཛམ་གླིང་གི་ཆོས་ལུགས་འདྲ་མིན་གྱི་ཁྲོད་བོད་ཀྱི་ཚད་མ་རྣམ་འགྲེལ་གྱི་གཞུང་ལུགས་དེ་ཕན་ཐོགས་པོ་ཞེ་དྲགས་འདུག་ཅེས་གསུངས་འདུག དེ་རིང་ཕྱི་ཚེས་ ༡༦ ཉིན་གྱི་སྔ་དྲོར་༧གོང་ས་རྒྱལ་བ་རིན་པོ་ཆེ་མཆོག་ནས་དཔལ་ལྡན་འབྲས་སྤུངས་སྒོ་མང་གྲྭ་ཚང་གི་ཆོས་རྭའི་ནང་། ལྡི་ལི་བོད་ཁང་གི་ལམ་རིང་ལྷག་མཐོང་ཆེན་མོའི་ཟབ་སྦྱོང་འཛིན་གྲྭར་ཕེབས་པའི་རྒྱལ་ཁབ་ ༢༦ གི་སློབ་གཉེར་བ་མི་གྲངས་༢༣༧ གཙོས་དད་ལྡན་དོན་དོན་གཉེར་ཅན་ ༤༠༠ ལྷག་ལ་མཇལ་ཁ་བསྩལ་ཡོད་པ་དང་། སྐབས་དེར་༧མགོན་པོ་གང་ཉིད་ནས་རྒྱ་གར་གྱི་ས་གནས་གང་སར་ཕེབས་སྐབས། རྒྱ་གར་བ་རྣམས་ཀྱིས་ནང་ཆོས་ཀྱི་ལྟ་གྲུབ་སྐོར་འཆད་དུས་དོ་སྣང་གནང་མཁན་ཞེ་དྲགས་མང་པོ་ཡོད་སྐོར་སོགས་གསུངས་འདུག   སྐབས་དེར་༧གོང་ས་རྒྱལ་བ་རིན་པོ་ཆེ་མཆོག་ནས། བོད་གངས་ཅན་གྱི་ལྗོངས་ལ་སངས་རྒྱས་ཀྱི་བསྟན་པ་དེ་ཞེ་དྲགས་དར་ཁྱབ་ཕྱིན་པ་རེད། ངོས་རང་གངས་ལྗོངས་མདོ་སྨད་ཁོངས་ནས་སྐྱེས་པའི་མི་ཞིག་ཆགས་ཡོད་རེད། ལྷ་སའི་ཇོ་བོ་མཇལ་རྒྱུ་བྱུང་བ་སོགས། ཆུང་དུས་ནས་སེམས་གཏིང་ནས་སངས་རྒྱས་ལ་དད་པ་རྩེ་གཅིག་ཡོད། ངོས་རང་གིས་དཔེ་ཆར་བལྟས་ནས་སློབ་སྦྱོང་བྱེད་པའི་སྐབས་སུ་ཚད་མ་རྣམ་འགྲེལ་གང་ཙམ་བལྟས་ཡོད་རེད། དགག་བཞག་སྤོང་གསུམ་ལ་ངོས་རང་ནས་དོ་སྣང་ཞེ་དྲགས་བྱས་པ་ཡིན། དེང་སང་འཛམ་གླིང་འདིའི་སྒང་ལ་ཆོས་ལུགས་མེད་པ་དང་། ཆོས་ལུགས་འདྲ་མི་འདྲ་ལ་སྐྱོན་བརྗོད་བྱེད་མཁན། དེ་བཞིན་ཆོས་ལུགས་འདྲ་མིན་ཡོད་པའི་དཀྱིལ་ལ་བོད་ཀྱི་ཚད་མ་རྣམ་འགྲེལ་གྱི་བརྟག་དཔྱད་བྱ་རྒྱུ་ཡོད་པའི་གཞུང་དེ་ཕན་ཐོགས་པོ་ཞེ་དྲགས་འདུག གང་ལྟར། ནང་ཆོས་ཀྱི་གཞུང་གི་ནང་ལོགས་ནས་ལམ་སེང་རྨོངས་དད་བྱས་པ་མིན་པར། བརྟག་དཔྱད་བྱས་ནས་འགྲོ་རྒྱུ་ཞིག་གསུངས་ཡོད་རེད། དེ་གལ་ཆེན་པོ་རེད་འདུག ངོས་རང་ནས་ཚད་མའི་གཞུང་ནས་གསུངས་པ་དང་དེ་དག་གི་གྲས་མར་བསམ་བློ་གཏོང་དུས་ཕན་ཐོགས་ཆེན་པོ་ཞེ་དྲགས་འདུག ཅེས་གསུངས་འདུག ཡང་༧གོང་ས་རྒྱལ་བ་རིན་པོ་ཆེ་མཆོག་ནས། ཚད་མའི་གཞུང་དེ་དག་ནས་རང་ལུགས་བཞག་པ་དང་གཞན་ལུགས་དགག་པ་སོགས་ཞིབ་ཚགས་པོར་གསུངས་བཞག་པ་དེ་དག་སེམས་ལ་ངེས་པ་རྙེད་ཡ་ཞིག་འདུག་གཱ། ཡིན་ལུགས་མིན་ལུགས་སོགས་གོ་བསྡུར་བྱས་ནས་གཏན་ལ་ཕབ་ནས་མདོར་དོན་སྙིང་པོ་ནི་སེམས་ཞི་བདེ་བཟོ་ཡི་ཡོད་པ་རེད། ངོས་རང་སྔོན་མ་པེ་ཅིན་ལ་ཡོད་པའི་སྐབས་ལ་མའོ་ཙི་ཏུང་ཐུག་དུས། མའོ་ཙི་ཏུང་གིས་ངོས་རང་ལ་དགའ་པོ་ཞེ་དྲགས་བྱེད་ཀྱི་ཡོད། ངོས་རང་ནས་སེམས་ཞི་ལྷོད་བཞུགས་ཡ་དེ་གལ་ཆེན་པོ་ཞིག་མཐོང་ནས། ངོས་རང་ནས་མའོ་ཙི་ཏུང་ལ་སེམས་ཞི་ལྷོད་ཀྱི་རྣམ་འགྱུར་ཞིག་བསྟན་པ་རེད། མའོ་ཙི་ཏུང་གིས་ངོས་རང་ལ་དགའ་པོ་ཞེ་དྲགས་བྱེད་ཀྱི་འདུག མཇུག་ཏུ་མའོ་ཙི་ཏུང་གིས་ཆོས་ཞེས་པ་དེ་དུག་རེད་ཅེས་ལབ་རེད། ནང་པ་སངས་རྒྱས་པའི་གཞུང་དེ་དག་རིག་པས་དཔྱད་པ་བྱས་ནས་འགྲོ་ཡ་ཡོད་པ་དེ་རྩ་ཆེན་པོ་ཞེ་དྲགས་རེད་འདུག ངོས་རང་ལ་ཆ་བཞག་ན། ཆོས་རབ་ཏུ་རྣམ་འབྱེད་ཀྱི་ཤེས་རབ་ཀྱིས་དཔྱད་པ་ཤུགས་ཆེན་པོ་བྱེད་ཡོང་དུས། ཚན་རིག་པ་མཉམ་དུའང་འབྲེལ་བ་ཡག་པོ་ཞེ་དྲགས་བྱུང་། ངོས་རང་རྒྱ་གར་ལ་སླེབས་ནས་རྒྱ་གར་གྱི་ས་གནས་དེ་འདྲར་སླེབས་བསྡད་ཀྱི་ཡོད་རེད། ནང་ཆོས་ལྟ་གྲུབ་ཀྱི་སྐོར་འཆད་དུས་དོ་སྣང་བྱེད་མཁན་ཞེ་དྲགས་འདུག གལ་ཆེ་ཤོས་དེ་སེམས་ཀྱི་ཞི་བདེ་རེད། ངོས་རང་ལ་ཆ་བཞག་ན། ཞོགས་པ་ཡར་ལངས་པ་དང་སེམས་ཅན་ཚང་མར་ཕན་ཐོགས་བྱེད་ཐུབ་པ་ཞིག་བྱུང་ན་བསམས་ན་སེམས་ཀྱི་ཞི་བདེ་སླེབས་ཡོང་གི་འདུག ཅེས་གསུངས་འདུག ད་ལྟ་དགའ་ལྡན་ཕོ་བྲང་ཡིག་ཚང་གི་དྲ་རྒྱར་གསལ་བའི་༧གོང་ས་རྒྱལ་བ་རིན་པོ་ཆེ་མཆོག་གི་མཛད་འཆར་ལྟར་ན། ཟླ་འདིའི་ཕྱི་ཚེས་ ༢༡ ཉིན་བྱེས་ཀྱི་ཆོས་སྡེ་ཆེན་པོ་དགའ་ལྡན་རྣམ་པར་རྒྱལ་བའི་གླིང་དང་མོན་གྷོ་འདོད་རྒུ་གླིང་བོད་མིའི་གཞིས་ཆགས་ཐུན་མོང་གིས་ཇི་ལྟར་གསོལ་བ་བཏབ་པ་ལྟར། དགའ་ལྡན་བླ་སྤྱིའི་ཚོགས་ཆེན་འདུ་ཁང་ཆེན་མོ་རུ་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་དང་། ཕྱི་ཟླ་ ༢ ཚེས་ ༢༣ ཉིན་བཞུགས་སྒར་དྷ་སར་རྒྱལ་སྤྱིའི་བོད་ཀྱི་ཆབ་སྲིད་བཙོན་ཟུར་ཚོགས་པ་དང་། སུད་སི་ལྷ་ས་བུའི་མཐུན་གྲོགས་ཚོགས་པ་གཉིས་ཀྱིས་སྒྲོལ་དཀར་ཡིད་བཞིན་འཁོར་ལོའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུ་རྒྱུ་ཡིན་འདུག  གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། པདྨ་མཚོ། The post ཞོགས་པ་ཡར་ལངས་པ་དང་སེམས་ཅན་ཚང་མར་ཕན་ཐོགས་བྱེད་ཐུབ་པ་ཞིག་བྱུང་ན་བསམས་ཚེ་སེམས་ཀྱི་ཞི་བདེ་སླེབས་ཡོང་གི་འདུག་ཅེས་གསུངས། appeared first on བོད་ཀྱི་དུས་བབ།.

དེ་རིང་ཕྱི་ཟླ་ ༡ ཚེས་ ༡༦ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དཔལ་ལྡན་འབྲས་སྤུངས་སྒོ་མང་གྲྭ་ཚང་གི་ཆོས་གྲྭའི་ནང་། ལྡི་ལི་བོད་ཁང་གི་ལམ་རིམ་ལྷག་མཐོང་ཆེན་མོའི་ཟབ་སྦྱོང་འཛིན་གྲྭ་ལ་ཕེབས་པའི་རྒྱལ་ཁབ་ ༢༦ གི་སློབ་གཉེར་བ་ ༢༣༧ གཙོས་པའི་དད་ལྡན་ ༤༠༠ ལྷག་ལ་མཇལ་ཁ་སྩལ་བ་དང་འབྲེལ། སྐབས་དེར་མགོན་པོ་༸གང་ཉིད་མཆོག་གིས་ཚད་མ་རྣམ་འགྲེལ་གྱི་གཞུང་ནས་བསྟན་པའི་རིག་པའི་ལམ་དེ་དག་ཕན་ཐོགས་ཆེན་པོ་ཡོད་པ་བཀའ་སྩལ་འདུག དེ་ཡང་མཇལ་ཁའི་སྐབས། ༸གོང་ས་མཆོག་གིས་བོད་གངས་ཅན་གྱི་ལྗོངས་ལ་སངས་རྒྱས་ཀྱི་བསྟན་པ་དར་ཁྱབ་ཆེན་པོ་ཡོད་པ་དང་འབྲེལ། མགོན་པོ་༸གང་ཉིད་མཆོག་སྐུ་ན་ཆུང་དུས་ལྷ་སའི་ཇོ་བོ་མཇལ་རྒྱུ་སོགས་སངས་རྒྱས་ལ་དད་པ་རྩེ་གཅིག་ཏུ་ཡོད་པ་མ་ཟད། ཕྱག་དཔེ་གཟིགས་ཏེ་སློབ་གཉེར་མཛད་པའི་སྐབས་ཚད་མ་རྣམ་འགྲེལ་གང་འཚམ་གཟིགས་ཡོད་ཅིང་། འགག་བཞག་སྤོང་གསུམ་ལ་ཐུགས་སྣང་ཆེན་པོ་མཛད་ཡོད་ཅེས་བཀའ་སྩལ་འདུག དེ་བཞིན་དེང་སང་འཛམ་གླིང་ནང་ཆོས་ལུགས་འདྲ་མིན་དང་། ཆོས་ཁས་མི་ལེན་མཁན། ཆོས་ལུགས་ལ་སྐྱོན་བརྗོད་བྱེད་མཁན་ཁྲོད། ཚད་མ་རྣམ་འགྲེལ་གྱི་གཞུང་ནས་བརྟག་དཔྱད་བྱ་རྒྱུའི་ཐབས་ལམ་བསྟན་པ་དེ་ཕན་ཐོགས་ཆེན་པོ་ཡོད་པ་གང་ལྟར་ནང་ཆོས་ཀྱི་གཞུང་ནས་རྨོངས་དད་མིན་པར་བརྟག་དཔྱད་བྱས་ནས་འགྲོ་རྒྱུའི་ལམ་སྟོན་དེ་དག་ཧ་ཅང་གལ་ཆེན་པོ་ཡིན་པ་བཀའ་སྩལ་འདུག མ་ཟད་རང་ལུགས་བཞག་པ་དང་གཞན་ལུགས་འགག་པ་ཞེས་པ་དེ་སེམས་ལ་ངེས་པ་རྙེད་རྒྱུ་ཡོད་ཅིང་། ཡིན་ལུགས་མིན་ལུགས་གོ་བསྡུར་བྱས་ནས་གཏན་ལ་ཕབ་པ་དེ་མདོར་དོན་སྙིང་པོ་སེམས་ལ་ཞི་བདེ་བཟོ་གི་ཡོད་ཅེས་བཀའ་ནན་སྩལ་འདུག ལྷག་པར་འདས་པའི་ལོ་རྒྱུས་ཐུགས་དྲན་གསོ་དང་འབྲེལ། མགོན་པོ་༸གང་ཉིད་མཆོག་ནས་སེམས་ཞི་ལྷོད་ཡོང་རྒྱུ་དེ་གལ་ཆེན་པོ་ཞིག་ལ་གཟིགས་ཏེ། མའོ་ཙེ་ཏུང་ལའང་སེམས་ཞི་ལྷོད་བྱ་རྒྱུ་རྣམ་འགྱུར་བསྟན་ནས་མའོ་ཙེ་ཏུང་དགའ་པོ་ཞེ་དྲགས་བྱས་ཀྱི་འདུག་ཅེས་བཀའ་སྩལ་འདུག སྐབས་དེར་མའོ་ཙེ་ཏུང་གི་ཆོས་དེ་དུག་རེད་ཅེས་བརྗོད་པར། མགོན་པོ་༸གང་ཉིད་མཆོག་ནས་གང་ཡང་གསུངས་མེད་ཅེས་བཀའ་སྩལ་འདུག ནང་པ་སངས་རྒྱས་པའི་གཞུང་འདི་བཞིན་རིག་པའི་ཐོག་ནས་དཔྱད་པ་བྱས་ནས་འགྲོ་རྒྱུ་ཡོད་པ་དེ་ཧ་ཅང་རྩ་ཆེན་པོ་ཡིན་པ་དང་། མགོན་པོ་༸གང་ཉིད་མཆོག་ནས་ཆོས་རབ་ཏུ་རྣམ་པ་འབྱེད་པའི་ཤེས་རབ་ཀྱི་ཐོག་ནས་དཔྱད་པ་ཤུགས་ཆེན་པོ་མཛད་དུས་ཚན་རིག་པ་དང་ལྷན་དུ་འབྲེལ་བ་ཡག་པོ་ཡོང་གི་ཡོད་པ་མ་ཟད། རྒྱ་གར་གྱི་ས་གནས་ཁག་ཏུ་ཕེབས་སྐབས་ནང་པའི་ལྟ་གྲུབ་སྐོར་གསུང་དུས་དོ་སྣང་བྱེད་མཁན་ཞེ་དྲགས་འདུག་ཅེས་བཀའ་སྩལ་འདུག ད་དུང་གལ་ཆེ་ཤོས་ནི་སེམས་ཀྱི་ཞི་བདེ་ཡིན་པ་དང་། མགོན་པ་༸གང་ཉིད་ཞོགས་པ་ཡར་བཞེངས་སྐབས་སེམས་ཅན་ཐམས་ཅད་ལ་ཕན་ཐོགས་མཛད་ཐུབ་པ་ཞིག་བྱུང་ན་སྙམ་པའི་སེམས་བསྐྱེད་དེའི་ཐོག་ནས་ཞི་བདེ་ཡོང་གི་འདུག་ཅེས་བཀའ་སྩལ་འདུག The post ཚད་མ་རྣམ་འགྲེལ་གྱི་གཞུང་ནས་བསྟན་པའི་རིག་པའི་ལམ་དེ་དག་ཕན་ཐོགས་ཆེན་པོ་ཡོད་པ་བཀའ་སྩལ། appeared first...

རྒྱལ་སྤྱིའི་པེན་རྩོམ་པ་པོ་མཐུན་ཚོགས་ཀྱིས་སྣེ་འཁྲིད་ནས་ཚོགས་སྡེ་ཁག་སུམ་ཅུ་ལྷག་གིས་ཨི་རན་གཞུང་གིས་འགྲོ་བ་མིའི་ཐོབ་ཐང་སྲུང་སྐྱོབ་དང་གང་བྱུང་འཛིན་བཟུང་བཀག་ཉར་བྱས་པ་རྣམས་ཀློད་གྲོལ་གཏང་དགོས་པའི་རེ་སྐུལ་གནང་འདུག ཁ་སང་ཕྱི་ཚེས་ ༡༥ ཉིན་རྒྱལ་སྤྱིའི་པེན་རྩོམ་པ་པོའི་མཐུན་ཚོགས་དང་ཡན་ལག་ཁག་ཅིག་གཙོས་འགྲོ་བ་མིའི་ཐོབ་ཐང་སྲུང་སྐྱོབ་ཀྱི་རྒྱལ་སྤྱིའི་ཚོགས་སྡེ་ཁག་སུམ་ཅུ་ལྷག་གིས། འདི་ལོར་ཨི་རན་ནང་ངོ་རྒོལ་དང་ཕྱོགས་འགལ་གྱི་ལྟ་བ་འཛིན་མཁན་ལ་གདུག་རྩུབ་ཆེན་པོས་དྲག་གནོན་དང་། འབྲེལ་མཐུད་ཡོངས་སུ་ཆད་ལ་ཉེ་བའི་ཛ་དྲག་གི་དུས་སྐབས་འདིར། ཨི་རན་གཞུང་གིས་འགྲོ་བ་མིའི་ཐོབ་ཐང་སྲུང་སྐྱོབ་དང་། གསར་འགོད་པ་དང་རང་དབང་གི་རྩོམ་པ་པོ་རྣམས་བཙོན་འཇུག་བྱ་རྒྱུ་མཚམས་འཇོག རྒྱལ་ཡོངས་སུ་སྨྲ་བརྗོད་དང་འདུ་འཛོམས་རང་དབང་སྤྲད་དགོས་པའི་རེ་སྐུལ་གྱི་མཉམ་འབྲེལ་བསྒྲགས་གཏམ་ཞིག་སྤེལ་འདུག བསྒྲགས་གཏམ་དེའི་ཁྲོད། ཨི་རག་ནང་བཀག་ཉར་ཁང་སོགས་སུ་བཙོན་པ་རྣམས་ལ་མནར་གཅོད་དང་རྡུང་རྡེག་སོགས་ཚབས་ཆེན་གཏོང་གིན་ཡོད་པའི་རྐྱེན་གྱིས་ཡུལ་དེར་ཟིང་འཁྲུག་དང་གཏོར་རྒོལ་ཡོང་གི་ཡོད་ཅིང་། ལྷག་པར་དུ་ཚོགས་པ་ཁག་ཅིག་གིས། ཁྲིམས་མཐུན་མིན་པའི་ཐོག་ནས་དམར་གསོད་དང་། རྨས་སྐྱོན་བཟོས་པ། བཙོན་འོག་ནས་གར་སོང་ཆ་མེད་དུ་བཏང་བ།  བཙོན་པ་རྣམས་ཀྱིས་ཚད་ལས་འདས་པའི་སྡུག་བསྔལ་མྱོང་གིན་ཡོད་པ་མ་ཟད། མི་མང་པོ་ཡུན་རིང་ནས་ཕྱི་ཕྱོགས་ལ་འབྲེལ་འདྲིས་མེད་པར་བཀག་སྡོམ་འོག་བཅུག་ཡོད་པ། སྲིད་གཞུང་གི་ཕྱོགས་འགལ་བ་ཚོར་འབུར་འཇོམས་དང་། གང་བྱུང་འཛིན་བཟུང་བཀག་ཉར་སོགས་ཀྱིས་མཚོན་པའི་ཕྱོགས་ཡོངས་ནས་དྲག་གནོན་བྱེད་ཀྱིན་ཡོད་སྐོར་གསལ་འདུག ཡང་བསྒྲགས་གཏམ་ཁྲོད། ཉེ་ལམ་ཨི་རན་གཞུང་གིས་འཛིན་བཟུང་བཀག་ཉར་བྱས་པའི་ཁྲོད། སྤྱི་ཚོགས་སུ་ཆེ་མཐོང་ཡོད་པའི་མི་སྣ་མང་པོ་ཞིག་ཡོད་ཅིང་། དེའི་ནང་དུ་ནོ་བྷེལ་ཞི་བདེའི་གཟེངས་རྟགས་ཐོབ་མཁན་ནཱར་གྷེས་མོ་ཧཱ་མཱ་ཌི་(Narges Mohammadi)དང་། སེ་པི་ཌེ་གྷོལ་ཡཱན་(Sepideh Gholian) ། ཨ་ལི་ཡེ་མོ་ཊ་ལེབ་ཛ་དྷེ་ (Alieh Motalebzadeh) ། ཇཱ་ཝཱཌ་ཨ་ལི་ཀོར་ཌི་(Javad Alikord) ། ཧཱ་སི་ཊི་ཨ་མི་རི་(Hasti Amiri)། པུར་ཨཱན་ནཱ་ཛེ་མི་(Pooran Nazemi) ། དེ་བཞིན་འགྲོ་བ་མིའི་ཐོབ་ཐང་སྲུང་སྐྱོབ་པ་དང་གསར་འགོད་པ་གཞན་ཁག་ཅིག་ཀྱང་ཚུད་ཡོད་ཅིང་། ཁོང་ཚོ་ཕྱི་ཚེས་ ༡༢ ཉིན་ཁྲིམས་རྩོད་པ་ཁོ་སི་རོའུ་ཨ་ལི་ཀོར་ཌིའི་(Khosrow Alikordi) དྲན་གསོའི་མཛད་སྒོ་མཱ་ཤ་ཧཱཌ་(Mashhad) གྲོང་ཁྱེར་དུ་འཚོགས་རྗེས་དྲག་པོའི་ཐོག་ནས་འཛིན་བཟུང་བྱས་ཡོད་པ་དང་།...

རིང་མིན་ཕྱི་ཟླ་ ༣ པའི་ནང་བལ་ཡུལ་གྱི་འོས་བསྡུ་ཆེན་མོ་སླེབས་ལ་ཉེ་བ་དང་འབྲེལ། ད་ལྟའི་ཆར་ཡུལ་དེའི་ནང་དུ་ཆབ་སྲིད་ཚོགས་པ་སོ་སོའི་འོས་མི་འདེམས་སྒྲུག་སོགས་ཀྱི་ཁྲོད། RSP འམ་ Rastriya Swatantra Party ཆབ་སྲིད་ཚོགས་པའི་ངོས་ནས་བོད་པ་དང་འབྲེལ་བ་ཡོད་ཚུལ་གྱི་རྩོད་རྙོག་ཁྲོད་བུད་མེད་བཀྲ་ཤིས་ལྷ་འཛོམས་ལགས་འོས་མིའི་མིང་གཞུང་ནས་ཕྱིར་འཐེན་བྱས་འདུག རྩ་བའི་སྔ་ལོ་བལ་ཡུལ་ནང་དུ་ Gen Z གཞོན་སྐྱེས་སྒེར་ལངས་རྗེས་ལྕམ་སྐུ་ Shushila Karki མཆོག་གི་སྣེ་འཁྲིད་པའི་འཕྲལ་སེལ་གཞུང་གི་ངོས་ནས་བལ་ཡུལ་ Karnali མངའ་ཁུལ་ Humla རྫོང་ Limi ས་ཁུལ་ནས་ཡིན་པའི་བུད་མེད་བཀྲ་ཤིས་ལྷ་འཛོམས་ལགས་༼བུད་མེད་དང་བྱིས་པ་དེ་བཞིན་རྒན་གྲས་ལྟ་སྐྱོང་བློན་ཆེན་༽དུ་བསྐོ་བཞག་བྱེད་རྩིས་གནང་ཡང་། སྔ་ལོའི་གཞོན་སྐྱེས་ངོ་རྒོལ་གྱི་གཏོར་སྐྱོན་ནང་དུ་ཕྱིའི་སྟོབས་ཤུགས་ཀྱི་ཤུགས་རྐྱེན་ཡོད་ཚུལ་དང་།  དེའི་ཁོངས་ནས་ཤུགས་རྐྱེན་སྤྲད་མཁན་གཅིག་བོད་དོན་ལས་འགུལ་བ་ཡིན་པའི་དོགས་གཞི་སླེབས་བཞིན་པའི་ཁྲོད།  Karnali མངའ་ཁུལ་གཞོན་སྐྱེས་ལས་འགུལ་བ་རྣམས་ནས་བཀྲ་ཤིས་ལྷ་འཛོམས་ལགས་ཀྱི་བལ་ཡུལ་མི་སེར་ལག་འཁྱེར་ལ་རྟོག་ཞིབ་བྱ་དགོས་པ་དང་།  ཁོང་ནས་དེ་སྔ་བོད་དོན་ལས་འགུལ་ནང་དུ་མཉམ་ཞུགས་བྱས་མྱོང་ཡོད་པ་སོགས་ཀྱི་དོགས་གཞི་བསླངས་ཏེ་ཁོང་མོའི་བསྐོ་བཞག་ལ་དགག་པ་རྒྱག་སྟེ་བཀག་ཡོད་པ་རེད། ད་ལན་བཀྲ་ཤིས་ལྷ་འཛོམས་ལགས་ RSP ཚོགས་པའི་འོས་དམིགས་ནས་ཕྱིར་འཐེན་བྱས་པ་དེ་ཁོང་མོའི་ཆབ་སྲིད་ཀྱི་འདུན་ལམ་ནང་དུ་ཕམ་ཁ་ཆེན་པོ་ཐེངས་གཉིས་པ་ཆགས་ཀྱི་ཡོད་པ་རེད། ཁ་སང་དེ་རིང་བལ་ཡུལ་བརྒྱུད་ལམ་ཁག་གིས་གནས་ཚུལ་སྤེལ་བར་གཞིགས་ན། ཡུལ་དེའི་ RSP ཆབ་སྲིད་ཚོགས་པས་ཉེ་སྔོན་ཕྱི་ཟླ་ ༡༢ ཀྱི་ཟླ་མཇུག་ཏུ་ཕྱི་ལོ་ ༢༠༢༦ ལོའི་བལ་ཡུལ་འོས་བསྡུ་ཆེན་མོའི་ནང་དུ་ཚོགས་པའི་འོས་དམིགས་ཐོ་གཞུང་གསལ་བསྒྲགས་བྱས་པའི་ནང་དུ་ཚོགས་པའི་གདོད་མའི་མི་རིགས་ཀྱི་སྐུ་ཚབ་གཙོ་བོའི་ནང་དུ་བཀྲ་ཤིས་ལྷ་འཛོམས་ལགས་ཀྱི་མཚན་འཁོད་ཡོད་ཀྱང་།...

གསེར་རྟ་བླ་རུང་སྒར་ཕྱག་འདེབས་མཁན་མཁན་ཆེན་འཇིགས་མེད་ཕུན་ཚོགས་འབྱུང་གནས་མཆོག་གི་བཀའ་དྲིན་རྗེས་དྲན་དང་བོད་མིའི་རྐྱེན་ངན་བར་ཆད་སེལ་སླད་གདན་མཆོག་རྡོ་རྗེ་གདན་དུ་ཆོས་རྗེ་དམ་པ་ཡིད་བཞིན་ནོར་བུ་མཆོག་གི་འདས་མཆོད་སྨོན་ལམ་ཆེན་མོ་སྐབས་ ༢༢ པ་དེ་འཚོགས་འདུག ཟླ་འདིའི་ཕྱི་ཚེས་ ༡༣ ནས་ ༡༥ བར་ཉིན་གྲངས་གསུམ་རིང་གནས་མཆོག་རྡོ་རྗེ་གདན་དུ། མཁན་ཆེན་འཇིགས་མེད་ཕུན་ཚོགས་འབྱུང་གནས་ཀྱི་འདས་མཆོད་གོ་སྒྲིག་ཚོགས་ཆུང་གི་གོ་སྒྲིག་འོག ཆོས་རྗེ་དམ་པ་ཡིད་བཞིན་ནོར་བུ་འཇིགས་མེད་ཕུན་ཚོགས་འབྱུང་གནས་མཆོག་གི་འདས་མཆོད་སྨོན་ལམ་ཆེན་མོ་སྐབས་ ༢༢ པ་དེ་འཚོགས་ཡོད་ཅིང་། འདས་མཆོད་སྨོན་ལམ་དེའི་ཐོག་ཆོས་རྗེ་དམ་པ་ཁོང་གི་སློབ་མ་དང་། གདན་ས་ཆེན་མོ་ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་གི་དགེ་འདུན་པ་རྣམས། དེ་བཞིན་རྒྱལ་ཁབ་ཕྱི་ནང་གི་དད་ལྡན་དོན་གཉེར་ཅན་མང་པོ་ཞིག་འཛོམས་ཡོད་འདུག   དེའི་ཐད་འདས་མཆོད་སྨོན་ལམ་གོ་སྒྲིག་ཚོགས་ཆུང་གི་རྒྱུན་ལས་མཁན་པོ་ཨོ་རྒྱན་རིག་འཛིན་ལགས་ཀྱིས་འདི་ག་བོད་ཀྱི་དུས་བབ་གསར་ཁང་གི་གསར་འགོད་པར་ཁ་པར་བརྒྱུད། ད་ལོ་མཁན་ཆེན་འཇིགས་མེད་ཕུན་ཚོགས་འབྱུང་གནས་མཆོག་གི་འདས་མཆོད་སྐབས་ ༢༢ པ་དེ་གནས་མཆོག་རྡོ་རྗེ་གདན་དུ་འཚོགས་ཡོད་ཅིང་། འདས་མཆོད་སྨོན་ལམ་དེ་ལོ་ལྟར་འཆར་ཅན་བཞིན་འཚོགས་ཡོད་པ་རེད། གཙོ་བ་དེ་ཆོས་རྗེ་དམ་པ་འཇིགས་མེད་ཕུན་ཚོགས་འབྱུང་གནས་མཆོག་གི་བཀའ་དྲིན་རྗེས་དྲན་དང་། བོད་ཕྱི་ནང་གཉིས་ཀྱི་བོད་མི་རྣམས་ལ་རྐྱེན་བར་ཆད་སེལ་སླད་འཚོགས་པ་ཞིག་རེད། འདི་ལོའི་འདས་མཆོད་ཐོག་ལོ་ལྟར་བཞིན། སྔ་འགྱུར་རྙིང་མའི་སྨོན་ལམ་ལ་ཕེབས་མཁན་གྱི་རྣམ་གྲོལ་གླིང་གི་དགེ་འདུན་པ་གཙོ་བོར་བྱས་ཏེ། འདས་མཆོད་སྨོན་ལམ་གྱི་ཉིན་དང་པོ་དགེ་འདུན་པ་ཞལ་གྲངས་ ༡༥༠༠ དང་ཉིན་གཉིས་པར་ ༡༧༠༠ ཡས་མས། ཉིན་གྲངས་གསུམ་པར་ཞལ་གྲངས་ ༢༠༠༠ ལྷག་ཅིག་གིས་སྨོན་ལམ་འཚོགས་པ་དང་། དེ་བཞིན་དགོན་སྡེ་ཁག་ནས་ཕེབས་མཁན་གྱི་དགེ་འདུན་པ་རྣམས་ལ་བཞུགས་གནས་དང་། ཞལ་ལག་སོགས་གོ་སྒྲིག་ཞུས་ཡོད། ཅེས་བརྗོད་བྱུང་།  གོ་སྒྲིག་ཚོགས་ཆུང་གིས་འདས་ལོའི་ཕྱི་ཟླ  ༡༡ ཚེས་ ༡༥ ཉིན་ཡོངས་ཁྱབ་གསལ་བསྒྲགས་ཤིག་སྤེལ་བའི་ཁྲོད། ཀུན་གྱིས་མཁྱེན་མངའ་བཞིན་བོད་གངས་རིའི་ལྗོངས་སུ་སངས་རྒྱས་ཀྱི་བསྟན་པ་རིན་པོ་ཆེ་ཡང་དར་གྱི་སྐབས་སུ། བསྟན་སྤྱི་བྱེ་བྲག་དང་ལུགས་གཉིས་གང་ཐད་ནས་རིས་སུ་མ་མཆིས་པའི་བཀའ་དྲིན་གཞལ་མཐའ་བྲལ་བ། ༧ཆོས་རྗེ་དམ་པ་ཡིད་བཞིན་ནོར་བུ་ ༧མཁན་ཆེན་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་མཆོག་གི་བཀའ་དྲིན་རྗེས་དྲན་མཚོན་བྱེད་དུ། གང་གི་གདན་ས་དཔལ་བླ་རུང་ཆོས་སྒར་ཆེན་མོའི་སློབ་མ་སློབ་རྒྱུད་དང་བཅས་པའི་གཙོས། ཕྱོགས་དང་རིས་སུ་མ་ཆད་པའི་བསྟན་འཛིན་གྱི་སྐྱེས་བུ་རྣམས་མ་བགྲོས་བསམ་པ་གཅིག་མཐུན་གྱིས། འདས་མཆོད་སྨོན་ལམ་ཆེན་མོ་ལོ་ལྟར་གནས་མཆོག་རྡོ་རྗེ་གདན་དུ་དཔལ་སྔ་འགྱུར་རྙིང་མའི་སྨོན་ལམ་ཚོགས་པའི་དབུས། འབྲེལ་ཡོད་རྣམས་ཀྱི་མཐུན་འགྱུར་བླ་མེད་འོག་འཚོགས་དང་འཚོག་མུས། ཞེས་གསལ་བ་བཞིན་ད་བར་འདས་མཆོད་སྨོན་ལམ་ཐཻངས་ ༢༢ འཚོགས་ཡོད་སྐོར་བཀོད་འདུག སྨོན་ལམ་ཚིག་མཛོད་ཆེན་པོ་ལྟར་ན། མཁན་ཆེན་དམ་པ་འཇིགས་མེད་ཕུན་ཚོགས་འབྱུང་གནས་མཆོག་ནི་ཕྱི་ལོ་ ༡༩༣༣ ལ་མདོ་ཁམས་རྡོ་ཁོག་རྫུ་མེད་ཆོས་ལྷས་སུ། ཡབ་ལྕགས་ཁུངས་པད་ཏེ་དང་། ཡུམ་གནུབ་བཟའ་གཡུ་མཚོ་གཉིས་ཀྱི་སྲས་སུ་འཁྲུངས། སྐུ་ན་གཞོན་དུས་ནས་ངོ་མཚར་བའི་རྟགས་མཚན་མང་དུ་མངའ། གཏེར་ཁ་གསར་རྙིང་མང་པོ་ནས་གཏེར་ཆེན་ལས་རབ་གླིང་པའི་སྤྲུལ་བར་ལུང་གིས་ཟིན། དགུང་གྲངས་བཅུ་བཞི་ལ་བྲག་རྫོང་མཁན་པོ་བསོད་ནམས་རིན་ཆེན་ལས་རབ་ཏུ་བྱུང་། མཚན་ཐུབ་བསྟན་ལེགས་བཤད་བཟང་པོ་གསོལ། སྐུ་ན་ཕྲ་བའི་དུས་ནས་གསུང་རྩོམ་དུ་མ་མཛད། ཀུན་མཁྱེན་མི་ཕམ་པ་ལ་ཐུན་མིན་གྱིས་དད་པ་བརྟན་པས་ཡེ་ཤེས་སྒྱུ་མའི་སྐུས་རྗེས་སུ་བཟུང་། རྫ་སྟོད་ལྕང་མ་སྒར་དུ་ཕེབས་ནས་མཁན་པོ་ཐུབ་བསྟན་ཆོས་འཕེལ་མཉེས་པ་གསུམ་གྱིས་བསྟེན་ཏེ་ཐུགས་ཀྱི་སྲས་གཅིག་པུར་གྱུར། སླར་ཡང་རང་ཡུལ་དུ་ཕེབས་ནས་གནུབ་ཟུར་དགོན་པའི་བཤད་གྲྭའི་མཁན་པོ་གནང་སྟེ། མདོ་སྔགས་འཆད་ཉན་གྱིས་བསྟན་པ་སྤེལ། དུས་འགྱུར་སྐབས་ཀྱང་གསང་སྟབས་ཀྱིས་འཆད་ཉན་རྒྱུན་མ་ཆད་པར་གནང་། བསྟན་པ་ཡང་དར་སྐབས་གསེར་ལྗོངས་བླ་མ་རུང་གི་ཆོས་གྲྭ་གསར་འཛུགས་གནང་སྟེ། མདོ་སྔགས་གཞུང་ཆེན་ཁག་དང་རྒྱུད་སྡེ་ཟབ་མོའི་དབང་ཁྲིད་མན་ངག་སྩལ་ཏེ། དགེ་འདུན་པ་ཁྲི་ཕྲག་ཙམ་འདུས་པས་གངས་ལྗོངས་ཙམ་དུ་མ་ཟད་འཛམ་གླིང་ན་ཆེ་བའི་ཆོས་སྡེ་ཆེན་པོར་གྱུར།  མཁན་ཆེན་དམ་པའི་བཀའ་དགོངས་འོག ཕྱི་ལོ་ ༡༩༨༩ ལོ་ནས་བཙུན་མ་རྣམས་ལ་མཁན་མོའི་ལག་འཁྱེར་གནང་བའི་བོད་ཀྱི་ལོ་རྒྱུས་ནང་ལེའུ་གསར་པ་བསྐྲུན། རབ་བྱུང་བདུན་པའི་མེ་ཡོས་ལོར་བོད་རིགས་ཁྲི་ཕྲག་དང་མཉམ་དུ་རྒྱ་ནག་རི་བོ་རྩེ་ལྔར་ཕེབས་ནས་རྒྱལ་བསྟན་དར་བའི་ཐུགས་སྨོན་གནང་། ༧པཎ་ཆེན་སྐུ་ཕྲེང་བཅུ་པས་པེ་ཅིང་ནང་བསྟན་སློབ་གླིང་གི་སློབ་དཔོན་དུ་གདན་དྲངས་བ་མ་ཟད། ༧པཎ་ཆེན་མཆོག་ནས་ཀྱང་ལམ་གཙོ་རྣམ་གསུམ་གྱི་ཁྲིད་ལུང་གསན། ལྕགས་རྟ་ལོར་༧རྒྱལ་དབང་སྐུ་ཕྲེང་བཅུ་བཞི་པ་མཆོག་གི་བཀའ་ལྟར་རྒྱ་གར་དུ་ཕེབས་ནས་རྒྱལ་དབང་མཆོག་ལ་དབང་ཁྲིད་མན་ངག་གི་སྐྱེས་བཟང་ཕུལ། འཛམ་གླིང་ཤར་ནུབ་ཀྱི་རྒྱལ་ཁབ་མང་པོར་ཕེབས་ནས་དམ་ཆོས་སྤེལ། མདོར་ན་སྐུ་ཚེ་གང་བོར་རྒྱལ་བསྟན་སྤེལ་བའི་ཕྲིན་ལས་འབའ་ཞིག་བསྐྱངས། མཐར་ཕྱི་ལོ་ ༢༠༠༤ ལོའི་ཟླ་ ༡ ཚེས་ ༧ ལ་སྐུ་གཤེགས་ཡོད་པ་རེད། གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། པདྨ་མཚོ། The post མཁན་ཆེན་འཇིགས་མེད་ཕུན་ཚོགས་འབྱུང་གནས་མཆོག་གི་འདས་མཆོད་སྨོན་ལམ་ཆེན་མོ་སྐབས་ ༢༢ པ་དེ་འཚོགས།  appeared first on བོད་ཀྱི་དུས་བབ།.

ང་ནི་རྒྱལ་ཞེན་གྱིས་འོས་མི་ལ་བསླངས་སོང་། ངོ་མཚར་ཆེ་བའི་རྒྱལ་ཞེན་ལགས། ང་ཁྱེད་ལ་དགའ་ཞིང་ཁྱེད་ལ་དུང་། མ་ཟད་ངས་ཁྱེད་ལ་ཡིད་སྨོན་ཡང་ཤོར་སོང་། ཁྱེད་ནི་ང་ཚོ་ལ་ཧ་ཅང་གི་དགོས་མཁོ་ཆེ་ཡ། ད་ཁྱེད་ཕེབས་ཤོགཁྱེད་མེད་པས་ཆོལ་ཞེན་ལ་འབད་བརྩོན་དང་མི་དམངས་ལ་མགོ་སྐོར་ཡང་བཏང་སོང་ལ། གྲོང་རོགས་ཁྱིམ་མཚེས་ལ་འཁྲུག་རྩོད་དང་བཟའ་མི་བུ་ཕྲུག་ཀྱང་ཁ་འཐོར་ཡ་འཐོར་དུ་བཏང་སོང་། རྒྱལ་ཞེན་ལགས། ཁྱེད་མེད་པས་རང་གཞུང་ངོ་ལོག་དང་ནང་ཁུལ་ལ་འཁྲུག་རྩོད་ཀྱང་བསླངས་སོང་ལ། The post རྒྱལ་ཞེན་གྱི་རིན་ཐང་། appeared first on བོད་ཀྱི་བང་ཆེན།.

ཕྱི་ལོ་༢༠༢༦ ཟླ་༡ ཚེས་༡༥ ཉིན། རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་གསལ་ལྟར་ན། ཕྱི་ཟླ་༡ ཚེས་༡༤ རེས་གཟའ་ལྷག་པའི་ཉིན། ཨ་རིའི་ཕྱི་སྲིད་ལྷན་ཁང་གིས་ཨི་རན་དང་ར་ཤི་ཡ། The post ཨ་རིས་རྒྱལ་ཁབ་༧༥ ཡི་མི་སེར་ལ་གཞིས་སྤོས་མཐོང་མཆན་མཚམས་འཇོག་བྱས། appeared first on བོད་ཀྱི་བང་ཆེན།.

བལ་ཡུལ་དོལ་པོ་སྨད་ཀྱི་བར་གླེ་གཡུང་དྲུང་ཤུག་ཚལ་དགོན་གྱི་མཁན་པོ་ཉི་མ་ཀུན་ཁྱབ་མཆོག་བལ་གཞུང་ནང་ཆོས་དར་སྤེལ་དང་དགོན་པ་འཕེལ་རྒྱས་ལྷན་ཚོགས་ཀྱི་ཚོགས་གཙོར་བསྐོ་བཞག་གནང་འདུག བལ་གཞུང་བློན་ཆེན་ལྷན་ཚོགས་ཀྱི་ཐག་གཅོད་གནང་བ་ལྟར། ཁ་སང་ཕྱི་ཚེས་ ༡༤ ཉིན་བལ་ཡུལ་རིག་གཞུང་དང་ཡུལ་སྐོར། དེ་བཞིན་མི་འབོར་འགྲིམ་འགྲུལ་བློན་ཆེན་ཨ་ནིལ་ཀུ་མར་སིང་ཧཱ་(Anil Kumar Sinha)མཆོག་གིས། སྨན་རིའི་མཁན་པོ་ཉི་མ་ཀུན་ཁྱབ་མཆོག་བལ་གཞུང་ནང་ཆོས་དར་སྤེལ་དང་དགོན་པ་འཕེལ་རྒྱས་ལྷན་ཚོགས་(the Buddhist Philosophy Promotion and Monastery Development Committee)ཀྱི་ཚོགས་གཙོར་བསྐོ་བཞག་བྱུང་བའི་ཕྱག་ཡིག་གནང་ཡོད་འདུག་ལ། ཁོང་གིས་མ་འོངས་ལོ་ལྔའི་རིང་ཚོགས་གཙོའི་ཐུགས་འགན་བཞེས་དགོས་ཀྱི་ཡོད་འདུག མཁན་པོ་ཉི་མ་ཀུན་ཁྱབ་མཆོག་ནི་བལ་ཡུལ་དོལ་པོ་སྨད་དུ་སྐུ་འཁྲུངས་པ་དང་། ཆུང་དུས་ནས་ཆོས་ཞུགས་གནང་སྟེ་ཕྱི་ལོ་ ༡༩༨༢ ནས་ ༡༩༩༤ བར་དུ་རྒྱ་གར་ཧི་མ་ཅལ་མངའ་སྡེའི་སྨན་རིའི་གླིང་དུ་སློབ་གཉེར་གནང་ཡོད་པ་དང་། དེ་ནས་ཕྱི་ལོ་ ༡༩༩༤ ནས་ ༢༠༠༧ བར་ལོ་ ༡༣ རིང་ཝ་ཎ་མཐོ་སློབ་ཏུ་བོན་གཞུང་དགེ་རྒན་གནང་། དེ་བཞིན་ཕྱི་ལོ་ ༢༠༠༧ ནས་ ༢༠༡༤ བར་དུ་བལ་ཡུལ་བོན་གྱི་ཆེས་མཐོའི་ལྷན་ཚོགས་ཀྱི་ཚོགས་གཞོན་དང་། ༢༠༡༥ ནས་ ༢༠༢༦།༡།༡༤ བར་དུ་ལྷན་ཚོགས་དེའི་ཚོགས་གཙོའི་འགན་བཞེས།...

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བྱེས་ཀྱི་ཆོས་སྡེ་ཆེན་པོ་འབྲས་སྤུངས་བཀྲ་ཤིས་སྒོ་མང་གྲྭ་ཚང་གི་ཆོས་གྲྭའི་ནང་དུ་བྱམས་ཆོས་དང་རིགས་ཚོགས་དགུན་ཆོས་ཆེན་མོའི་ཚོགས་མགོན་དུ་ཆིབས་བསྒྱུར་བསྐྱངས་ཡོད་འདུག ཕྱི་ལོ་༢༠༢༦ ཟླ་༡ ཚེས་༡༤ ཉིན་བོད་མིའི་སྒྲིག་འཛུགས་ཀྱི་དྲྭ་རྒྱའི་་ཐོག་ཏུ་གནས་ཚུལ་གསལ་ལྟར་ན། ཕྱི་ཚེས་༡༤ ཉིན་གྱི་ཕྱི་དྲོ་ཆུ་ཚོད་གཉིས་པ་ཡོལ་ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སྒོ་མང་ཆོས་གྲྭ་ཆེན་མོའི་ཡང་ཐོག་གི་གཟིམ་ཆུང་ནས་ཆོས་གྲྭར་ཆིབས་བསྒྱུར་སྐབས་དགའ་ལྡན་ཁྲི་རིན་པོ་ཆེ་༧རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་དང་། འབྲས་སྤུངས་ཁྲི་ཟུར་དཀོན་མཆོག་པ་སངས་མཆོག ཁྲི་ཟུར་བློ་བཟང་བསྟན་པ་མཆོག The post ༸གོང་ས་མགོན་མཆོག་བྱམས་ཆོས་དང་རིགས་ཚོགས་དགུན་ཆོས་ཆེན་མོའི་ཚོགས་མགོན་དུ་ཆིབས་བསྒྱུར། appeared first on བོད་ཀྱི་བང་ཆེན།.

མོན་རྟ་དབང་གི་སངས་རྒྱས་ཆོས་འཁོར་གླིང་ངམ་ཡོངས་གྲགས་སུ་ཁིན་མེ་དགོན་པའི་འདུ་ཁང་ནང་རྐུན་མ་ཡོང་ནས་སྐུ་རྟེན་དང་། སྒོར་མོ། དེ་བཞིན་རིན་ཐང་བྲལ་བའི་ཅ་དངོས་ཁག་ཅིག་རྐུ་ཁྱེར་བྱས་པའི་གནས་ཚུལ་བྱུང་ནའང་ཅ་དངོས་ལག་སོན་བྱུང་ཡོད་མེད་ཐད་གསལ་ཁ་མི་འདུག ཟླ་འདིའི་ཕྱི་ཚེས་ ༡༡ ཉིན་རྒྱ་གར་བྱང་ཤར་མོན་རྟ་དབང་ཁོངས་ཀྱི་ཁིན་མེ་དགོན་པའི་འདུ་ཁང་དུ་ངོ་ཐག་མི་ཆོད་པའི་མི་ཞིག་འཛུལ་ནས་དགོན་པའི་སྐུ་རྟེན་དང་། སྒོར་མོ། དེ་བཞིན་རིན་ཐང་བྲལ་བའི་ཅ་དངོས་ཁག་ཅིག་བཅས་རྐུ་འཁྱེར་བྱས་པའི་གནས་ཚུལ་ཐོན་ཡོད་ཀྱང་། ད་ལྟ་རྐུན་མ་སུ་ཡིན་མིན་དང་ཞིབ་ཕྲའི་གནས་ཚུལ་ཐད་གསལ་ཁ་གང་ཡང་མེད་པ་རེད། གནས་ཚུལ་འདི་བྱུང་རྗེས། ས་གནས་མི་མང་དང་སྤྱི་ཚོགས་ཀྱི་མགོ་ཁྲིད་ཚོར་སེམས་འཚབ་ཆེན་པོ་བྱུང་ཡོད་ཅིང་། ལྷག་པར་དུ་རྫོང་ཁོངས་སུ་སྔོན་མ་ཡང་རྐུ་འཕྲོག་དང་འབྲེལ་བའི་གནས་ཚུལ་བྱུང་མྱོང་ཡོད་སྟབས། ས་གནས་མི་མང་གིས་སྔོན་མའི་དོན་རྐྱེན་ཁྲོད་ཀྱི་ཉེས་ཅན་པ་ཚོ་ནི་ཕྱི་ནས་ཡོང་བ་ཡིན་པར་རྗོད་ཀྱིན་ཡོད་པས། བདེ་འཇགས་དང་ལྟ་སྲུང་གི་ཐད་ནས་དོགས་གཟོན་ནན་མོ་བྱེད་མུས་ཡིན་འདུག་ལ། ས་གནས་མི་མང་གིས་ཕྱི་མི་སུ་ཞིག་ས་གནས་སུ་གནས་སྡོད་བྱེད་སྐབས་ཞིབ་བཤེར་བྱེད་ཀྱི་མེད་སྟབས། རྐུ་ཁྱེར་གནས་ཚུལ་མང་དག་ཅིག་འབྱུང་གིན་ཡོད་པའི་གླེང་སློང་དང་།  ས་གནས་མགོ་ཁྲིད་རྣམས་ཀྱིས་ཕྱོགས་ཡོངས་ནས་དོགས་གཟོན་ཇེ་ཆེར་གཏང་རྒྱུ་ཡིན་པའི་མུར། རྐུ་མ་སུ་ཡིན་ཡང་སྙིང་རྗེ་སོགས་གང་ཡང་མེད་པར་ཁྲིམས་ཐོག་ནས་ལག་བསྟར་དང་ཉེས་ཆད་དགལ་རྒྱུ་ཡིན་པའི་ནན་བརྗོད་བྱས་འདུག ད་ལན་རྐུ་ཁྱེར་གྱི་གནས་དོན་ཞིག་བྱུང་རྗེས། ས་གནས་སྲིད་གཞུང་གིས་རྫོང་སྲིད་གཞུང་ནས་ས་ཁོངས་སུ་ཤར་སྐྱོད་ཆོག་པའི་ལག་ཁྱེར་ ( Inner Line Permit) གྱི་ལམ་ལུགས་ཇེ་དམ་དུ་བཏང་ནས། བྱང་ཞེས་པའི་ས་གནས་ནས་རྟ་དབང་ཕྱོགས་སུ་བགྲོད་སྐབས། ཞིབ་བཤེར་བྱ་དགོས་པའི་རེ་སྐུལ་ཞུས་འདུག་ལ། དེ་བཞིན་གྲོང་གསེབ་ཁག་གི་མགོ་དཔོན་རྣམས་ཀྱིས་ཀྱང་ས་ཁོངས་སུ་ཤར་སྐྱོད་ཆོག་པའི་ལག་ཁྱེར་ལ་ཞིབ་བཤེར་བྱ་དགོས་པའི་འབོད་སྐུལ་ཞུས་འདུག་ལ། མི་མང་གིས་ལྟ་ཞིབ་ལ་སྣང་མེད་དང་ལམ་ལུགས་ལ་ཤར་སྐྱོད་མ་བྱས་ཚེ། ཁྲིམས་ཐོག་ནས་ཉེས་ཆད་གཅད་རྒྱུ་ཡིན་པའི་ཉེས་བརྡའང་བཏང་འདུག ཕྱི་ལོ ༢༠༡༧ ལོའི་ཟླ་ ༥ ཚེས་ ༣༡ ཉིན་རྟ་དབང་གི་སངས་རྒྱས་གླིང་དགོན་པའི་དབུ་འཛིན་གྱི་ཁང་པ་ནས་ལོ་ ༩༠༠ ལྷག་གི་ལོ་རྒྱུས་ལྡན་པའི་སངས་རྒྱས་ཀྱི་སྐུ་བརྙན་ཞིག་བརྐུས་རྗེས།  རྐུན་མ་ངག་དབང་བརྩོན་འགྲུས་དང་ཁོའི་རོགས་པ་བློ་བཟང་དགའ་སྐྱིད་ཤར་པ་ཟེར་བ་གཉིས་ཀྱིས་བཙོང་གྲབས་བྱེད་སྐབས།...

ཟླ་འདིའི་ཕྱི་ཚེས་ ༡༧ ཉིན་དབྱིན་ཇིའི་རྒྱལ་ས་ལོ་ཌོན་དུ་བོད་མི་དང་ཡུ་གུར་བ། ཧོང་ཀོང་གི་དམངས་གཙོ་དོན་གཉེར་བ་སོགས་ཀྱིས་དབྱིན་ཡུལ་དུ་རྒྱ་ནག་གི་གཞུང་ཚབ་གསར་རྒྱག་ལ་གཞི་རྒྱ་ཆེ་བའི་ངོ་རྒོལ་ལས་འགུལ་སྤེལ་འཆར་འདུག The post རྒྱ་ནག་གཞུང་ཚབ་གསར་རྒྱག་གི་ལས་གཞིར་གཞི་རྒྱ་ཆེ་བའི་ངོ་རྒོལ་ལས་འགུལ་སྤེལ་འཆར་འདུག appeared first on བོད་ཀྱི་དུས་བབ།.

ཧི་མ་ཅལ་མངའ་སྡེ་ནས་ཡིན་པའི་གྲོས་ཚོགས་འོག་མའི་འཐུས་མི་སྐུ་ཞབས་ར་ཇིབ་བྷར་ཌ་ཝ་ཇི་ལགས་ཀྱིས་འདི་ལོའི་རྒྱ་གར་གྲོས་ཚོགས་ཀྱི་དགུན་ཁའི་ཚོགས་དུས་ཐོག་བཞུགས་སྒར་དྷ་རམ་ས་ལ་ཁུལ་དུ་ཞི་བདེ་དང་སྙིང་རྗེ་སོགས་དར་སྤེལ་སླད་ནང་བསྟན་རིག་པའི་གཙུག་ལག་སློབ་གཉེར་ཁང་ཞིག་གསར་འཛུགས་གནང་བའི་གྲོས་གཞི་གྲོས་འཆར་གདོན་རྒྱུ་ཡིན་འདུག ཟླ་འདིའི་ཕྱི་ཚེས་ ༡༢ ཉིན་གྱི་ཉིན་རྒྱབ་ཏུརྒྱ་གར་གྲོས་ཚོགས་འོག་མའི་འཐུས་མི་སྐུ་ཞབས་ར་ཇིབ་བྷར་ཌ་ཝ་ཇི་ (Dr. Rajeev Bhardwaj) ལགས་ཀྱིས་གཙོས་ས་གནས་བྷི་ཇེ་པི་སྲིད་དོན་ཚོགས་པའི་ཚོགས་མི་ཁག་ཅིག བོད་མི་མང་སྤྱི་འཐུས་ལྷན་ཁང་དུ་ཆེད་ཕེབས་ཀྱིས་ཚོགས་གཙོ་སྦྲེལ་པོ་དང་རྒྱུན་ལས་རྣམ་པར་མཇལ་ཕྲད་གནང་ཡོད་པ་དང་། སྐབས་དེར་ར་ཇིབ་བྷར་ཌ་ཝ་ཇི་ལགས་ཀྱིས་རྒྱ་གར་གྱི་གྲོས་ཚོགས་འོག་མའི་ནང་བཞུགས་སྒར་དྷ་སར་ནང་བསྟན་རིག་པའི་གཙུག་ལག་སློབ་གཉེར་ཁང་ཞིག་གསར་འཛུགས་གནང་དགོས་པའི་གྲོས་གཞི་གྲོས་འཆར་གདོན་རྒྱུ་ཡིན་ལ། ནང་བསྟན་རིག་པའི་གཙུག་ལག་སློབ་གཉེར་ཁང་དེས་ནང་ཆོས་ཀྱི་ལྟ་གྲུབ་དང་ཞི་བདེ། སྙིང་རྗེ་བཅས་ངོ་སྤྲོད་དར་སྤེལ་ཡོང་སྐོར་གསུངས་འདུག དེ་བཞིན་སྐུ་ཞབས་ར་ཇིབ་བྷར་ཌ་ཝ་ཇི་ (Rajeev Bhardwaj) ལགས་ཀྱིས། ཁོང་ཀང་ར་རྫོང་ཁོངས་ཀྱི་རྒྱ་གར་གྱི་གྲོས་ཚོགས་འཐུས་མི་ཞིག་ཡིན་སྟབས། རྫོང་དེའི་ཁོངས་སུ་༧གོང་ས་རྒྱལ་བ་རིན་པོ་ཆེ་མཆོག་གི་བཞུགས་སྒར་དང་། དབུས་བོད་མིའི་སྒྲིག་འཛུགས་སོགས་ཆགས་ཡོད་པ་ནི་བསོད་ནམས་ཆེན་པོར་ངོས་འཛིན་གནང་གི་ཡོད་སྐོར་དང་། རྒྱ་གར་གྲོས་ཚོགས་འོག་མའི་ནང་ཀང་ར་རྫོང་ཁོངས་ཀྱི་གནད་དོན་གླེང་སློང་གནང་སྐབས། ༧གོང་ས་རྒྱལ་བ་རིན་པོ་ཆེ་མཆོག་གི་ཐུགས་རྗེ་བཀའ་དྲིན་ལ་བརྟེན་ནས་དྷ་རམ་ས་ལ་ནི་ཡུལ་སྐོར་བའི་ལྟེ་གནས་ཤིག་ཏུ་གྱུར་ཡོད་པས། དེས་མངའ་སྡེར་ཕན་ཐོགས་བསྐྲུན་ཡོད་པའི་གླེང་སློང་གནང་ཡོད་སྐོར་དང་། རྗེས་ཕྱོགས་མུ་མཐུད་དུ་བོད་དོན་ལ་རྒྱབ་སྐྱོར་གནང་རྒྱུ་ཡིན་སྐོར་སོགས་གསུངས་ཡོད་འདུག རྒྱ་གར་གྱི་སྲིད་བློན་སྐུ་ཞབས་མུ་དྷི་མཆོག་གི་སྲིད་གཞུང་ནས་ནང་པའི་གནས་ཆེན་ཁག་བསྐྱར་གསོ་འཛུགས་སྐྲུན་གནང་རྒྱུ་ཡིན་སྐོར་གསུངས་པ་ལྟར། ནང་པའི་གནས་ཆེད་ལུམ་བི་ནི་དང་། རྡོ་རྗེ་གདན། ཝ་ར་ན་སི།  རྩྭ་མཆོག་གྲོང་སོགས་སུ་གནས་མཇལ་གྱི་ལམ་བུ་གསར་སྐྲུན་གནང་གི་ཡོད་པ་དཔེར་ན། གནས་ཆེན་རྩྭ་མཆོག་གྲོང་གི་གནམ་ཐང་རྒྱལ་སྤྱིའི་གནམ་ཐང་ཞིག་ཏུ་བསྐྲུན་པ་དང་། ནལེནྜ་གཙུག་ལག་སློབ་གཉེར་ཁང་བསྐྱར་བཞེང་གནང་སྟེ། འཛམ་གླིང་གི་ནང་བསྟན་གཙོ་བོར་གྱུར་བའི་སློབ་གཉེར་གྱི་ལྟེ་གནས་ཆེ་ཤོས་ཤིག་ཏུ་བསྒྱུར་བའི་འབད་བརྩོན་གནང་བཞིན་ཡོད་ལ། ནལེནྜ་སློབ་གཉེར་ཁང་(Nalanda mahavihara)ནི་འཛམ་གླིང་གི་གཏན་འཇགས་སློབ་གཉེར་ཁང་དང་པོ་རུ་ངོས་འཛིན་གནང་བཞིན་ཡོད་པ་རེད།  ཝེ་ཀེ་རིག་མཛོད་ལྟར་ན། རྒྱ་གར་གྱི་ཧི་མ་ཅལ་མངའ་སྡེ་དང་ལ་དྭགས། འབྲས་ལྗོངས། ཨུ་རུ་ན་ཅལ་མངའ་སྡེ། མ་ཧ་ར་ཤི་ཊ་མངའ་སྡེ་གཙོ་བོར་གྱུར་བའི་རྒྱ་གར་ནང་ཉུང་མཐར་ནང་པ་ས་ཡ་ ༨།༤ ནས་ ༩།༥ ཙམ་ཡོད་ཅིང་། ཕྱི་ལོ་སྔོན་གྱི་དུས་རབས་གསུམ་པར་རྒྱལ་པོ་ཨ་ཤོ་ཀའི་སྐབས་རྒྱ་གར་དུ་རྒྱ་གར་ནང་ཆོས་ཐོག་མར་བྱུང་ནས། རྒྱལ་པོ་ཨ་ཤོ་ཀ་དང་ཁོང་གི་སྲས་ཀྱིས་དབང་བསྒྱུར་སྐབས་རྒྱ་གར་དུ་ནང་ཆོས་དར་རྒྱས་ཆེ་ཤོས་བྱུང་བར་ཡིད་ཆེས་བྱེད་ཀྱི་ཡོད་ཀྱང་། ཕྱི་ལོ་རྗེས་ཀྱི་དུས་རབས་བཅུ་གཉིས་པ་ནས་བཟུང་ནང་ཆོས་ཉམས་རྒུད་དུ་ཕྱིན་ཏེ་ཧིན་དྷུ་དང་ཁ་ཆེའི་ཆོས་ལུགས་ཤུགས་ཆེར་དར་བ་མ་ཟད།...

༄༅། །ཕྱི་ལོ་ ༢༠༢༦ ཟླ་བ་ ༡ ཚེས་ ༡༤ ཉིན་གྱི་ཕྱེད་ཡོལ་ཆུ་ཚོད་ ༡།༣༠ ཙམ་ལ་སུད་སི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་ཨི་ཊ་ལཱི་བོལ་ཛ་ནོའམ་ལྷོ་ཊི་རོལ་རང་སྐྱོང་མངའ་ཁུལ་གྱི་སྲིད་འཛིན་སྐུ་ཞབས་ཨར་ནོ་ཀོམ་པ་ཆར་  (Arno Kompatscher) མཆོག་དང་མཇལ་འཕྲད་གནང་ཡོད་པ་དང་། སྐབས་དེར་བོད་དོན་དང་འབྲེལ་བའི་ལས་དོན་སྐོར་བཀའ་མོལ་གནང་ཡོད། དེ་ཡང་སུད་སི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་དང་སྲིད་འཛིན་སྐུ་ཞབས་ཨར་ནོ་ཀོམ་པ་ཆར་མཆོག་ཆུ་ཚོད་གཅིག་ཙམ་རིང་མཇལ་འཕྲད་སྐབས། སྐུ་ཚབ་དོན་གཅོད་ནས་སྲིད་འཛིན་མཆོག་ལ་བོད་ནང་གི་གནས་ཚུལ་ངོ་སྤྲོད་དང་སྦྲགས་སྲིད་འཛིན་མཆོག་དང་ལྷོ་ཊི་རོལ་གཞུང་མང་གཉིས་ནས་མུ་མཐུད་བོད་དོན་ཐོག་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཞུས་པར་སྲིད་འཛིན་མཆོག་ནས་བོད་དོན་ཐོག་རྒྱུན་མཐུད་རྒྱབ་སྐྱོར་གནང་རྒྱུའི་ཞལ་བཞེས་གནང་ཡོད། དེ་བཞིན་སྐབས་དེར་ལས་དོན་གཞན་ཁག་གཅིག་གི་ཐོག་ལའང་བཀའ་མོལ་ཞིབ་ཕྲ་གནང་ཡོད། མཇལ་འཕྲད་རིང་ལྷོ་ཊི་རོལ་རང་སྐྱོང་མངའ་ཁུལ་སྲིད་གཞུང་གི་འབྲེལ་ཡོད་ལས་བྱེད་ལྷན་བཅར་ཞུས་ཡོད་པ་མ་ཟད། འབྲེལ་ཡོད་ལས་དོན་ཐོག་དོན་གཅོད་དང་བཀའ་མོལ་ཞིབ་རྒྱས་གནང་ཡོད། མཐར་སྲིད་འཛིན་སྐུ་ཞབས་ཨར་ནོ་ཀོམ་པ་ཆར་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་། དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ལ་འཚམས་འདྲི་ཞུས་གནང་ཡོད། སྐབས་དེར་སུད་སི་སྐུ་ཚབ་དོན་གཅོད་ཁང་གི་ཡུ་རོབ་རྒྱ་རིགས་འབྲེལ་མཐུད་པ་སངས་རྒྱས་སྐྱབས་ལགས་ལྷན་བཅར་ཞུས་ཡོད། །

ཟླ་འདིའི་ཚེས་༡༣ ཉིན། རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་གསལ་ལྟར་ན། ད་ལྟའི་ཆར་ཨི་རན་གྱི་ཞིང་ཆེན་༣༡ ཡོངས་རྫོགས་ཀྱི་ནང་། གྲོང་ཁྱེར་༡༨༠ ལྷག་གི་ནང་དུ་མི་མང་གིས་སྲིད་གཞུང་ལ་ངོ་རྒོལ་གྱི་ལས་འགུལ་སྤེལ་བཞིན་པར་བརྟེན། ངོ་རྒོལ་གྱི་ལས་འགུལ་དེ་ནི་སྲིད་གཞུང་གིས་གདོང་ལེན་བྱེད་དགོས་པའི་དཀའ་ངལ་ཆེ་ཤོས་སུ་གྱུར་ཡོད་འདུག ངོ་རྒོལ་གྱི་ལས་འགུལ་དེ་ཐོག་མར་ཕྱི་ལོ་༢༠༢༥ The post ཨི་རན་གྱི་ཞིང་ཆེན་༣༡ ནང་མི་མང་གི་ངོ་རྒོལ་ལས་འགུལ། appeared first on བོད་ཀྱི་བང་ཆེན།.

རྒྱ་གར་བྱང་ཕྱོགས་རྡོ་རྗེ་གླིང་ནས་ཡིན་པའི་གཞས་པ་དང་གློག་བརྙན་འཁྲབ་སྟོན་པ་(Prashant Tamang)ཞེས་པ་ཁོང་གཟའ་ཉི་མའི་ཉིན་གྲོངས་ཡོད་འདུག་ཅིང་། ཁོང་ནི་བོད་དོན་ལ་རྒྱབ་སྐྱོར་ཆེན་པོ་བྱེད་མཁན་ཡིན་པས། ཁོང་ལ་བོད་མི་ཚོས་གདུང་སེམས་མཉམ་སྐྱེད་ཞུ་བཞིན་འདུག ཕྱི་ལོ་༢༠༢༦ ཟླ་༡ ཚེས་༡༤ བྷི་བྷི་སི་གསར་ཁང་གིས་གནས་ཚུལ་སྤེལ་དོན་ལ། རྒྱ་གར་བྱང་ཕྱོགས་རྡོ་རྗེ་གླིང་ནས་ཡིན་པའི་གཞས་པ་དང་གློག་བརྙན་འཁྲབ་སྟོན་པ་(Prashant The post རྒྱ་གར་གྱི་གཞས་པ་ཞིག་གྲོངས་པར་བོད་མི་མང་པོས་གདུང་སེམས་མཉམ་སྐྱེད་ཞུ་བཞིན་པ། appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་ ༡ ཚེས་ ༡༤ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བྱེས་ཀྱི་ཆོས་སྡེ་ཆེན་པོ་འབྲས་སྤུངས་བཀྲ་ཤིས་སྒོ་མང་གྲྭ་ཚང་གི་ཆོས་གྲྭའི་ནང་དུ་བྱམས་ཆོས་དང་རིགས་ཚོགས་དགུན་ཆོས་ཆེན་མོའི་ཚོགས་མགོན་དུ་ཆིབས་བསྒྱུར་བསྐྱངས་ཡོད་པ་རེད། དེ་ཡང་ཕྱི་དྲོ་ཆུ་ཚོད་གཉིས་པ་ཡོལ་ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སྒོ་མང་ཆོས་གྲྭ་ཆེན་མོའི་ཡང་ཐོག་གི་གཟིམ་ཆུང་ནས་ཆོས་གྲྭར་ཆིབས་བསྒྱུར་སྐབས་དགའ་ལྡན་ཁྲི་རིན་པོ་ཆེ་རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་དང་། འབྲས་སྤུངས་ཁྲི་ཟུར་དཀོན་མཆོག་པ་སངས་མཆོག ཁྲི་ཟུར་བློ་བཟང་བསྟན་པ་མཆོག སྒོ་མང་མཁན་རིན་པོ་ཆེ་འཇིགས་མེད་རྒྱ་མཚོ་མཆོག བློ་གླིང་མཁན་རིན་པོ་ཆེ་ཡེ་ཤེས་ལྷུན་གྲུབ་མཆོག་སོགས་དཔལ་ལྡན་འབྲས་སྤུངས་དགོན་པའི་མཁན་བླ་སྤྲུལ་སོགས་ཀྱིས་ཕེབས་བསུ་དང་འབྲེལ་བཞུགས་ཁྲིར་འཁོད་མཚམས་དགའ་ལྡན་ཁྲི་རིན་པོ་ཆེ་མཆོག་གིས་མཇལ་ཁ་ཞུས་པ་དང་། དེ་རྗེས་གདན་ས་ཆེན་མོ་སེ་འབྲས་དགའ་གསུམ་གྱི་གྲྭ་ཚང་དྲུག་དང་བཀྲ་ཤིས་ལྷུན་པོ། རྭ་སྟོད་གྲྭ་ཚང་བཅས་ཀྱི་དགེ་ལུགས་རྒྱུགས་སྤྲོད་ཆེན་མོར་འགྲིམས་བཞིན་པའི་བཀའ་རམས་དང་སློབ་དཔོན་གྱི་སློབ་གཉེར་བ་རྣམས་ཀྱི་བྱམས་ཆོས་དམ་བཅའ་ཆེན་མོ་དབུ་འཛུགས་ཀྱིས་ཆུ་ཚོད་གཉིས་མ་ཟིན་ཙམ་གྱི་རིང་དབུ་བཞུགས་ཀྱིས་དགྱེས་གཟིགས་མཛད་ཡོད།བྱམས་ཆོས་དང་རིགས་ཚོགས་དགུན་ཆོས་ཆེན་མོ་འདི་བཞིན་ཕྱི་ལོ་ ༢༠༡༦ ལོར་འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེ་མཆོག་དང་ཤར་བྱང་གི་ཆོས་རྗེ་རྣམ་གཉིས། རྒྱལ་སྤྱིའི་དགེ་ལྡན་ལྷན་ཚོགས་ཀྱི་ཚོགས་ཁོངས་གྲྭ་ཚང་བཅུ་གཅིག་གི་མཁན་རིན་པོ་ཆེ་རྣམ་པ་བཅས་རྡ་རམ་ས་ལར་བཞུགས་སྒར་ཕོ་བྲང་དུ་གཟིམ་ཆུང་མཇལ་ཁའི་སྐབས་སུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས། བྱམས་ཆོས་ཕྱི་མ་བཞི་དང་། རིགས་ཚོགས་དྲུག་བཅས་དབུ་ཕར་གྱི་གཞུང་གལ་ཆེན་པོ་འདི་དག་བར་དུ་ལྷག་བསྡད་པ་འདྲ་བོ་འདུག་པས་གཞུང་ཆེན་དེ་དག་ལ་སློབ་གཉེར་འགྲོ་ཐུབ་པ་ཞིག་བྱ་དགོས་སྐོར་ལམ་སྟོན་བཀའ་སློབ་སྤྱི་ཕེབས་བཞིན། དགའ་ལྡན་ཁྲི་རིན་པོ་ཆེ་དབུ་བཞུགས་ཐོག་རྒྱལ་སྤྱིའི་དགེ་ལྡན་ལྷན་ཚོགས་ཀྱི་རྒྱལ་སྤྱིའི་དགེ་ལྡན་ལྷན་ཚོགས་ཀྱི་དམིགས་བསལ་ཚོགས་འདུར་བཀའ་བསྡུར་རིམ་པར་བརྒྱུད་ལོ་ལྟར་ཟླ་གཅིག་རིང་འཚོགས་གཏན་འཁེལ་བ་དང་། ཆོས་ཐོག་འདིར་གདན་ས་སེ་འབྲས་དགའ་གསུམ་གྱི་གྲྭ་ཚང་དྲུག་དང་བཀྲ་ཤིས་ལྷུན་པོ། རྭ་སྟོད་གྲྭ་ཚང་བཅས་ཀྱི་སློབ་གཉེར་བ་གྲྭ་ཚང་སོ་སོའི་རྒྱུགས་སྤྲོད་ཐོན་ཏེ་དགེ་ལུགས་རྒྱུགས་སྤྲོད་ཆེན་མོར་འགྲིམ་བཞིན་པའི་བཀའ་རམས་ལོ་རིམ་གཉིས་དང་། སློབ་དཔོན་ལོ་རིམ་གཉིས་བཅས་འཛིན་གྲྭ་བཞིའི་སློབ་གཉེར་བ་རྣམས་བྱམས་ཆོས་དང་རིགས་ཚོགས་དགུན་ཆོས་སུ་ལོ་བཞིའི་རིང་ཕེབས་བཞིན་ཡོད་འདུགཆོས་ཐོག་འདི་གསར་གཏོད་མཛད་པ་ནས་ལོ་དགུའི་རིང་ལོ་ལྟར་གདན་ས་གསུམ་རེས་མོས་ཀྱིས་ཟླ་བ་གཅིག་རེར་འཚོག་བཞིན་ཡོད་པ་དང་། ད་བར་དུ་བྱམས་ཆོས་དང་རིགས་ཚོགས་ཆོས་ཐོག་འགྲིམས་ནས་རྒྱ་གར་པཎ་གྲུབ་ཀྱི་གཞུང་སྤྱི་དང་། ལྷག་པར་དུ་བྱམས་ཆོས་དང་རིགས་ཚོགས་ལ་གཟིགས་རྟོག་གིས་སློབ་ཚན་ཆ་ཚང་ཐོན་ཏེ་དགེ་བཤེས་ལྷ་རམས་པའི་མཚན་གནས་བཞེས་ཟིན་པོ་ ༨༢༦ བྱུང་ཡོད་འདུག  

༄༅། །ཕྱི་ལོ་ ༢༠༢༦ ཟླ་བ་ ༡ ཚེས་ ༡༤ ཉིན་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དབུ་བཞུགས་ཐོག་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་དང་། བདེ་སྲུང་བཀའ་བློན་རྒྱ་རི་སྒྲོལ་མ་མཆོག ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག དཔལ་འབྱོར་དྲུང་ཆེ་གྱང་གསར་ཚེ་རིང་དོན་གྲུབ་ལགས། དཔལ་འབྱོར་ལས་ཁུངས་ཀྱི་སྔོན་རྩིས་སྡེ་ཚན་དང་སྤྱི་ཚོགས་ཡར་རྒྱས་ཐེབས་རྩའི་འབྲེལ་ཡོད་ལས་བྱེད་བཅས་ལྷན་འཛོམས་ཐོག་བོད་མིའི་སྒྲིག་འཛུགས་ཀྱི་ཁྱབ་ཁོངས་ལས་ཁུངས་མ་ལག་དང་བཅས་པའི་རྩིས་ལོ་ ༢༠༢༦་་་༢༠༢༧ ལོའི་ལོ་འཁོར་སྔོན་རྩིས་འཆར་འབུལ་ལ་ཐུགས་ཞིབ་དང་བཀའ་ཤག་གིས་མཐའ་མའི་བཀའ་འཁྲོལ་རྒྱབ་གཉེར་གནང་རྒྱུའི་ལས་རིམ་འགོ་འཛུགས་གནང་ཡོད།སྔོན་རྩིས་འཆར་འབུལ་ནང་བོད་མིའི་སྒྲིག་འཛུགས་ཀྱི་ལས་ཁུངས་ཁག་དང་། དེ་བཞིན་རང་དབང་ཅན་གྱི་སྡེ་ཚན་ཁག་གིས་བོད་མིའི་ཆོས་རིག་འཛིན་སྐྱོང་སྤེལ་གསུམ་དང་། བཙན་བྱོལ་བོད་མིའི་གཞིས་ཆགས་ཁག་སླར་གསོ་དང་བདེ་དོན་ཡར་རྒྱས། ཤེས་ཡོན་དང་སློབ་ཡོན། མང་གཙོ་གོང་སྤེལ། བུད་མེད་ནུས་སྟོབས་གོང་སྤེལ་ལས་གཞི། འཕྲོད་བསྟེན་བཅས་ཀྱི་ལས་གཞི་ཆེད་ཡོང་འབབ་དང་འགྲོ་གྲོན་འཆར་གཞི་ཕུལ་བ་རྣམས་ལ་བཀའ་ཤག་གིས་རྒྱབ་གཉེར་གནང་གི་ཡོད། དེ་ནས་ཕྱོགས་བསྡོམས་ལོ་འཁོར་སྔོན་རྩིས་དེ་བཞིན་དཔལ་འབྱོར་ལས་ཁུངས་ནས་ཚོགས་གཙོ་སྦྲེལ་པོས་བསྐོ་གཞག་གནང་བའི་བོད་མི་མང་སྤྱི་འཐུས་ལྷན་ཚོགས་ཀྱི་སྔོན་རྩིས་ཚོད་དཔག་ཚོགས་ཆུང་ལ་དབུལ་རྒྱུ་དང་། མཐར་ཕྱི་ཟླ་ ༣ པའི་གྲོས་ཚོགས་ནང་ལོ་འཁོར་སྔོན་རྩིས་ཐོག་བགྲོ་གླེང་གིས་བཀའ་འཁྲོལ་གནང་གི་ཡོད་པ་བཅས།།

ཨ་རིའི་གྲོས་ཚོགས་ཀྱི་སྔོན་རྩིས་ཚོགས་ཆུང་ཞིག་གིས་ཨ་རིའི་རླུང་འཕྲིན་ཁང་ལ་ཨ་སྒོར་ས་ཡ་ ༦༥༣ སྤྲོད་པའི་རྒྱབ་སྐྱོར་ཁྲིམས་འཆར་བཏོན་འདུག The post ཨ་རིའི་རླུང་འཕྲིན་ཁང་ལ་རོགས་དངུལ་སྤྲོད་པའི་ཁྲིམས་འཆར་བཏོན། appeared first on བོད་ཀྱི་དུས་བབ།.

ཕྱི་ལོ་༢༠༢༦ ཟླ་༡ ཚེས་༡༣ ཉིན། སྐབས་༡༨ པའི་བོད་མི་མང་སྤྱི་འཐུས་ཀྱི་མདོ་སྟོད་འོས་མི་འབའ་པ་བདེ་སྐྱིད་དབང་མོ་ལགས་ཀྱིས། མ་སུ་རི་བོད་ཁྱིམ་གྱིས་ཆབ་སྲིད་ཀྱི་ལས་འགུལ་ནང་ཞུགས་མི་ཆོག་པ་ཟེར་བའི་བཀའ་ཡིག་གནང་བ་སོགས་ལ་བརྟེན། མདོ་སྟོད་སྤྱི་འཐུས་ཀྱི་འོས་མི་ནས་ཕྱིར་འཐེན་བྱེད་དགོས་བྱུང་བའི་གསལ་བསྒྲགས་ཤིག་སྤེལ་འདུག བདེ་སྐྱིད་དབང་མོ་ལགས་ཀྱིས་ཕྱི་ལོ་༢༠༢༥ The post འབའ་བ་བདེ་སྐྱིད་དབང་མོ་སྤྱི་འཐུས་འོས་མི་ནས་དགོངས་པ་མ་ཞུས་ཐབས་མེད་གྱུར། appeared first on བོད་ཀྱི་བང་ཆེན།.

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་མང་མཇལ་ཁྲོད་རྒྱ་གར་བ་གཅིག་ལ་༸སྟོན་པ་བཅོམ་ལྡན་འདས་རྒྱ་གར་བ་ཡིན་པ་དང་བོད་མི་རྣམས་རྒྱ་གར་ནང་བསྟན་རིག་གཞུང་གི་རྗེས་འབྲངས་སློབ་མ་ཡིན་པ་བཀའ་སྩལ་བསྐྱར་ནན་མཛད་འདུག དེ་ཡང་དེ་རིང་ཕྱི་ཚེས་ ༡༣ ཉིན་དགའ་ལྡན་ཕོ་བྲང་ཡིག་ཚང་གིས་སྤེལ་བའི་མང་མཇལ་བརྙན་ཐུང་ནང་།  སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འབྲས་སྤུངས་སྒོ་མང་གྲྭ་ཚང་གི་ཆོས་གྲྭར། བོད་རིགས་དང་འབྲུག་པ་སོགས་དད་ལྡན་བཞི་བརྒྱ་ཙམ་ལ་མཇལ་ཁ་སྩལ་འདུག་པ་དང་། སྐབས་དེར་༸གང་ཉིད་མཆོག་གིས་རྒྱ་གར་བ་གཅིག་ལ་༸སྟོན་པ་བཅོམ་ལྡན་འདས་ནི་རྒྱ་གར་བ་ཡིན་པ་དང་། བོད་མི་རྣམས་རྒྱ་གར་ནང་བསྟན་རིག་གཞུང་གི་རྗེས་སུ་འབྲངས་མཁན་ཞིག་ཡིན་དུས་རྒྱ་གར་གྱི་སློབ་མ་ཡིན་པ་བཀའ་སྩལ་འདུག   མ་ཟད་༸མགོན་པོ་མཆོག་ནས་མཇལ་ཁའི་ཁྲོད་བོད་རིགས་བྱིས་པ་ཞིག་ལ་རྗེ་བཙུན་འཇམ་དཔལ་དབྱངས་ཀྱི་གཟུང་སྔགས་ལྗགས་ལུང་སྩལ་བ་དང་འབྲེལ།  ཨ་ར་པ་ཙ་ན་དྷི་ཞེས་པ་དེ་བཞིན་༸གང་ཉིད་མཆོག་ནས་ཉིན་ལྟར་བགྲང་གི་ཡོད་པ་དང་།  དེས་ཤེས་རབ་འཕེལ་བ་དང་རིག་པ་གསལ་པོ་ཆགས་ཀྱི་ཡོད་སྐོར་བཀའ་སྩལ་འདུག   རྩ་བའི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཟླ་སྔོན་མའི་ཕྱི་ཚེས་ ༡༢ ཉིན་རྒྱ་གར་ལྷོ་ཕྱོགས་ཀ་ཎ་ཀྲ་ཀའི་མངའ་སྡེའི་མོན་གྷོ་འདོད་རྒུ་གླིང་གཞིས་ཆགས་ནང་དུ་རྟེན་གཞི་བྱས་པའི་འབྲས་སྤུངས་བཀྲ་ཤིས་སྒོ་མང་གྲྭ་ཚང་དུ་ཞབས་སོར་བདེ་བར་འཁོད་ཡོད་པ་དང་།  ཁ་སང་ཕྱི་ཚེས་ ༡༢ ཏེ། ༸གང་ཉིད་མཆོག་ཁུལ་དེར་སྐུ་བཞུགས་མཛད་ནས་ཟླ་བ་གཅིག་ཏག་ཏག་འཁོར་བའི་དུས་བཟང་ཁྱད་པར་ཅན་ཞིག་ཆགས་ཡོད་པ་རེད།  དེ་འབྲེལ་ཁ་སང་སྔ་དྲོ་༸གོང་ས་མཆོག་གློ་བུར་དུ་གྲྭ་ཚང་གི་གསོལ་ཐབ་ཁང་དུ་ཆིབས་བསྒྱུར་བསྐྱངས་པའི་གོ་སྐབས་དང་བསྟུན།  གསོལ་ཐབ་པ་རྣམས་ནས་༸གང་ཉིད་མཆོག་ལ་ Cake སྤྲི་གོར་ཞིག་འདེགས་འབུལ་ཞུས་ཡོད་པ་རེད་འདུག The post ༸གོང་ས་མཆོག་གིས་བོད་མི་རྣམས་རྒྱ་གར་གྱི་སློབ་མ་ཡིན་པ་བཀའ་སྩལ་བསྐྱར་ནན་མཛད་འདུག appeared first on vot.

ཨ་རའི་རྒྱལ་ས་ Washington DC ནང་རྟེན་གཞི་བྱས་པའི་ CSIS ཞེས་རྒྱལ་སྤྱིའི་ཐབས་བྱུས་འབྲེལ་ལམ་བསྟི་གནས་ཁང་གི་ཉམས་ཞིབ་པ་བགྲེས་པ་ Henrietta Levin ལགས་དང་སྔོན་ཆད་ཨ་རིའི་རྒྱལ་སྲུང་དྲུང་ཆེའི་མང་གཙོ་དང་བདེ་འཇགས། འགྲོ་བ་མིའི་ཐོབ་ཐང་སྡེ་ཚན་གྱི་སློབ་སྟོན་པ་ Alison Bartel ལགས་རྣམ་གཉིས་ཀྱིས་༸སྐུའི་ཡང་སྲིད་ཀྱི་གནད་དོན་དེ་ནི་བོད་མིར་མཚོན་ན་གལ་གནད་ཆེ་ཤོས་དང་མ་འོངས་པའི་ཁ་ཕྱོགས་ཀྱི་ཐོག་ནས་ཀྱང་བསམ་བློ་གཏོང་དགོས་ངེས་ཤིག་ཏུ་གྱུར་ཡོད་ཀྱང་། ད་ལྟའི་ཆར་གནད་དོན་དེ་ནི་ཆོས་ཕྱོགས་ཀྱི་གནད་དོན་ཙམ་ཞིག་མིན་པར་དེར་རྒྱ་ཆེ་བའི་ས་ཁམས་ཆབ་སྲིད་ཀྱི་ཤུགས་རྐྱེན་ཡོད་པ་གསལ་སྟོན་གྱིས། རྒྱལ་སྤྱིའི་སྲིད་གཞུང་ཁག་ནས་བོད་ཐོག་དང་ལྷག་པར་༸སྐུའི་ཡང་སྲིད་ཐོག་འཛིན་པའི་སྲིད་བྱུས་ཀྱི་སྒྲོམ་གཞིར་བསྐྱར་ཞིབ་གནང་དགོས་གལ་ཆེ་བ་ཡིན་པ་གསུངས་འདུག དེ་ཡང་འདི་ཚེས་ ༩ ཉིན་འདོན་སྤེལ་གནང་བའི་ When Faith and Geopolitics Collide; The Dalai Lama Succession Crisis and the Global Struggle for Tibet’s Future འམ་དད་པ་དང་ས་ཁམས་ཆབ་སྲིད་ཀྱི་འགལ་ཟླ། རྒྱལ་སྤྱིའི་ཆབ་སྲིད་ཁྲོད་༸སྐུའི་ཡང་སྲིད་ཀྱི་གལ་གནད་ཞེས་ཤོག་གྲངས་ ༣༩ ཅན་གྱི་སྙན་ཐོ་དེའི་ནང་།...

སྔོན་དུ་འབྲས་སྤུངས་བླ་སྤྱི་ནས་གཞུང་རྟེན་དགྲ་ལྷ་གནས་ཆུང་ཆོས་རྒྱལ་ཆེན་པོ་སྤྱན་འདྲེན་ཞུས་སྐབས། ཕེབས་པའི་བཀའ་ལུང་སྐོར་གྱི་ཡིག་ཆ་ཞིག་སྤྱི་ཚོགས་ནང་བཀྲམས་པར་མི་མང་ཁྲོད་གླེང་སློང་ཆེན་པོ་བྱུང་ཡོད། བཀའ་ལུང་དེའི་ནང་རི་བོ་དགེ་ལུགས་པའི་སྤྱི་འཐུས་གཉིས་ཀྱིས་འབྱུང་པོས་རྒྱུད་བསྐུལ་ཏེ་ངག་བློ་ཐལ་བས་གང་བྱུང་བྱ་ངན་དང་། ༧གོང་ས་མཆོག་ལ་མཚན་སྨད་ཞུ་བ། ཁ་བ་ལྗོངས་ཀྱི་སྤྱི་དོན་བོར་ཏེ་ཆོལ་ཁ་ཆོས་ལུགས་ཀྱི་འཐེན་འཁྱེར་བྱས་པ་དེ་ནི་སྐྱེ་བོ་ཀུན་གྱི་མིག་གིས་མཐོང་ཆོས་སུ་གྱུར་པ་དང་། ཁོང་གཉིས་ཀྱི་བྱ་སྤྱོད་ལ་བརྟེན་ནས་དགེ་འདུན་པའི་སྡེ་ལ་མཚན་སྨད་ཞུ་བའི་དུས་ལ་བབ་པས། འགན་འཁུར་བ་རྣམས་ཀྱིས་མཚམས་འཇོག་བྱེད་དགོས་ཚུལ་བཀོད་འདུག འོན་ཀྱང་དོན་དམ་པར་སྤྱི་འཐུས་གཉིས་ཀྱིས་ནོར་འཁྲུལ་གང་ཞིག་བྱས་ཡོད་མེད་ཁ་གསལ་མེད་པའི་ཐོག་ནས་ནོར་འཁྲུལ་ངོས་ལེན་བྱེད་དགོས་པའི་ཡིག་ཆ་ཞིག་ཀྱང་བཀྲམ་འདུག ཕྱི་ལོ་༢༠༢༦ The post དགེ་ལུགས་སྤྱི་འཐུས་གཉིས་དང་འབྲེལ་བའི་གནད་དོན་ཐོག་འོས་བསྡུ་ལས་ཁང་ལ་ལན་འདེབས་མེད་ཟུར་དུ་འཇོག་རོགས་བརྗོད། appeared first on བོད་ཀྱི་བང་ཆེན།.

རྒྱ་ནག་ནང་མང་ཚོགས་ཀྱི་ངོ་རྒོལ་ལས་འགུལ་གནས་ཚུལ་ནང་ཐོ་འགོད་བྱས་པ་ལས་མང་བ་འབྱུང་བཞིན་པ་མངོན་གསལ་གནང་བ་མ་ཟད། ལྷག་པར་སྔ་ལོའི་ནང་སྲིད་གཞུང་ལ་ངོ་རྒོལ་ལས་འགུལ་རིགས་ཇེ་མཐོར་སོང་ཡོད་པ་དེས་རྒྱ་ནག་དམར་ཤོག་ཚོགས་པའི་སྲིད་དབང་གི་སྒྲོམ་གཞིར་ཞེན་ཆ་ཡོད་པ་གསལ་སྟོན་བྱེད་ཀྱི་ཡོད་སྐོར་གསུངས་འདུག དེའང་ཨ་རིར་རྟེན་གཞི་བྱས་པའི་ Freedom House འམ་རང་དབང་ཁང་པའི་ཁྱབ་ཁོངས་ China Dissent Monitor ཞེས་རྒྱ་ནག་ནང་ཞི་རྒོལ་གྱི་གནས་ཚུལ་མཁོ་སྒྲུབ་བྱེད་མཁན་གྱི་སྡེ་ཚན་ནས་སྙན་ཐོ་ཞིག་འདོན་སྤེལ་གནང་བའི་ནང་། རྒྱ་ནག་ཏུ་དམར་ཤོག་ཚོགས་པའི་དབང་བསྒྱུར་འོག་གཞུང་ལ་ངོ་རྒོལ་གྱི་ལས་འགུལ་རིགས་སྤེལ་རྒྱུར་ཧ་ཅང་ཉེན་ཁ་ཆེ་བ་དེ་ལྟར་ཡང་། འདས་པའི་ཕྱི་ལོ་ ༢༠༢༥ ལོའི་ནང་རྒྱ་ནག་མང་ཚོགས་ཀྱིས་སྲིད་གཞུང་ལ་ངོ་རྒོལ་དོན་རྐྱེན་ཁྱོན་ ༥༠༠༠ ལྷག་བྱུང་ཡོད་པ་དེ་ནི་དེ་སྔའི་ལོ་དང་བསྡུར་ན་བརྒྱ་ཆ་ ༤༨ ཀྱིས་འཕར་ཡོད་སྐོར་བཀོད་འདུག སྤྱིར་མི་མང་གི་ངོ་རྒོལ་བརྒྱ་ཆ་ ༨༥ ཙམ་ནི་གླ་ཆ་མ་སྤྲད་པའི་དཀའ་ངལ་དང་། ཁང་པ་འཛུགས་སྐྲུན་གྱི་ལས་གཞི་མཚམས་ཆད་དེ་གྱོང་གུད་ཕོག་པ། དེ་བཞིན་གྲོང་གསེབ་ཀྱི་ས་ཆ་བཙན་འཕྲོག་བྱས་པ་སོགས་ཀྱི་གནད་དོན་དང་འབྲེལ་བ་ཆགས་ཡོད་པ་རེད་འདུག སྙན་ཐོའི་ནང་སྤྱིར་ China Dissent Monitor ངོས་ནས་རྒྱ་ནག་གི་སྤྱི་ཚོགས་བརྒྱུད་ལམ་ལ་རྒྱུན་དུ་འཚོལ་ཞིབ་བྱས་ནས་གནས་ཚུལ་དེ་རིགས་ཕལ་ཆེ་བ་བསྡུ་རུབ་བྱེད་ཀྱི་ཡོད་པ་དང་། དྲྭ་ལམ་དུ་མཐོང་ཆོས་སུ་མེད་པའི་གནས་ཚུལ་མང་པོ་ཡོད་སྲིད་པ་མ་ཟད། ཡང་ན་དུས་ཐོག་ཏུ་མ་བཀོད་པའི་གནས་ཚུལ་ཡང་ཡོད་སྲིད་ཅེས་བརྗོད་པ་དང་འབྲེལ།  ངོ་རྒོལ་གྱི་དོན་རྐྱེན་དངོས་ཀྱི་གྲངས་འབོར་དེ་ལས་མང་བ་འབྱུང་བཞིན་ཡོད་པར་ངོས་འཛིན་གནང་གི་ཡོད་ཅེས་གསུངས་འདུག དེའི་ཁྲོད་རྒྱ་ནག་ནང་ཞི་རྒོལ་གྱི་དོན་རྐྱེན་སྐོར་གནས་ཚུལ་སྤེལ་མཁན་ Teacher Li ལགས་ཀྱིས། རྒྱ་ནག་ནང་ངོ་རྒོལ་གྱི་ལས་འགུལ་ཇེ་མང་དུ་འགྲོ་བཞིན་པའི་རྒྱུ་མཚན་ནི་ཡུལ་དེར་དཔལ་འབྱོར་ཉམས་རྒུད་ཀྱིས་སྤྱི་ཚོགས་ལྷིང་འཇགས་མེད་པ་དང་། དེའི་རྐྱེན་གྱིས་གཞུང་གིས་སྤྱི་ཚོགས་ཐོག་དམ་དྲག་ཤུགས་ཆེ་རུ་གཏོང་གི་ཡོད་པ། དེ་ལས་མི་མང་རྣམས་སེམས་པ་མ་སྐྱིད་པ་དེ་བས་ཆེ་རུ་བཟོ་བཞིན་ཡོད་པ་དང། ལྷག་པར་དུ་རྒྱ་ནག་གི་གསར་འགྱུར་བརྒྱུད་ལམ་ཁག་ནས་ངོ་རྒོལ་དང་འབྲེལ་བའི་གནས་ཚུལ་སྤེལ་བཅུག་གི་མེད་པ་མ་ཟད།...

བོད་དོན་ལས་འགུལ་བསྟི་གནས་ཁང་གིས། ཁེ་ན་ཌའི་སྲིད་བློན་མག་ཁཱར་ནེ་ལགས་ནས་རྒྱ་ནག་གི་སྲིད་འཛིན་ཞི་ཅིན་ཕིན་ལ་ཐད་ཀར་བོད་དོན་དང་བོད་ནང་གི་བཅའ་སྡོད་སློབ་གྲྭའི་སྐོར་སོགས་གླེང་སློང་བྱེད་པའི་འབོད་སྐུལ་ཞུས་འདུག The post ཞི་ཅིན་ཕིན་ལ་ཐད་ཀར་བོད་དོན་གླེང་སློང་བྱེད་པའི་འབོད་སྐུལ་ཞུས་འདུག appeared first on བོད་ཀྱི་དུས་བབ།.